當我見到自己分身出現後，加上阿康事件，我開始控制唔到自己情緒，內心嘅不安感同恐懼不斷湧現，我於是同老闆請咗一星期大假，想好好攪清楚究竟發生咩事。
　
但似乎我呢種擔憂得唔到老婆體諒。
　
「你做咩無啦啦請咁多日假？我地唔係夾好咗之後一齊放假去旅行咩？」同老婆食食下飯，知道我突然拎咗咁多假感到好不滿。
　
「你聽我講，我真係比你講中，我真係惹咗啲事返嚟。」我嘗試解釋。
　
「比我講中？我講過咩？」老婆一臉不屑嘅眼神望住我。
　
「結婚一週年𠴱晚，我同你講過話阿康見到自己嘅分身，之後你叫我唔好理……但係呢家……唔到我唔理，因為我都見到自己分身！」
　
「你又提阿康，我咪同你講過我唔知邊個係阿康呀，𠴱晚食飯我都無聽過你講咩分身，但呢家我話比你聽，如果你無特別事去做，最好聽日返去取消返啲大假，我地明明約好咗！係約定！我唔知你點解可以突然拎假而無問過我囉！」老婆似乎唔係好在意阿康同分身事件，佢在意嘅……只係我啲假期。
　
「你根本就唔明我講咩……總之我覺得有需要請假，啲假期係我，我鐘意點用就點用。」我低頭繼續食飯堅決地說，我亦都知道我語氣帶住情緒，講呢句說話等同於同老婆反面。
　
老婆聽後，飯都唔食，一言不發咁走入房，並大大力關門，一切都如我所料。
　
大廳內只有我一個人在煩惱，面對住眼前嘅飯菜，我都無哂胃口了。
　
第二朝早起身，發覺床邊老婆已經返咗工，一個人突然請假，實在無任何計劃準備點樣過呢段日子。
　
打開whatsapp，臉色沉一沉，原來老婆Send咗個Message比我話去娘家住一排先，專登講明「等你放完大假先返」，我放低電話頓時感到無奈，本身關係好地地，如今突如其來發生呢啲事，令到我同老婆關係變差，都唔知為咗咩。
　
呢段放假日子我無出過街，一直留喺屋企，一方面我唔想出去撞到分身，希望件事過咗一排會自然消失，另一方面我一直搵出阿康消失嘅事，亦搵咗我最好朋友Eric幫手，因為佢不嬲都好聰明，亦都係一個科幻小說作家，都想佢比下意見我。
　
我將成個經歷講哂比Eric聽，雖然佢都識得阿康，但佢都零印象。不過佢仍然相信我，仲好興奮咁話呢個係一個唔錯嘅題材，絕對要讓比佢寫。
　
「假設阿康真係生活咗廿幾年，製造咗好多回憶比我地，但突然之間，所有人都唔識得佢，佢存在嘅證據亦都消失埋，咁……係一個集體失憶事件嚟喎？但問題係，點解得你記得阿康，照道理你應該都唔會記得佢架！」Eric問。
　
「我都唔知，我只係知道喺大家唔記得佢之前，我見過阿康，而阿康同我講見到分身，同埋佢會死……」
　
「咁即係話，阿康識得嘅人，最後接觸𠴱個人就係你，亦都只有你對佢仲有記憶，可能呢個就係其中一條Rule。」
　
「咁我可以點？阿康究竟去咗邊？」
　
「咁真係唔知，可能佢仍然存在，但唔可以搵我地，亦都可能已經比人殺咗，比人埋屍都唔定。你估年年咁多人失蹤，真係有幾多人比你搵得返佢地條屍？話唔埋十年八年後就會喺某個地方搵到佢條屍。」
　
「咁我呢？我同阿康一樣都見到分身！照你咁講，我係咪都會被失蹤？我會唔會死？」
　
「冷靜啲！你唔好以為我真係咩都知先得架，我都係估之嘛。總之你呢幾日請咗假就唔好周圍走，可能你自己有幻覺呢，咪當放個假比自己抖下囉。」
　
我一臉苦惱咁托住個頭，無奈地說：「唉，唯有咁。」
　
「反正我呢排無嘢做，有咩事實幫你手。」Eric拍一拍我說，聽到呢句說話亦都為我打咗支強心針，總算呢個世界有人明白我。
　
夜晚，阿媽上嚟探我，我知道佢嚟嘅目的係咩，佢一定知道老婆返咗娘家而擔心我自己一個。
　
「仔，好地地點解要攪到咁呀？」阿媽苦口婆心咁勸我。雖然我好想將成件事講比佢聽，但我只係得返呢個阿媽，喺我十歲𠴱年阿爸交通意外死咗，之後我同阿媽兩個相依為命，如今佢年紀已經大，我都唔想講呢啲事情令佢更加擔心，因為阿媽係𠴱種少少事都過份擔心嘅人，如果比佢知道我見到分身，佢一定會晚晚瞓唔住。
　
「我地無嘢呀，過埋聽日我都放完假，到時佢就會返嚟。」不知不覺間我都放咗一星期，呢幾日都一切如常，無咩特別，睇嚟分身呢個問題真係我諗多咗。
　
