［推你要在晚餐後］又即係，肚餓唔好買Bitcoin。大量粗口（主要係在remark），不喜勿入。

TLDR：醫生係人，法官係人，投資者都係人。唔好低估生理同心理狀況對你決策嘅影響。唔好高估啲人有幾「專業」，有幾「獨立思考」。接受呢啲缺憾，然後先可以避免畀佢拖累。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 想當年，廿年前，我都仲會睇啲「教你見工」嘅書。例如話你知HR唔會以貌取人呀，HR好專業唔會畀你啲把戲玩到呀，唔好諗住吹水過骨咁呀，難逃佢地法眼。

2. 後來我心諗，頂，啲書咪又係啲HR自己寫，唔通自己話自己唔專業？個個都話自己好專業啦，除咗有啲害群之馬。正如每一個藝人都話自己唔會腿張開靠上床上位，「不過我就聽聞有其他人咁做」「但我就絶對冇」。你上網都知，戲院傾計嘅，永遠都係其他人。每一場都有人，但一定係其他人。

3. 然後，仲有呀呃食飯之王阿Jens嘅故事（https://fbook.cc/3Snu），嘻，HR有幾專業？

4. 但講返，大個仔，有獨立思考，應該知道根本唔係咁。個個都話自己好專業，不偏不倚，唔會畀其他嘢影響自己決定。下話？幸好我地有大數據（！）。打從Freakonomics一書風行後，啲經濟學家就好鍾意做呢啲研究。「當然唔係為咗出位」「學者都係好專業的」。（而事實，呢啲研究幾好做）

5. 之前應該都有人研究過，邊個時段見工嘅人HR特別易請，考試（例如考口試考琴學車）咩時間最易拎高分。甚至我懷疑你條裙幾短 心口開幾大 本身咩上圍 都有影響（黑面神多數都係男人）。你可以拎去寫論文

6. 咁講真，如果有得揀嘅，例如人地公司肯就你時間見工嘅，真係留意下。Life Hack呀，你人生就係一連串嘅法定，分分幾個小決定就一世。唔信？你諗下剛好爭幾分讀唔到醫嘅人，剛好爭少少而入唔到大球會嘅球員。

7. 以前呢度我都寫過（https://fbook.cc/3Snv），醫生生日，病人特別易死（所以識玩記得約2月29號開刀），真係高一截的。仲有聖誕，週末都係。巧合？唔係啦，人地啲數字statistically significant。原因好多，可能心情興奮，約咗人食飯，或者走到好遠食，或者早早交畀副手做。醫生都係人，唔好咁駝鳥啦。

8. 正如舊文都提過，台灣啲友鬼月唔去開刀，驚死，根本就剛好掉轉。冇人鬼月開刀，醫生得閒，先冇咁易出錯。個個質晒之前之後開，醫生咁累，先易死人。

9. 我仲提過股災醫生會唔會開錯刀，球員生日會唔會特別易拎牌，犯規（史上得一個球員世界盃生日食紅牌，咁首先佢要夏天生日），射失十二碼等等假想。「唔去讀Econ真係嘥晒」

10. 咁另外，張相左邊，係我在Patreon寫過嘅。係丫，我係睇咗WSJ嘅文。但扯，WSJ咪又係摘錄Daniel Kahneman本書。

11. 篇文，講乳癌。醫生在臨收工前，或者放飯前，都係比較少叫病人去驗乳癌嘅。所以識揀就揀最早睇，好大機會醫生都會叫你check 下

12. Daniel Kahneman話呢啲就係Noise，同一個人，唔同時間唔同情況固然會有。亦都所以佢叫你肚餓唔好買Bitcoin唔好炒股票，心理生理因素好影響我地，唔好高估自己啲乜七自制力同獨立思考。

13. 你睇下球員射十二碼，法定時間同120分鐘後互射，入球率係爭一截的。一來身體累，二來心理壓力大。或者，你睇下Paper Trade同落場真炒，考mock同真係考試（本人分別不大），自己唱K同上台唱，你咪知有乜分別。

