足本睇片👉🏼：https://bit.ly/2IayPTp 人愈大，顧慮愈多，包袱愈重。 尤其作為一家之主，有兒有女有老婆，肩頭更有千斤重。每個決定，一切考量，俱以穩陣為出發點。就像隻老船，最好泊在舒適港，無風無浪到永遠。然而，船泊在港，還是船嗎？中環海味店老闆森哥，就有副不畏風浪的性格。五十歲人，放棄穩定工作，扛着一家生計，帶着年幼子女，義無反顧，盡地一煲，創業再出發。「博吓囉！博唔到咪去打工囉！點知一做就做咗二十幾年。」森哥瀟灑地說。 廿年轉眼過，老船還在波濤洶湧的大海中打拼，沒有絲毫老態，乘風破浪，勇往直前，愈拼愈有勁。只因他有個信念：船不是為了停泊而生，是為了啟航。 星爺發媽都幫襯 初秋氣溫未有回落。午後中環，陽光灑落大廈外窗，反射到大街上，一閃一閃亮金光。沿着威靈頓街直走，轉角迎來一間海味店，一排一排花膠，也閃着金光，中間懸掛着黑金色的木牌匾—明都森記。這個金黃色國度，一直由老闆關洛森打理。貨架乾淨企理，一切井井有條。高高的樓底，花膠滿佈每個角落，四周的櫃子、天花的橫樑、閣樓上、大門前，人在其中，像被花膠包圍，空氣中的淡淡鹹香，告訴大家，這是一股屬於海的味道。店正中央，放着陳舊四方木枱，這是店的心臟，是一家人用膳的餐桌，也是招呼客人朋友的地方。「老婆每朝十點左右就買餸返嚟煮飯，我哋日日都喺呢度食晏。」平淡是福，他微笑着。架着眼鏡的森哥雙眼炯炯有神，說話中氣十足，身手靈活。即使要搬搬抬抬，也難不倒他，誰猜到他已屆七十。過去二十年，他每朝八點開門，理貨顧店一腳踢。連攞貨都靠自己，從不假手於人，「我自己日日推部車去睇貨，幾十年如一日，咁自己仲有氣有力，邊使請個人幫手呀！」習慣成自然，日復日，不間斷。 由中環走到西環，雖則路程不算遠，可是貴為老闆，且年紀「有番咁上下」，大可以要求店家安排送貨，「我從來都唔叫貨！」森哥嚴肅起來，「我信我自己眼光囉！每次都自己落去揀貨，揀最好嘅。」只要關乎到品質，必須認真看待。店內所有產品，貴價如花膠，廉價如蝦米，都經他精挑細選，絕不欺場。「咁你入得啲貨，要交得到畀客人㗎嘛！」堅持，只因為要客人買得安心。難怪連明星也捧場，「周星馳專食花膠，消夜嘅啫，佢阿媽就過嚟買嘅；周潤發阿媽呢，就食日本遼參，佢食親都係靚嘅！」 待客之道，在於真誠。他從不拒人於千里，經常主動邀請客人坐下閒聊，無幫襯也不相干。訪問當日，幫襯幾十年的陶瓷老闆來訪，談談笑笑，也沒理會幫襯不幫襯。「咁多年嚟喺老闆呢度使咗唔少錢啦！」大家又笑一餐。附近的街坊街里早成朋友，有熟客更加會邀約飲早茶。「我喺中環四十年啦！個個街坊都識，有邊個唔識啫！（我是）明都老闆吖嘛！」森哥興奮說道。也難怪，年輕時由大陸來港，跟着爸爸入行做酒樓時，工作地點是中環。之後到鄉里的海味店打工六七年，又在中環。直到2000年自己創業，都選中環。而且自店舖開業後，雖然位置搬了四次，卻仍然留在同一區。走不遠，離不開。第一間在嘉咸街街市，那時候的他，因打了六七年海味店工，磨練了眼光，累積了人脈，欲試水溫，就戰戰兢兢的，跟別人合租一個舖位創業。 數年過去，適逢街市重建，趁着生意搞得有聲有色，他就一下子搬大舖，喬遷至卑利街。看似順利，卻在不久後迎來衝擊，「政府話呢度都要收嚟重建，咁咪又要搬走。」無奈下，搬到同一條街的另一面，繼續打拼。豈料最後連這座大廈也要重建，這一次就真的難倒森哥了不？「嗰時中環搵舖好難㗎！」雖然已屆退休年齡，仔女亦長大成人，可他就是不言休，沒想過就此停下來，不想白費多年來的心血，積極尋找新舖位。