「係就最好，結咗婚就要聽哂老婆話，你估好似阿媽我咁下下都就住你鍚哂你咩，你聽日好哄返老婆喇。」說罷，阿媽就放低一堆物資，幫我呢個屋企執頭執尾，雖然每次我都話唔洗執等我地嚟，但佢仍然都會幫我地執屋。
　
送完阿媽走之後，我都Send咗個whatsapp比老婆，同佢講後日就要返工了，聽晚叫佢返嚟，我會親自下廚煮餐好嘅比佢食，而呢個晚上我仲好興奮咁上網睇Youtube學廚，其實呢種安穩生活都已經好滿足。
　
直到第二日嘅下午四點鐘，我出咗去街市買咗一堆老婆鐘意食嘅嘢準備返去。去到樓下門口，由於我拎住幾袋餸無手開門，所以示意看更阿叔開門比我。
　
當個看更阿叔開完見到我時侯，不禁講咗句：「你咁快又出咗去買嘢嘅？」
　
我笑說：「吓？我岩岩先返嚟喎，係咪認錯人呀？」
　
「唔係呀，頭先幾分鐘先見你返嚟，我仲同你打聲招呼，不過你望都無望我就走咗，我以為你聽唔到。」
我聽完後個心離咗一離，腦海只係諗到「看更叔叔會唔會見到我個分身？」
　
我腳步浮浮咁慢慢行去升降機門，然後按制關上。
　
我吞一吞口水，冷汗都標哂出嚟，如果分身嚟咗，係咪代表我要死，我係咪會比佢殺？點解過咗咁多日都唔肯放過我？
　
升降機到了我住嘅樓層，我深深吸一口氣，然後冷靜地踏出去，我視線一直望住我門口。
　
我拎出鎖匙慢慢打開道門，但當我插條鎖匙入去時，發覺門根本無鎖，我隻手一路震，究竟係我出門前唔記得鎖，定係有人嚟過？痴線……我完全記唔到。
　
我放低手上幾袋嘢，然後慢慢輕步咁踏入屋內，一步一步咁搜索一下。呢個時侯我感受到我嘅心跳快到就快爆炸一樣，每行一步我都感到好用力，亦感受到死亡帶比我嘅恐懼。
　
我先到廚房一望，再拎咗把刀旁身，然後再慢慢搜索屋內每一個地方。
　
廚房、大廳、書房、主人房、廁所……都無任何發現，我慢慢坐喺大廳，雖然分身唔喺到，但心跳仍然跳得好快，內心不安感覺我就算點壓抑住都不斷湧出嚟。我望住眼前空無一人嘅屋內，但我完全感受到「對方」存在，佢一定喺我附近，望住我，然後恐怖咁對我笑，一直等緊一個機會殺死我。
　
夜晚八點，老婆返嚟了。佢見到門開住，兩袋餸放置喺門口，以為有咩事即刻衝入屋睇，點知見到我一個人拎住把刀呆呆坐喺到，燈亦無開，屋內一片黑暗，嚇得老婆大叫。
　
「你究竟喺到攪咩嘢呀！」老婆開燈大罵。
　
我回過神，即刻將門關上，然後捉住老婆口震震咁講：「我覺得我會死！我一定好似阿康咁會被消失！」
　
「你唔好再同我講阿康阿康呀！你醒未呀！從來都無阿康呢個人存在呀！」
　
「有呀！佢存在呀！全世界得我一個知佢存在呀！Eric話呢個係其中一條Rule！我最後見阿康，所以得我先有佢嘅回憶！」
　
「你係咪痴咗線呀！工又唔返！呢家好似痴線佬咁拎住把刀喺屋企！你有病係咪要睇下醫生呀！」
　
「我無病呀！你……你究竟明唔明呀！」對於老婆不理解，我感到非常鼓燥。
　
「我真係唔明，我亦都無咁好氣對住你。」說罷，老婆就開門離去。
　
屋內，再一次只有我一個人在煩惱，我放低把刀，慢慢跪喺地下喊起上嚟，我實在好大壓力，我比呢啲事逼到真係抖唔到氣……究竟邊個可以救我？
　
𠴱晚之後，我無返工，亦都無出過門口，一直持續咗兩星期，而且我已經好多晚都無瞓過覺，因為我覺得每當我閉上眼瞓覺時侯，就係比分身殺我嘅好時機，所以我一直拎住把刀呆呆咁坐。亦都因為咁，我身體差到頭昏腦脹，個人情緒變得好急燥，雙眼通紅，一臉憔悴，就好似一副就死嘅樣咁。
　
當我喺塊鏡見到自己咁，我又諗起見到分身之後代表離死亡不遠，每當諗起呢樣，我情緒就更崩緊更失控。就好似鏡中嘅自己不斷同我講：「拎把刀斬死自己～斬死自己！」
　
晚上，老婆終於返嚟，佢一臉關心咁問侯我身體狀況，我實在忍唔住，我真係忍唔住，我喊住口同佢講我真係好驚會死，我真係識得阿康，我真係見到分身……
　
老婆聽完後態度一反常態，不斷點頭，然後安慰地說：「我信你！聽日我請咗假，我地一齊出去旅行散心好無？」
　
我聽到老婆咁講，我心中嘅壓力突然掃清一半，呢兩星期生活根本唔係人過，如今有個至親嘅人表示體諒我嘅心情，我真係覺得非常開心。
