已經係下午兩點，但我老婆仍然係一句聲都無出過……

大家唔需要太擔心，唔係尋日我買唔到美少女戰士而被制裁

而係連我都知道 Anson Lo佢成為左CK代言人，但作為佢太太之一既我老婆，竟然依家都仲未出聲

你知啦，追星可以益到男性既機會係好少，之前係得麥記係對我有少少好處，起碼有得食先啦

至於化妝品啊，名牌啊，都係完全唔關我事……

今次竟然係CK，仲要係男裝底褲，我真係心諗我幫你排！！！我終於有底褲換喇！！！！

點知，咦，好似平衡時空咁，無人提過，要求過我去買

依家我有兩個大膽既猜測，佢想比個驚喜我！今晚返到去我想搵底褲都搵唔到！然後佢再親自幫我穿上一條新底褲！！

第二係，佢已經買左一系列性感內衣今晚準備比驚喜我！！

嘩頂，呢兩個諗法，真係好大膽！！我都唔敢直接同佢求証，你知呢，諗下就開心既野，通常都唔係真！

而我諗左啖水，再拎左老婆張相出黎睇，幻想佢真係會講乜

係我腦海出現左一句：

我：我著比你睇好唔好？

佢：你鍾意著乜都無問題，但請你再著返條外褲先

我：（拉底少少條短褲，露出牌子）我似唔似Anson Lo啊？

佢：除左你地英文名上面有一個字母係一樣之外，其他都唔似

我：我唔介意……你望住我既底褲諗起另一個男人

佢：我……點解……要望你條底褲……

我：因為我成身最貴既係條底褲，你唔望佢，唔通望我個樣啊？

佢：你又好似講得有少少道理

我：望住佢，一直望住佢，你諗起咩啊？係唔係你最喜歡既教主呢？你見唔見到呢條底褲一路一路拉低？張開你雙眼，我要痾屎喇！！！（隔住門）以後你每次諗起教主都會記得呢一幕同呢隻味！！！！！

－－－－－

幻想結束……唉，長周末前夕既下午，真係特別醒神，特別天馬行空

唔知我老婆會唔會睇到呢一篇文，如果佢睇到，今晚既電子門鎖會唔會已經改左密碼同指紋呢？不過我唔驚，應該係我返到屋企先，除非……佢提早返去……可能性不大

－－－－－

而我真係作出一個細膽既預測，今日無論我想講乜都好，都會收到三組字

1）收聲
2）死開
3）食屎

［大師老點你！］天地有正氣呀！！！嗚！

TLDR：前海呀！可能今日就跌返，所以趁開時前寫埋

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！
＝＝＝＝＝＝＝＝＝＝＝＝＝＝

1. 講明先，我從來都冇買。一來短線嘢我麻麻，二來成交太少，費事有人唔舒服以為我買咗唱高散畀你。

2. 但，呢隻嘢寫過幾次啦。最巴閉係早兩個月，我講明實出盈喜，寫就出，兼大升。夠晒時間你慢慢買。真係唔少Patreon讀者跟咗

3. 不過近排呢，我都叫啲讀者應該沽返少少。咁最初覺得好簡單，大陸經濟慢咗啲（但最新又好似OK），啲上游化工產品價格，應該冇乜運行。過去全年都大約係呢樣嘢，我真係日日走去望啲哥羅芳價（氯仿，Chloroform，三氯甲烷嘛，trichloromethane，CHCl3，公司主產品之一，叫咗你讀多啲書），早排都回啲。

4. 咁但，最新做乜抽咗上嚟？我都唔多明。昨晚同大行分析員食飯（亦係我讀者，嘻），佢先好輕描淡寫咁講：前海嘛，新能源嘛。

5. 係喎！我都知理文化工有個廠在珠海（但冇去過），亦知有做「新能源嘢」（但留意唔係鋰電柒，係電解液添加劑），但就醒唔起。

6. 無論如何，至少我做到嘅係，Patreon星期一已經有講，大成交抽上（但同星期二23%比梗係濕碎）。平時幾十萬股，星期一兩百萬股。咁去到星期二千幾萬股買上去，梗係升啦。