14. 仲有，唔同人之間，noise更加大。佢地做啲研究，即使同一個國家，同一個case畀啲法官睇量刑，判刑年期都可以爭三四年，財務顧問嘅，畀同一個客嘅資料佢，話風險承受能力好低至到好高都有，建議配置股票嘅百份比，由0-100%都有，「即係亂嚟」「明明話財務顧問好專業」「佢係專業，但唔係對你專業啫，邊個產品分佣分得多咪建議邊個畀你」

15. 右邊嗰篇，Economist，講Decision fatigue，亦係講肚餓或趕收工集中力下降。佢用個例子係批貸款重組。咁見到臨放飯或放工，批核率的確唔同。但畀你估下，臨放飯放工，會係批得鬆啲，定批得緊啲？都未必咁易估？到底肚餓時係宅心仁厚啲，定更加不近人情？

16. 答案：Decision fatigue之下，人係會啟動Default 模式！貸款重組嘅case，拉勻晒審批率係40%，所以default係唔批。亦見到趕放飯放工就會唔批嘅機會大好多

17. 法官呢？臨食飯原來易啲批假釋。醫生呢？越近放工越鍾意開抗生素（即使冇必要）。篇文冇講，但我assume 批假釋開抗生素就係default

18. 點避免呢啲情況害到你？首先個人層面，你係個用戶嘅（例如病人），除咗去game the system（做最早嘅病人）。仲可以：睇多幾個醫生，拎second opinion．

19. 仲有，文中有講，我地都係會先入為主嘅。所以有時你做決策時，可以整張Check list．例如請人，與其你畀佢天花龍鳳第一句就刷你鞋，不如整個check list喎，啱嘅先mark．唔怪得HR咁鍾意整份interview form畀 interviewer填。而埃汾就最憎，埃汾最憎填form。冇錯，我其實係個睇feel嘅人，歷任嚟見過工嘅事後都會知，我理得你講到天花龍鳳，我最關心係：我同呢條友夾唔夾到，會唔會日日想打七佢。咁當然，傾一陣未必知，所以早期我in係in好耐的。後期比較忙，就求鬼其。冇錯，decision fatigue，而我從冇話我係完美。（＊）

20. 又或者，休息下。真係十分重要。唔同嘅作家（！）有唔同嘅寫作方法，好古靈精怪都有。實不相瞞，我寫文冇靈感嗰時呢，知唔知會做乜？係去沖涼，一沖就好多靈感。

21. 仲有，你見我成日睇埋啲垃圾港產片，有啲真係唔睇都知垃圾，亦係為呢種作用，放空呀。同樣地，以前我去唱K呢，就真係完全專心唱歌，唔睇電話，亦唔講任何工作嘅嘢，亦都唔會講股票講市。

22. 最新嘅例子？而家呢篇文亦係。Andrew Wiles嘛，唔發現呢排我都好少在呢度寫股票？但事實Patreon先寫啦。Nvidia 愛馬士 日日新高 又話你知咩。仲畀你啲網友屌我唔識晶片添。係喎，我要識分啲袋先可以買愛馬士股票呀可。甘比發咗達未？（當然發咗！但佢係發咗先識分！唔好因果掉轉。即係咁講）

（＊）我耿耿於懷一件事。我在康宏時請個馬仔，咁原本都有個驚跌地我覺得OK。我老細亦都基本上信我，只係循例望左一望。點知去到HR，HR條女阻我。話條友英文唔得。我心諗，你戇鳩的嗎？我何來care佢英文得唔得？我老細都未出聲。況且，閣下咩position去話佢英文唔得？你英文好得？仲屎過我。不過當然講就天下無敵，我已經進入咗佛系mode，十幾年前可能我會嘈上去，而家嘛，「是但啦，請過個」。所以後來有位英文一樣都係媽媽地嘅小朋友執咗佢二攤，呢位小朋友都知呢個故事。呀小朋友都奇怪，做乜佢出身各樣嘢都麻麻地，成績又唔係好，我都請佢。答案，冇架，啱feel，加埋，夠平。因為我唔撚想又同HR解釋一大輪做乜鳩佢個「薪酬調查」（＊＊）話冇經験嘅應該咁多咁多人工，而我要畀多一兩千。

