【Clubhouse 筆記】2021年2月18日，晚上7至9時，筆者以「一人一故事：沙田新城市廣場」為題，在Clubhouse開壇，共有近80位沙田街坊參與，以下為筆者為沙田街坊重組的集體回憶。

圖一：新城市廣場音樂噴泉
圖二：麥當勞火車頭
圖三：八佰伴開幕煙花匯演（1984）

#音樂噴泉

在一九八零年代時期，整條九廣鐵路以至新界區都缺乏大型商場，新城市廣場於八五年啟幕後，以其地域廣大著稱，新界區的居民不遠千里而來，對現代化商場嘖嘖稱奇。早期的新城市，啡色是主題，音樂噴泉位處中央，定時奏鳴響樂，不少居民均有拍照、等人的回憶，昔年有街坊埋怨人流擁擠，亦有居民留戀其報時功能。

可惜自沙士之後，音樂噴泉退位，一度變成旅行喼留痕的地帶。


#八佰伴

八佰伴，落戶香港的第一個地方，便是新城市廣場。當時，八佰伴引入第一部銅鑼燒餅機，附近還有燒饅魚、墨魚丸。那年，聽聞有小朋友首度看見木魚絲，還以為是生物挪動，嚇得食不下嚥，還要勞駕父母阻止風勢，才可小心奕奕地將美食吞下，實在有趣。時至今日，這些食物已成家常便飯。不過，當年新界居民若不前往銅鑼灣，只可在新城市廣場親嚐日本美食，體會銀座式的逛街氣氛。

話說一九八四年八佰伴開幕，還有演花助慶。城門河外，綻放煙花，不待前往維港兩岸，在新市鎮便可大飽眼福，在八十年代是劃時代的創意。


#賓士滾軸溜冰

「這個雪屐場／這個晚上／看他正翱翔似飛那樣。」達明一派《溜冰滾族》的MTV在新城市廣場取景，早年沙田區的學生，每逢放學後便丟下一句「賓士等」，然後便殊途同歸，樂於擠在那個比又一城溜冰場還小的場地「氹氹轉」，數十、一百擠在場內追逐似乎是等閒事。由於人多，全盛時期需要按場次進入。

不過，現時覺得落伍的玩意，當年卻被標籤既新潮又叛逆，乖孩子不能隨意進入。場外者躍躍欲試，場內人玩到腳腫，有趣有趣。

#時代印記

八佰伴的全盛時期是八十年代，HMV的興旺階段是九十年代。在十年一換的時代巨輪中，似乎只有麥當勞跨越的時間最長。店內的巨型火車，由門口延伸入內，更有滑嘟嘟及大樹作伴，不少中佬或熟女留下了美好回憶。在「麥記」開生日會，兼有火車及麥當勞叔叔人像陪襯，恐怕已經八十後的回憶，九十後只剩麥當勞姐姐了。

不久前，還可在陽光一代的玻璃窗外，看店內的師傅木無表情的拋餅皮，而你卻目不轉睛地看表演。在更早的日子，還有馬利奧餐廳的焗飯、金獅租碟、超人餐廳、東東雲吞麵等，在歡樂天地的波波池打架，去天台打哥爾夫球等。還有一期的七、八樓，曾經駐有診所，假如你都親見上述商舖，那麼你定必是沙田的老街坊。

#周邊商場

除新城市廣場，還有周邊的商場，包括沙田中心、沙田廣場、好運中心及希爾頓廣場等。昔年好運中心是「抄碟」的聖地，四元一隻碟，又可租碟。「龍城」是日本漫畫集中營，昔日店外羅列的書影教人沉醉。現時好運中心的倖存者，仍有德興及撈麵店，不曉得再過一段日子後，這些店舖會否依然屹立不倒？

沙田廣場的哈迪斯，應是是區內居民期盼再來的快餐店；希爾頓中心明將壽司，是全線結業前的最後分店。新城市廣場的周邊，原本是香港草根文化的集中地，可惜隨著一個時刻，萬物隨之改變。

