考一考大家。
如果你有一個朋友，從未睇過《花姐Error遊》同《ERROR自肥企画》
　
你會點樣介紹佢哋睇？
我試過問朋友，得到嘅答案係：
　
「睇啦！好好笑啊！」
「佢哋會食屎同食蟲啊！」
「四條友好搞笑…」
「真係要睇！Mike導痴x線！」
　
要認真介紹其他人入坑，係一件好難嘅事。
因為兩個節目都無一個非常特定嘅主題，亦無特定內容。
　
基本上你打開電視，都唔會預測到佢今集會做乜。
你話《Error遊》係旅遊節目？好多地方都輕輕帶過，又唔啱賞花季節，睇日出又遲到…
　
咁係咪睇佢哋挑戰正常人做唔到嘅極限呢？其實又唔係…
　
保錡喊到豬頭咁唔敢笨豬跳，花姐輕鬆縱身一躍。
　
最後只係夠膽玩滑翔傘，連作為觀眾嘅我都覺得感動。
　
《Error自肥》更加痴線，完全估唔到Mike導想做乜，到底要Error自肥定自虐。
　
但同時唔知點解…
當你睇咗第一集，會好似中毒咁繼續睇落去。
　
而《Error自肥》最後一集，好多人都期待會出現咩爆炸式嘅痴線嘢，係咪會炸咗Viutv廠？！
　
結果，Mike導靜靜地請Error食蛋撻薯片，無整蠱，無爆炸，純粹總結返十幾集用嘅budget，而最後一節更加仿效EVA嘅結局，討論咗一大問題。
　
見到網上評語一致覺得好高質，好大膽創新。
　
但有幾多人真係認真思考Mike導想帶出咩訊息畀觀眾，你領悟咗乜嘢？
　
不過與其話帶出訊息，倒不如話引領大家深思更加貼切。
　
Error四子有以下呢一段對話：
　
Dee：呢度係邊度？節目係咪已經完咗？
肥仔：係娛樂完成，但係播映時段未終結嘅世界。
193：係熄電視之後嘅世界。
保錡：呢個世界曾經存在，但一日有互聯網，佢都唔會再嚟臨。
　
呢個時候，Dee拎起手機，
　
有把聲講：『只要你而家一拎起電話，呢個電視播出嘅所有嘢，就會了無意義，係咪要咁做？』
　
呢段自白式對話，令我諗起《娛樂至死》呢本書。希特拉都曾經講過：「控制年輕人的最好辦法，就是給他們足夠的娛樂八卦。」
　
雖然《娛樂至死》出版於1985年，內容講嘅係「電視」將一切變得娛樂化，令人民失去思考同判斷能力。
　
喺電視出現之前，提供資訊、知識或娛樂嘅有報章雜誌、收音機、漫畫、書、電影…
　
但電視嘅出現，將所有人類嘅專注力放喺電視上。現今都市人可能未必想像得到，其實「網絡」嘅出現，正正就係《娛樂至死》當年嘅「電視」。
　
你每日會花幾多時間喺網絡上？Youtube、討論區、社交平台…網絡世界幾乎可以畀你接觸到所有資訊娛樂同知識。
　
而為咗喺包羅萬有嘅網絡世界突圍而出，大家都會將所有嘢「娛樂化」同「碎片化」。
　
Dee話駕駛Error拍節目，係驚搵唔到自己。
保錡回答：「努力迎合期望，唔會填滿你嘅空虛。」　
　
當193介紹完Error成員。
Dee話：「呢幾個人睇落有啲陌生，就算我喺入面都有咁嘅感覺。」
　
肥仔回答：「呢啲片段，係片段嘅存在，缺乏前文後理。」
　
其實亦好似網絡世界碎片化一樣，當網絡世界擁有太多資訊，社交平台每秒都有更新，youtube嘅片好似睇極都睇唔晒，大家唔再有專注力去睇或思考。
　
為咗吸引大家注意力，唯有將所有嘢碎片化同娛樂化。追隨KOL講政治，好多人連睇套電影都唔捨得花時間，轉移去睇啲簡短解說「五分鐘睇晒《哈利波特》」。
　
當然，娛樂都可以好有深度，例如英雄電影都有《Watchmen》同Marvel系列嘅分別，即使有時Marvel英雄都有好多深入主題，例如《幻視與汪達》嘅「忒修斯之船」哲學探討，但又有幾多觀眾去瞭解。
　
當追完套劇集，熄咗電話，就拎起手機去同其他人討論劇情。
　
就好似一開始阿Dee想拎起手機，之後亦都話自己其實唔一定要駕駛Error，做網絡紅人都可以娛樂大家㗎， 我有養貓、我識跳舞、我可以拍搞笑短片…根本唔需要Error同電視。
　
之後，Dee反駁肥仔，媒體每日都有報導重要嘅事。
　
193話：「所有嘅資訊後唔能夠令你作出現實反應，又或者唔容許你作出現實反應…
　
肥仔：都係娛樂。
　
當你坐喺Office、地鐵、屋企…望住呢一堆碎片化，缺乏前文後理嘅「資訊」同「知識」，但你又唔作出反思…
　
咁亦即係193所講：「了無意義，片段化，泛濫、無用嘅麻醉藥。」
　
當所有資訊碎片化，所有人都唔再有專注力去思考，或接收重大意念。
　
最後，Error探討「電視」呢個命題。
　
肥仔話本來娛樂係電視嘅存在目的，但因為網絡出現，電視變成對抗零碎娛樂嘅武器。
　
阿Dee反問，拍段咁嘅嘢係咪無budget同搞gag？
　
如果大家唔去深入思考，肥仔亦回答：咁剛才嘅解說，對觀眾嚟講就係搞gag同爆budget。
　
亦即係一堆廢話…
　
《娛樂至死》書中所講，當大家沉醉喺只只得娛樂嘅世界，亦唔識去思考點解自己淨係追求娛樂…其實比起文革式愛國洗腦，更加可怕。
　
可能你會話：「喂！我返工已經好辛苦，想娛樂吓自己都要被你屌啊？！」
　
唔係話唔可以娛樂，但人唔可以一昧追求娛樂，放棄思考同學習。
　
的確，學習同思考嘅過程係好痛苦，但學習所得到嘅喜悅，遠比只追求娛樂更大滿足感。
　
我唔介意用媒體用娛樂去包裝資訊，正如我呢個Post用《Error自肥》做引入，而唔係單純講《娛樂至死》呢本書。
　
但希望大家吸取娛樂同時，唔好放棄吸取知識，如果未搵到答案，咁就再試一次，唔好停止嘗試！唔好逃避！
　
其實要做到靜靜思考非常簡單，下次去廁所屙屎，唔好帶手機，帶本書或就咁行入廁所，畀自己大腦好好思考一下。
　
（戴頭盔：我自己都唔確保100%睇得明，睇唔明咪思考吓、討論吓囉。）
　
如果你對《娛樂至死》呢本書有興趣
我會喺Patreon更詳盡，深入淺出地講解～
訂閱Patreon：
https://bit.ly/2JPFX8x

