雖然這篇呢hea意思鄉民發文沒有被收入到精華區:在呢hea意思這個話題中,我們另外找到其它相關的精選爆讚文章
在 呢hea意思產品中有136篇Facebook貼文,粉絲數超過3,224的網紅窮遊達人 Mr. Travel Genius,也在其Facebook貼文中提到, 【不吐不快】網紅級CAFE 中伏體驗 - Dazzling Cafe 蜜糖吐司 Dazzling Cafe 蜜糖吐司專賣店 Hong Kong 話說我去台灣都食過一次,所以同朋友係香港算第一次食。 餐廳環境OK,食物都唔算好差,但職員服務態度真心同茶記有得FIGHT, 你好唔好意思收人加一服務費...
同時也有4部Youtube影片,追蹤數超過19萬的網紅mansonovo,也在其Youtube影片中提到,歡迎為我的影片提供字幕 令我既影片可以有更多人認識 我會萬分感謝的 http://www.youtube.com/timedtext_video?v=K9HweYoz-TA&ref=share ◎Eamil:[email protected] ◎Facebook Page: http...
「呢hea意思」的推薦目錄
- 關於呢hea意思 在 GirlStyle 女生日常 Instagram 的最讚貼文
- 關於呢hea意思 在 HK|Couple|Food Instagram 的最佳解答
- 關於呢hea意思 在 POPA Channel Instagram 的最讚貼文
- 關於呢hea意思 在 窮遊達人 Mr. Travel Genius Facebook 的最讚貼文
- 關於呢hea意思 在 Facebook 的最佳貼文
- 關於呢hea意思 在 Facebook 的最佳貼文
- 關於呢hea意思 在 mansonovo Youtube 的最讚貼文
- 關於呢hea意思 在 動漫廢物電台 Youtube 的精選貼文
- 關於呢hea意思 在 動漫廢物電台 Youtube 的最佳解答
呢hea意思 在 GirlStyle 女生日常 Instagram 的最讚貼文
2021-09-03 18:03:38
【@girlstyle.mag】首次約會食高級餐廳,男方一睇餐牌已經黑臉?港女最後霸氣解決呻:有無咁窮啊! . 第一次同心儀對象出街當然希望爭取好表現!食飯是約會中不可缺少的一環,結帳的時候卻往往會出現不少尷尬位!到底應該讓男方請客,還是「AA制」?以下就有一名女士在討論區訴苦,表示跟朋友介紹的男生...
呢hea意思 在 HK|Couple|Food Instagram 的最佳解答
2021-08-03 09:16:58
🇭🇰#eatのKwunTong【預約制茶室】 - 話就話想去咖啡店消磨時間 但見到有人等唔好意思hea 多數好趕好匆忙 所以特別鐘意採用預約制形式嘅cafe、 咖啡店、茶室或者餐廳 坐幾耐、歇幾耐心中有數☺️ - infiniTEA係間小茶室 環境唔大 係工廈入面一個小空間 裝潢佈置清新🌾添置唔少...
呢hea意思 在 POPA Channel Instagram 的最讚貼文
2021-08-17 15:29:14
#連載《#沒有回家的女孩》(4/4)|我們都可以為孩子做更多 #POPAim 受訪者:May ◤ 家舍中有形形式式的人,大家各有故事。 有舍友父母是吸毒者、有的受家人虐待,我記得其中一位則因為被父母虐打到入急症室,小學已被轉介到家舍。在我眼中,她非常努力擺脫命運,但早年的傷痛給她的烙印難以磨滅。...