噴泉圖源：蘋果日報
麥記圖源：劉潤來
煙花圖源：Kwok Kay Li

Telegram: http://t.me/oldhkphoto
Patreon: https://www.patreon.com/chunyu1230
MeWe: https://bit.ly/meweoldhkphoto
Clubhouse: chunyu.1230
Instagram: oldhkphoto

［第十三餐］Campus Café

1. 咪就係，Campus Café．好似香港都興過一輪呢類Campus Café
2. 型格，而呢間就真係叫Campus Café，在台北都唔少分店，以前食過都不錯。今次又係叫外賣。大件夾抵食。

3. 首先係右邊呢個，「奶油明太子總匯海鮮燉飯」，即係「忌廉/白汁海鮮risotto」。盛惠300，抵玩。味道很好，雖然就冇明太子味。啲「海鮮」亦冇乜特別，只係食個飯都夠。

4. 左邊呢個呢，Buffalo Wing，水牛城雞翼。210。嘩，咁多嘅。結果唯有夜晚食少啲。

5. 想講一講呢個水牛城雞翼，同我想像中係有啲距離。我心目中以為係唔落粉炸，用個辣汁。亦都有啲係落粉炸，但都有辣汁。而家呢個就普通炸雞翼，只係畀個水牛城汁你點。咁當然冇話正唔正宗，好食就得。咁還算好食的。不過總係覺得爭啲，「雞翼還雞翼」「汁還汁」

6. 然後講下，中文名是譯啱的，不化爐，係水牛城，唔係水牛。Name after個地名，唔係隻嘢。同「星洲炒米」「葡國雞」等等唔同，水牛城，就真係有水牛城雞翼。不過聽聞在水牛城，啲友就咁叫雞翼，default就係呢隻嘢。其他地方先要講明係水牛城雞翼。

7. 然後呢，其實我以前都研究過下，「到底鬼佬食唔食雞翼」。咁美國人當然係食的，你去KFB 哈迪斯（已死，嗚）都見到，仲有呢個水牛城當然都係美國嘢。但英國鬼呢？歐洲鬼呢？都冇話唔食，但就真係唔係十分多食。同華人肯定好唔同。

8. 因為廿年前我在英國讀書時，窮學生嘛，梗係自己煮。固然都係劣食但總算係手作仔。咁在超級市場買嘢啦，見到啲鬼佬鬼婆就鍾意雞胸肉，三四鎊一細舊（廿年前喎），都幾係嘢。但反而啲雞槌雞翼就大特價的，兩鎊一大盒。所以嗰時成日都食。亦令我覺得鬼佬應該唔多食雞槌雞翼。

9. 咁但，當然，呢個「乜乜人唔食XXX」句嘢都有啲含糊，都係多得全球化。「即係上一代都講中國人唔食生冷嘢」，但而家莫講話香港台灣，你在大陸都人人食日本刺身啦。同樣地，世界都係會變嘅，幾十年已可以變好多，上次篇文都寫過，「台灣人唔食牛肉唔食麵添」，「老鬼日本人亦真係冇三文魚刺身」，但時代會變的。同呢個「韓國菜冇羊肉」一樣，而家你去韓國菜館都係唔會見到有羊肉，但一樣有四川打邊爐有西餐咁解，雖然我識有唔少韓仔韓妹都唔多會食羊。

10. 講返呢個水牛城雞翼，又係歷史唔係好長嘅嘢。根據我嘅研究（即係，上維基），話半世紀左右。之前亦真係「美國人唔食雞翼」，一係拎去掉，一係拎去煲湯（美國人，真係恐倫布）。

11. 結果我都係一個人食晒（唔係畀邊個食？），咁所以夜晚嗰餐就食少啲了—「以我嘅標準」。

12. 又，照計14日唔重覆，完全冇難度吧。我估叫外賣一個月唔重覆都得，even我都有啲麻煩唔係乜都肯食。但出關之後7日我估會重覆，因為有啲好嘢都係堂食好。

13. 又，真係多得外賣平台。都話之前冇用，但而家一用就好有用。亦證明我唔揀酒店餐係正確。我保證我去訂W Hotel（好似係隔離酒店）都冇咁好伙食，你在香港住置地文華（有份做隔離酒店）都冇咁正。始終團餐，日日煮，仲要同一間供應你14日。「即係妻不如妾，妾不如婢，婢不如妓，妓不如偷，偷不如偷不到」，人總係貪新鮮。雖然在食嘢方面，我已經係出名可以同一個早餐食一年嘅人。但講到尾，頂，為你地有文睇咋！我就真係重覆OK的。