（＊＊）呢個真係屌開有條路，鬧多嘢。最撚好笑，佢地個乜柒「薪酬調查」。出嚟話呢個位，一年經験個人工應該20-22K（唔係實數，不重要）。話我畀23K佢多。OK，咁我當然知道呢啲都係佢地職責，或KPI，或刷存在感嘅方法。是但啦，關我春事，又唔係畀我。咁但，turn out 佢offer畀條友，係19K（留，係另一HR）。咁照計，關我春事，又唔係畀我。但我都要同個小朋友交代下嘛。我問返此HR，你老味我畀23K你又用你個「薪酬調查」大我，而家你又畀19K？即係你個「薪酬調查」把撚架啦。你估佢點答我？嘩我真係拍手呀，佢答我「我地公司有其他 benefit啦」。我屌你啦，你個「薪酬調查」其他公司肯定冇benefit架，其他公司冇大假架！冇Pantry呀！斟水要畀返錢公司呀可？當然我只係婉轉咁話佢知件事有幾好笑，而其實此人（另一個HR）冇乜嘢，都係跟規矩做嘢，所以冇必要搞到佢難做。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

「你一個四十幾歲嘅男人咁唔成熟，行到呢一步先同我講話唔去Final Interview，你知唔知我幫你安排咗幾多？你其實有冇心想轉工？你覺得自己有冇問題？你都知道你自己幾難搵工，而家有好機會你唔好好把握？你係咪男人？垃圾！」

因為Candidate WhatsApp 封鎖了Joanne，又唔肯聽佢電話，Joanne無可奈何地只好利用電話訊息去作出最後的呼喊。

一個非常之罕有嘅職位，配搭一個全香港少於五十個的求職者，加上疫情影響，造就了今次咁瘋狂的、咁無厘頭的甩單。

客戶係Joanne的大客，一間本地上市公司，好難得可以有一個Exclusive職位開俾佢做，又好難得搵到一個好適合嘅求職者。經過三輪面試之後，其實第四輪Final Interview已經係一件「做吓門面」的Final Interview，事實上，HR已經和Line Manager溝通好，如無意外，Final Interview當日已經可以出到Offer。雖知道呢張單價值$300,000，係呢個時勢特別顯得矜貴，淨係Commission都可以有六位數字，所以，Joanne用咗好多好多心機係這張單上面。

求職者方面，叫Raymond，年約45歲，有20年工作經驗，20年之內做了10份工作，最近三份都係短期合約，自己心裏面非常想找一份穩定的工作，入大公司，轉返做長期合約。其實如果照住履歷表咁樣睇，任何一間公司都比較難考慮，因為太Jumpy。但係，基於依個職位實在太難搵人，尋找了超過一年以上，加上Joanne極力推薦，所以客戶都盡力去推。因為疫情關係，所以面試都要在家中進行，經過三輪Zoom面試之後，最後一輪選擇用電話和CEO交談。

呢個時候，問題來了，原來Raymond一直都未有填Application form(職位申請表格)，一般情況，求職者都會係第一輪面試當日已經要填好。因為疫情問題，填form變得唔係最迫切，通常HR都會要求後補。係依個個案入邊，HR曾經多次提出要補返職位申請表格，Joanne亦都三番四次要求Raymond盡快填好，可是一直都未有收到，因為其實「只係一張職位申請表格」，所以都未有太過為意。

係最後面試三個小時之前，Joanne打俾Raymond。

Joanne：「Raymond，下晝就係Final Interview，準備成點呀？同埋之前叫你填嗰份表格今日可以比到我嗎？HR又再繼續催我Send俾佢。」

Raymond：「OK啦，呢幾日都好忙，冇咩點樣去準備。份表格未有時間填，同埋我冇Printer，印唔到出嚟，唔填表格得唔得？」

Joanne：「吓，如果你冇printer，點解之前你一直唔講，同埋又唔同我講，其實我可以幫你印出嚟，因為真係要交俾佢哋，請問你今日方便嗎？或者公司附近有冇文具舖可以幫手印同埋Scan？」