-
呢hea意思 在 mansonovo Youtube 的最讚貼文
2017-09-30 21:12:36歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?v=K9HweYoz-TA&ref=share
◎Eamil:manson_yee@yahoo.com.hk
◎Facebook Page: https://m.facebook.com/Iammanson-1463381420592597/
各位唔好意思啊因為工作嘅關係影片比較遲出不能夠七點半準時俾大家欣賞希望大家唔好介意啦,話咁快又去到最後一集,一直以來好多觀眾話俾我知道布吉之旅之唔到黑洞嘅出現,今集第五集大家終於都可以見到黑洞嘅出現啦,雖然見唔到大大大黑洞,但都可以見到我食得好滿足,好多人知道我去布吉介紹我去食呢個海鮮市場,我自己都10分推介呢一個嘅市場,海鮮真係十分之新鮮,又可以體驗講價嘅樂趣,當然大家要小心啲講架啦,希望大家今集可以見到黑洞嘅出現又睇得快樂啦,我哋下次台灣再見,等我好快就會出現喺台灣,多謝晒大家一直以來支持晒我嘅旅行影片,我會繼續努力拍更加多旅行嘅分享比大家睇
今次旅行同Expedia合作
布吉自由行機票+酒店優惠低至4折仲唔快D按!http://bit.ly/2y6Nrs8
特價布吉機票HK$518.56起!http://bit.ly/2xc33gv
布吉玩得刺激記住訂布吉當地玩樂啊!http://bit.ly/2xqzgkA
【香港出發】布吉自由行機票+酒店 3日2夜優惠由HK$2,780起2位成人仲唔快D按!http://bit.ly/2xeyk33
特價布吉酒店HK$442起每晚!http://bit.ly/2jKIToS
布吉玩得刺激記住訂6 島全日遊連燒烤午餐啊!http://bit.ly/2wGkGkT
【香港出發】2位成人布吉自由行機票+酒店 3日2夜優惠由HK$3,479起仲唔快D按!http://bit.ly/2yxwBUz
特價布吉酒店HK$422起每晚!http://bit.ly/2xzVrF4
布吉玩得刺激記住訂珊瑚島之旅啊! http://bit.ly/2fi1d3Y
【香港出發】2位成人布吉自由行機票+酒店 3日2夜優惠由HK$3,479起仲唔快D按!http://bit.ly/2y7OV9w
特價布吉酒店HK$275起每晚!http://bit.ly/2yrNQFP
布吉玩得刺激記住訂白色水上漂流之旅啊!http://bit.ly/2hxjcYd
呢hea意思 在 窮遊達人 Mr. Travel Genius Facebook 的最讚貼文
【不吐不快】網紅級CAFE 中伏體驗 - Dazzling Cafe 蜜糖吐司 Dazzling Cafe 蜜糖吐司專賣店 Hong Kong
話說我去台灣都食過一次,所以同朋友係香港算第一次食。
餐廳環境OK,食物都唔算好差,但職員服務態度真心同茶記有得FIGHT, 你好唔好意思收人加一服務費????
START :
首先排隊等都無所謂,朋友生日想食陪佢排。
排到我地,門口個帶位女店員,毫無笑容,黑口黑面,語氣敷衍,我嘅感覺係,我入錯左佢屋企咁,佢對個個都係咁,西口西面無水洗面咁,講野連尾音都無。
如果佢係生理期所以身體不適,我會體諒,不過佢點睇都唔係果隻。
唔好比佢影響我地心情,唔緊要,繼續點餐食野,開開心心食生日飯。
我地每人點左一杯飲品。
西柚茶賣相同餐牌一樣,好靚,打卡影相真係唔錯。
不過極甜,我溝左兩次水先入到口,可能我唔受得甜啦,其實少女可能好OK,味道係唔差嘅。
非常之網紅級的爆谷奶昔? 唔記得左咩名了,甜到嘔,不過我朋友覺得好好飲,OK啦,又唔係我飲,係幾靚嘅,女仔最岩。
之後點左個帶子魷魚圈意粉,個意粉少到一個地步係,我3淡就可以成碟食哂。
唔知以為我食緊法國菜,but anyway,網紅CAFE係咁架啦,女仔食用架嘛,所以係貴夾唔飽架啦。
味道係甜豉油炒意粉味,還OK啦,唔覺得好食,只屬合格。
好啦,跟住點左佢地個招牌豬扒三文治,但由於店員話無左薯條,問可唔可以換沙律,其實就唔想架啦,不過佢想食豬扒包就換啦。
黎到,個所謂沙律,少到一個點!!!!!!
好似人地墊底嘅菜咁,數埋我諗得「一片菜」切碎左就算。
嘩,大佬你都好慳皮唧,個薯條已經無左,你換D菜比我都疊高D丫,佢係完全平面,連少少高度都無,真係墊底菜咁然後話你知佢就係個沙律啦。
由於真係接受唔到D菜少到咁,同店員講問佢可唔可以比返多少少菜,講真都唔係要求好多,疊返多一層都好丫,佢話無,平時都係咁多。
我反問: 平時你地唔係用薯條架咩?