14. 同樣地，訂呢間酒店係貴啲的，但好在佢唔限你幾時訂餐。有啲酒店就算畀你自己叫外賣，都只係指定時間。咁埃汾呢啲半夜三點叫嘢食嘅就唔掂。而酒店又真係要多啲工作多啲人手幫你拎上拎落，所以都係錢解決到問題

15. 但又，埃汾呢排工作效率極低，其中一個原因亦係外賣app．真的，團餐嘅好就係你唔使用腦，有外賣app就江湖從此多事 ，好似皇帝選妃咁，花多眼亂，有時諗食乜都搞半個鐘。都幾大鑊。但又怕揀咗啲難食嘅會後悔。你諗下以前？咪只係食屋企樓下嗰幾間嘢，再難食你都要食架啦，頂多揀佢冇咁難食嘅嘢。而家太多選擇有時都帶嚟煩惱。叫外賣後，求偶係，做人都係

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

《我不能接受.jpg好多人唔知乜係哈迪斯！🍔🍗》

話說琴日同個friend傾傾下計講起哈迪斯呢間野就好奇大家知唔知係咩黎，點知接近6成嘅人都唔知係咩黎！！！！🤯

哈迪斯HARDEE’S係一間美國開嘅快餐店，根據維基佢1991年就進入香港市場，中環、灣仔等好多地方都有分店。可惜2006年喺香港就全部執曬。我讀幼稚園嘅時候阿嫲成日帶我去食，阿爸話係因為有長者優惠。因為哈迪斯就喺我屋企樓下，我成日去食。仲記得馬鞍山呢間哈迪斯裡面有一個迷你嘅遊樂場，我細個成日去果度玩。印象最深刻就係佢執果日，好多人喺門口影相。

至於野食嘅味道就真係因為已經超過10年前嘅事，唔多記得。但印象中個蘑菇飯同薯茸係幾好食。依家睇番個餐牌都覺得所有野都好好食！！好想食翻呀！！！😭😭❤️❤️❤️❤️ #懷舊

香港出現過唔少連鎖餐廳、酒樓或快餐店，陪伴著唔少人度過愉快時光。幾十年來，各式各樣嘅快餐店陪住香港人成長。有啲仍然風光，有啲只能回味。你腦海閃起嘅有冇哈迪斯、陽光一代同出奇老鼠？香港飲食業一直競爭激烈，好多都風光一時。選出呢十大，你哋又食過未？ Text: Wong Ki

10) 烤雞大王
喺KFC未壟斷快餐雞市場嘅80、90年代，香港出現本土專攻食雞嘅快餐店－烤雞大王，分店多數位於日資百貨公司food court。戴上膠手套手撕全隻燒雞，配埋粟米真係非常美味，令到另一同業大家樂出「燒春雞」系列打對台，可見點樣風靡一時，可惜只得一時。港產片《最佳損友》，劉華同陳百祥等人食雞食到津津有味，就係喺烤雞大王取景。

9) 農場餐廳
農家意粉前身就係農場餐廳。農場餐廳係香港90年代興起嘅連鎖餐廳，主打簡樸西餐，以抵食、真材實料見稱，高峰時全港分店近50間，只可惜老闆陳興濤喺97年金融風暴破產，全線執笠。2000年代尾東山再起，開「農家意粉」，有分店，結果蝕成千萬，今年年初最後一家都執埋。

8) 金龍船
2000年左右狂擴充餅店同酒樓，應該係為咗上市。賣嘅點心同西餅好靚，價錢當然亦有份量，又賣過廣告，主角係蕭正楠。2003年受沙士影響，生意差，最終捱唔住全線結業。