7. 又，人永遠係咁架啦。可能升少少又驚跌返落嚟，會急急腳食糊。然後見到再升又dup心口。

8. 點避免？近乎不可能的，能知三日事富貴千萬年啦。但，以前啲文都有教，可以玩「斬邊留邊」（燒臘舖咩so dirty，日日只係掛住半邊燒鵝髀），或者叫zero cost approach （改個英文名即時型好多）。

9. 不過以上都係治標方法。治本？講到尾，係信念。Hate to admit，但你見我叫得啲讀者沽咁啲，「即係我都唔係好信間公司」。唔係質疑佢地操守或能力，但個行業係週期嘢嘛。咁你唔係好信公司可以長玩長有嘅，自然就會驚打回原型，自然就會升少少沽走。

10. 凡事皆有因果

11. 掉轉，你睇我買迪士尼 或者ASML之類，升200%我都唔走，take乜profit？就係因為信心夠。

12. 雖然我都係唔識整光刻機，又冇去過迪士尼（＊）。其實我連美國都冇去過，最接近係去過美國冒險樂園。地理上呢？去過墨西哥，應該最接近了。咁你可以話去過台灣去過沖繩都計嘅。

（＊）OK, my confession，其實我係去過……巴黎迪士尼！但東京就真係冇。美國？都話冇去過。上海？都冇，但開咗間「大熊商店」！勞蘇主題！我係想去的。（＊＊）

（＊＊）至於香港？其實有去過！唔記得邊篇舊文有寫。但睇你點定義，因為我只係去咗迪士尼酒店，而冇去迪士尼樂園。去酒店做乜？梗係爆房啦（亦所以，去乜鬼樂園？）。但好耐之前了，開幕冇耐，2005年嘛，做緊蕉行。更爽嘅係乜？Do you know what’s better than 爆迪士尼房？就係免費爆迪士尼房！嗰時蕉行雖細，但勝在細，老細標哥乜春都踢晒畀我，變相有啲嘢我都話到事，所以嗰時行家好多月餅呀（＊＊＊），演唱會飛呀（我當然會畀返錢，不過就算出面賣晒，人地都會有飛，仲會係靚位，握手位，我當然係拎去溝女）。所以，有啲啲嘢睇你點睇，有啲人咪覺得老細仆街偷懶唔做嘢踢晒畀你，但我嗰時冇乜嘢，事後仲好感恩，正係佢踢晒啲嘢畀我我先學到多嘢，恨不得佢當年再踢多啲。咁包括呢個迪士尼爆房，亦因為佢踢晒嘢畀我做，亦都多咗某大銀行贊助。星期五晚喎，人約黃昏後，年青人血氣方剛亦都血氣劉丹，一個字，爽。不爽嘅係乜？不爽嘅係標哥星期六朝早打畀我問嘢！嗰時仲要長短週，真係泯滅人性。當然係佢有啲小鑊啦，幸好我都搖距幫佢解決到。標哥臨收線不忘講句：「唔阻你happy啦」。我回佢「多謝晒標哥」（唔通回：「你知就好啦，阻人扑嘢要燒春袋架標哥」）。但真係恕我廢老講句，sorry，我年代冇智能手機都好，老細星期六打嚟阻人扑嘢，都係好正常的，我亦冇乜hard feeling（下面嘅feeling 較hard，都話血氣方剛血氣夏雨，年輕真好）

（＊＊＊）嗰時阿麻見到我咁多月餅呀 年糕呀，真係孫仔生性阿麻倍感安慰，覺得我出人頭地，儘管我只係拎緊萬幾蚊人工。「果然唔係樣樣嘢拎錢衡量」（＊＊＊＊）。後來死埋了，十分麥兜。