也許上天眷顧有心人，他最終遇上貴人，才搬至現址，至今六年，「可能我條命順利啲啊，我就係有啲咁嘅人緣！」回想起以往種種巧合與無奈，他一笑置之，繼續向前。 「呢個客今日嚟同你買嘢，後日再嚟嘅，大後日再嚟嘅，即係成功！」香港人慣於用錢去衡量得失，可是森哥卻不苟同。「佢認為你呢間舖係老實，佢始終唔會走，就算你搬咗佢都會返嚟搵你！」 人到五十勇猛創業 五十歲才創業，可謂他人生一場重大博弈。只是在他眼中，願意踏出第一步就已經贏了。「初時都好辛苦㗎，又要搵資金入行啦，搵舖啦，啱啱嗰陣仲買咗樓。」膝下還有三名兒女，仍在求學階段，幸得太太支持，「我老婆都話，自己有能力嘅，一定自己出嚟做生意。」心口掛住個「勇」字，「好啦！的起心肝，搵得幾多就幾多啦！」他笑稱自己並非大戶人家，亦沒有太多積蓄，幸得友人伸出援手，「嗰時個個走嚟問我夠唔夠錢，要幾多啊？」燈油火蠟基本開支有了，那貨錢又如何是好？「我啲朋友好好，個個都話你攞貨返去先，賣咗先嚟畀錢！」患難見真情。最初賣雜貨居多，鹹魚、章魚、冬菇、蝦米、蠔豉，都是中下價乾貨，瑤柱只有兩三個品種，花膠也偏向平價，「你咁大嚿麵粉做咁大個煎堆咋嘛，無乜所謂㗎。」可惜不久後卻遇上金融海嘯、SARS來襲…… 明都森記 地址：中環威靈頓街138號地下 電話：2545 2827 營業時間：8am - 6pm 採訪：張芷澄 攝影：陳旭鵬、謝致中、張芷澄 #飲食男女 #香港 #香港美食 #中環 #海味 #創業 #花膠大王 #明都森記

《港產片中的名畫》 ⠀ 繼續《縱橫四海》，呢張畫可以係話係成套戲裡面最重要果張畫，砵仔糕（周潤發飾）、阿占（張國榮飾）同紅豆（鍾楚紅飾）最後目標都係想偷呢張畫。但係好可惜我都唔係搵到好多關於呢張畫嘅資料。🎨 ⠀ 呢張畫叫 The Harem Servant (1874), 係一個叫Paul Désiré Trouillebert （1829-1900）嘅法國畫家畫嘅，呢位畫家好擅長畫風景畫同埋人像（特別係裸女）。關於呢張畫嘅詳細內容就我就唔太清楚，有人話畫中係一位阿拉伯嘅女子，又有人話係埃及。但係呢位畫家就東方主義嘅其中一位代表人物，代表佢鍾情中東、遠東嘅文化，所以呢個可能係佢畫呢張充滿中東/遠東色彩嘅畫嘅其中一個原因。 ⠀ 我都幾肯定呢張畫入邊嘅女子唔係戲入面咁講係畫家嘅老婆或者呢張畫有咩詛咒，應該係為左配合劇情作出黎嘅，戲入面果張畫都肯定係複製品，因為戲入面張畫淨係focus左女子嘅面孔，其他全部crop走左。 ⠀ 呢張畫聽講收藏喺法國尼斯嘅朱爾·謝雷美術博物館，係博物館入面其中一件最重要嘅收藏品，呢度都係《縱横四海》嘅取景地。（又係）聽講2008年真係有人嘗試偷走呢張畫，但係網上面就搵唔到有關嘅資料。網上面我搵到好多關於呢張畫一d零零碎碎嘅資料，但係就搵唔到個實質根據，美術博物館嘅官方網站似乎都壞左，入唔到去，我估都只可以作參考用途，大家有興趣可以再上網搵下呢張畫嘅資料～🤔 ⠀ 左圖 縱橫四海 阿占（張國榮飾） 1991 ⠀ 右圖 Paul Désiré Trouillebert The Harem Servant 1874

