【龔成問答信箱】（Q17861-Q17880）

Q17861：

老師，我已睇完你的書 5年買樓4部曲，獲益良多！

近期我不停睇樓，想買入一個荃灣單位，樓齡都有34年。 我打算先自住，再放租 ，實用306呎，大概490萬。 呢個地區，呢個價錢，會買貴左嗎？

另外討價還價的技巧真的好難！ 書本中有教授到技巧，但是現實中的人都唔會肯點減，又或者佢哋本身mark up左先放售。

如果跟書本的教，先壓到佢合理價再低15-20%，好想會有點太多！對家可能覺得你玩嘢 甚至冇心買。

係呢方面我仲未掌握到，應該點做呢？
謝謝老師

龔成老師：

我無研究當區，因此無特別意見，你最重要是睇翻銀行估價、近期市場成交價、租金回報率。

你照跟書的方法去做就得，書的目的是「找出一個心急」的業主，但有時真的會找不到，所以，你首先要大量睇樓，這就會增加你遇到心急業主的機會。

另外，書的技巧是大方向，但每個業主的心態都不同，有時你要靈活運用，其實書的方法已盡力幫你壓低價，但當市場上、現實上，業主們都無大減，就真的無法，你只有調整策略。如果你擔心15%-20%太多，就試10%。

總之，大膽還價對你是無損失的，你要明白這點。書中的方法，是盡量令你買到平野，有時未到你的目標價，但在策略上，可能已比你無用技巧時平左。

------------------------------------------------

Q17862：

老師你好，我買的股票 全部都跌
1288， 51000股 平均價3.38
5，4000股 平均價47，
分別係57，47，37入，
之後如果再跌仲應唔應該買？

3988，47000股 平均價3.31
857，30000股，平均價5.00
1398，10000股 平均價5.00
3175，10000股 平均價價4.40

股價蝕左廿萬
老師 你可否給我一些建議，
有咩辦法補救？

本人31歲，月入2萬，儲左11年錢，全部錢都買哂股票。跌到心慌慌。
請老師指點一下。

龔成老師：

第一，你太集中在銀行股，任何一個行業都唔應該持有太多，而銀行業的賺錢能力比過往減左，因此你唔好再增持相關股。

你最大的問題，是組合沒有平衡，可能你只見某些股跌就買，但跌不等如平，建立長期的組合更重要，而組合要有不同的類別，當然較優質的會佔比較多。而你組合只是銀行與石油，都不是最最優質的行業。

你慢慢調整翻個方向。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17863：

龔成老師你好，我今年28歲是一名空姐，現在月入不穩定，現在只有10幾萬現金，對股票之類沒有知識，我應該從那裏開始入手？謝謝你

龔成老師：

如果這刻收入不穩，就暫時唔好太進取，要留翻適當的現金先。

最多投資$3萬股票，餘下的留現金，等你收入正常先。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你暫時可考慮盈富（2800）。

到日後收入正常及有多少少投資知識，可同時考慮：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17864：

想問吓其實個市盈率準確嗎，因為看似10倍很抵，之前講大跌市去到大約12倍都話已經通常接近低位

龔成老師：

市盈率是其中一個分析方法，不是唯一的分析方法，另外，要同時對企業作分析及估值調整，唔能夠只盲目去用。

另外，我地計算估值，是計算平貴，不是分析走勢，所以，有時股價跌到合理區中下部，已見底上翻，有時則去到平先上翻，有時跌到平，仍可以再跌，要長遠先慢慢上翻。你要明白這點。