Raymond：「今日真係好忙，同埋公司附近有文具舖，但係上次問過都幾貴，唔想嘥錢。」

Joanne：「咁不如我印出嚟，直接約你出嚟拎俾你，你抽幾分鐘幫我填埋，跟住我幫你send返比個客可以嗎？」

Raymond：「今日真係行唔開。」

Joanne：「咁樣我幫你填，你轉頭將啲資料俾我可以嗎？我等你收工，你可以補番個簽名，跟住我聽朝幫你send出去。」

Raymond：「其實咁麻煩，不如算啦！都唔明做乜要填form！算啦！我唔應徵呢一個role喇，唔好意思，你幫我withdraw啦，拜拜！」之後便cut了線。

Joanne諗住打返俾Raymond，已經被佢block了，張到咗嘴邊嘅單就係咁白白溜走，好似望住啲錢跌咗落海咁樣嘅感覺。Joanne心入面十萬個粗口，好想親自上Raymond公司俾張Form佢同事轉交俾佢。
心諗：「如果張表格可以係電子版就好，唔使咁麻煩！無啦啦因為張表格少咗咁多Commission。」

在 2021 年的今天，愈來愈多傳統的 forms 已經被電子化，大公司的Application Form 亦採用 online submission 的形式，或者直接以 online application 所取替。不過，其實諗深一層，求職者都好有問題，如果真係想轉工點解唔肯盡量配合去填一份表格？Joanne又真係唔好彩，撞正疫情真係要Online做面試，雖知道而家唔係個個屋企都有部Printer同Scanner。至於Raymond，被Joanne的獵頭公司落入黑名單就梗㗎啦，Joanne仲未決定點樣同客戶交代：如果好人嘅話，就會同客戶講佢有新嘅Offer；如果衰啲嘅話，就直接同客戶講依個咁特別嘅原因，根據客戶的內部指引，這種求職者會被落入黑名單，唔單止間公司甚至附屬的子公司亦會收到。

呢件事其實雙方都有錯，Joanne太大安旨意；Raymond又真係唔係咁注重客戶嘅政策，白白浪費了一個令到佢履歷表洗底嘅機會。

🔎歡迎follow我MeWe & IG: Fulltimeheadhunter

唔好成日講搵工甜故，今日認真講下搵工。

1. 搵工第一件事，執CV

基本嘢英文文法唔好錯，最重要簡單整潔，大約一頁CV 就足夠，過長太boring。

關鍵字亦好重要。一般大公司都係CV 做關鍵字screening 先，之後才有HR review 你的CV。例如，你apply bank finance team，banking return. FRR 之類的關鍵字要見到，你先可以pass 到system 呢關。

即使你pass 到system 呢個關卡，但HR 都要review 好多CV，到底如何stand out 呢？

網上有CV 生成器，我用開cake resume 的CV 生成器，最少令你CV 比其他applicant 有d唔用嘅地方，增加成功機會。

2. Apply 工同send CV

宜家呢個時勢，如果你失業，就千萬不要挑剔，點為之挑剔呢？ 就係你無興趣又睇唔起嘅工，你唔去apply。 你第一個反應問：「就算佢請我，我都唔會做，間公司咁細，人工又唔好，咁做咩要apply，浪費時間呢？ 」

如果我同你講，時間從來唔會浪費呢？又如何？

Interview 要practice，practice makes perfect。In 得多你慢慢知道interviewer 會問咩問題，佢要嘅係咩人。至少你成日interview，你唔會好似第一次咁口震震呀。

更重要係如果你interview manager or assistant manager position，其實in 你嘅都係Financial controller or senior manager，佢地嘅時間就係金錢，但佢地竟然浪費時間去interview 你，即使係幾細嘅公司，每一次interview 都係一個學習嘅過程，它都令你下一次interview 做得更加好。

都係果句，盡可能send 更多CV 出去，即使不是你嘅專業，即使你只係做audit 狗，但都可以send CV 去apply investment manager，credit control，compliance或者其他financial service position。如果你連機會都唔俾自己，你點會搵到工。

當然send CV website 有LinkedIn, cpjobs, ctgoodjobs, jobsdb, efinancial。我最常用LinkedIn, ctgoodjobs 同jobsdb。

Jobsdb d job 係無咁好paid，但勝左apply 完真係有人review 你嘅cv，唔會好似其他website 咁次次apply 都石沉大海。 我朋友話一個job ads 係jobsdb 兩個鐘就有200 個applicants apply，簡單來說就係手快有，手慢連interview 機會都無。

