恐怖一粒鐘 391 第一節 網友怪異相經歷和沙田奇聞
https://youtu.be/2tkh3zg2LAY
恐怖一粒鐘 391 第二節 香檳大廈唐裝男身世之謎

《無二之初》深夜無人小巴（八）
　
我諗，都係由我交代返成件事會比較清晰。我叫做韋家聰，正如大家所知，嗰晚我趕完去見嫲嫲最後一面，離開醫院後無意中上咗一架無人駕駛小巴。而小巴上面除咗我之外，仲有幾位衣著風格完全唔屬於我哋年代嘅乘客……
　
當中一位年紀大約三十出頭，著住紅色旗袍嘅女人，呢刻就坐咗喺我隔離，伸出白晢嘅右手，距離我越嚟越近……
　
＝＝＝＝＝＝＝＝＝
一至七集：
http://bit.ly/2RwLSgw
＝＝＝＝＝＝＝＝＝
　
……最後，掂落我個額頭度。
　
「你係唔係覺得唔舒服？」旗袍女人憂心咁問。
　
「吓？」我愕然了，「我……」
　
非常意外地，佢隻手居然一啲都唔冰凍。反而仲相當溫暖，同佢蒼白嘅臉頰完全係兩回事……
　
「我冇事。」我微微向後一縮。
　
見到我有呢個反應，女人都慢慢收返手，然後講：「冇事就好。」
　
「妳……咳，」我清清喉嚨再講：「妳頭先點解會話我上錯車？」
　
「唔……」佢聽完皺起眉頭，顯得相當苦惱，「其實我都唔知應該點解釋。總之……當我第一眼望到你嘅時候，就覺得你同我哋好唔一樣。」
　
「唔一樣？」將呢個說法同無人嘅司機座位兩樣嘢串連埋一齊，結論大概只有一個，「妳意思即係妳唔係人……而係……靈體？」
　
我始終唔敢講出「鬼」呢個字。
　
「我都唔清楚。事實上我有好多嘢都唔記得，甚至連自己個名都講唔出。」佢講到呢度突然將目光移向我身後，「我只係知道自己點解會上咗呢架小巴……我係嚟參加一次旅程。」
　
「我都係。」前面嘅唐裝男人突然擰轉身講：「但總係硬係覺得好奇怪。」
　
「嗯，」佢隔離嘅卷花頭女人接住講：「阿姐我都覺得好唔自在。」
　
「呢層當然喇！」我終於忍唔住企起身，指住前面，「你哋見唔到呢架車冇司機咩？」
　
「小巴？哦……你講緊呢架白牌車。」唐裝男人恍然大悟，「唔係，奇怪嘅唔係呢個地方，而係後生仔你啊。」
　
「我？」
　
「只要你一日喺呢架小巴上面，我哋一日都唔會完成到旅程。」旗袍女人認真咁講：「然後……就會永遠被困喺呢度。」
　
「痴線咩……架小巴冇可能一直開住，始終會停低㗎嘛！如果唔會停我頭先又點上到車？」
　
「No, it won't.（不，它不會。）」唐裝男人前面嘅另一個男人回應。咁樣一講，先知道原來佢同隔離嘅女人都係外國人嚟。可能見我一臉錯愕，佢再轉用唔咸唔淡嘅廣東話講：「喺我哋順利完成旅程之前，車係唔會停低。」
　
「我唔信……」我搖搖頭，腦海隨即浮起一個念頭，「我而家就停俾你哋睇。」
　
說罷，我即刻離開座位移動去車頭。雖然未學過車，但曾經有段時間都成日去機鋪玩賽車GAME，加上而家夜晚條馬路車唔算多，要剎停架小巴應該唔係難事……
　
當然，前題係架車真係可以被控制……
　
因為前排嘅「人」並冇出手制止，所以我好順利就嚟到司機位前。先戰戰兢兢咁坐上去，見冇事發生就伸出手想控制軚盤……
　
但就喺我雙手掂落軚盤嘅一刻，我突然感到成個人天旋地轉。而同一時間，車外面又變得好光，光到好似俾電筒正面照射住咁。
　
見勢色唔對我立即放開手，果然慢慢就冇再頭暈。本來，我仲以為強光會帶我哋穿梭到另一個地方（就好似電影小說入面嘅情節咁）。但結果，架小巴依然係喺本來嗰條馬路上面行駛緊，而感覺仲係我所認識嘅地方……
　
唯一唔同咗嘅係，小巴入面居然又多咗位男乘客，坐咗喺旗袍女人嘅前面。
　
「咦？」個男乘客一見到我哋好驚訝，「點解架車會有咁多人？我嚟之前明明聽人講過剩係得我一個……啊。」講到呢度佢突然撳實天靈蓋，表現到好似好頭痛咁。
　
「哥仔……你係唔係停唔到車？」旗袍女人無視佢問。
　
我點點頭，再望一望窗外面。雖然有好多嘢都未搞清楚，但如果呢架小巴真係好似佢哋所講咁唔會停低，又一直維持住呢個速度嘅話，咁就幾乎係冇可能離開……
　
跳車嘅話，呢個速度落地肯定會粉身碎骨的……
　
可惡，唔通真係冇嘢可以做？諗到呢度，我下意識咁拎出自己部手機……
　
「係喇！」當我見到手機仲係收到訊號嘅時候，即刻激動到成個人彈起起身，「或者……我可以試下搵人幫手？」
　
因為唔知訊號幾時會消失，所以我即刻打電話畀腦海裡面第一個勾起嘅人──如初。
　
接住，係熟悉嘅等候鈴聲……
　
「喂？」未幾，如初就接聽了。
　
「如初！」我感動到成個人震晒，「太好喇……估唔到真係可以打到畀妳！」
　
「估唔到……阿聰你而家喺邊度？……沙沙……點解周圍好似咁嘈嘅？」
　
既然我呢邊都聽到有雜訊，咁我估如初嗰邊情況應該都係差唔多。
　
「我而家喺架小巴上面！」
　
「我聽唔清……沙沙沙沙沙沙沙沙……」
　
「如初，我而家喺小巴上面啊！喂，妳聽唔聽到！？」
　
「小巴？喂，阿聰？」
　
「如初，好彩有訊號咋！但我唔知仲可以維持到幾耐，如果妳唔聽電話就真係唔知點算……太好喇……」
　
「到底發生咩事？阿聰……沙沙……不如試下我打畀你……」
　
「唔好！如果收咗線……就未必可以再打通返……啊！？」
　
講到呢度，車外又轉嚟另一次強光。同上次一樣，車上面又出現多一位乘客。連埋我在內，而家車上面已經有八個乘客了。
　
「喂，如初，妳仲喺唔喺度啊！？」見通話冇咗聲，我即刻慌張到由車頭行返去車尾，希望搵到個收得最清嘅位置……
　
直至行返去旗袍女人附近嘅時候。就好似奇蹟一樣，如初把聲再一次響起：「阿聰……」
　
「如初，呢架小巴……唔知點解冇司機都識得行！」我把握機會，盡可能將所有嘢都講清楚。
　
「冇司機都識行？阿聰……你係唔係睇錯咗咋？」如初難以置信咁問。
　
「我都希望我睇錯！但事實真係咁……車上面仲有班唔知係人定係鬼嘅乘客！」
　
「沙沙沙沙沙……喂………沙沙沙沙沙……」
　
雖然雜音再一次變得嚴重起嚟，但我都唔理咁多繼續講落去：
　
「我有試過停低架車，但唔成功……如初，我唔知妳有冇辦法幫到我，亦都唔知之後會發生咩事，但如果我之後再聯絡唔到妳……我想妳記住一件事！」
　
「沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙沙……」
　
「……我愛妳……」我用力握實部手機，「一直……直到永遠。」
　
就喺我講完呢句嘅一瞬間，車頭嘅收音機突然播起一首年代久遠嘅歌：
　
──♪──唏，尋伴侶大眾歡樂趣，求淑女愛她癡心最──
　
呢刻聽落，首歌嘅歌詞真係相當具諷刺意味。感覺，就好似係有人刻意安排一樣……只為咗嘲笑我。
　
──日日快樂唱隨，做一對好佳侶，唏──
　
我唔知我呢個假設係真定假，唯一知道嘅係……呢刻手機已經完全收唔到訊號，而小巴依然仲係高速行駛中……
　