------------------------------------------------

Q17865：

阿sir午安呀，我剛同保險agent朋友傾起自己一份已經供滿十年的基金單

有1x%增長

當中有亞太區基金同中國區,佢覺得中國區成長前景欠佳，建議我轉去北美區，我自己唔識所以想請教下你

龔成老師：

中國經濟中短期有可能較波動，但長遠來說，仍是一個不差的經濟體，因此，就算繼續投資中國，都是一個不錯的選擇。

如果你想平衡，可以將其中一半轉去北美區，都是一個不錯的策略。

------------------------------------------------

Q17866：

老師你好，感謝你教導及無私分享
本人並不善於投資，但以住只聽及跟朋友買股票至嚴重損手，至最近認識老師你才開始學習

1）多年前聽朋友講在$1買入470000 股的 661
但現在跌倒只有$0.048
白白放了幾年，

2）現可隨時放嗎？

3）想轉中電/地鐵/領展(有一手在上市時抽到的)那隻較合適？感謝，祝身體健康，長揾長有

龔成老師：

中國大冶有色金屬（0661）質素不好，賣出是較好的做法，或者你可以現價先賣出一半，餘下就等佢上翻D先賣出，如果過一段時間都無升，就照賣。

你長線持有無質劣的股票，只要浪費了該筆資金的增長力。

另外，你可以考慮領展（0823）、港鐵（0066），這都是有質素的，你都可以投資。

------------------------------------------------

Q17867：

龔成老師你好....我有2隻股票都唔捨得放手 334 華顯重貨160000股 0.87買 已經忍痛放咗80000股

仲有5號仔$64⋯⋯我宜家應該點做，全部轉碼定係繼續持有呀⋯⋯感謝幫忙

龔成老師：

華顯光電（0334）賺錢能力有下跌情況，無論毛利率及純利率都持續轉弱，以佢現時的經營情況，相信股價處於現價較合理，要上翻去未必易。

你可以觀察多1年，睇下業務有無改善，到時先決定是否賣餘下的股票。

至於匯控（0005）賺錢能力與增長力的確弱左，但又未去到完全無質素，近期股價受壓，除左佢經營環境影響，佢派息問題都是因素，因為市場一向理解這股是「收息股」。

我從股息角度分析這股。

相信長遠是收息股，但股價增長就有限。可以先從佢近年唔派息及財務情況分析。

首先睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。

所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。

停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。同時不能持有太多。

------------------------------------------------

Q17868：

老師，你好，我本身不太懂投資知識，而本身我比較慳家，只會存現金，出來打工7年啦，有4至5年是半工半讀學位

所以那幾年每個月要存5千蚊學費，所以現時大約有20萬港元，我還有一份還有一年就會供完的saving，每年供2千美元

供5年就會滾存利息，而身邊的人多數做金融業的都會叫我買下股，買下產品，比買saving好，因為可以即時有賺之類，但我總同他們說我投資知識不多

也不了解操作，很容易就會血本無歸，而曾經也試過買一份要供20年的saving，覺得搵笨，所以供了1年半就斷供，這真是血的教訓，因此是不敢買任何產品。

因為不懂，也容易受人影響而買d無謂產品。我因為舊年11月開始由正職教育位，轉了做兼職位，停課時就停課，只有少部份收入（只有授網課不影響）

但開課時就比正職搵得多，時間也比正職自由，所以我現時有空餘時間學其他手藝想多元發展，買下小手作，增加收入。

但我想增加投資知識，去投資增加資產，想問下老師以我這樣負投資知識的人可以看什麼書籍學習？或者課程學習下？

我連怎樣開投資股票的戶口也不懂操作的那種BB。

但也謝謝疫情期間見到你，終於見到一個不是以炒買為主的人了，我是想穩穩陣陣收下息，長期投資那種。

因為身邊的朋友都是炒炒賣賣，我無唔識，所以唔敢，因為我見過我2個朋友炒到輸幾十萬，嚇到我了。

未來計劃：9月份轉返正職等收入穩定一下過了疫情這不穩定期，長遠想5至10年內買到樓。不好意思寫了那麽多。

龔成老師：

我相信你是較保守的，因此，投資唔好進取。

我地投資，並不是「博」，而是在可承受風險情況下，去爭取回報，你應該建立一個「組合」，而不是盲目地儲現金。

投資是一個「配置」的過程，持有優質股，長線持有。

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。我建議你從基本學起，睇下書先，例如《股票勝經》。

------------------------------------------------

Q17869：

龔老師好，我現時是大學生，21年畢業，打算22年去海外留學一年，之後再去working holiday 兩至三年。

目前投資主軸係想長遠有增長同穩定回報，至少五年內5會有太大波幅，需要我去動用留學同working holiday嘅儲蓄金(目前已儲5萬，畢業工作後打算再儲5-7萬)。

目前已入手置富(0778)1000股，手上仲有1萬5可以動用。本身打算趁低價買𣾀控(0005)400股，期望佢係三至五年內回升到$50-$60再賣岀。

但聽到𣾀控好似年尾又5派息，不明朗因素又再增加，開始猶疑買5買好。有諗過再入手置富同煤氣，但又覺得自己仲後生，投資計劃可以再進取啲。希望老師可以比啲建議

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，匯豐（0005）、煤氣（0003）並不適合你。置富（0778）算是可以持有，但不應該持有太多。

你應該投資較有增長力的股票。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17870：

龔sir，請問一下，1193（華潤燃氣）,華虹（1347）,還是6869（長飛光纖）比較好？

如某股好，請問合理格是多少？
謝謝你，我耐心等待你回覆

龔成老師：

講潛力，華虹（1347）會較好，因為受惠行業及政策因素，不過，現價在合理區頂，投資要較小心。

華潤燃氣（1193）與長飛光纖（6869）都有質素的，現價都處合理區，如果要較穩陣，就華潤燃氣。

------------------------------------------------

Q17871：

龔成老師你好, 有啲關於股票既野想問吓你意見

我而家29歲, 月入19k番office工, 對投資冇咩概念, 幾個月前先開始買第一隻股票, 先發現原來自己對呢方面都有興趣

而家日日聽財經黎學睇圖, 同多睇老師你同其他投資人既page, 見到有唔識既野都會自己google黎學

終於由連一手係咩都唔知到到而家知道咩野係10天線20天線RSI EPS同PE

現時擁有有關投資資產如下:

基金BlackRock World Gold 50%+ Health Science 50%: 月供$4000

月供股票2800盈富: 月供$3000
個股:

0005匯豐
1810小米
1137香港電視
1475日清食品
2338濰柴動力
1787山東黃金(短炒用途就放)

想問以下嘅問題:

1. 以上投資組合有冇問題? 可以如何加強? 以我年齡係咪最好放左0005佢先?

2. 睇你page知道老師你好提倡研究企業本身有冇潛力, 但初接觸年報/財政報告, 其實應該要點睇? 係咪profit同每股盈利每年增長就代表係好?