（＊＊＊＊）其實加我兩千人工，我自己買嘉麟樓都得

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！
＝＝＝＝＝＝＝＝＝＝＝＝＝＝

我也是在噓聲中向前行的
=====
誇讚我是人生勝利組？我反而感到不安……

在最近一次飯局之中，有一位朋友對我說：「你而家都係人生勝利組啦，其實好過好多人……」

「人生勝利組」？！這幾個字令我不知如何反應，我受過的噓聲，經歷過的挫敗，不比大家任何一位少。若果以接受噓聲的次數計，說我是「人生失敗組」可能更加貼切。

中學時期已不被看好
記得在中四那一年，我的學業成績不好。老師把我調到座課室的最後排位置，而我的身高卻在班中數一數二矮。說得直接一點，是把我放棄了。

中四學期終要見家長，老師對我爸爸說：「其實都唔一定要喺度升中六呀」。言下之意，其實是說我沒有機會升中六。

別人可以放棄我，但我可以規劃自己
別人放棄我，不代表我要放棄自己。我就在中四升中五那一年暑假，每天溫習最少八個小時，追回一整年的進度。在中五那一年，每天只睡五小時。拼命去溫習，追進度。

身為一個不被看好的學生，要追上來其實是很困難的：就是小息要問問題，老師也自然把你的優先次序放到最後。

這也難怪，始終學校是一處以成績論勝敗的地方。

結果，我在不被看好的情況下升上中六，然後取得大學offer。

初踏入社會，已被迅速歸類
在我中七畢業那一年，大學生仍是半個天之驕子。

但我卻走了一條更崎嶇的路－出來社會由低做起。

就在我踏進社會的第二天，我的同輩問我：「喂！你A-Level衰邊科？」

我答：「我A-Level 冇衰到喎！」

然後，同輩回以一個極度懷疑的目光。

我頓時感到錯愕，原來就連我的同輩，也把我視為失敗者。

學位的分界線
我被社會迅速歸類。就連當年中學和我要好，然後升了上大學的同學，也在言談之間糾正我英文的發音。我感覺到，那並不是發音問題，而是社會階級問題。

是的，學位是一條分界線。十八、九歲那些年，我耳朵接收的是最粗俗侮辱的「__你老母個__！」，而昔日的好同學， 耳朵接收的是大學教授的英文。

沒錯，我只是藍領階層，那是鐵一般的事實。而當年那些大學生，是極有機會成為白領階層的。

為自己創造奇蹟
在短短幾年間，「__你老母個__！」已經不再刺耳，甚至感到詼諧，大概是我已經完全麻木了。能夠刺激我神經的，是我成功晉身白領了。

由18歲紅褲子出身，直至22歲成功晉身白領，對我來說是一個奇蹟。那一刻，我拿著自己的升職信，激動得為自己鼓掌落淚。

電影一般的公開奚落
因為工作至上，我有兩三年把公開大學的遙距課程擱在一旁。

在二十幾歲的某一天，我在一個培訓課程之中，被安排站到課室前面介紹自己。我說：「我在公大的學位已斷斷續續讀了七年，希望在最後這個學期把它完成……」

話未說完，我被在座數十位同學同時恥笑，是數十人同時發聲恥笑！那個你以為只有在電影才會出現的震撼畫面，大概只有站在課室前的我才能感受得到！

那一刻我對自己說：「我的努力我自己知道，有福氣full-time讀大學的各位，請盡情恥笑我！」

有一種堆，叫「埋唔到堆」
在打工的世界，是很公平的，但那是對打工仔的父母公平。

自小安排子女入讀名牌幼稚園、名牌中小學、國際學校…… 的父母，他們的子女會比紅褲子出身的人更公平。

原來在打工仔的世界，社會階級不限於收入和職位，也在乎 出身背景。打工仔會互相吸引同類，有potential的人會互相認同扶持，結果出現名校堆、外國留學堆……

紅褲子出身呢？也有一堆呀！叫做「埋唔到堆」，或者以今天的語言，叫「圍爐取暖」堆。

明日之星，心底裏是知道自己是明日之星的。對於我這類的懵仔，面部微表情難掩心中的一絲不屑。

營商世界，平行時空
最後，我踏上了營商之路，進入了一個截然不同的平行時空。

踏進了營商之路，我希望聽到的， 不是「你是人生勝利組」 之類。

我反而希望聽到多一點噓聲。今時今日，再大的噓聲也不能傷害我、動搖我。相反地，這令我更加肯定我在走一條大多數人還未想到的路。