佢都係話無,係咁多,跟住我就直接講,我要求加返多少少菜丫唔該,幫我問下。
佢幫我問完,經理再出黎覆我,話廚房唔肯加菜,一係幫我取消左佢啦。
但我朋友又好想食個豬扒包,所以就算,唔加就唔加啦,但我依然係覺得佢地呃秤,無薯條求其攝幾片菜落去HEA D客。
講返個豬扒包,份量都算多,可以話幾乎係兩份三文治份量,夠2個人SHARE食的。
望落都好似好JUICY咁,但咬落去塊豬扒個心好硬,好鞋,完全唔軟滑,好似係未解凍就囉去炸咁,所有肉類大家如果食到外軟內硬,佢一定就係未解凍得哂然後就囉去炸,完全唔好食,成個包都好DRY好乾,如果夾返少少菜片同蕃茄平衡返真係會好好多,不過原本係配薯條,所以一定乾上加乾。
豬扒都算足料夠大塊,但可惜係唔好食。
呢餐咁就食左三百幾蚊,真心非常唔值,成舊水一碟迷你下午茶份量意粉,大把地方好食又大份過佢。
如果係為左食野,呢度真心唔OK;飲品CP值反而可以接受,真係靚同好飲,都夠大杯。
最後埋單,碌卡,又係果個黑口黑面女職員負責,簽完單就咁比返我,"多謝哂"呢3隻字都慳返,黑口黑面直接擺低就行左去。
其實佢收我加一服務費係FOR乜野? 佢連水都無REFILL過比我,我真係唔明邊度有好服務過我,只可以話佢係一間靚包裝的茶記。
全店最有禮貌已經係男經理。
#中伏 #DazzlingCafe #hkfoodie #foodie #toast #hkfood #tstfood #tst #尖沙咀 #尖沙咀美食 #尖沙咀食店
呢hea意思 在 Facebook 的最佳貼文
[巴塞帝國興亡史]5000幾字,不過應唔算難明。又,原文仲長,唔關我事。循例利申:唔捧巴塞,但亦唔憎巴塞。畢竟我在魯營入場睇美斯。
TLDR: 西瓜共蟹,唔識莫買。呢篇真係極長。但你要搵人鬧嘅,好簡單,Bartomeu就係屌靶。條友完全唔識足球,亦唔識足球嘅生意。自己唔識都算,又唔知人善任。全歐洲都知佢係水魚,玩到佢謝。尼馬嗰2.2億歐羅,最後去咗邊?另外,買親人都畀貴價,簽親都水貨,人工又畀得高,唔死就奇。但話說回頭,邊個選佢上去架呢?聽講巴塞唔係老細足球油王波喎,咩人選佢上去?最後,美斯份糧亦有一定嘅角色,當然佢係落場征戰嗰個,貪錢嗰個好似係佢老豆,冇乜人會怪佢。同場加映 多蒙特同彭美拉斯點樣玩到Bartomeu謝,笑死無命賠。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
1. 真係英雄所見樂瞳,我諗到呢個題,然後原文Simon Kuper最後亦都係用羅馬帝國比喻巴塞。記住,你覺得篇文垃圾覺得我唔識波嘅,請你去鬧Simon Kuper,「不過鬧之前睇下人地咩料子先」。內容主要都係取材自篇文,當然有啲我個人想法,我盡量分開。一係你睇原文咯,唔使錢的(https://bit.ly/3fI5AVE),但你又唔想英文或唔鍾意睇字嘅,咁咪只能聽我講,你自己選擇的。
2. 篇文其實嚟自Simon Kuper本新書,幾日後出(https://bit.ly/3iwl9kN)。唔記得佢係咪特別捧巴塞,但之前見佢都寫唔少巴塞或美斯文,訪問好多人,絶對有資格講。佢本書原本係寫巴塞成功史,點知寫寫下已經見到巴塞盛極轉衰,佢篇文寫嗰時都未知美斯走,但已經預言好大機會。
3. 上篇文比較technical(https://bit.ly/37Hxr3T),而且只係講一單球員交換,講巴塞大鑊到要搞埋啲咁嘅怪雞嘢,但冇解到巴塞點搞到咁,不過個故事太過過癮。今篇我保證,易明好多。真係你打football manger都知係乜事
4. 好似講歷史咁,遠因,近因,導火線。巴塞搞到咁大鑊,導火線當然係疫情,同埋西甲嘅salary cap,巴塞要瘦身。但差不多間間球會都受影響,點解唯獨佢地咁大鑊?