（待續）
　
　
你哋冇眼花，真係提早出咗，因為夜晚出唔到 😂
　
為咗對抗 FB 嘅打壓，睇完故事嘅朋友，不妨喺留言留句「留名派嬲」同幫手 SHARE 出去呀～有留言有分享就有速度。
　　
我哋 100 SHARES 繼續，暫定星期二／三。
　
＝＝＝＝＝＝＝＝＝＝＝＝＝＝＝＝＝＝＝
　
【非呃嬲植入式廣告時間】《絕命上映》《絕望走廊》《絕無轉機》《無限次告白》《醉後的藍》已經登錄各大書局。
　
IG: echoofheart

#恭喜發財❤️旗袍女孩及唐裝男孩一起來祝福！
🎉#Anlygirls 在PCHome上架囉！#免運優惠
#滿200元再送 隱藏版「好」字小春聯一幅（送完為止）
❤️只要點選以下連結|超商領取/貨到再付款 |即享免運優惠

《旺福春聯組》
http://mseller.pcstore.com.tw/S193916542/C1167929594.htm

《萬用紅包袋》
http://mseller.pcstore.com.tw/S193916542/C1167928800.htm

《春聯x紅包合購優惠》
http://mseller.pcstore.com.tw/S193916542/C1168726792.htm

《AnlyGirls商品訊息》
https://www.facebook.com/anlygirls/posts/1850129841725730

恐怖一粒鐘 Jemdogdog http://www.mihk.tv/jemdogdog/
逢星期二和三 8:45 -09:45直播第一節免費，重溫節目月費 三個月共100蚊。一比要比100蚊才能開通，用paypal支付可直接開通。
whatsapp 訂購 56062509 全部節數Link如下。

恐怖一粒鐘 391 第一節 網友怪異相經歷和沙田奇聞
恐怖一粒鐘 391 第二節 香檳大廈唐裝男身世之謎