近況更新：

🔸復活節限定一日優惠第一回昨天完滿結束，總共協助我的團隊及HR接咗超過30個新的Career Coaching預約。

1. 讀者們真係好希望多啲折扣優惠。同埋折扣優惠可以推佢哋一把，令到佢哋更加想快啲落決定。今日稍後時間會有第二回一日限定優惠，今次主打LinkedIn Profile Assembly 、CV Reconstruction及戶外專業攝影求職照片。由我本人、HR及林作親自操刀。

2. 最近好多獵頭及HR，面對着唔同情況，NPL、WFH甚至被裁員，唔少都係家庭經濟支柱，手停口停，佢哋都有主動搵我，希望加入我嘅團隊，當中有幾個我覺得各方面都好好：有耐心、有經驗、人品好、肯幫人，獵頭們佢哋不約而同覺得點解而家公司唔俾佢成日見Candidate，同埋明明見到一啲好合適嘅求職者想推比個客，但係公司總會覺得「唔好嘥時間落呢啲冇乜工作經驗、張單唔大嘅Candidate身上」，覺得好冇癮。所以而家可以將自己平時儲落嘅經驗及技巧去幫助更加多嘅人，又可以係而家呢段時間入邊有收入積穀防飢，騎牛搵馬，真係雙贏。至於HR方面，全部都係有10年HR工作經驗，人力資源部門 (HR) 往往係面試的第一關，亦成日俾人一種好神秘嘅感覺。好多求職者唔知HR背後負責緊嘅招聘流程、請人時的準則同心態係點，所以其實琴日個優惠佔咗六成都係預約HR做Career Coaching，因為好多讀者都係想同HR直接一對一對話，由佢哋從聘用者的角度，分析自己的優劣，建議求職上改進的需要，解答自己心中一直想問 HR 既問題。

🔸假期入面全力去籌備自己第三本書，寫咗幾個故事。雖然七月書展未必搞得成，好大機會延至一月先有書展。但係我都要有個覺悟係：「一定要七月出！」所以最近積極趕工中，連買咗FF7都冇時間玩。讀者歡迎討論新書內容。

🔸小弟第二本書，求職工具書已經落實會再版，今次更加穩陣只會印1000本，500本係書展賣、400本公開發售，應讀者要求會印100本特別版（連Career Coaching），希望五月份或者六月份可以推出。

多謝大家多多支持。

請留意今日下晝推出的一日限定優惠。