　
老婆摸一摸我額頭關心地說：「你睇下你，鬚又唔剃，你呢排身體一定好差，飲杯水先，然後去沖過涼，出嚟就有得食。」老婆比咗杯水我飲。
　
飲完後，老婆就去咗廚房煮嘢食，而我就喺房到拎衫褲……之後唔知點解突然無任何意識。
　
「……」
　
好累。
　
我好累。
　
我幾多日無好好咁瞓過覺？
　
我呢家喺邊？好舒服，好想再繼續瞓落去。
　
「請問你係咪……家人……佢有冇精神病紀錄？」
　
好嘈，係邊個講緊嘢？
　
我慢慢張開雙眼，只見燈光好殘眼，我正想用隻手遮掩一下雙眼時，發現我雙手被綁，連雙腳都綁起，原來我瞓住喺張病床，身旁嘅醫護人員一直推住病床，而我老婆邊走邊望住我。
　
我望住老婆急問：「呢度邊到嚟？佢地做咩綁住我呀？」
　
「老公，你有病呀！你病得好嚴重，所以我專登落藥，等你可以嚟呢度醫，我聽人講呢度醫生唔錯架！」老婆哭著說。
　
「我有咩病？我醫咩呀？我……」我話未說話，我見到自己分身一直企喺遠處望住我恐怖地笑。
　
我隨即大叫：「放開我呀！個分身喺到呀！放開我呀！」我不斷掙扎，作出激烈抵抗。
　
老婆再對身旁醫生講：「醫生，佢又講分身，究竟佢點先變返以前咁……？」
　
醫護人員將我推到一間病房，然後個醫生激動地對住我講：「李生！你冷靜啲先！呢度無人害你！我地只係想幫你ok？」
　
「唔好再綁我！我無病呀！」我癲咗咁大叫。
　
「我地可以唔綁你，但你千其唔可以傷害自己同其他人得唔得先？」
　
「得！得！快啲！放咗我！」說罷，醫護人員真係幫我鬆綁，然後醫生示意我留喺到。接著醫生同護士拉埋老婆埋一邊細聲說，不時望向我。
　
我隱若聽到醫生對身旁嘅護士講：「同我開支鎮定劑……」
　
我知道我再咁落去，佢地一定會再整到我瞓著，個分身亦喺出面……佢一定趁呢個機會殺咗我。於是我即刻奪門而出，唔理任何人阻我，我都離開呢度。
　
各人見到我走，紛紛大叫：「李生！李生！喂！唔好比佢走！」
　
我不斷推開阻我嘅人，過程之中推倒唔少藥物手推車同病床，場面一度混亂。我沿後樓梯一直落去大堂，當我踏出大門後，我回望一下，再一次人群之中見到自己分身喺遠處一直望住我，我就更加要走。
　
我望一望附近周圍，原來呢度周圍都係山坡，只有一條馬路落去，我隨時沿住馬路向下跑去。
　
跑咗大約100米，已經聽到背後充滿車聲同人群雜聲，佢地應該揸車追緊我，再咁落去我遲早都比人捉返。
　
就係呢個時侯，突然有架車停咗喺我身旁，一望之下，原來係Eric。
　
「上車喇！仲望！」Eric緊張地說。
　
我亦隨即上車，Eric亦踩油向下去。
　
「點解你喺度？」我緊張地問。
　
「你老婆通知哂成班朋友想嚟探你，話希望對你個病有幫助，我收到呢個訊息就知你老婆實捉你入院。」
　
「我無病呀！痴線！仲有……我見到自己分身！佢一直喺後面追住我！」我急著對Eric說。
　
Eric突然停低架車，一臉驚訝地望住前面說：「唔係……佢喺前面。」
　
我將視線望返前面，只見我分身企喺路中心，充滿殺氣地笑住對住我地。
　
「你信喇！真係有我嘅分身！」我指住分身大叫。
　
Eric吞一吞口水，然後說：「咁呢家點算？」
　
我望一望分身，再望一望Eric，然後捉緊佢手說：「撞埋去！撞死個分身！撞埋去呀！」
　
Eric望住我驚訝地問：「撞埋去？殺人喎！」
　
「佢擺明唔係人嚟喇！撞埋去呀！如果見到分身就代表我會死，咁呢家唯有殺咗佢先！」說罷，背後嘅車聲愈嚟愈近。
　
　
「屌！死就死！」Eric毫無懸念地踩盡油將架車一直衝前，瞬間將眼前嘅分身撞倒，撞擊一刻，我頓時感到極大衝擊，一下子將我意識打斷，我地一直衝前，不但撞上欄杆，仲一直衝落山坡，穿入樹林……天旋地轉，我亦被彈出車外，一直滾動落去。
　
然後就暈了。
　
「……」
　
「……」
　
大概唔知暈咗幾耐，我張開雙眼，眼前只一堆樹蔭，將天空遮掩，但隱若可以辨識得到天色應該係黃昏時侯。我慢慢郁動一下手腳，然後慢慢起身，雖然身體唔少地方擦損，但慶幸總算無咩大礙。
　