3. 想睇書黎增值自己投資尤其是股票方面既知識, 應該先睇老師你既邊本書好?多謝你解答我問題先！

龔成老師：

提翻你，技術分析、睇圖，其實是無用的。

我20年前都學左好多技術分析，用左幾年時間去學、去研究，用幾年輸足幾年，其他我決定完全唔用，就開始賺錢。

好後悔浪費左幾年時間去學一d本質係錯的野。

之後，我發現巴菲特同其他賺大錢的基金經理，都好清楚咁講技術分析無用。

1）匯豐（0005）唔太適合你的年齡。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

至於其他，無乜問題。

2）《年報勝經》有詳細講述的。

你要了解主席與管理層的討論，之後就是睇「損益表」及「資產負債表」，你要在損益表了解佢的生意結構、經營惜況，在資產負債表中了解佢的現金及負債等情況。

你最好睇5年的年報。

3）你可首先睇：

《80後百萬富翁》
《股票勝經》
《財務自由行》
《年報勝經》

之後再睇其他。

------------------------------------------------

Q17872：

成哥 ，我是一個海外醫科生 想趁著暑假買股票學投資 20萬現金 目標三年內100萬

打算持有 1833 9988 788 3918 0012 0066 1177 0354 0823 1810 1928

1) 應該持有的股票？

2) 佔比幾多？

3) 我相信可以承擔高風險的股票投資，可否介紹其他潛力倍升股？多謝老師，祝生活愉快

龔成老師：

1）投資組合唔好太散，否則會好散管理，同錯，當你買入股票後都要持續掌握企業的經營情況。

你可以考慮盈富（2800）、恆基（0012）、港鐵（0066）、小米（1810）、金沙（1928）。

中生製（1177）、平安好醫生（1833）、阿里（9988）你就等跌先考慮。

2）盈富可以佔較多，餘下就按比例持有就得。

阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

------------------------------------------------

Q17873：

龔老師 想問 我54.8 53.1 38.5 入左00005 見佢近日32-33 應該繼續溝貨嗎？

等我遲d可以更易放走？

龔成老師：

匯控（0005）賺錢能力與增長力的確弱左，但又未去到完全無質素，近期股價受壓，除左佢經營環境影響，佢派息問題都是因素，因為市場一向理解這股是「收息股」。

如果你投資目標是增值，根本不適合持有這股。如果你投資目標是收息，就可以持有。

不過，同一股唔應該佔你組合比例太多，特別是如果該股的質素不是最高級別。

我從股息角度分析這股。

相信長遠是收息股，但股價增長就有限。可以先從佢近年唔派息及財務情況分析。

首先睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。

所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。

停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。同時不能持有太多。

------------------------------------------------

Q17874：

老師你好 間吾中有望下你既專頁 不過無實戰經驗 想請教下

宜家27歲 現金有30令零萬 收入一萬中左右 無持有股票投資工具

最近考慮若果入手應該買月供股票還是hold藍籌股好？例如港鐵 ?還是入手最近的小米 阿里巴巴比較好？現在才入手會太晚嗎？

可以建議一下投資分配大概每隻買多少嗎？
望指教 感謝

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

如果你無信心，就月供，因為這可以平均買入價，減少風險。

如果你有投資知識，有信心，就可自行買入。

你可以動用$10萬-$15萬去投資，盈富（2800）、港鐵（0066）都可考慮。至於小米（1810）與阿里（9988），只要你控制注碼，都可考慮的。

你可以分配至5-10隻股。

------------------------------------------------

Q17875：

龔成老師你好，本人投資新手，每月可以用8千元月供股票，如下的話，5年後有機會賺90萬嗎？

2800 HK$3000
0003 HK$2000
0027 HK$2000
0099 HK$1000

月供的話要設止賺嗎？
謝謝

龔成老師：

如果想5年有$90萬，你要調整策略。

煤氣（0003）增長力比過往略減，雖然仍是有質素，但你應該考慮較高增長力的股，至於王氏國際（0099），唔值得月供。

月供是長期策略，因此，除非有明顯的上升，及該股到了貴的水平，否則唔會進行止賺。

另外，除了月供，你最好同時每月能儲到現金，最好在$4000以上，現金的作用是等投資機會，當大市有較大回落時，你就可以把握機會買平貨，提高組合的回報。

------------------------------------------------

Q17876：

龔Sir, 請問點睇1988?買來收息可以嗎？
謝謝

龔成老師：

民生銀行（1988）作為收息股，都可以，但要留意，佢下年有可能因業務與壞賬等因素，而出現減派息的情況。

長遠來說，仍是可投資，作收息股的。

------------------------------------------------

Q17877：

龔成老師你好本人現年32歲，月入25000，扣除家用和保險等開支，每月儲到12000。

現時有20多萬儲蓄，之前從無投資經驗，請問可以怎樣增值財富? 謝謝你！

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

其實你32歲，仍是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

如果進行月供，你可以考慮盈富（2800）$4000。

另外再加幾隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

至於$20萬，就暫時唔好動用，等你多D經驗先。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17878：

老師，我大約三年前看到你的專頁，第一本書是綠色書面的大富翁書，之後再買你的書，你分析好子細，而三年前已經買了比亞迪，帳面賺了六位數字，好開心，多謝你

你的看法，分析，非常中肯，我會繼續留意你的post, 你幫了很多人置富，無論是帳面及思維上

龔sir, 加油！

龔成老師：

太好了！

理財是一個長期過程，要保持進行，同時知識要保持進步。

------------------------------------------------

Q17879：

老師你好，因為睇左你既專頁，亦開始左投資股票，深明如果財富唔做投資，只會眨值，財富永遠唔會有個明顯增長，因為我地父母從來無接觸過仼何投資

宜家6x歲退休，眼見父母d錢咁多年就咁放係銀行，又無做定期，所以好想幫媽咪投資一下，起碼等d錢唔洗眨值，追唔上通脹，唔洗買餐餸都各得好大負擔。

媽咪手上有50萬現金，請問我應該點樣運用呢50萬幫媽咪投資。麻煩你

龔成老師：

你可以將這$50萬，分成「收息股」及「現金」兩部分。一半半都得。

第一部分投資收息股，你可以建立一個收息股組合，你可考慮港燈（2638）、香港電訊（6823）、匯豐（0005）、工行（1398）、置富（0778）、陽光（0435）、深高速（0548）等，大多有5%股息

你平衡的投資這些股，除了可以得到穩健的收息收，同時可有效的分散風險。

另外，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

------------------------------------------------

Q17880：

想問下你意見，本人34歲，老公40，4年前我自己做代理開網店，同時都有正職，兩年前辭職，全職做網店至今，頭兩年生意好好又做啱trend 嘅product 賺左600萬

之後俾6成老公買左層樓收租，租金可以抵銷供樓。但依家市道咁，唔知下年過SSD 啲樓價會點，諗吓如果平手好唔好賣咗佢投資股票？

同時product trend 過左，無咁爆數, 大約有40萬盈利一年，但疫情開始，都冇乜出口單，生意下滑，好彩亦都冇乜成本，因為在家工作，亦都冇員工。到依家主力靠老公打工，一年家庭收入得70萬左右。

加上上年換左樓，所以依家每月供樓兩萬蚊，另加管理費差餉嗰啲。

目前大約有800,000流動資金，所以想睇吓有啲乜嘢投資項目可以做？本身我哋兩公婆都冇投資概念，但有買儲蓄保險，而家我想搵啲增值嘅投資做下，請問有咩意見？

我工人預計呢一兩個月嚟香港，到時會搵返份工幫補吓。
換樓係指原本自住果層，非收租果間

龔成老師：

現時你的物業情況，最好唔好變，香港的物業買賣成本高，你轉來轉去無著重，你現時的財富組合其實無問題，保持就得。

收租樓現時處於「自行運作」的情況，即是自己在慢慢供樓，你不要理佢就得。

不過，之後就唔好再增加物業資產。

現時疫情，可能你生意受影響，但唔好比一些中短期的事情影響了長期的財富計劃。

你有兩個大方向要行，第一，你生意果度，我相信已建立了一定的網絡，你可以想想一些延伸的業務，你過往建立好的生意如同一個「資產」只要好好利用，一定好過你打工，所以你要好好利用。

