［有遊戲齊齊玩］十四歲聽過嘅歌，影響你一生

海明威話過，If you are lucky enough to have lived in Paris as a young man, then wherever you go for the rest of your life, it stays with you, for Paris is a moveable feast。「如果你夠幸運，在年輕時待過巴黎，那麼巴黎將永遠跟著你，因為巴黎是一席流動的饗宴。」。

我呢？年輕時冇去過巴黎，只係去過小巴黎。And I’m not talking about 胡志明市，而係講間越南餐廳。中學成日去。

有位不知名素人外國推友，出左個推，講左個道理，N咁多人轉推同討論．佢講嘅係:你14歲生日時，流行曲榜首嗰首歌，會定義你一生 (defines your life）（呢啲關鍵位我多數引原文，費事自己扭曲咗）

當然玩語意分析的話，其實呢句好似係星座運程咁，「係喎好似好準」，但未必有乜意義。頭半句，14歲生日時流行曲榜首嘅歌，應該冇乜歧義（你點搵返出嚟係另一回事）

但，咩係defines your life? 係可以總結你一生? 對你好大影響? 你會成日聽返? 定點?　咁所以，我就梗係建議大家去玩一次，話我知準唔準　（對，如果係靚女讀者仲會畀我知埋你幾多歲）

鬼記得14歲生日流行曲榜首係乜咩! 就係搵得返的!

http://bit.ly/2svwszp

呢度有由1988年開始嘅紀錄。如果你係1974年前出世就唔好意思啦．

好啦，我就係1978年出世嘅 (公開嘅秘密)，14歲生日係1992年。冠軍歌係　《第四晚心情》，《彎彎的月亮》，《分手總要在雨天》。係喎，我巨蟹座的，海明威都係。

的確，三首歌我都好熟。頭尾兩首仲要成日引返歌詞。但係咪defines my life，唔知喎

如果用「你會好有回憶」「你會好記得」，我諗對絶大多數人都適用。14歲正係青春期，如果我年代多數未拍拖，特別係男嘅。

14歲係中二，正所謂中二病，14歲應該係最多愁善感無病呻吟嘅。升上中學，開始有啲自己嘅獨立空間，同時間，甚至金錢。但讀書壓力又唔會大（中三都仲話要分科或者要升原校）

所以呢啲時間，真係應該最Q得閒胡思亂想，一隻CD或一餅casette （我年代）由第一隻聽到最後一隻，仲拎住本歌詞跟住唱。

果時多數都係冇拖拍，特別男仔。就真係聽咗歌當拍咗拖，手仔都未拖過就當人都鍾意你。然後又係手仔都未拖過就當失戀返屋企聽歌自傷自憐。

你可以話我哋個年代純情啲，又或者可悲啲。但幾肯定就係易滿足啲。喂果時如果（A Big If )班會旅行去沙灘，有個女同學著住一件頭而冇笠T Shirt，己經開心死，J足幾日幾夜了!　而家？三點式係Default 啦。老姑婆搣時都唔著一件頭啦　（當然好多年後發現一件頭先好玩，嘻，後話）

1990年秋。我去完班會旅行 （！），青山灣定咖啡灣，事後成班同學走咗去屯門市廣場 間機鋪打街頭霸王，已經覺得自己好反叛。而家嘅年青人呢？早幾年單新聞係，去完班會旅行成班番屋企坃 5P。陰功，果個年代我地唯一3P就係打吞食天地. 仲要快手霸到部機先得。5P?有女玩，間屋都冇咁大啦！！！

無意話咩道德淪亡或新一代身在不足不知福，我反而成日寫嘅母題係，細細個已經食靜岡蜜瓜嘅，大個咗仲有乜滿足到你？個個中學已經睇四仔口爆潮吹，日本女優風情萬種，大個咗性生活應該有啲失望。成日話，當年阿叔初戀，拖到女朋友隻手都硬足一日咯。而家就越睇越重口味（ＯＫ，呢啲叫年紀大機器壞）

越講越遠，但無論如何，十四歲嘅歌，你應該一定記得。你唔記得嘅，都幾慘，你應該係畀老母困住你日日練琴讀書果啲，「你十四歲時最記得係嗰三首考試歌，同埋個G-flat minor scale」（我學過琴又話你知咩）

但我又不禁諗一句，我哋年代（泛指廿幾至四十幾歲嗰啲，即係你地所有人，嘻）都係幸福啲。我懷疑而家啲小朋友佢地點玩呢個測試？「其實而家仲有冇流行曲榜？」我知應該係有，但唔知我哋唔care，新一代都唔會care咩無線港台商台新城咩榜，人人聽K Pop啦。

又或者根本係我廢老上身，人哋第時測，咪直接睇K Pop榜咯！睇Billboard都仲得! 韓仔剛剛先上咗第一! （http://bit.ly/2sntgWu）