我望望周圍，發現自己置身於樹林之中，我慢慢諗返岩岩發生咩事，大概我同Eric連人帶車衝咗落山坡，我頓時醒起Eric，於是企起身周圍搵下佢喺邊，一路行一路都好小心唔好比醫院嘅人發現。
　
由於樹林嘅樹生得好茂盛，我一時之間都唔知條路點行，但我搵極都搵唔到我地架車，亦唔見有任何撞車痕跡，彷彿好似現場咩都無發生過咁，我一直沿住山坡爬到上馬路，我印像中我地撞車係撞穿欄杆，但如今卻完整無缺。
　
呆呆咁諗咗陣，我順勢叫停咗架經過嘅的士。
　
我決定返咗屋企先再作打算。因為如果Eric有咩事，我估班差佬都好快搵上門，不如趁呢段時間返屋企抖下。
　
我有啲擔心Eric情況，於是拎起手機打比佢。
　
電話好快接通了，但傳來嘅係一把細路仔嘅聲音。
　
「喂～邊位搵爸爸？」
　
我支吾以對咁問：「呀……唔該搵Eric。」
　
「喂～搵邊個呀～？」突然細路背後有人搶了電話「唔好玩電話，等媽媽聽。」
　
「喂？搵邊位？」對方嘅媽媽接咗電話。
　
我再一次問：「我想搵Eric。」
　
「你打錯喎，無呢個人。」
　
「哦……唔好意思。」收線後，我一臉黑人問號，明明呢個電話係Eric，點解會有個細路同女人聽？
　
之後我想打比老婆，打一按電話入面老婆介面時，諗起佢今日捉我去醫院……都係唔好搵佢住，廢事佢又癲起上嚟捉我返去。
　
不知不覺，的士到咗我屋企樓下。
　
當我一落車時侯，突然覺得有種違和感覺，發現今晚濃霧特別強，明明夏季而且最近完全無留意到有濃霧出現跡象，感覺整個環境都陰陰沉沉咁。
　
我行到門口，按了密碼，但門口密碼機一直顯示輸入錯誤。
　
「明明密碼係721831，做咩係咁錯？又會咁岩今日改咗密碼？」
　
由於我一直輸入錯誤，看更都忍唔住走過黎幫我開門，然後問：「咩事架？」
　
我心諗問我咩事？不過我都係第一次見佢，唔識我都唔出奇。我禮貌地指出：「我住9樓E。」說罷，我就急腳行前，個看更都感到奇怪但仍然由我行去。
　
當我到達9樓E時，我視線見到自己屋企道大門唔同咗嘅？屌，原來我去錯樓層，於是順勢走去後樓梯，但當我行咗幾步路後，我再回頭望一望個樓層，顯示係9樓。
　
我呆一呆，然後再走返出走廊，的確呢層係9樓，我眼前嘅的確係E室，無行錯呀？做咩有人換咗我道門？
　
由於連個鎖頭都換咗，所以我唯有按鐘。數秒後，有個阿伯走嚟開門，見到我一臉唔耐煩咁問：「咩事呀？」
　
「咩事？你邊位呀？做咩喺我屋企呀？」我激動地問，頂佢個肺！霸咗我屋企態度仲咁串？
　
阿伯見我都起哂鋼，於是同我互罵：「咩你屋企呀！你邊位呀！」
　
「我……」我視線望一望阿伯背後，發覺屋內嘅裝修同傢私都完全唔同，亦都唔可能一日內容換哂佢，即刻話呢間屋的確唔係我所住嘅屋。
　
「屌你老味……」說罷，阿伯就大力關上門。
　
我無奈咁望住道門，然後再望望樓層，究竟發生緊咩事？
　
當我落返樓下時，個看更再一次用疑惑嘅目光望住我離開。既然唔清楚咩事，唯有去住阿媽屋企先，但銀包岩岩搭完的士都無哂錢，於是走到附近櫃員機㩒錢。
　
但我入張卡時，隨即彈返出卡出黎，不斷入又不斷彈返出黎。後面排緊隊嘅人開始鼓燥，於是我用手機qr code試下入唔入，但手機顯示戶口名稱和密碼錯誤，攪咩呀？
　
於是我拎埋其他銀行戶口卡出嚟喺唔同自動櫃員機拎錢都無用，所有卡都無效。
　
正當我無感到巨大無助時侯，電話響起了。
　
電話裡出現咗一個陌生嘅電話號碼，我即刻接聽。
　
「喂？」我問。
　
「阿哥，阿爸問你幾時返，洗唔洗留定餸比你？」電話裡頭出現一把陌生嘅聲音。
　
阿哥……？阿爸……？究竟發生咩事？
　
第二回完1
《待續》
　
＊＊＊＊＊＊＊＊＊＊＊＊＊＊＊＊＊＊＊＊＊
今次打咗好多字，用咗好多時間 ＝」
　
希望大家比like或share或多多留言給予支持
你地既like 就係我寫作動力～大家要瘋狂留言呀～
　
記得follow ig：https://www.instagram.com/homing0624/
　
我嘅網店：https://homingming.boutir.com/
買書多多支持我 ／。＼無書無收入