第二，你地之後應增加股票資產，令財富組合更平衡，留有現金，同時適當入市，你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

𝟚𝟘𝟙𝟡 𝕃𝕖𝕤𝕤𝕠𝕟 𝕝𝕖𝕒𝕣𝕟𝕥 - 𝕥𝕙𝕖 𝕥𝕒𝕔𝕥𝕚𝕔𝕤 𝕠𝕗 𝕓𝕣𝕠𝕜𝕖 𝕦𝕡
我與家傭分手💔了

曾經我為咗呢個家傭寫咗一篇文章，仲專登響佢生日果日發佈感激我遇上幸運；在2019年的最後一天，我想為今次嘅經歷作一個總結。

曾經我哋以為自己好好彩，請到一個有4個小朋友、三份海外合約經歷又一口流利英語嘅家傭。我嘅想法好簡單：我對你好，你對我啲囡好，我待你如我家庭一份子，沒有當你係奴隸般差譴。

家傭由2019年01月10日踏進家門，於2019年12月13日正式離開我們的家。

經歷十一個月的日子，她預支了15日年假回鄉辦理家事，當然機票都係我墊支。
2019年12月29日 理應係她第三次回鄉出發之日，不過現在這一天應該成為她徹底離開香港的一天。

回想呢段有家傭的日子，我哋嘅起居生活有改善過嗎？

有，每天接回大囡回家有飯食，除非我哋另作通知；雖然試過一星期三日都係食魚香茄子🍆 不過佢請辭後一兩天，我哋有一晚告知唔洗煮飯因為會外出用餐後回來；翌晚我哋如常回家用饍，不過被反告知因為我哋全日無通知會否回家食飯與否，所以佢一反常態無預備晚餐🤷🏻‍♀️

有，屋企有小朋友衫褲自然多，洗衫洗不停，定時有人洗燙摺疊，不過唔計摺完搵唔到果啲。

有，家裡表面整潔，不過大小公主啲玩具經常被四散收埋，最後仲發現有舊日本曱甴屋仔混埋入袋玩具入面，好彩俾我發現。

有，小公主每日會morning walk同人social, 不過佢可以帶咗小公主去人哋個farewell party,有人餵咗嘢俾小公主食唔知，到響疹所嘔咗舊菠蘿會同你講I don’t know

有，大公主學校放長假可以唔洗咁早起身去婆婆度，不過轉頭佢會同我講大公主太活潑好動，佢雖然本身有四個小朋友唔同年紀不過佢同時manage 唔到兩個小朋友，結果要勞煩婆婆過嚟幫忙或者如常送大公主出去。

我當晚曾經因為佢俾請辭信我而嬲到喊，之後兩三日如同陌路人⋯⋯到佢離開嘅一天，雖然我都有喊，但係現家回想起自己好傻瓜，因為佢連最後約好各自上agent 度辦手續時都仲講大話，結果佢自己放棄最後一次同我解釋嘅機會。

希望今次呢個事件隨著2019年完結成式畫上句號，我唔會再為呢件事唔開心了😊

呢段日子，衷心感激公公婆婆義不容辭嘅幫忙，幾乎要出動埋姑姐姑媽幫手😅當然大公主好懂性，知道小公主初時唔習慣婆婆家會想盡辦法哄妹妹幫婆婆手。不過亦因為咁，佢哋兩姊妹嘅bonding 更深厚❤️

同身邊嘅隊友互相支持好重要，幸好我有一位入得廚房又做得家務嘅好隊友💕

多謝你Ashley Li❤️

#長文分享 #請外傭初體驗 #海外姐姐 #感性媽媽 #親子blogger #hongkongblogger #香港媽媽 #兩囡之母 #家人支持好重要 #謝謝你 #外傭篇 #有家便有愛 #炒姐姐 #沒有工人的一家 #加油 #每日接送無難度 #MRsisterhood #sisterhood #2019回顧 #lessonlearnt #coollikehk

【龔成問答信箱】（Q13261-Q13280）

Q13261：

成哥你教得好好，我明白好多之前唔明的野，我而家想請教下：

1. 你中提到如果幾年來毛利率下降，只有兩個原因，其中原因是減價促銷，可否用以下數學公式的分子和分母增減去解釋毛利率為何下降？

毛利率＝(收入—直接成本)÷收入

2. 這直接成本是否只包括已賣出貨品的成本？

3. 你怎樣分辨毛利率下降是因減價促銷或貨品成本上升所致？

龔成老師：

1）你這條公式，正正是毛利率的公式，當直接成本增加時，毛利率就會下跌。又或當直接成本增加時，而銷售價格無法作出相應的增加，都會令到毛利率下跌，反映企業的賺錢能力正在減少。

2）每個行業的直接成本，定義都有所不同，但都是指最直接的成本部分。最簡單的理解就是零售業，貨物的來貨成本就是直接成本。

3）要分析當時的大環境，有無加價的情況，當時經營環境如何，對手是否處於減價的情況。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13262：

老師，我在10年前買了XX的月供基金，每月供2千，之前因agent建議，轉過兩三次投資組合，所以10年後，無升到。

依家仲蝕緊幾千蚊，依家最新的投資組合是7成供中國基金，3成系Healthcare基金。

由於供左10年，就算surrender都唔洗罰錢，戶口現時有197K左右。想請問我是否應該繼續供落去。我其實還有一份儲蓄保險，每月供$2000, 但要到56歳先可以攞番D錢。

我會參考老師的的建議，下個月開始月供股票，打算$3000 (2800) 及 $2000 (1211)。其實已經41歲，應唔應該供1211定系選港鐵或其他股呢？
謝謝老師﹗