在營商的世界，你有前瞻性的麼？ 你便會被絕大多數的普通人取笑奚落。而當你成功之後，他們又會以「你好彩！」、「你好命！」之類自圓其說。卻看不到你成功之前所承受的壓力和付出的努力。

這也是正常的，因為普通人佔大多數。

說到這裏，我想給你一些建議
如果你今天做的事被身邊的人喝倒彩、奚落、嘲笑，你更加要越戰越勇，因為你正在走一條大部分人仍未想到，潛力無限的創新道路。

而當大部分人為你的成就鼓掌的時候，你反而要加倍保持清醒，以免迷失於掌聲之中。

營商世界就是孤單的，辛勞的，但也是潛力無限的。你做的決定只有你最清楚，而你最需要交代的人，其實只有你自己而已。

#創業 #副業 #創業家 #企業家 #網店

一對一網店副業或創業培訓：
https://seminerdlabs.com/learn-business/

=====
「半宅職薯研習所」提供：
一對一事業諮詢
網店副業或創業培訓(一對一培訓，手把手幫助你建立出可營運嘅網店！)
助你找到事業的出路。
立刻 Direct Message 半宅職薯
或 WhatsApp: 52444531

Payme [捐款]: https://payme.hsbc/deepwebkid




Instagram: https://www.instagram.com/dw_kid12/

Facebook: https://www.facebook.com/deepwebkid/?modal=admin_todo_tour
Spotify: https://open.spotify.com/album/2LjUOH9T9j21GiX8jzytu6
訂閱: https://www.youtube.com/channel/UC8vabPSRIBpwSJEMAPCnzVQ?sub_confirmation=1

我最高觀看次數的影片 (我為何不再拍暗網? 只說一次): https://www.youtube.com/watch?v=jbihKaqEEQw&t=127s

首支單曲: https://www.youtube.com/watch?v=UASHWB6Ai9Y

我的成長故事: https://www.youtube.com/watch?v=Kdhtp6A6YJE

這位才是真正的網絡垃圾: https://www.youtube.com/watch?v=jlJYDx1GP-U&t=263s

Billie Eilish出賣靈魂的方法: https://www.youtube.com/watch?v=pfB1S2uy5Po&t=115s
日本最殘酷的直播節目: https://www.youtube.com/watch?v=7E81OKVX7wc
我受夠了, 我的精神困擾: https://www.youtube.com/watch?v=aQ6uxaQhiS4&t=7s

[警告]史上最危險IG Story限時動態| 會導致你手機死亡
[警告]史上最危險IG Story限時動態| 會導致你手機死亡
破解會導致你手機死亡的阿拉伯IG Story限時動態
破解會導致你iPhone死亡的IG Story限時動態
[警告!!!] 破解導致你iPhone死亡的IG Story限時動態

Instagram story that kills your phone-pgtalal

之前我第一次在Instagram stories做了一part Q&A, 大家的反應數量和問題可以說是驚人.
那試想想如果當天你按進去我story後, 你電話突然這樣...
如何想打開都打不開, 再用另一部電按進我story, 結果又是一樣. 之後所有千千萬萬的暗友做同一件事結果又是這樣.
你應該會覺得我是創造了什麼詛咒限時動態 ..可能我會從你的電話爬出嚟, 對嗎?
那如果我告訴你這個星期外國發現了一個IG網頁你一按進去他的story你的電話真的馬上會動不到, 甚至有機會之後還有後遺症, 你除了想到被詛咒的限時動態外, 還會有什麼其他解釋呢?
我們今天的影片就是會有答案.