5. 巴塞財政問題,你可以睇Twitter @Swissramble,7月尾已經講巴塞好大鑊,唔係事後孔明.但講真佢啲嘢真係純金融,唔易入口。所以你可以睇我呢篇文講。
6. 近因係巴塞財政狀況近幾年都差,年年都只係勉強頂住,但一個疫情打落嚟咪出事。有幾差?普通人都睇得明:巴塞係全世界收入最高嘅足球會,疫情前唯一一間一年收入過10億美金嘅球會(不過,都係少過一間維他奶!)。但欠落嘅債,去到14億美金。冇錯,長命債可以慢慢還,但大鑊在啲債好多都係短債,好快要找數。咁明晒啦?
7. 你想賣人?嘿,成班老嘢,邊有人買?況且,人人知你莫財,點會唔壓你價?就算其他人真係咁好心,亦都有心無力,其他球會都係十分水緊。好可能De Jong,Ansu Fati或Pedri之類都只能平賣。冇錢就係咁架啦(題外話:所以叫你唔好借錢買股票)
8. 之但係,呢啲都係近因。巴塞點解搞到負債咁多?同埋點解年年蝕錢(收入高都可以蝕錢)?就係遠因。
9. 巴塞嘅收入,疫情前一路係全球頭兩三位。固然疫情下打擊大,仲有啲贊助商又縮數,但照計唔應該咁快出事。咁收入冇問題,就梗係開支出事啦。於是你普通人都估到,球會可以有乜開支?咪就係買人出事,同埋人工出事。
=========================================================
10. 香港文化興搵禍首,我都明。咁今次畀定個屌靶你,肯定係前任會長Bartomeu,佢就係亡國之君。去到現任Laporta時肯定返魂乏術了。今年3月先接手,可以做乜?
11. 陣間會慢慢鬧Bartomeu,但此人根本完全外行,唔識足球,亦都唔識足球嘅生意,絶對係一條水魚,畀人玩到佢謝。自己唔識都算,但佢又唔知人善任。
12. 但,巴塞唔係老細足球嘛,唔係油王大陸錢,喂,會員制架喎。咁所以,第二屌咪屌啲球迷咯。唔係你同我(除非你係有份投票嘅),我地呢啲電視機球迷反而最聖潔。喂,Bartomeu係你班友選上台架嘛,咁唔係啲選民負責返?原本佢只係過渡角色,但2015年(記住呢個日子)6月巴塞在柏林對祖雲達斯,10年內第5次拎歐聯後,佢就大票數再當選。呢次亦係巴塞暫時最後一次拎歐聯。
13. 當然仲有,美斯。或者應該話美斯份糧,可能係美斯老豆。美斯有幾好波已經唔使討論,佢在賽場上絶對冇欠巴塞半分。巴塞近年戰績可能未如球迷預期,但絶對唔係巴塞財困嘅原因,畢竟巴塞唔係搞到冇歐聯踢嗰種情況。不過,美斯份糧,同埋佢對球會轉會嘅參與,似乎亦同巴塞財困有一定關係。
14. 關於美斯,我仲想講多兩句。Simon Kuper寫過好多美斯嘅文,場上固然唔使討論,足球場外美斯並唔係一個特別鍾意權力嘅人,特別麻煩嘅人,甚至唔係一個特別貪錢嘅人(佢老豆就可能係)。美斯要嘅嘢好簡單:佢要勝利,佢要一隊戰無不勝嘅夢幻隊,就係咁簡單。「其他嘢你地幫我搞掂佢」。球員冇理由要理埋球會財政嘅嘢,關我春事。但美斯份糧,弔詭地就搞到巴塞搵唔到美斯想要嘅球員。況且球員亦都知道美斯呼風喚雨,權力好大,佢撐你,高層唔敢唔加人工。邉個高層夠膽同美斯作對?美斯唔係一個權力慾好大嘅人,但佢知自己有影響力(以上都係作者啲文講,你可以去質疑)
15. 我目測香港巴塞球迷遠多過皇馬。但唔好忘記,在美斯嚟之前,巴塞戰績並唔係一間咁「神」嘅球會。固然巴塞more than a club,你亦可以話係中央馬德里打壓,由佛朗哥之類講起。但客觀事實係巴塞在美斯之前,只係拎過一次歐聯冠軍(當然05-06嗰次都唔多關佢事),美斯同拉馬西亞嘅黃金一代,就改變咗巴塞。但,之後呢?