香港有線新聞台裁員與集體辭職風暴，與台灣政府宣佈收回中天新聞電視牌照同時發生。

比較兩者，會很有趣：民主的台灣，新聞環境太過自由，中資利用「自由民主」的空間長驅直入滲透，令電視新聞為中共利益服務。

香港則是新聞自由環境日漸死亡，中方收緊管制。在台灣擁有自由民主時，中方利用「新聞言論自由」擴張控制影響。一旦一個地方，成為可以完全控制的囊中物，新聞言論自由即予收回。

1948至1950年的大陸如此，九七後的香港亦如此，將來的台灣，公式也一樣。

但香港的部署比較長期，控制傳媒，如台灣的中國時報和中天電視，委任在大陸有生意、親國民黨的蔡衍明出面收購。

收購香港傳媒，也先由在大陸有投資的香港商人代做白手套。收購後此期間，盈虧自負。因此有線電視至今日，只能讚賞當初的東主吳光正眼見勢色不對，脫手夠快。

況且，仿效英語世界二十四小時滾動新聞的「全球華人CNN」，經二十年前于品海創辦的中天電視試驗於先，劉長樂的鳳凰台經營於後，已經證實是一場空想。

這兩家傳媒企業，以「民間經營」面貌出現，在政治上，也只是階段性，像馬雲的支付寶，最終要讓位給中央集權的國家。因此華人CNN即使有，最終也必須由中央台國家機器來國營。

華人CNN尚且不可，粵語香港版的CNN豈又有生存之道？美國CNN今日也面對公信力崩潰、市場萎縮的敗局。

本來有線新聞台的「中國組」和「新聞刺針」，將新聞傳播學的精髓專業發揮，最接近西方電視傳理學的水準。但香港在政治上漸進入「一國一制」，在香港展開偵探報道揭露真相， 觸動財團，包括紅色資本的利益；進入大陸報道真相，則會顛覆整個大灣區「宣傳工程」。

