【透明感之極致「Cö shu Nie」《give it back》】 #咒術迴戰 第二季片尾曲 「Cö shu Nie」（ #コシュニエ ・koshunie）呢個睇落唔知係邊個國家語言嘅文字，其實係虛構嘅造字。樂隊主音兼靈魂人物中村表示，希望呢個原本毫無意思嘅字，由佢哋嚟賦予佢最初嘅意義。假如你問我「Cö shu Nie」係點解，我會答你係「極致透明感」：無論係女主音中村未來嘅亮麗聲線、有時係暴雨，有時彷似淅瀝雨聲嘅琴音，以至樂曲氛圍， 見到「Cö shu Nie」，條件反射就聯想到《東京喰種》。漫畫原作者 #石田翠 對音樂好有要求，當年由佢親自發推文，邀請Cö shu Nie寫主題曲，令一衆粉絲未聽歌先激動。聽完由石田翠親自命名嘅主題曲《 #asphyxia 》（窒息），真係有種窒息嘅感覺ーー凌亂中帶凄美，滿有疾走感，cher住你走嘅鋼琴伴奏，加埋女主音 #中村未來 尖到近乎撕裂但又可以遊走高低音域間遊刃有餘嘅表現，一聽着迷。難怪由佢哋負責嘅主題曲接踵而來：包辦《 #約定的夢幻島》第一季嘅OP同ED《 #絕體絕命 》與《 #LAMP 》、《PSYCHO-PASS 3》嘅ED《 #bullet 》、仲有真人電影《 #怨鈴 》主題曲《 #inertia 》。呢期推介，當然係《 #咒術迴戰 》第二季片尾曲《 #giveitback 》。Cö shu Nie嘅歌一向都係由主音中村未來先作好曲詞，然後先交俾低音結他手 #松本駿介 一齊度編曲。中村未來擅長彈結他與keyboard，今次爲咗加強片尾曲嗰種抽心嘅感覺，伴隨琴聲嘅弦樂部分更應記一功，配埋《咒術迴戰》嘅片尾動畫，幾位重要主角嘅溫馨嬉戲場面，邊聽邊諗起往後嘅劇情發展，胸口就有種想喊嘅抽搐感……噢，都係唔好咁快劇透住，專心欣賞咗當下優美旋律先啦。 ➖➖➖➖➖➖➖➖ 👉 追蹤 #PEGGY先生 👉 #ペギー先生 #peggysensei #フォロー宜しく🙋🏻‍♀️ 🔵 F B：peggysensei 🟤 I G：peggysensei 🔴 YouTube：peggysensei 🟠 MeWe：peggysenseijapaneselanguageinstitute ➖➖➖➖➖➖➖➖