黃金冒險號
英國給你的第一個Bonus

一直不知道手持BNO和他去了英國，才知道他可以那麼小男人。

你明白，與他連根拔起，帶着有限的積蓄來到英國，買一層單位收租，另買一公寓自住，安頓之後，發現生活要一點規劃，有待克服，總似有一點生活靠食穀種的恐懼。

Yes, 用錢不會有如在香港那麼忘我，it’s all understandable. 然而你有時也提醒他：不必太擔心，英國超級市場的物價很便宜，我們不缺錢，一切OK。

然而那天在曼徹斯特，當你們發現一座停車場，他準備駛入，他先是停車看着收費表，面有疑色。你催促再三，他不情願地開進。忽然有令人驚喜的重大發現：停車場的閘自動升起，原來不知發生了什麼機制故障，該場有一張告示：竟然宣布免費，直至另行通知。

他看到此一告示，竟然開心大叫一聲，面上露出嬰兒一樣的快樂笑容，久久不散。

吓？Come on，James ，使唔使開心到咁？

他不斷說：wow，英國真好，原來如此有人情味，竟然有停車場主動免費，那麼我們可以把車泊在這裏一整天，省回至少十鎊。港幣兌英鎊十元多，即今日獲利一百一十元。

然後James 他開始喋喋不休聲討香港地產霸權下的停車場，時租已貴達四十元，而且若有故障，寧願封閉，絕對不會免費益街坊。彷彿移居英國，又找到了一個心安理得的理由。

你靜靜地聽着，不想掃他的興，因為畢竟才剛來了兩個月。但是他此刻的歡欣雀躍是那麼的小男人，與你認識的在香港同居了十年的他，突然發現，判若兩人。

尤其第一次他約會你，在香港君悅的 One Harbour Road，你在餐牌上自由選擇，他完全沒有皺眉頭，還主動揮手多叫了一支2005年的Cabernet Sauvignon。以他做Sale士的收入、不算太過豪奢，他沒有扮富豪，而因此你很convinced ，他對數目不是那麼斤斤計較的人。

以後住在一起，對於房租、水電賬單，共用的信用卡數，在香港，確實他也沒有多看一眼。

但是為什麼來到英國之後，他幸運地得到一天免費泊車，高興得像中了六合彩二獎，對於錢，會變成了另一種眼界？

傳說華人移民加拿大，因為恐懼坐食山空，會非常計較唐人街那一家菜館同一價錢叉燒會多兩塊、套餐的白飯任意免費添加。據說這是一個香港人移民變成加燦的過程。

而BNO是否一帖將一個魅力中環港男逐漸變為「英燦」的催化劑？

如果是，那麼OMG，你們還要面對5+1漫長的近六年。

你只有從positive 處想：他得到泊車優惠的這個笑容，是多麼的純真，至少這一刻，他省了這一百元，由衷的感到快樂。而他的快樂，也就是你的快樂。

那天的曼城下着微微細雨，天空很灰冷，但他這幾天的面色的陰霾卻一掃而空，展現出少見的陽光。對於一個停車場、芝麻開門地magically 顯現了他性格本色的這個英國，這一刻，你感受很複雜，不知道該埋怨還是該感激。

你幽幽的嘆了一口氣。他問：什麼事嗎？你說，沒有什麼，讓我們看看陶傑的Facebook，在這一帶有什麼推薦的好玩的地方，讓我們等待陶傑開Patreon。

他高興伸出手，give me five，說：Yeah。You brighten my day。

而你知道：brighten 他的這天的，不是你，也不是陶傑，而是英國這個隱蔽的故障免費停車場。此刻，你感到一絲淡淡的哀愁。

我真係好鍾意揸車，大家睇開嘅都知，我早早考咗香港唔少車牌，最終唔夠時間學埋拖頭就要走，當中有遺憾無可惜，因為香港揸車嘅環境實在太惡劣。

必須講身為一個的士佬，我揸車態度喺不知不覺間變到好衰，逢打燈都只有人督油，於是愈來愈少打燈，夠膽你咪撞埋嚟囉，車尾快入就唔會輸。搭親車都話趕時間，口裏話唔識乘客理得佢死，始終都係會心急的。而反智嘅香港規劃，就係大部分人都係同一時間流向同一地點返工，同一時間有一大堆車流出嚟，吐露港同屯公老母，俾人屌咁多年，條路依然愈來愈窄，羨慕死唔少女人。