#名古屋親子遊 Day 1 & 2 （名古屋中部國際機場/浜松)

扶老攜幼，東西非常多，怕租車塞不入，挑戰用兩個大喼塞進4個人的東西，另加一個手提箱放4件羽絨，幸好一早整理了小鬼清單，跟著收拾就可以，奶奶也有很多東西要帶，防寒物品，藥物，營養品，曰用品，摺疊水煲，今次就忘了帶暖水壺，臨時找地方買。日本算是比較易買東西，但幼兒長者物品，可能要立即用，不能等，帶著一老一嫩，行動緩慢，想買也未必有時間去，還是自己帶最好，要盡快整理一個奶奶清單，方便下次去旅行。我也有一個自己的清單，簡單容易，跟着收拾不會漏。

早上出發，到達名古屋巳是晚上9時，為免奶奶太辛苦，第一晚就住在機場的 Centrair Hotel，在機場出關後，室內步行約200米就到，不用坐接駁車或在室外走動（有老有嫩又有行李，保持在室內活動，無障礙通道是非常重要的）樓下有便利店，而且房間大，有3人房，浴廁分隔，熱水夠熱，水壓夠勁，內装較新，早餐也好吃多選擇，雖然較貴，要$1800（其他機場酒店約$1000），但物有所值。晚餐在 lawson 買了飯糰、零食和啤酒，簡單卻好好吃，很日本的感覺。