16. 既然巴塞場上表現唔係導致財困嘅原因,咁所以亦唔使鬧朗奴高文之類,歷任主帥都唔關事。球場上嘅得失冇搞到巴塞陷入困境,至於咩轉會簽人,唔係主師話到事嘅。頂多係體育總監,但實際上係Bartomeu,或者其他高層,或者美斯。朗奴高文之類,會務上冇乜say
=============================
17. 頭先講過,巴塞2015年拎歐聯後,Bartomeu就大熱再當選。所以就由2015年講起。
18. 正如頭先提到,2015年,巴塞如日中天,10年拎咗5次歐聯。多得拉馬西亞黃金一代,當時巴塞財政情況極好,冇人會相信巴塞有一日會冇錢,當時巴塞要乜人有乜人。但就係呢度開始出事。
19. 巴塞嘅轉會,向來都亂嚟。董事局好多人都有唔同意見,至於教波嗰個往往係唔會知嘅。唔好忘記,仲有體育總監要講嘢,仲有……美斯。
20. 但,始終罪魁都係Bartomeu。好簡單,因為呢條友係真係唔識的!但你地選佢上台嘛。原本佢嘅體育總監係蘇比沙列特(Zubizarreta),巴塞名宿,幫佢簽咗尼馬同蘇亞雷斯,聞風喪膽嘅MSN組合。但2015年Bartomeu就炒咗蘇比沙列特,6年換咗5個體育總監。自己唔識唔緊要,但你搵件識嘅好冇?
21. 事後睇,2017年,就係巴塞惡夢嘅開始,但當時你都唔會估到。發生咩事?尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚,對不?巴塞拎住2.2億歐,可以買好多人
22. 但,就係Bartomeu將呢舊錢亂咁用。有好多好好笑嘅故事,但,總之好快,全歐洲就知呢條友好多錢洗,又要好快咁用咗佢,亦知道呢條友乜都唔識。真係千載難逢嘅一條水魚,唔昆你對唔住自己球迷。
23. 當其時嘅巴塞,在轉會市場上呼風喚雨,仲要有錢在手,冇乜球員或經理人會say no,未必單單都成,但所有人都會同你傾。2017年尼馬走後,巴塞原本有機會平價買到麥巴比同夏蘭特,但Bartomeu唔要。不過我覺得呢啲不能怪佢,總有走漏眼,況且其他人都有異議,唔係話個個都話要簽但Bartomeu一票阻止。
24. 咁買唔到最好嘅,冇咁好都OK啦,畢竟2.2億歐真係好多錢(雖然PSG都係分期)。問題係,巴塞結果去買嘅,係多蒙特嘅丹比利Ousmane Dembélé。應該冇乜人反對係水貨啦?仲要係用咗1.5億歐羅。
25. 而成件事係好Q好笑的,好似拍賣會咁,明明另一高層同Bartomeu之前一早講明,我地底線只會畀8000萬歐買丹比利。入蒙地卡羅酒店房(同多蒙特傾)前仲夾好,多過呢個價我地就拍枱起身走。結果入到去,多蒙特嘅德國佬,就話冇時間傾,趕住坐飛機,唔會同你講價,1.5億,要就要唔要就拉倒。但結果?Bartomeu都係話好!咁佢係大佬嘛,另外件高層當然冇聲出。因為Bartomeu要同球迷交代,況且佢根本唔識。事後佢仲話丹比利好波過尼馬。
26. 然後大家都知,之後巴塞亦都用咗1.6歐去買古天奴,利物浦合埋眼都識笑,居然有啲咁嘅水魚。錦上添花當然係後來借埋古天奴畀拜仁,然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此,尼馬嘅錢已經嘔突,而丹比利同古天奴,在巴塞嘅表現,大家有目共睹。
======================================================
27. 當然,某程度上巴塞係慣咗做水魚的。背後未必係佢地特別笨(Bartomeu就應該係),亦因為佢地嘅文化係「我要嘅嘢就要得到」,反正選會長個個都係拍心水「我要簽邊個邊個」,有問題留畀下手,球迷係唔會理咩財政狀況,話知你下季畀個警務署長我做,今季我就要捧盃。你搵件「理性撚」去選,同人講「我為巴塞長遠著想,我唔會簽人,因為我地再咁搞呢,5年後會爆煲,大家要接受我地未來幾年都唔會有盃捧」,我保撚證你唔使選。球迷就係咁,呢啲就係「民粹」。