好多人以為香港塞車問題係道路規劃問題，實際上係人流問題。香港明明好大，但係按功能分區，商業去中上環太古icc，觀塘荃灣文職嘢，返學人人揸部車出嚟跨區，起幾多繞道幹線都只會繼續塞，順手塞滿埋大陸工程公司嘅口袋。喺新界返工嘅朋友都知道，逆流返工係幾咁幸福嘅一件事。

去到星期六日，隨時塞過平日，不必要嘅慢車，造就更塞車嘅假期。而且都係人流湧向大商場，排隊入場又係塞死全世界，一家大細飲完茶，爸爸都未泊到車。

喺香港點解要揸夜更，因為只有凌晨先有駕駛樂趣。直到嚟到英國，總算重拾揸車嘅熱情。唔焦急嘅生活節奏，駕駛心情平和咗極多，人人禮讓。做行人過斑馬綫習慣性停低，俾的士佬屌我what 柒 you doing，先醒覺斑馬綫唔再係死亡陷阱，而係行人優先。

天氣清涼，車嘅引擎都爽啲，加上唔會因為改裝就被捕，唔會因為改到部車安全啲就被勾車，揸車唔使做賊，想揸快可以去賽車場，各項因素造就舒適嘅駕駛環境（倫敦例外x3）。

將來會唔會考呢邊嘅的士、貨車牌？遲啲再算，如果可以，會想從事返廣東話相關職業先，保留我哋嘅文化最重要，或者發展下在英港人子女中文教育，有的事發展空間，唔會一有生意就加租，同揸車一樣，車速慢咗，節省更多時間，輕鬆同自由，大概就係咁樣用。

阿妹，想食乜！同你介紹返咩係菜！

亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！

1）是日任務，賣菜！地點，屯門新墟街市，下午時段

2）政府街市，非領匯，檔口係兩個連位，目測菜品種類超過三十款，每款都唔算多

3）第一單生意，菜芯，一斤，廿蚊（覺得貴？咁要睇埋落去）

4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史

5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人

6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點

7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重

8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假

9）付出咁多，你得到咩？養妻活兒，買樓唔太大既樓絕對無問題

10）睇到呢度，想入行做店主？請睇後面，會講晒所有條件比你聽

11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔

12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤

13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）

14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你

15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過

16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好

17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二

18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣

19）幾點前買菜最好？中午前啦，中午後就開始有野賣晒，當然你食大路野都會比較易買到

20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）

21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）

22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜

23）有機菜係咪會多d蟲，係，因為用少左農藥，整體會「樣衰」過無機菜

24）點樣洗菜最好？浸，然後洗兩轉都夠晒

25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌

26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下

27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存

28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份

29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值

30）冰菜上面既冰係咩？鹽份，所以冰菜有咸味

31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……

32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？

33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）

34）點解每種菜唔同價錢但收幾錢就咁快計到？店主話當你日日都計，計足十年，你都可以

35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾

36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳

37）平均一斤菜有幾多利潤？唔定，愈大路既菜利潤愈少

38）有冇人收陀地？無，最多都係舞獅派財神，十蚊打發走個種（佢係政府街市）

39）老老實實賣菜係咪生存唔到？係，答案太長，下回分解

40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多

41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）

42）有關點揀菜……篇章太長，我會之後再解釋，今日記野都記到我頭都暈

43）是日進貨成本，1052；是日銷售額（只計紙幣）3800

44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！

作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！

所以讀者們如果有問題想再問既，請留言！！！！！！！！！

如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！

賣菜系列將會下周再來！而我亦準備做圖文版本，需要較長，敬請留意我既更新

#盈悅坊#四季湯湯包#滋潤湯水

訂購 盈悅四季湯 網站 : https://ulifehk.com/online-shop/products/seasonal-soup/
更多 盈悅坊 食療服務 : https://ulifehk.com/online-shop/

湯水喺香港嘅飲食文化之中佔咗一個非常重要嘅位置，但係都市人生活繁忙，要買材料煲湯都唔易，如果有方便又慳時間嘅湯包就好啦！

盈悅坊最近就推出咗四季湯湯包，客人只需要預早上網落訂，湯包就會喺指定日子運送到客人府上。而盈悅坊喺設計湯款嘅時候，亦會使用上唔同材料配搭，去配合返香港嘅四季變化，調配出適合時宜，既養生又好飲嘅滋補湯療。而且佢哋每日都會提供不同湯款，每款湯都有各自嘅功效，認真細心！