大家好又是我暗網仔! 一起破解IG史上最恐怖的 限時動態!

告訴大家這個IG 帳號名字前, 我先想提醒大家千祈唔好按進去亂試. I do not encourage doing that.

名pgtalal的IG頁有一個令人電話動不了（俗稱 “crash” ）的IG story. 這事件得到多個網路新聞網站報道. 令人百思不得其解.
亦同時令到 pgtalal成為近日受到最多關注和追除人數上升得最快的IG網頁.

奇怪的地方是如果你是用一部 ‘android’ 電話按進這個Instagram story這個紫色畫面會出現. 同時會播著一首名 ‘your love’ 的歌曲. 唯一奇怪的地方是不像其他的IG story, 你按電話畫面不能讓他暫停.

但如果你用iphone按進去這個Instagram story, 你的iPhone是會完全動不了. 會crash.

我試過用iPhone, macbook不同電器看IG, Facebook, Youtube. 東西都是大同小異.
那為何在這個情況下, 同一個story用不同電話看, 會看到不同的東西? 不同的畫面呢?
而為什麼簡單一個IG story會好像能完全控制你的電話呢？
是黑客入侵Instagram? Nordvpn又能幫到手嗎？

(題外話: 今天的影片不是由Nordvpn贊助的. 今天沒有贊助. 但如果你想贊助暗網仔以後拍多點好影片, 這是我的payme, 暗網仔donation, 下面也有link.多多益善少少無拘! 大家可能有看片知道我之前搬咗屋. 多謝大家繼續支持)

看完所有關資料. Pgtalal 帳號沒有頭像. 有一個7000多follower的私人帳號.

之前Pgtalal有一名電視劇friends女演員的post, 亦曾有3個不同會令到你電話crash的IG story, 現在看這個page, story 只有兩個, friends 女演員個post 亦消失了。
最後他還有一個douyin帳號. 只是長期在拍一個 ‘N’ 字. 到底什麼意思?
他帳號所有的字體都是阿拉伯字. 翻譯成英文後都是好像沒什麼意思.

其實整件事件都不像是靈異東西. 而係似某一個一個聰明人做的一種實驗.
這個出現在私人頁面簡介的”full stack developer” 這個職業就是證據. 電腦專家full stack developer精通前端和後端開發軟件.
什麼意思?
這是個很懂電腦的人在玩一個遊戲. 或是想prove一個point.
英國Youtuber Mrwhosetheboss用了一大dung電話逐一去這個IG網頁時發現不是每一部android電話都能夠避免 ‘死機’ 這個情況.
越舊的電話 被story搞死的機會率越大.

去到某一些舊年份的電話根本完全打不開那個story.

這是代表什麼? 代表越新越多 RAM 越多處理能力的機器越能對付這個story. 亦解釋到為何最高只有6GB RAM的iPhone會不停死機.
唯一的解釋就是因為這個story是比一般story大, 所以需要多點RAM去處理. 可以這樣搞大一個Instagram story的嗎?

最後互聯網找出的答案非常神奇! 網上專家用metadata對比一個普通ig story的尺寸和這個放大story的尺寸　, 放大story大約比正常大18個數位那麼多! 即是0.5和180,000,000,000,000,000的對比. 想像一下, 一個capacity只能裝落 ‘零點幾’ 的iPhone 要面對18個 零的放大IG story時, 如何能不crash呢?

最後證實我們看到的只是一個IG 投票poll和計時器. 放大了的某一個角落. 所以怎麼按也沒有反應。

技術上的結論就是Pgtalal用了一個叫 http proxy的濾器, 有一點像Nordvpn, 讓他send data給Instagram 的server前能任意改變當中的data. 主要是誇大個story的size.
而IG 就這樣超超超超超大這樣　send給你電話讓你死機.