Follow @girlstyle.presslogic 盤點娛樂圈5位絕種顧家好老公 . 曾聽說「十個男人九個滾 剩番一個仲諗緊」，很多人或許常都聽過娛樂圈關係很複雜，男女明星花邊新聞百出，難以找到真愛！不過凡事都總有例外的，娛樂圈的確仍是有好男人在，以下6位演藝圈被公認的絕種顧家好老公，絕對是剩下來的「清泉」！ . #陳豪 說到好老公最佳代表，一定非陳豪莫屬！即使平日在外工作拍戲的他，有時甚至會日夜癲倒，捱得很辛苦，但是一放工就會馬上回家，希望能盡量抽多點時間陪老婆及三個可愛兒女！ . 陳豪更會不時發布與老婆陳茵媺的合照，更會經常大讚陳茵媺是好老婆、好媽媽，即使已是3個孩子的爸爸，但是一到屬於他們的大時大節，就會放下子女給家人照顧，爭取時間二人世界～就像今年3月，兩人雙雙到西班牙度假，超溫馨的！ . 平日他們亦非常喜歡拍下多張全家福，紀錄每個重要時刻，而且每張相片都很甜蜜溫馨，一家五口幸福滿瀉，真是羨剎旁人！ . #張繼聰 有陪伴張繼聰與謝安琪一起見證他們愛情的人，都一定知道當年謝安琪在初有知名度時卻宣佈懷孕，嫁給張繼聰，並誕下了兒子，因為女方大男方三年，而張繼聰當時事業並沒有太大起色，事業上處於弱勢，所以兩人的感情一直都不被外界看好 . 不過張繼聰與謝安琪都堅定著彼此的信念，早已認定對方是終生伴侶！2008年，張繼聰在叱咤樂壇的頒獎禮上，獲得一個創作人大獎，事業開始有了起色，當天更強忍淚水，向台下的謝安琪發表超感人愛的宣言：「我想多謝我太太，同埋我個仔。喺過去一年，我聽過好多祝賀嘅說話，亦都聽過好多好難堪嘅說話。我記得有一晚，我睇住我太太瞓覺，嗰晚係一個好大壓力嘅晚上。我同我自己講，我一定會好好照顧我太太、照顧我個仔。無論時光倒流幾多次，我都會娶你做我老婆。」 . #陳柏宇 陳柏宇與老婆是因為拍《喜愛夜蒲》而結緣，之前亦經常在不同的節目及訪問中看到他與老婆相處上非常sweet，亦是一個很易受到感動的人，經常會說很愛老婆！ . 有次曾合眼扮盲突然感觸，亦很感恩老婆一直在自己身邊；更曾經早上6點未睡，就叫醒老婆跟她說有多愛她，小小的事情，就足以感受到她有多重視老婆！雖然自從囡囡出生後，陳柏宇瞬間變成了曬囡在魔，老婆的地位像是降低了（笑）不過相信他依然是個好老公、好爸爸！ #劉青雲 劉青雲與郭藹明結婚20多年，之前劉青雲獲得第34屆金像獎影帝時，跟曾向全宇宙對郭藹明高呼「太空船愛的宣言」：「每次當我揸住太空船，飛到宇宙唔知邊度，你總有辦法令我安全返回地球。」令台下老婆郭藹明即時感動到喊，同時也感動了全香港女生！劉青雲是個浪漫好男人，恩愛表現羨煞旁人。 . #周潤發 周潤發與發嫂結婚30多年，對發嫂始終如一！當年發嫂曾不幸流產而胎死腹中，這事對發嫂打擊相當大，但發哥也無時無刻陪伴在旁，更帶發嫂一起去歐洲散心。 . 發嫂與發哥於美國註冊結婚時，雖然沒有華麗的婚禮，一切略為草率，但發哥最後卻用了下半生來證明對她的愛，發嫂也曾說過：「這一生中，上天賜予給我最好的禮物，就是我能成為周潤發的老婆。」 . #女生娛樂快訊 . FB: PressLogic-GirlStyle女生日常⠀ 『 如果妳都有打卡靚相／情侶甜蜜照想同讀者分享 即刻 #presslogicgirlstyle 或tag我哋或inbox比小編！ 我哋會係女生日常嘅IG同大家分享 』 . #hkig #hkgirls #beauty #lyrics #hkiger #love#sisters #lovemygirls #hklife #hkboy#hkgirl #hkboys #hkgirls #852 #hkcouples#hkstore #hkonlineshop #hklover#mygirls