龔成老師︰

保險公司的基金，有好有壞，我好難評論，但當中的潛在費用，往往不少，反而簡單的投資在指數基金，例如盈富基金(2800)，長期回報往往更多，而且管理費好少(0.1%左右)。

你再了解下，你所投資的基金，當中的投資策略，以及投資在甚麼類別的項目中，分析是否有長線投資價值，然後才決定是否停供。

至於儲蓄保險不要動了，每人都有基本保障需要，只要唔係過多就無問題。

以你年紀，尚有增長力，所以你月供安排無問題。但如果你將來想加大供款，建議集中番係平穏增長股，如盈富（2800）、金沙（1928）、港鐵（0066）、中銀（2388）、恆基（0012）會較好。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13263：

百威亞大應該增有 我現時有60手 27.7 買
還是走？

這股是否優質？及有前景？
因我看他是啤酒界的一哥

龔成老師︰

百威亞大（1876）主要於亞太地區從事啤酒釀造及經銷，集團擁有知名啤酒品牌包括百威、時代、福佳等等，未來會主力在亞洲市場發展。此股有品牌和規模，有長遠投資價值。

但你有留意我fb，都會見我經常講唔會太推薦人買IPO。因為業務上，集團就算有吸引力，但新股半新股真實面要慢慢先見到，加上佢估值困難。

簡單來說，這股質素是有的，但估值方面較難，股價因此會波動，因此佔比方面要注意。

所以，此刻只建議持有小注，同時你要明白當中的風險。如果60手佔你總資金比例不輕，你最好賣出部份。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13264：

你好龔成老師，我有廿十萬股票分別是
1398，5000股，買入價6.64
0005，400股，買入價68
0388，200股，買入價296
0788，8000股，買入價2.14
0700，100股，買入價460
0966，1000股，買入價21.1
1368，5000股，買入價4.69

現多突然多了一筆資金大約三十萬，以及有大約三十五両實體黃金在保險箱，我應該怎樣去增加自己既財富？請指教
謝謝

龔成老師︰

你現時持有股票都有質素，但問題是各類別的股票都有。平穏增值股︰388、700、788、966、1368 / 收息類︰5、1398。

我地投資增值係會運用「先增值，後現金流」作方法，初期應投資較多增值類資產，較後期則應投資較多保守類項目。所以係放配投資項目時，會因應番你的人生階段。如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

你新增的30萬可以因應你現時年紀，投資以下股票，同時對你現有組合作出調整︰

平穏增值股︰盈富（2800）、港鐵（0066）、金沙（1928）、恆基（0012）、中銀香港（2388）、長建（1038）、粵海（0270）
潛力股︰比亞迪（1211）、中生（1177）或福壽園（1448）
收息股︰港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）

至於黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，因此，黃金不會成為我地財富組合中，佔比太多的部分（約3%）。所以，你可以將部份黃金變現，再去投資股票，長遠效果會更好。

由於現時大市只在合理區，你資金可以先投入一半。餘下一半待大市出現一定程度的下跌，才大力度掃貨，然後長線持有。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13265：

成哥你好！我2017年尾開始投資股票，由於冇系統性學習過股票知識，亦冇睇過任何股票書，而且當時股巿又處於熱炒時期，我自己抱住人買我唔買會虧嘅心態去踏入股巿。

經過呢兩年嘅學習，尤其買咗你大部分嘅作品後，令我覺得投資嘅收成要用時間、耐心去見證。

我有個問題，當時我用均價23蚊買咗6800股美高梅，以現價嚟講我已經輸咗一半有多，如果當初買美高梅之前睇咗你嘅作品，起碼我選擇咗金沙、銀河，就算跌咗都冇現在咁慌張，因為仲有息收、重要嘅係企業仲有成長。

我現在想將6800股以現價來計嘅美高梅轉成另一隻股，最想轉嘅係《50隻優質潛力股》介紹嘅 楓葉教育 或者 轉成 特步國際 ，你認為合適嗎？

另外，我仲持有 正榮地產，均價5.7買嘅，呢隻可守等佢升定換馬好呢？

感謝你！

龔成老師︰

美高梅中國（2282）有質素的，只不過你在2017年大升市時買入，個價比較貴。但唔洗太擔心，我地唔應該因為股價下跌而止蝕，只會因為企業優質度改變而止蝕。賭業中短期不利，但長期仍處於賺錢的狀態，因此唔需要擔心，有得守的。

只是你買入價貴左，可能要長少少時間。相信行業中短期會弱，股價會較為不利，但不要理會，長遠會慢慢好轉的。

正榮地產（6158）主要在中國從事房地產開發、物業租賃及物業管理業務。此股質素算中等，經營現金流長期負數，加上負債比較嚴重。如果佔組合唔多可以持有，但長遠轉至優質股較好。

楓葉教育（1317）本質不錯的，長遠仍是正面的。這股有長線投資的價值，但由於股價較為波動，最好分注投資。

因為佢過往增長快，但在政策風險下，最影響的不是現時的業績，而是之後的發展，令增長力減慢。但如果以一間平穩增長的企業來計，現價已是合理價，因此現時可以理解為合理區中下部。

特步國際（1368）主要從事鞋履、服裝及配飾等體育用品的設計、開發、製造、銷售、市場推廣及品牌管理。

集團獨家總代理商經營的全國超過6,200家零售店組成的龐大分銷網絡，其覆蓋全國31個省份、自治區及直轄市，集團在海外亦設有一些銷售點。

此股有質素，作為內地知名體育品牌，無論在品牌和規模都有一定優勢。但由於環球政局不穏、內地經濟放緩等負面因素，預期零售相關行業收入會進一步轉差，特步也不會例外。此股有長遠投資價值，只要佔組合比重不太高就無問題。

如果你覺得美高梅佔比太重，想轉到其他類別股份，楓葉教育或特步國際都是可行的選擇。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13266：