28. 又例如,de Jong應該唔算水貨,但巴塞畀7500萬歐。個問題唔係你同我覺得值唔值,最好笑係阿積士都覺得唔值,原本係出面開價3000-4000萬,但有人畀錢要志在必得獨家買斷,唔通唔要咩。
29. 巴塞嘅文化,痴心情長劍,非君不娶。我唔會要一個「de Jong咁類型但平一半」,我就要de Jong本人,幾多錢都要。聽落好型,但你咁拎去做生意,就死得。對家一定當你水魚咁劏。公平地講,似乎呢個唔係Bartomeu年代獨有嘅事。
=======================================================
30. 至於美斯嗰部份,都講過下,佢份人工實在極高。當然我無意批評美斯,波一定係好到不得了,無可取代(否則巴塞就塞走佢啦),咁你可以話「全世界最好波嘅球員要加人工有乜問題?」(同意),況且,亦有話係佢老豆嘅主意,佢自己只係專心踢波,呢啲真相冇乜人會知。但反正文入面都引述巴塞高層講,美斯都唔係一個問題,最大問題係佢加,其他人又會要加,而大家都知美斯出名鍾意幫朋友,Other people’s money,有錢齊齊搵。
31. 當然美斯對外一直都聲稱自己只係專心踢波,但文中又引述巴塞高層講,美斯都成日背後發功。邊個先真,我都唔知。但話說2019年,尼馬同美斯講話想離開PSG,美斯應該係有大力要求巴塞去買。但巴塞真係冇錢,而且覺得唔值(即係,冇錢),PSG開價2億歐喎。結果真係不停做大龍鳳,扮到好似想買,其實只係安撫美斯,「我地盡晒力啦」。但似乎美斯冇咁好呃。最後大家都知,巴塞買咗基沙文,又係1.2億歐,美斯似乎唔多高興。當然美斯係專業嘅,冇因為咁就hea踢,但文入面話佢完全不能原諒Bartomeu。美斯並唔係一個特別鍾意權力嘅人,佢鍾意人地幫佢搞掂晒,「但我話想要邊個嚟你就幫我搞掂佢」,而由始到終佢都係想要尼馬(所以,我估佢真係一定去PSG)。至於基沙文,嚟到巴塞當然亦係唔係嗰回事,更重要係。呢1.2億歐,仲要壯大埋馬體會,反咬返巴塞。「益利物浦多蒙特都算啦,唔好益自己西甲對手嘛」
===================================================================
32. 事情發展到呢度,巴塞已經好似畀白蟻蛀咁,越嚟越吃力。2014-2019年使咗10億歐羅買人(未計賣尼馬嘅收益嘅),多過任何一間球會,但成績明顯唔成正比。
33. 去到2020年頭,蘇亞雷斯受傷,巴塞要搵人,只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇,剛果人收到電話,十分歡喜,卒之唔使在北京睇電視機,就坐飛機去香港,轉機去巴塞。點知嚟到香港開返電話,Abidal先同佢講:唔好意思我地改變主意,你在香港玩得開心啲。我肯定剛果人屌咗佢老母N次。最後剛果人返返北京繼續睇電視機,而家仲在國安(彩蛋:FC過,其實北京有機直航去巴塞,咁點解會去香港?可能剛果人想嚟香港去重慶大廈食咖喱,可能剛果人唔想坐國航,又或者嗰日咁啱冇機。如果係直航件事仲好笑,剛果人去到西班牙人地先同佢講唔好意思)
34. 剛果人鬧劇之後,應該好多人都知巴塞最後簽咗乜水。丹麥人Martin Braithwaite。此人應該都算係水貨啦?呢條友米杜士堡都未踢得掂,居然去咗踢巴塞,好似話在個介紹新球員環節,條友的波晒球技都出晒醜,波都控唔到。「可能太緊張」。文入面都有講,當年連尼加同曉士(Mark Hughes)去巴塞,話有個介紹會,曉士有啲緊張,連尼加同佢,驚春咩,最多咪一百十人嚟! —點知去到魯營有6萬人睇佢!連尼加幫曉士開脫,話巴塞嘅壓力,唔係人人受得住。