第二天吃完早餐，10時退房（不是一般的12時），先給租車公司打電話，讓他們開車來接，由酒店去P1 停車埸接洽點約200米，帶著行李和老嫩都不難；今次選了 Budget 來租車，4人加行李再加從東京來看我們的朋友，7人車才夠，選了Toyota 的 Wish, 坐6人後，收起一椅還可以放2大喼2小喼和1旅行袋，比想像中厲害。

扶老攜幼租車自駕最方便，行程更有彈性，不用趕火車時間表，不用上上落落，不用跟人迫，點到點，奶奶累了可在車上休息，在名古屋市內也是自己開車，名古屋出名是 Toyota 車厰大本營，Toyota City 泊車不難，車位也多。

強力推介大家用日本的 Jalan 酒店網來租車，像格價網，現在6整天，租車費 40,000円（全保），同一車款在 Toyota 官網要7萬，Budget 官網也要5萬，BB車椅1000円6天，不貴所以沒有自己帶，日本法例規定嬰幼兒要坐適當的BB車椅，租 ETC ( 像 auto toll?) 要300円但非常值，高速公路費賣單16,000円，油費3000円（超便宜）！ 日本交通費不便宜，加上我們去了浜松，平均每天hk$600，4人不算貴了。

Jalan 主力是宿泊，溫泉旅館之類的日式住宿，比 Agoda, hotels.com 之類更多選擇。

香港機場有段小插曲，由曼谷到香港的飛機延誤，轉機時間只剩30分鐘，但奶奶走得慢，唯有坐機場內的付費接駁車， 70港紙一位，3分鐘車程共$200，超貴！飛機延誤，轉機時間緊迫，但奇怪是沒職員在機門外協助我們轉機，搞得非常狼狽😅 早一班機早3小時，要5點出門，對奶奶和小鬼來說太辛苦，若有直航一定坐直航，但一星期前才定位，也不能強求了。