老師，請問醫藥股值得月供嗎？如果中生和石藥邊隻長線較好？

龔成老師：

唔少優質的醫藥股，都值得月供，長期不斷儲貨的。

人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多多。

例如中生製藥（1177），長遠仍有一定的發展，佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。

但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。

佢商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。

雖然現價就有少少貴，月供是很好的投資方法。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13267：

老師你好，想問1211，在38元有貨，可以中線持有嗎？

龔成老師︰

我地持有一隻股票與否，關鍵位是企業質素、前景，不要被買入價影響，買入價只是一個心理因素。

比亞迪（1211）因為早期出左業績，雖然有增長，但較近期的數據及預期業務較弱，相信中短期仍會弱。

要留意，我地分析時，唔需要太著重中短期的數據。佢出來的數據的確有點失望，但中國車市都預左有影響。

中國車市放緩、外來競爭、行業競爭加劇，都成為不利的因素，相信中短期仍會對佢不利，這會影響整個行業。

股價由高位回落不少，現在回落至合理水平，同時反映市場預期中國車市的不利情況。相信這股中短期股價仍會不利，但長遠前景仍在的，有貨可守。但要留意，這股有風險，因此不能太大注。

車市要慢慢才好轉為這股要好長線先有野睇，所以要著重分析長遠的因素，唔好太理會中短期的情況。預期佢中短期有可能進一步弱，但所有野，都是有危有機，如果想買入後1年就有利潤，咁就買錯股了，這股從來都是長期的，預期2、3年後先有真正的爆發情況。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13268：

1. 如果想將一部分資金長線投放美股市場，應該買s&p500 定係數隻大型龍頭科技or零售的成長股較好。因為覺得s&p500 過度分散。

2. 可唔可以排序下2020，2313，669既優質度同潛力。

3. 呢3隻既未來十年前景如何。

4. 669同業多唔多競爭者，市場接唔接近飽和。

5. 2313作為代工廠護城河如何，盈利壓力同波動性有威脅嗎，代工廠係咪應該估值比低d。

6. 三隻都值得買？ 謝謝你🙏

龔成老師︰

1） 選擇數隻大型龍頭科技or零售的成長股都可以，但重點是這些係優質企業就可以。記住，我地投資其中一項好重要的，就是投資自己熟識的企業，若果對中港企業較為認識，就應較多在這裡選取適當的股票。

唔好因為近年美股的升幅不錯，多左人投資美股，就認為美股較好。

2 & 3）

創科（0669）主要從事製造與經銷電器及電子產品，有一定的優質度、有增長力，但又未到潛力股，只能視為平穩增長類，因為佢最高速發展的時期相信已過，現時已有相當的規模，相信往後只能平穩增長。

安踏體育（2020）製造及買賣安踏品牌體育用品，以及分銷國際品牌產品。集團全球化的戰略，令佢本身的生意及規模發展都不錯。

不斷增加資金去拓展業務，這必然有危有機，這點會令佢短期的派息能力較差，但如果你目標是長線就無問題。佢其中一個優點，就是在增長的同時，負債並無特別增長，這令企業的風險不算高。

申洲國際（2313）本質不錯的，近年的生意與盈利都有不錯的增長，加上佢股本回報率（ROE）處於高水平，反映佢雖然做代工方式為客戶製造針織品，但由於利用全縱向模式營運，令佢都有一定的優勢，有一定的賺錢能力。

三者都各有優勢，優質度相若，但以潛力計，則安踏和申洲會較高。

4） 雖然有競爭對手，但集團領先電池工具技術、改良市場原有工具技巧和成本跟生產效率控制得宜等因素，都令佢保持優勢。你留意番佢毛利率和純利率一直保持平穏上升。

5） 申洲國際（2313）以代工模式經營，主要客人如NIKE、ADDIDAS等都是大型品牌，理論上會降低了集團議價能力。但你睇番佢毛利率和純利率一直保持平穏上升，可見佢其盈利能力未受代工形式所影響。

6） 3隻都是優質股，可以長線持有，但現價偏貴，最多只可做月供或分注形式去小注買入。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13269：

本人27，月入21000，投資知識仲在學習中，今年1月先開始緊月供股票（月供$5.5k左右），而10月開始打算調整月供既金額

1211 $1500 （現有250股）
2800 $5000（現有845股）
0066 $2500（現有258股）

想問下以上金額分配合理嗎？

另會每月儲起$4k,現時大約有$80k, 存款，都明自己遲左好多起步，都希望35歲時可儲到150萬（年期都想愈早愈好），如果想達成目標，應點再安排？

另外呢幾個月都有不同既社會活動進行中，睇到的股價下跌緊，但我都明白買股票係買緊個間公司而唔應該只著重於股價，但點都會有的擔心

多謝你咁忙都用心解答問題，辛苦老師啦！

龔成老師︰

有心唔怕遲，現在起步也不算太慢。由27去到35歲尚有8年時間，以恆指年回報10%（連股息再投資）約有10%，以你月儲$13000計（月供9K+儲蓄4K），大約可以增值至178萬，當然要睇番到時情況，相信你達標機會很大。

你月供組合無問題，可以跟你安排。至於每月儲到的$4000，現時大市大致在合理區，你可以等大市出現一定程度的下跌，就投資在平穏增長股。

例如：盈富（2800）、金沙（1928）、恆基（0012）、中銀（2388）、港鐵（0066）、粵海（0270）、領展（823）或潛力股︰比亞迪（1211），中生（1177）或福壽園（1448）等，這樣會增長得較好。

近數月，香港社會出現不少不穏定因素，都令很多股票股價下跌。

但我地一定要了解股價下跌的原因，基本上，現時社會狀況造成股價中短期向下係好正常。只要了解翻當中的事情，無影響到企業核心就唔需要擔心太多。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13270：

龔成老師，想請教下你關於資產轉資嘅疑問。手頭上有幾百萬資產，正打算轉換貨幣做美金，但又唔肯定呢個做法是否明智之舉？ 換成美金 還是 開一個外國戶口 轉資 比較好？