喺湯包上，佢哋使用真空包裝，保證衛生！翻熱亦都好簡單，大家可以原包放入滾水加熱，或者倒落碗放入微波爐都可以，成個過程唔駛三個字，熱辣辣嘅湯水已經有得飲喇！

除咗提供月子餐之外，盈悅坊亦都照顧到屋企其他成員嘅需要，喺我面前，呢款 瑤柱螺頭蟲草花竹絲雞湯 就係一個好好嘅例子！聞落去已經非常香，賣相簡直係一流！等我試埋個味先。哇！真係聞到好香。試一試味，個湯好入味！以後唔駛自己煲湯！滿分！

如果大家都對四季湯有興趣嘅話，可以上去盈悅坊嘅網站，就可以睇到有咩湯款可以訂架喇，唔講咁多，我飲埋碗湯先！

Xiaomi小米喺稍早時間就推出咗小米手環6，今日就等我哋做個開箱睇下！

小米手環6配備咗 1.56 吋嘅 AMOLED 觸控式屏幕，比上一代嘅1.1吋屏幕加大咗接近50%，令用家可以一次過喺手環上睇到更多資訊。呢隻手環喺使用上亦都好簡單，用家只要透過手機使用「小米運動」呢個應用程式，就可以為手環進行詳細設定、同查看各類健康數據等等。

呢款手環擁有5 ATM防水等級，支援 50米防水，無論落雨或戴住去游水都完全冇問題。同時，佢支援至少30種運動模式，例如籃球、拳擊、羽毛球同跳繩等等，用家只要選擇返相應嘅運動，佢就會為用家記錄運動時間、心率同卡路里消耗等等數據。佢仲可以自動偵測健步、戶外跑步同踩單車等6種運動，萬一用家唔記得開啟運動模式，手環都會自動記錄低呢6種運動嘅數據，認真貼心！

小米手環6亦加入血氧檢測功能，用家除咗可以於日常或運動時隨時檢測血氧飽和度之外，喺夜晚訓覺時亦都可以配合埋心率監測功能，得出一份睡眠分析報告。另外，小米手環6仲有提供心率異常提醒、個人活力指數、壓力監察等功能，協助用家提升自身健康。

小米手環6採用磁吸式充電，正常使用嘅話可以有14日續航力，而重度使用就可以有5日續航力，絕對夠晒用！

小米手環6喺香港已經公開發售，黑色版本價格為HKD$299，呢個價可以買到一隻有咁多運動模式，又有血氧、心率檢測等功能嘅手環，真係好抵玩！

｜MINI Cooper電動車｜234公里續航力難勝任腳車 Go-Kart特性啱做玩樂車
雖說MINI一向標榜玩世不恭，但無論如何任性，有時候也要跟着時代的步伐一齊走。MINI最新的一步就是走向電動化，但對向來講求駕駛享受的MINI忠粉來說，這一步究竟是邁向成功或是失敗呢？單憑外形來說，今次來港的MINI Cooper SE承接了MINI潮味十足的作風，再加上試駕車已用上2021年最新款的facelift造型，車頭的鬼面罩和泵把都跟2020年款的MINI Cooper SE不同，看起來有一種概念車的味道。作為一部電動車，MINI Cooper SE除了以energetic yellow螢光黃作點綴，廠方亦刻意把輪圈設計成英式三腳插蘇一樣，以強調其電動車的身份。

熟悉MINI的朋友都知道，Cooper SE內裏其實仍然是2013年推出的F56 MINI Cooper，因此內櫳方面並沒有太大更新。最主要都是新車使用最新的電子儀錶板、軚盤用新的設計和按鈕、中控屏幕亦改用新一代MINI Connected介面。可惜今次試駕車未有配備原廠導航，因此未能透過導航尋找充電站的功能。據代理說，正式交車時MINI Cooper SE均會配備原廠導航，因此準買家們大可放心。

https://hk.appledaily.com/lifestyle/20210609/EZVN62Z575BSZJN7VUBNEE2IYI/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#試車 #MINI #電動車 #CooperSE #GoKart
#果籽 #StayHome #WithMe #跟我一樣 #宅在家