很多網上專家相信Pgtalal 這樣做是想make a statement看看IG security有多yuek!
人類安全要緊!!!
但....最後好像證明了這個pgtalal只有14歲...
所以他應該不是這麼偉大.
如果我14歲是這樣做只會是因為貪玩.

我哋先前已經介紹過全新推出嘅Amazfit T-Rex Pro智能手錶，今日我哋就有一隻喺手，馬上就同大家做個開箱！



全新嘅Amazfit T-Rex Pro 延續咗呢個系列硬朗嘅風格，拎上手雖然同一般智能手錶一樣輕身，但係感覺上明顯較為紮實，戴上手嘅觀感亦相當唔錯，好似我咁鍾意運動款同埋大錶面嘅朋友嚟講就更加唔可以錯過喇！開箱之後，由於隻錶本身無晒電，等我即刻幫佢叉一叉先！由完全無電叉到30%電力，都只係用咗15分鐘左右，咁就算瞓覺都戴住隻錶，只要平時去沖涼或者做緊野嘅時候放低叉一陣，就唔怕會唔夠電啦！


今日我就首先試試將佢接駁到我用緊嘅 iPhone先！由於呢隻錶係行自家嘅操作系統，所以接駁之前，要先下載呢個叫Zepp嘅手機應用程式。接駁嘅方式好簡單，只要用程式掃一掃錶面嘅QR Code，跟住手機嘅指示，就順利連接好，連接完仲自動下載埋最新嘅系統更新，跟住入埋自己少少個人身體資料之後，就可以開始用喇！


只要喺手錶嘅表面下方向上掃一掃，就可以見到預設嘅資訊，包括天氣、心率、步數等等，有關顯示嘅項目同埋次序，亦可以自行設定。當然，錶面亦會簡單顯示相關嘅資料。講到錶面，亦可以喺Zepp應用程式入面嘅錶盤商店，揀唔同款嘅錶面設計，亦可以喺App Store或者Google Play 入面搵到第三方應用程式，管理呢款手錶嘅錶面設計！


由於使用自家操作平台嘅關係，Amazfit T-Rex Pro 只可以將手機嘅訊息推送到手錶，暫時未可以回覆短訊，對於習慣咗用穿戴裝置簡單回覆嘅朋友嚟講，絕對有啲唔方便。至於推送嘅內容，就可以透過Zepp程式入面嘅「App通知提醒」揀番，不過要留意，就算揀咗最下面嘅「其他」，上面有顯示嘅程式都要一個一個開番，如果唔係，就一樣睇唔晒所有嘅推送。而無出現喺清單上面嘅程式，就只可以透過下面嘅「其他」去開啟，唔可以獨立操作，呢方面亦為用家帶來少少唔方便。


呢隻手錶支援10ATM、大約100米嘅防水功能，無論日常洗手、甚至浸落水中都唔成問題。正如官方網頁所講，佢通過咗多項軍事級認證，做運動或者日常工作唔小心撞到，以至跌落地，都一樣唔成問題！


呢款智能手錶主打運動功能，入面內置咗過百款嘅運動模式！對於我嚟講，健步應該係用得最多嘅選擇。呢隻手錶可以連接4個唔同嘅GPS衛星定位系統，單靠隻錶本身亦可以快速同埋準確取得定位，戴住做運動嘅路線就一目了然！


提提大家，我手上嘅係國內版本，錶面只會顯示簡體中文字，但訊息推送中嘅繁體、英文以致其他語言顯示就完全無問題，香港行貨就可以選擇以繁體中文、簡體中文以及英文顯示，不過顏色選擇就會較少。另外，呢款手錶係唔支援流動通訊網絡同埋wifi連接，所以手錶一定要接駁電話，先可以有推送同埋同步功能。雖然國內版本係有NFC功能，但係喺香港亦都暫時唔可以使用。