另外，不知道老師有無留意近年新加坡嘅經濟發展潛力？轉資開戶的話，坡紙 同 美金 邊款較好？

我二十七歲 有一份穩定全職 最近見好多富商都逐漸有轉資風向 令我有呢方面嘅考慮 但有好多疑問出現 希望老師可以提點一下 想了解下老師的意見，謝謝

龔成老師：

如果你現時持有的是港幣，是否轉做美元，其實無所謂，因為有聯匯，你唔需要擔心港幣會出事，所以，除非你想投資一些美元類的資產，否則，唔需要刻意轉做美元。

至於坡紙同美金，最重要的，是「不要單單持有貨幣」，如果你持有的目的是單純外幣，意義不算大。因為「紙幣」只是「政府借據」，你單持有是無意義的，只會貶值，你一定要投資「外國資產」，先有作用。

因此，如果唔睇好香港經濟，應選定長遠睇好的地區，投資該地的資產，到時先轉相應的貨幣。

不過，我相信香港只是中短期問題，我仍對香港長遠發展有信心的。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13271：

老師，見大快活跌左唔少
現價可否買入？
謝謝

龔成老師︰

大快活（0052）是有質素的，我都很喜歡這股。比起其他一些潮流飲食，我會偏向選大快活。因為香港人變得好快，潮流飲食的不確定性高，業務可以很好，又可以好差。

反而最基本，民生的必需品，好似大快活咁會更有投資價值。近期由於社會不穏定和經濟不景氣影響，股價出現倒退是正常的事。

但相信這些因素只會造成中短期影響，集團長遠質素不變。加上大快活定位偏向民生，較有抗跌力。現時股價合理，有長線投資價值，但中短期依然會波動，最好分注入市。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13272：

成哥，有人將2800 同安頓A50 比較，你點睇？

如長線持有，月供股票
2800, 南方a50, 安碩a50 邊樣較好，有咩分別

龔成老師︰

盈富（2800）是追蹤在香港交易所上市50間優質上市公司的股票組合

南方A50（2822）和安碩A50（2823）追蹤在深交所和上交所上市的50隻最大市值A股，由於2隻股票追蹤目標一樣，表現雖然都會有分別，但唔會太大。

盈富（2800）所屬香港市場比較成熟，價格波動無咁大。而大陸股比較波動，但長遠增長力會較強。雖然中國比過往年代增長較慢，不過長遠仍是不差的經濟體。

如果你想要較平穏增長，可選盈富。假若你想以有較大增長，以潛力為先可以南方A50（2822）和安碩A50（2823）。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13273：

龔成老師你好，有問題想請教一下。本人看完你的著作，現在買了一手滙豐及一手恒生，因希望收息，見到中銀香港又不錯，想買一手，這組合可以嗎？

但你說過銀行股佔的比例不可超過30%，該買什麼代替中銀香港好呢？請賜教，謝謝

龔成老師︰

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

其實你可以用番「先增值，後現金流」作方法去審視番你的組合，初期應投資較多增值類資產，較後期則應投資較多保守類項目。

所以係放配投資項目時，會因應番你的人生階段。如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

你可以因應番你架年齡，去審視番你現有組合是否適合 ，同時可以在當中找中銀香港的替代股。

平穏增值股︰盈富（2800）、港鐵（0066）、金沙（1928）、恆基（0012）、中銀香港（2388）、恆生（0011-增長力稍遜於中銀香港）、長建（1038）、粵海（0270）

潛力股︰比亞迪（1211）、中生（1177）或福壽園（1448）

收息股︰港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13274：

成哥，想問下同仁堂國藥3614同 1666科技，而家兩隻邊隻值得買D？同埋我成日搞唔清香港同仁堂D鋪係屬於 1666定 3613？

龔成老師︰

同仁堂科技（1666）主要從事醫藥技術開發、技術諮詢、技術服務；製造、銷售中成藥、生物制劑。

同仁堂國藥（3613）則是同仁堂（1666）旗下企業，主要集中在生產、零售及批發中藥產品和保健品；並提供中醫診療。

故你所講的同仁堂香港店，其實都屬於這2間企業，只不過同仁堂國藥（3613）係直接管理。

由於同仁堂集團收入主要來自銷售中藥產品，故同仁堂國藥（3613）較有增長力。但要留意，這類股的行業變化較大，同時研發上，無可避免有風險。雖然同仁堂算是藥業保健股中，較穩健的一隻，但都無可避免受行業不確定性影響，因此，只要投資不太大注。

整體而言，2隻股票都有投資價值。現時同仁堂科技（1666）估值合理，而同仁堂國藥（3613）有點貴，如果買都要分注進行。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13275：

龔成老師，本人買了你的投資教學書籍, 獲益良多，在此感謝!

本人40歲單身, 剛剛5月買了一層560萬300呎40年樓齡的單橦樓係天后區自住. 因為社會不懚時勢所以樓價已下跌。不過如老師所說, 如果自住又供得起就不用太擔心. 我想用餘下的錢作以下部署作60歲退休（1300萬）, 想
老師結予一些見議:

1.投資成份保險月供$3000, 已滾存50萬 - 不變

2. 公司ORSO 月供11000, 已滾存50萬 - 不變

3. 存款 10萬 - 計劃買入盈富，恆地, 港鐵

4. 每月收入扣除開支剩1萬, 計劃每季買入以上股票 （因為工作關係所以不能月供）

龔成老師︰

你想法正確，由於你物業是自住性質，故樓價波動唔需要理，最重要係供得起。

當我地進行人生財富累積，會運用「先增值，後現金流」作方法，年青時應投資較多增值類資產，以增值為先，而較年長時則應投資較多保守類項目。

以你年紀，尚有增值能力。所以你選擇的平穏增值股：盈富（2800）、恆基（0012）、港鐵（0066）都是可以的。建議你比重放較多在盈富，可以令你組合更平衡。

而你用每季固定金額代替月供股票，這個策略都可以做到平均格價效果，所以無問題。但你每季只會儲到3萬元，不足以3隻股票各買1手，所以你可以全數買晒盈富（2800）就可以了。

現在離你60歲尚有20年，以恆指年平均回報10%計，季供$30000到時大約會有680萬，以完成你目標一半以上。

只要你ORSO和投資保險回報唔係太差，相信到時你60歲累積到的總資產和你目標唔會差太遠。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13276：

