【 莫文蔚相隔20年再出廣東專輯 】 _ 「我喺呢過去十幾年，除咗而家呢段時間，基本上都冇停留過喺香港，一路都係出國語碟，同埋走緊Tour，所以（每次）返嚟香港都係返屋企睇下我阿媽，換啲行李，然後又要走。」近日積極籌備六月紅館騷（《絕色莫文蔚世界巡迴演唱會香港站2021》）的莫文蔚（Karen）說。 _ 對本地歌迷而言，Karen今趟回歸香港樂壇，實在是久違了。數數手指，在《呼吸有害》橫掃五台之前，對上一首派台的廣東歌已是6年前與麥浚龍（Juno）合唱的《瑕疵》；對上一次在香港開騷，是《極度莫文蔚巡迴演唱會》，16年前；對上一次推出的廣東專輯《一朵金花》是2001年出品，足足20年前的事！所以她承認今次回港不會純粹亮相樂壇頒獎禮和再踏紅館舞台，更會推出全新廣東專輯。「嚟緊又有演唱會，冇理由得兩首新廣東歌㗎嘛！」 _ 事實上，Karen早前接受專訪時已承認會出碟，並指新專輯屬於細碟規模。相隔20年後再推出新廣東專輯，Karen為這或多或少跟世紀疫情有關。「細個已考咗八級鋼琴，疫情下練番琴，感覺似多番一樣技能，而且（這回事）直接影響音樂創作。我一向好鍾意將東西方或者一啲前衛音樂Mix埋一次，而家彈番古典樂譜，令我有好多想法，喺音樂創作上可以加好多唔同元素，都玩得幾High。」 _ 談到新碟的合作伙伴，除了羅健成、鄧智偉、莊冬昕（《呼吸有害》）；周耀輝、Coey Young、Bert、麥浚龍（《因一個人而流出一滴淚》）之外，也有本地新人，「我成日都有新識嘅藝人朋友，發現而家香港真係多咗好多Singer Song Writer，如果係啱傾嘅話，就睇下大家有冇機會夾歌，其實嚟緊已經會有。」 _ 雖然Karen沒有透露更多細節，不過在眾多新一代唱作人之中，她特別喜歡同屬Sony Music的黃妍 @cathinwong 。「我覺得佢好Talented，識作曲，識自彈自唱，又唱得好，又識畫嘢同寫嘢，乜都得，所以幾喜歡呢個妹妹。」Karen又指，今次難得長時間留在香港，發現跟廿多年前她剛剛出道的時候相比，今天的本地樂壇變得更多元化，「當年（1993年）我初出道嘅時候，香港樂壇係好蓬勃，但（流行曲）來來去去都係嗰啲類型，好大路嘅情歌、K歌，冇幾耐我就去咗台灣，發覺當地好多唔同嘅音樂品種，Indie嘢又有、Band又有，有啲又好文人（風格），成件事就好好玩。」 _ Karen認為，說到音樂創作，文化土壤很重要，「你一定要成個環境（元素）好豐富，做Creative先可以揮得更好。」所以現時香港應該比當年好一點了吧？「我覺得Social Media嘅出現，係令大家多咗好多唔同渠道聽唔同嘅嘢，接觸多咗，你對音樂就自然會多咗睇法，自己唔會被局限。」當然，樂迷的眼光和心態上也要改變，對於本地創作，應該多加鼓勵與支持。「我覺得大家可以Open Minded一啲，無論係聽眾定係呢個行業嘅人，都應該互相鼓勵多啲。你要Groom（培養）你自己（地方）嘅Artist，要畀機會新人，如果唔係本地歌手好難長大。」 _ Hair: @derrickwworkshop Make-up: @lingchan_makeup Styling: @ansonlaucf1107 Photographer: @simon_c 相片由 @sonymusichk 提供 _ （15052021） _ #游大東影視筆記 #游大東 #莫文蔚 #呼吸有害 #因一個人而流出一滴淚 #絕色莫文蔚世界巡迴演唱會 #絕色 #廣東歌 #麥浚龍 #karenmok @karenmokfansclub #yautaitung #15052021

現在多留在家中 出外一定要戴口罩😷 大家小心啊❤️❤️🌷 #簡單的cover #呼吸有害 #希望大家不要介意音質🤭🤭🙏🏻 #鋼琴聲又響起了 #沒有mic stand 在家中🙈

來個古典版本～ 常看到Karen彈鋼琴，被inspired！希望聽完這個古典風〈呼吸有害〉，盡快呼吸不要有害～ @mokabyebaby ❤️ Thank you Violin: @rexmaviolin Guitar: @nickytonggt Production: Andy Yiu . . . #莫文蔚 #karenmok #cover #翻唱 #classical #piano #strings #singersongwriter # 陳明憙 #陳明憙jocelyn #hk #hkig #cantopop #cantonese #music #instagood #songs #mood #aboutlove