不過以行貨HK$1298或者國內賣緊低於HK$1000嘅價錢，買到呢隻功能多、造功靚嘅智能手錶，其實已經算相當超值！

工人姐姐Daisy來到香港照顧自小患有肌肉萎縮症的Elaine，原本毫無交雜的兩條平衡線重疊，為對方人生帶來不一樣的煙火。同在屋檐下，來自不同國度、有不同語言及不同身體狀況的她們，卻能互補不足：Daisy肩負照顧Elaine的責任；Elaine則幫助她適應文化差異。她們之間不只有主僕之情，更是「共生」，依賴彼此生活下去。

兩人一起生活，Elaine睡醒後，Daisy便馬上開始每日清晨的工作：把床上的Elaine抱上輪椅，為她刷牙梳洗，準備早餐，Elaine笑指：「通常都係食包，但佢（Daisy）食慣飯就有啲唔慣。」早餐後，便是空餘時間，兩人便會一塊看電影，「佢（Daisy）成日話要睇恐怖片，睇到一半又唔明架啦」，訪問期間她們在看經典電影《異形》，Elaine一邊笑Daisy沒有看過這部電影，同時又細心講解劇情，兩人打打鬧鬧的畫面就是平日的溫馨日常。

不過，相見好，同住難，讓兩個完全不同背景的人共住就更難。「其實我一開始都驚，佢（Daisy）講印尼文，我講中文，我連手勢都做唔到，只係得眼神」，兩人經過依靠翻譯溝通的階段，現在Elaine漸漸明白Daisy的想法，並幫助她融入社區。例如她每次外出購物，Elaine便為她準備好一張張便利貼，寫清楚購物清單，表示轉交店員就可；又為她準備印尼文、中文和英文日常生活用詞對照表，「特別要教佢「豬」字，因為佢唔食架。」

除了言語上的分別，原來睡覺時的一盞夜明燈亦反映兩人生活習慣的差別。「平時我夜晚訓教唔鍾意有光，就叫姐姐幫我擋住燈制嘅光，佢就唔明點解我要咁做」，原來在印尼，家家戶戶都是開燈睡覺，Elaine認為的奇怪，在Daisy眼中卻是正常不過。工人姐姐初時亦不習慣摸黑睡，不過生活就是要互相遷就，「佢（Daisy）話依家有我陪就唔驚啦，既然佢可以遷就我，我都想買盞小夜燈畀佢。」

兩人的關係由主僕昇華至「共生」的關係，Elaine直言從一開始就打算與Daisy朋友般相處，「佢係飄洋過海嚟到，我要對佢好啲。」訪問過程中，Daisy一個眼神，Elaine都能讀懂，記者就幸好有她的幫忙，才順利完成訪問。不過，人與人之間的關係是雙向的，Daisy亦同樣地相當理解Elaine，她憶述一次着Daisy為她拿筆，「唔係普通嘅筆，佢直接就拎智能筆畀我，媽咪都話我哋心有靈犀。」飲食差異對她們來說再不是問題，Elaine輕鬆表示：「咪我食少啲豬肉囉，不過其實我都知佢鍾意食咩，唔使特別問。」

兩人間亦發生過令Elaine相當痛心的事，使她至今亦不時非常自責。一次她們離開商場，Elaine的輪椅不小心勾碎玻璃門，「玻璃碎好似落雨咁落，我好彩無事，但佢就界到膊頭流血。」雖已即時報警，但她的輪椅上不到救護車，只可目送Daisy離開，甚麼都做不到，「理應我陪佢去醫院架，我知佢得一個人實好驚」，工人姐姐因此肩膀多了一道疤痕，疤痕亦不時刺痛Elaine內心。

再問Daisy肩膀上的傷口現時還會痛嗎？她只是笑笑搖頭：「唔痛呀，無事。」Elaine隨即打趣道：「佢傻下傻下，笑笑下就無事架啦。」或許這就是人與人之間的相處之道，互相理解，互補不足才能締結如此的和諧關係，「盡可能畀佢想要嘅，佢盡可能畀我想要嘅，同佢一齊係好開心。」