客戶每月訂看，不想看TVB或澳門電視新聞重複的內容，因此接手有線的香港財團，由入主第一日開始，就應該知道自己在做甚麼。

但有線的金主不可能貫徹同樣的新聞精神，因為他們幾毫不例外是全國政協。中國希望你收購有線，是要你暫代為控制。至於閣下是否因此而虧損，則不在中國當局考慮之列。

二十多年前若收購南華早報，中國可以在大陸交換土地酒店批文利益，讓你即使在香港有虧損，大陸的利潤也可以補回。

但今日一來中國經濟形勢與二十年前不同，二來香港商人漸再無此統戰交易之價值。一直以來，中方利用香港財團逐一收購幾十年薄有名譽的報紙和電視，都是想香港財團將這些老字號一一閹割（Neutered）。

何況收購一家電視台的老闆一定要放手讓懂得做電視的人方會得搞，老闆本人和他的董事局不懂得如何經營電視台。

而香港的新聞從業員，資深者已經有一個類似「教聯」如「新聞專業人員協會」之類，早有統戰準備，為老闆推介輸送信得過的「高層」。

全球電視台絕大多數為國營。美國CNN和國家地理雜誌可以例外。因為英語在全球享有霸權。市場至少二十億人，除了五眼聯盟，還有歐洲與印度，新加坡和非洲人都看英語新聞。

英語世界民主自由制度基本一致。英語小說家J.K.羅琳的「哈利波特」，可以在英美暢銷，去到澳洲紐西蘭，也不會經過審查刪節，在印度和全球的英文書店都可以自由上架。

不像華人世界分中港台社會政治制度各異，三大意識形態不同的壁壘板塊，即使台灣的鄧麗君也無法在上海開演唱會。即使如此，英語世界的主流媒體在網絡衝擊下也難以為繼，何況香港？

有線新聞台的中國組，做偵查的真實報道，對於「大灣區生活」的投資環境和社會資訊，非常重要。香港廠商也想知道。有線新聞台其實符合跨界別跨顏色的整體香港利益。

當有線記者冒死在武漢採訪真相時，特區政府的林鄭衛生局長陳肇始相信也在追看。

中國總理李克強11月20日主持召開一場經濟形勢視訊座談會，開場就要求與會的地方政府負責人暢所欲言。他說，「你們講真話，我們才能出實策。」

香港電視新聞少了一個講真話的窗口。損失的是誰？黃之鋒？周庭？肥佬黎？

彭定康預言：「香港的一國兩制，只會敗壞在香港自己一小撮人手裏。」

《讀寫障礙》 #住屋村大系列 #隨筆
讀寫障礙其實好慘。
當你看一個字一千次一萬次，都看成另一個字，當你讀一句說話一千次一萬次，都讀漏讀錯一兩個字，其實好辛苦。

因為讀寫障礙，可以好柒。你可以笑我柒，因為我到十八年後也記得自己有多柒。回想當年十歲，看畢三集《哈利波特》小說，滿心期待看粵配的第一集電影。十歲的興奮小孩，好煩好假的肥仔模式，每見到一樣魔法物品，就會搶在角色介紹前，細聲跟舍弟介紹。當我講出口，再發現角色口裡講的是另一個字，我簡直是宇宙觀都崩潰了。原來不是博胳，是博格；不是金龜子，是金探子；不是魂地奇，是魁地奇。（受魂斗羅影響？）

我尚算好，除了常寫錯字別字和不會拼字外，還算能正常學習語言。舍弟比我嚴重，見到美字會讀成麗字，甚至令他無法好好默書。當年，默書錯一個字扣五分，基本上錯八個字就會不及格，錯廿個字就會零分。一百個字入面，就算你很努力地背到七十九個，都係零分，試問誰又會有自信和有毅力好努力。亦因如此，儘管我覺得他比我聰明，但他專心做技工，我則走上學術之路。

到了成年，我也會因為讀漏讀錯電郵內容，錯過開會時間，錯過工作等等，其實影響甚深。曾經的伴侶，討厭我講讀寫障礙，她覺得我是抵賴，是找藉口，是誇張化。「不就是粗心大意嗎？」「這點小事。」我也知道這不應是障礙，所以我堅持閱讀和寫作，只是你不知我的苦況，不知我已努力嘗試克服。

到今日，我也很矛盾，覺得自己讀錯寫錯字很抵死，甚至質疑自己，當我取笑中共的垃圾中文時，我又是個連基本字詞也會讀錯寫錯的人。每次我也會一笑置之，實是強顏歡笑，嘲弄一下，我讀寫障礙又發作了。然後心底裡仍是覺得活該，是罪無可恕，仍存在著「是否抵賴」的自我懷疑。這樣的自己，夠資格寫作嗎？