35. 當然,Bartomeu年代嘅轉會,沒有最好笑,只有更好笑。另外有個叫Matheus Fernandes(我聽都冇聽過)嘅球員,亦係同時簽落。係由巴西彭美斯拉買嘅,仲要只係預備組,我以為係隱世球王拿度尼添。固然只係1000萬歐,散紙,但完全唔知係乜事!呢條友甚至冇一個正式介紹會。最後借咗去華拉度列,出咗幾場,返返巴塞出咗十幾分鐘,就踢咗佢返巴西。
36. 當然只係好少錢,但畀你見到巴塞啲轉會係如何亂嚟。連彭美拉斯個體育總監都覺得神奇,「啲人話我發神經呀,叫艾比度嚟買個踢彭美拉斯預備組都冇乜點有得上場嘅小朋友,點知真係有人買喎」。果然水魚唔怕多。大家可以諗下,美斯見到Braithwaite同Fernandes,有乜感想(彩蛋:Fernandes著咗件19號波衫,因為Covid—19,冇人肯著,成件事真係19得很)
37. 然後,就發生咗上篇文講,同祖雲達斯交換球員嘅事件。美路去祖雲達斯,巴塞簽比真歷。巴塞當時已經好唔掂,但急需要一筆「盈利」。上篇文都冇講,因為再搞唔掂,就要Bartomeu自己上身,咁佢當然諗呢啲方法。但啲蘇洲屎就留下之後嘅人解決了。
==================================
38. 已經打咗5000字,都只係講咗巴塞轉會如何操作。買貴人嘅後果好嚴重,你賣固然蝕錢,但你唔賣一樣每年同你「折舊」,例如比真歷之類,當然cash唔使點比(同祖雲達斯offset咗嘛),但profit -wise每年都仲要拖低條數。
39. 寫得太長,但以上都只係講轉會。唔好忘記,巴塞除咗轉會出手豪,人工亦出得高,美斯份糧亦係一個問題。本來就收入多開支多冇問題,但以wage as a percentage of income,巴塞都係離晒罩嘅(comment會貼圖)
40. 固然Bartomeu任內,都簽咗Pedri返嚟,好好嘅收購,不過真係十件水貨先扑中一件掂嘅。你話拉馬西亞完全斷層,亦唔係,Ansu Fati亦都擔到大旗。但,真係遠水不能夠近火,都講過巴塞嘅問題唔係場上,係財政。你Ansu Fati踢得再好又點?巴塞似乎只能係賣走呢啲好球員,而疫情下,對家都冇乜錢,況且人人知你莫財,當然再壓你價。
41. 爆煲?就唔似會嘅,但,照計賣走啲主力不能避免,點都要幾年調整下。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
呢hea意思 在 Facebook 的最佳貼文
[奧運trash talk]獨木舟就唔識扒啦(*),不過condom 都識用嘅,雖然未去到奧運水平。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
TLDR:成人兼粗鄙內容,唔好話唔警告你。
想講,唔知幾時開始好鍾意侮辱人係condom,但明明condom好有用。係取其用完即棄嘅意思吧(**)
都聽聞過,除咗default 用途,condom仲有好多其他用途,係說明書冇教嘅(***)。不過拎去玩奧運,就我見識少,未見過
澳洲金牌選手,就拎個condom去搞掂隻獨木舟,十分好。都係笠舟!
又,「啲鬼妹真係開放,隨身都拎住個condom,出戰奧運都係」。
「我幾驚佢用口套上去」(****)
冇錯,trash talk,垃圾文,但多數呢啲先多人睇。放心,堆remark仲trash,仲長過正文,仲要完全唔關事。
(*)其實扒過。「你唔係唔識游水架咩?」。冇錯,小朋友唔好學。
(**)我唔知你地啦,但我好少即棄,一般都攤一輪。咁算係咁啦,生有時死有時,堅硬有時軟化有時,你要知道幾時要退,適當時間咪自己退下來,總好過等軟晒先被迫落嚟仲呢hair
(***)實情有冇人睇嘅呢?特別係而家有Youtube.