7) 東東雲吞麵
相信好多人大多透過電視廣告認識呢家粉麵連鎖店，「東東麵，非常麵」，又唱歌又急口令，宣傳包裝真係一流，八十年代時期，東東雲吞麵快餐店業務發展蓬勃，可惜食物品質參差不穩，選擇不多，00年後陸續結業。現在喺超市間中見到東東急凍雲吞同水餃。

6) Wendy's
90年代香港出現好多美式連鎖快餐，除咗Hardee's仲有Wendy's，俾香港人多個選擇。Wendy's是第三大漢堡包快餐連鎖店，80年代以「得意妹」為名登陸香港，惜三年後敗走。91年以「雲狄斯」之名再進軍香港，高峯期擁有11間分店，可惜宣傳策略始終不及麥當勞，未受小朋友歡迎，06年撤出香港。

5) 陽光一代
當年在玻璃櫥窗前看着師傅轉動手上的薄餅，是80後小學生每天放學後最愛的節目。最記得當時其中一間舖喺沙田新城市廣場，現在近GAP服裝店果個位置，門面有塊大櫥窗睇到師傅轉Pizza，成為當時小朋友一大娛樂。屬於香港公司嘅陽光一代，由開餐廳轉型其他界別求存，例如中小學飯盒，仲有「波仔飯」，越做越大。

4) 馬里奧餐廳
專攻意大利口味食品嘅香港連鎖餐廳，裡面有咩食冇咩印象，但最記得係首電視廣告歌，有個疑似著名意大利男高音盧奇亞諾·巴伐洛堤唱歌介紹餐廳嘢食，之後有個細路大叫Mamma Mia。仲有《國產凌凌漆》銅鑼灣皇室堡槍戰一幕背後嘅餐廳門面。呢間屬於大快活集團嘅餐廳，似乎不敵同業Pizza Hut，最終逃唔過易手倒閉命運。

3) 雅香園
70年代的香港人，對24小時營業的雅香園不會感到陌生。
對呢間港式快餐店有印象嘅多數都係70後。專賣中式粉麵，80年代風行一時，希望可以殺出條中式快餐血路，當時仲推出24小時營業，創了香港飲食先河，聽前輩說，餐廳不衛生，係執笠其中一個原因。
P.S. 雅香園曾賣過電視廣告，主角係Beyond黃家強

2) 出奇老鼠
呢家80年代風行嘅美資連鎖餐廳好多人都記得，食Pizza又有室內遊樂場，咁樣crossover法真係好獨特，亦令小朋友樂而忘返，但最終都撤資返去美國，歡樂天地取而代之。

1) 哈迪斯
美國連鎖式快餐，90年代進軍香港。80後對於哈迪斯有深厚感情，除了炸薯圈，蘑菇飯最深入民心，可惜不敵肯德基及麥當勞，最終 2006年全線結業，原因係租金同經營權嘅問題。事實止Hardee's風光時期香港、台灣、新加坡、日本等都有分店，而家縮到只可以喺美國及中東地區先食到。

Source of clips:
香港九十年代廣告 ＊ 美心快餐
https://youtu.be/FvwT0a05pDk
[經典廣告] 1990年 - Fairwood 大快活 (大快活早餐 朝朝咁滿意)
https://youtu.be/IO8kU11PU6w
[香港經典廣告](1995)肯德基 KFC 巴辣雞漢堡
https://youtu.be/ljKMygZ2Lus
[經典廣告] 1984年 - Cafe de Coral 大家樂 (為你做足一百分) (張艾嘉)
https://youtu.be/7kv-H09lGPU
[經典廣告] 1987年 - 麥當勞餐廳 (點點滋味餐)
https://youtu.be/YHngo81X2xc

References:
香港十大 十大消失連鎖食店
RoadShow 路訊網
http://www.roadshow.hk/hk-top-10/living/item/21578.html

香港經典電視廣告歌，你記得幾多？Hong Kong Classic Ads Song Medley 香港經典電視廣告歌Medley串燒:
http://youtu.be/QicfiPyKFR0

Help us caption & translate this video!

http://amara.org/v/W8ms/