浜松不像其他旅遊點般出名，跟2.5小時外的白川鄉沒得比，但我們都很滿意，很適合親子遊，可以車來車去，點到點，奶奶不愛人多擠迫的地方，浜松人不多，輕鬆寫意，最出名吃鰻魚飯，奶奶最愛之一。

機場出發，開車約1.5小時，即去吃鰻魚飯，うなぎ加茂，極好吃，奶奶讚不絕口，差不多一個人完食，胃口大好！菜牌只有日文，零遊客，獨沽一味，鰻魚炭香滿室，肉質鮮嫩，醬汁不會太濃甜，鰻魚才是主角，不是醬汁，真正鰻魚的感覺。

吃飽飽出發到旅館，選了星野的溫泉旅館，明天再續。

有人會說，為何那麼辛苦，都要扶老攜幼去旅行，還有小鬼太細，也不會記得什麼；不如大家從另外一個角度看，小孩能給父母或長輩，最好的禮物，就是回憶，一起去旅行，那個美好的回憶，是共同擁有的，看回照片，小鬼也會知道，和嫲嫲一起去過旅行，一起去過探險，一起去過吃好東西，一起歡笑過，快樂過，他是在嫲嫲的愛中成長，回憶最無價。

Centrair Hotel
1 Chome-1 Centrair, Tokoname, Aichi 479-0881, Japan
+81 569-38-1111
https://goo.gl/maps/MYURuebsJ6i8WZvV9

Jalan 日文版 （租車）
https://www.jalan.net

Jalan 英文版
https://www.jalan.net/en/japan_hotels_ryokan/?cc=eng_banner_SP

Budget Rent A Car
https://www.budgetrentacar.co.jp/sp/en/

うなぎ　加茂　
791-8 Mikkabicho Tsuzuki, Kita Ward, Hamamatsu, Shizuoka 431-1402, Japan
+81 53-526-2428
https://goo.gl/maps/RBut9pcLN7P5f5fr5

巴西柔術
https://www.facebook.com/btbjj/

#小鬼去到酒店總係忙於打電話
#一早已掹甩電話線
#日本野好啱小朋友食
#除咗小量零食冇帶其他食物
#去旅館途中相公去咗巴西柔術店買嘢
#扶老攜幼雖然辛苦但非常值得

這一天，阿生約了一位好朋友晚飯。她在澳洲工作了一段頗長的日子，趁復活節假期回來香港，探望家人和朋友。阿生來到一間西餐廳門外等待，在茫茫人海裡終於見到她，她穿了一件綠色的毛衣和披着米色的圍巾，卻着上熱褲和長靴。「好久未見，可以進去了嗎？」

阿生突然記起有份禮物遺漏在家裡，但已經沒辦法了，只好裝作那份禮物不存在。「好肚餓呀！」朋友很快就點了餐，他卻在猶豫，為免麻煩他隨意向侍應點選餐牌上的六號。

「適應了香港的節奏嗎？」阿生問。

「當然，回到自己的家，好多事情都不用煩。你呢？有沒有很掛念我呢？」

「好掛念你，還用說嗎？」

「我買了手信給你，」她從手袋中拿出了一個盒子，「其實不是買，我在那邊跟一個藝術家朋友學製的。」

阿生打開盒子，裝了一塊銅板，上面鐫了一幅風景畫，有天有海有船有屋：「很多謝你！是一份很有意思的禮物。」

「不是太難弄的，但需要一部機器，可以一次製作很多張。」不是唯一一張？他心裡有絲毫失落。

一個身高超過兩米的侍應把湯遞來，笨手笨腳把湯打翻了，濺在阿生的褲上。他馬上彈起來，用餐巾拭抹。

「先生不好意思，有沒有燙到？」朋友也站起來，看看阿生有沒有事。

「沒事，」阿生見他已慌張到不能，也罷了：「我到洗手間清潔一下。」

然後，阿生來到一間文具精品店門外，同樣是夜晚，紅色的招牌非常耀眼，是一座四層樓的建築。婷婷一支箭就奔進去了，他不得不上前追趕，同時發現跟他一起追上前的還有一個女人，是長髮的，不是昭儀。