(****)高難度動作,小朋友唔好學。I mean就算你幾歲就識,都記得在男朋友面前扮唔識。甚至問下佢condom點分正反面。正如男同學就記住扮唔識除bra扣,唔好玩咩單手甚至合埋眼。呢個世界就係咁,一重又一重嘅謊言包裝,因為真相似記憶,而余光中話你知記憶好似黑軌咁長。呢啲係人際關係嘅潤滑劑。慳返KY。錢事少,個feel唔同嘛。你問麻甩佬咪知。個個都以「真水」為榮,仲有傳說中嘅「佢平時唔同人出街/唔畀人錫嘴」,真係個撚個幾廿歲人都仲咁多幻想,當自己福田華倫天奴。(*****)
(*****)而家諗諗下我真係反社會人格的,鍾意玩呢啲扮唔識除bra扣嘅幼稚遊戲。當年仲去機舖打機嘅年代(c. 1987- 2006?),年青讀者可以Google下咩叫讓round。就我所知只有香港先有呢個傳統,日本台灣都係唔讓round的,應該拎去申請做世界文化遺產。但講返,讓round,絶對係普世價值,唔讓round大鑊過打仗炸教堂之類,當年香港唔知幾多would-be 諾貝爾獎得主都係因為唔讓 round而畀人拖出後巷打死咗.咁手無叫雞之力嘅我,當然係會跟普世價值。但我係例牌頭兩round亂打的,特別我鍾意用啲少人用嘅角色,等你摸唔透,甚至以為我係新手,第三round先殺你一個措手不及。當然呢啲技倆只能用一兩次,但證明我為咗勝利,係唔會理咩拎個頭彩 鳩威下呢啲無聊嘢。你留意我投資都係咁,相當目標為本,悶悶地贏就夠。當然讓round嘅精神就係想大家多一局玩,所以我呢啲所作所為完全違反晒精神—但我從來唔同意呢種精神!只係因為江湖規矩我要守咁解,而反正又冇得鬧你不盡力策騎。當然亦都有啲人係一早講明唔讓round,雙方同意下就冇乜所謂,但當年呢啲人似乎唔係太多,好多人只係想磨時間,而唔係殺龍求道追求最高境界。
(******)實情廿幾年前已寫過,但都想寫多次。大家了解咗咩係讓round,亦都知道呢個係普世價值,真係有聯合國維和部隊會幫你執行的。除非條友真係個場嘅睇場之類,否則唔讓round必定理虧,畀人圍,呢個係當年嘅地下秩序。我想講嘅係,去到第二round呢,總有啲屎忽痕嘅友,明明要讓round,然後錯手出咗個超必呀咁。或者係要打到最後兩滴先放水然後點知唔小心揩到個重拳掣咁,就又係自找麻煩。呢啲人就係careless嘅人,但只有女人同小朋友先可以afford careless。我呢?我讓round係有線寬頻客服,任你姦屍,雙手離枱的。「如果當年有iPhone我應該係拎個電話出嚟check message或者上ig睇女」。有人話咁好消極對方好冇癮(都話有線寬頻),可能係。但,係條例所容許嘅。唔係講笑,正如我本大作所講,我就係在規矩入面拎到最盡嘅人。對方有冇癮,sorry,三唔識七,關我撚事。
(*******)最後in case你問,你又話第一round hea打嘅,咁點會可以第二round讓人?講大話。差矣。首先呢啲習慣我唔係第一日就養成。第二,有時我都會用下其他角色,就唔使玩咩隱藏實力。第三,咁會同自己同學對打嘛!同學又唔嚟呢套啦。第四 —有啲人真係好撚廢,你hea打唔出超必都贏到的!
(********)忍唔住最後補多句,我見識少,2015年先第一次去日本,當然冇再咩打機之類,最多睇啲學生妹玩頭文字D或Mario Kart.但,聽聞呢,係香港先土地問題咁仆街,猜機要兩個坐埋一邊。好多問題的,有人會出口術啦,有人會彈煙灰過嚟啦咁。日本就好似話興兩邊一人一部,甚至隔住幾部,等你唔好尋仇,幾咁貼心!真係優秀嘅民族(香港都有,但唔係好多場係咁)。BTW,當年我住啲帶條女嚟打嘅人就特別起勁,因為我冇女。後來我有女就唔再去機舖啦。有女仲打機?打炮啦!
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============