龔成老師你好，小弟今年27歲，月入7萬5左右。現在手持大約120萬現金，有份十年儲蓄（每年供1萬美元，已供兩年），扣除保險及各項開支，每個月儲到6萬~6萬5。

中短期目標想買樓自住，長期就當然係財富增值。老師，想問你點睇而家個樓市？我而家係咪應該做住財富增值（例如月供股票），再睇睇個樓市變化再決定，抑還是繼續儲多d彈藥（現金），作好短期內上車既準備？ 謝謝！

龔成老師︰

相信中短期有可能出現調整，但當中仍有未知數，而我一向不太預期中短期的，不過，我好有可能在一年內增持香港物業。至於長期，因為需求大，供應仍然不足。因此長遠仍會向上的。

香港樓現價略貴，投資價值的確較少，但自住價值仍在。現時香港樓市比合理價，貴左少少，唔算太多。如果你短期內有迫切需要買入一間屋自住，你要留意番供款，只要得起樓價變動唔需要太理會。

否則，現時以回報計股市會較吸引，對你財富增值較有效。現時大市在合理區，你可以將每月一半儲蓄（作月供）和一半現有資金（要分注入市），投資平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）。和小注潛力股︰比亞迪（1211），中生（1177）或福壽園（1448）。

餘下的資金，等大市大跌再入市，會對你財富增值效果提升。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13277：

龔成老師:想問現在香港甘乱,經濟ㄧ定會很差 ,手上的股票由盈轉虧,港鐵是否还可以長期持有?

1177現在還有盈利,是不是先賣出先?要不要止蝕?還是跌低買入?謝

龔成老師︰

首先，你要明白投資股票，就等同投資企業，我地要考慮的是企業質素和前景。基本上，就算是優質股，股價中短期上落好正常。但如果上落太大，就要了解翻當中的事情，有無一些影響企業核心的因素。

我相信香港現時的社會狀況，中短期會對股市方面會有負面影響，但受影響程度，就要睇外國真正的走資金情況，當中還有都好多變數。

不過我相信，長遠資金唔會大走，始終香港都是有優勢，有錢賺的地方就有資金來。因此，我相信中短期有影響，但又唔需要過份地擔心。

港鐵（0066）中短期的確不利，但長遠而言，香港的長遠發展必然是向著新市鎮，鐵路系統必不可少，將來社會對鐵路這個大型運輸系統的依賴必愈來愈多。

加上政府亦表示這會是發展的重點，故無論是鐵路以及相關的物業，都會保持增長，長遠計必然向好，持有無問題。

中生（1177）因中央出左d藥品降價的政策，「以藥品規格採購試點進行，據透露本次帶量採購的具體操作方法，是按藥品通用名進行遴選，企業必須要保證有足夠的生產能力，價低者得」。所以，預左對行業有影響。

不過，中生製這類咁大的企業，財力較強，就算市場出現中短期的亂局，只會淘汰左一d無質素無實力的企業，長遠對佢影響有限。但賺錢能力減少，企業無可避免去扣少少分，但依然有質素，可持有。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13278：

呀sir，宜家個個都覺得零售業受最大影響
同埋佢地股價都跌左唔小，咁係咪適合掃貨？

利福/莎莎/周大福/六福呢d股係咪要把握機會掃多d

龔成老師

你的方向正確。

我地投資，永遠是睇企業的長期業務面，中短期的事情與股價波動，不用理會。

上述的股票，長遠仍是有質素的，但中短期一定會弱，而我地投資者正是把握「中短期不利事情令股價受壓，從但長期因素無變」的機會入市。

不過，現在的股價仍未算好平，同時股價會波動，因此，未到訓身的時候，但已是合理區中下部，可以分注投資長線持有。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13279：

龔成你好! 我想請教現市的投資方向，我和先生每月9萬收入，有一BB &工人，之前3月在自住樓套了200萬出來。

現自住樓每月供款增加$6,000（負現金流$6,000）

在4月（高位，約100萬首期，8成按）買了一細價單位收租，每供$15,000，收租$12,000（負現金流$3,000，未計$800管理費）

現持股票$40萬（港鐡、煤氣、金沙、比亞廸，知識有限，只懂呢幾隻）
現金$120萬HKD

現香港情況差，又撤資又乜乜
1) 我是否需要轉持美金？
是否要開海外戶口？（保住自己既錢）

2) 我如何運用現款投資？
(例如：買REIT收息幫補負現金流，會否賺息蝕價？High yield bond fund收息如下圖有無得諗？環球吹淡風，風險高嗎？)

謝謝你的時間！

龔成老師：

1）不用轉。

香港只是面對中短期問題，長遠仍是有前景的，同時，港幣有聯匯，不用擔心。

當然，你可以在長遠建立一個環球的組合，這是任何時候都可以的。

2）你這刻物業的比例較多，宜增持翻股票的比例，以你的情況，我相信平穩增值股如盈富（2800），以及收息股都是你的選擇。

收息股不要再投資太多地產類的股票，可以考慮翻港燈（2638）、香港電訊（6823）、深高速（0548）等這類股會更加好。

至於債券基金，則有好多的，這一定要仔細睇先得，有d則有潛在的風險，絕對不是保本的產品。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。你要睇下該基金的策略，是否高風險。

第三，不少銀行都會提供借貸，以槓杆去放大回報，以平息借貸去賺取息差。這一定會提高了風險。

我不是說債券基金有問題，只是說明當中的風險，最重要的，這不是保本產品。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

Q13280：

想問下金界合理價位係幾多？
現價應唔應該入？

龔成老師：

金界控股（3918）有質素的。現價合理中上部。

佢是柬埔寨最大的酒店、博彩及娛樂運營商，旗艦NagaWorld是金邊市唯一的綜合式酒店及賭場娛樂城，持有為期達70年至2065年的賭場牌照，NagaWorld僱員人數超過5500人。

賭業本身是高毛利行業，而金界壟斷了金邊的業務，加上業務平穩，財務穩健，沒有未償還借貸及債務，企業有一定的質素。

但要留意，金界所發展的是較新興的市場，若然比較澳門的賭業股，金界的增長及潛力較大，但當中的風險同樣略高，因為業務難免存有不確定性，這點你要明白，亦因為這原因，若投資此股，在注碼上不能去得太盡。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。