我平時就下午12:30-14:00 搵工，去不同的website send CV，大約apply 10 份工先，到下午3-4 點去個coffee break，再apply 3 份工，之後放工再apply 多十幾份工。apply 工又無成本，都係1 click apply，點解唔俾個機會自己呢？

3. Interview preparation

基本要預備以下問題：
「點解對我地position 有興趣？」
「你以前份工遇到最大困難係咩？」
「你個experience 唔夠，你覺得我地公司點解要㨂你？」
「做manager 你覺得最重要係咩skills？」
「你career path 係咩？Short term 同long term goal 係咩？」

呢啲基本question 自然要諗好點答，點樣可以用你過去experience 去貢獻到間公司。

In case 你真係轉field，又真係對新position 一啲認識都無，你show 到一個can do attitude 又係另一個致勝關鍵。畢竟要學識又唔係難事，難就難在佢唔俾機會你。當然，就算你demonstrate 到你有can do attitude，你都要有一定soft skills （eg. people management skills, project management skills, communication skill等等) 的配合，唔係都無用。

4. 如果interview 又失敗，點算好呢

每一次失敗，都要反醒你interview 失敗的原因，唔好成日歸咎於你係呢行唔夠經驗。因為佢地係scan 過你CV先interview 你，但就算佢知你唔夠經驗都肯in 你，代表佢都肯俾個機會你。當然宜家疫市，經驗充足一定佔優，但interview 得總係有機會嘅。

最好每次失敗都想想，你係咪答得唔好呢？又或者面部表情做得唔好？

Interview 係一個market 自己嘅過程， 就係包裝自己再將自己賣出去。如果你都唔相信自己做得到，interviewer 又點會相信你呢？

我會建議每次interview 前對住塊鏡催眠一下自己：
「我有信心，我係你地想請嘅人」
「我有信心即使我經歷唔夠，但我可以憑住我的soft skills 同can do attitude 好快學識。」
「我有信心，係咁多applicant 入面，我係最適合的一個。」

不要取笑這個催眠過程，如果你連自己都唔信自己，難道你要求你interviewer 要相信你有能力去帶領佢地嘅部門嗎？

你要令佢地無猶豫咁請你，靠嘅並唔係你有幾多經驗，而係靠你market 自己的能力。

當然搵工係靠運氣，但就算你有運氣又有機會，你又可唔可以把握到個機會呢？ 呢個就睇你market 自己嘅能力。

簡單、清晰、令interviewer請你沒有一點猶豫。

希望幫到大家！

IG: Fakemanching1607

【?‍♀️愈安慰愈傷心 語錄?‍♀️】
｜?愈慰愈傷心 明明無餘地再慰問｜

傷心的人別聽慢歌，安慰傷心的人就別說太多....
#Share俾成日講以下廢話來安慰你嘅朋友睇下?
1.The Best is Yet to Come
2.舊嘅唔去新嘅唔嚟
3.盡咗力就得
4.過去已成為過去
5.非洲的人比你更慘
其實金句
6.冇事丫嘛？(唔開心約見面第一句)
7.我知吖，我明喎 (聽咗少少就話明...)
8.喊完，訓醒就冇嘢，開心返啦 (暗示要你返屋企...)
9.#你仲有聽過咩警世安慰金句？?歡迎留言提供，成為《愈安慰愈傷心 語錄》作者之一
結論：切勿找豬隊友訴苦?
_____________________________________________
?想睇WHIZers日常笑料揭秘?去ig #WHIZOOlab
( http://bit.ly/whizig ?)
?識睇WHIZOO一定係去YouTube睇完全版：http://bit.ly/whizyou (記得Subscribe埋☑️)

#周秀娜、#彭秀慧、#鄭欣宜，因 #電影《29+1》連成一線！29+1嘅佢地中女指數有幾高？捱唔到夜、唔去夜蒲⋯⋯唔知佢地各自中咗幾多項！不過29+1唔止年紀增長，三人都用心琢磨一套生活愛自己之道。

立即訂閱 → https://bit.ly/SubscribeToCOSMOHK

Cosmopolitan HK: https://www.Cosmopolitan.com.hk
Facebook: http://fb.com/CosmoHK
Instagram: https://www.instagram.com/Cosmopolitan_HK