阿生推着購物車在這間奇怪的大超市中行逛，那女人牽着他的手，讓他很不自在，難道這是他夢中的妻子嗎？如果他悅納這隻手，不就是對昭儀不忠嗎？再看看，婷婷沒有感到見外，也沒有稱呼她作媽咪。算了，一切順其自然。

然而這個地方的規模實在令阿生大吃一驚，明明是個賣紙筆等文藝用具的地方，但產品的多樣化非常誇張，單是白畫紙的分類就可放滿三個貨架，黑色墨水筆有過百個選擇。但他們要來買甚麼呢？阿生毫無頭緒，思緒錯亂得太嚴重，他只好跟隨這個女人。她問：「哪種卡紙比較好？」可是阿生完全看不出兩款有甚麼分別，「就這一張吧。」女人就拿了五至六張卡紙放進購物車。

他們乘升降機上了一層，婷婷又直奔出去，跑到一個貨架前，抱出四包扁扁方方的東西：「爸爸我要買這個！」阿生一看，原來是紙黏土，四包加起來份量很重：「婷婷，非不要在這裡買嗎？」

女人答道：「這個牌子在別處很難買得到，而且使用上來又比較方便。」無知的阿生唯有把紙黏土放入車內，之後女人又選購了幾樣東西，阿生後來也記不起是甚麼，只知道靠近收銀台時，他向女人問了個怪問題：「真的可以買這些紙黏土嗎？帶到上飛機會不會被人誤會是炸藥？」

「不會吧。寄倉時被檢查過就沒事。」

為甚麼我會這麼問，我現在是旅行嗎？這個問題從哪裡跑出來呢？是了，朋友還在餐廳等我，我怎樣可以回去呢？阿生疑惑的同時，還差三個人就輪到他付錢，但他沒機會了，轉眼已來到一個「末日」。為甚麼他知道是末日呢？他也無法解釋，但他預知接下來要接受上帝的審判。他走進一座摩天大樓裡，四圍的人都在奔竄，卻不知走往何處。而他清楚自己要乘搭升降機，上到一個不知名的樓層，門打開後像是百貨公司的服裝部，甚麼人也沒有。阿生見到不遠處有道防火門，隨即靠着緊急逃生梯往上跑，因為夢的設定通知他快沒時間了。阿生邊走邊想：要有心理準備下地獄了。

他又來到一道升降機門前，門打開，他就出去，來到一個既漆黑又光亮的房間，漆黑是因為看不清房間有多大，光線卻沒有光源般從上面透下，不見有天花，地上鋪滿黑色的石春。阿生在踏上去的一刻才發現自己是赤着腳的。黑石聚集成小丘，他戰戰兢兢地往高處走，凝視光芒。

「你可以來到我的樂園。」上面傳來一把聲音，他聽得出是這個意思，是上帝嗎？其他人怎樣？昭儀、婷婷和朋友們都得救了嗎？為甚麼只有我一個來到這裡呢？無數的問題湧上心頭，但阿生知道在上帝面前必須緘默，而且他亦有幸不用下地獄，於是做了一個現實生平第一次做的動作，跪下來，俯伏敬拜上帝。

=====================================

我是作者。《地球另一端》是作者第一本小說，於2015年10月上架，以庫德族私人武裝打擊伊斯蘭國(IS)為題材，講述兩個男人靈魂的交織。一年來宣傳不足，銷情慘淡，現在網上連載第一章，希望能讓更多人認識我的作品。各位讀者可往各大書局查詢採購，或留言訂閱，我正計劃以郵寄或親身交收等方式售書。
喜歡我的作品的話，請你分享出去吧。這條作者路能走多遠，我不知道，第二本小說《捉姦》也會繼續寫，但能否成書還看讀者的回應。盡力而為吧。

作者