［普渡司機關注組］香港人真係好很有錢。冒住畀人再話我大驚小怪我都要講架啦！反正本頁嘅宗旨之一係「大家做普通嘅有錢人，然後一齊去仇視啲超級富豪」

即係，住公屋同條女去北海道二世古（呼，我都冇去過），閒過唔閒。而家小學生班會旅行都去去四國食烏冬啦

但，住公屋都私人司機？不如私人飛機吧

又留名睇人同我講「都好平常」。咁又係，沈嘉偉嘛

定，其實只係UBER司機　當　「私人司機」？

更加正嘅係，事主就住公屋，個「私人司機」就住居屋。即係老細側邊啲傍友就戴勞開牛開馬，老細就渣架錢七戴電子膠錶咁

又扯開一筆（好似有講過），當年大學，呀埃汾在真豪宅區，幫真富人（幾百億身家嗰種）後人補習。唔算好好丕，但就即係對住個深水灣沙灘睇鬼妹，人地間房大過我間屋（其實唔難）咁。

不過最重要係，有公司車接送，公司車仲有個LOGO。咁嗰時星期六補完我夜晚梗係去溝女，個司機就會車我去邊都得（咁我當年讀港大唔會咁神心返上水溝女嘅）。記得有次條女十分愕然，見到我有個司機，仲在架有公司車LOGO嘅車度行出嚟！

嗰時我真係年少無知，居然如實和盤托出。早知應該呃佢話「我係李嘉誠嘅私生子，除咗有李澤叻仲有李澤聲」（＊）。咁應該有免費蝦條。

咁當然，最後都係有免費蝦條嘅。唏，嗰個純情但又美好嘅年代，蝦條係當然免費的。不過我都係懷疑，如果我係李澤聲，啲蝦條應該好味啲。雖然用我亡友（呼）嗰句「鍾意咪講句I love you，我地會結婚，唔鍾意嘅，其實幾廿蚊買支KY嘅效果都係差不多」（＊＊）

都話，一睇《上流寄生族》我就諗起呢個故事。

補充: 該司機在3月12日再接載僱主由粉嶺華明邨，到女友人、第153宗個案家中取文件，之後再到僱主家中，亦再逗留數小時 - 咁似乎，唔係UBER喎，可能真係沈嘉偉

（＊）間公司就梗係唔係長實，just saying
（＊＊）其實句嘢係我原創，不過亡友好鍾意講，講到其他朋友以為佢原創。咁死者為大啦。

——————————————————————————
版務：聽聞有人登記咗homeblogger專欄但未收到文，如果查過junk folder都冇，記得PM我。Mail list唔係我搞，但我會幫你跟進。唔知講乜嘅，睇下面

本人會同homeblogger 合作推出新專欄《事先張揚》

逢星期一，三，五推出。會講港股美股市況分析。就唔會係無聊吹水嘢了。

專欄已推出，呢條link登記咗有70% off．

https://forms.gle/izsucvQbbTZbGYCj8

登記咗絶對唔使畀錢住，先會有三篇試閱，畀你知道到底係咩回事，睇覺啱睇先科水。十分均真。已科水嘅大感謝！應該已收到文，滿意吧？

亦不用擔心，呢星期個三篇唔計，再下星期先起錶計你睇一季。

#2
看樣子就知道團子頭女生比較容易說話，於是我用筆袋輕拍她的手臂︰
「你哋跌咗嘢。」
「咦，呀！係、喎，哈哈哈，唔該！哈哈哈……」
團子頭誇張地笑了起來，看來是傻大姐性格。

與此同時，阿堅也拾起旁邊的粉紅色毛毛筆袋，交給孖辮女生︰
「仲有呢個，係咪都係你哋嘅？」
「呀……係……係我哋嘅……多、多謝……」
那個粉紅色毛毛筆袋明顯是團子頭的吧？
阿堅不知自己弄錯了還裝帥，偏偏孖辮女生卻很受落，害羞地低下了頭，本來稍缺血色的臉也微紅起來。

.

所謂麻煩班長型女生都有個特點，就是總愛板著臉，臉色任何時候都比包公更黑。
因為全程黑面，喜怒不形於色，旁人看來就覺得她全身帶剌。
現在孖辮女生突然害羞起來，在麻煩班長型當中非常罕見。
我不禁多看了她兩眼，越看越覺得眼熟。

我在記憶中一直搜索著，她究竟長得像誰？
除了那身校服和孖辮，我肯定她一點都不像華小姐。
難道像Suki嗎？但她也完全沒有Suki的女人味。
從小到大，這種班長型女生都討厭我，更不會跟我做朋友啊。
等一下，難道是……？

我靈光一閃，彎下腰窺看正低著頭的孖辮女孩。
目光相遇一刻，她皺著眉連退兩步，似乎要開口罵我，我連忙說出好不容易記起的名字︰
「……藍卓凝？」
「「「咦？」」」

.

兩個女生和正要阻止我偷窺的阿堅同時叫了一聲，也意味著我說對了她的名字。
團子頭睜大了單眼皮眼睛︰
「你識得Michelle架？你哋係小學同學？」
「我哋一齊補過學能測驗咋，小五嗰時……」

我一句話還沒說完，孖辮女生臉色突然大變。
她以踩到狗屎似的眼神怒瞪我一眼，拉起團子頭轉身就走。
阿堅連忙用眼神問︰
『你非禮過佢？』
『痴線！我都想知乜事呀……』

只見團子頭拉住藍卓凝，兩人低聲交談幾句，藍小姐連連送來幾個鄙夷眼神。
然後她一個人走掉，團子頭跑回來賠笑︰
「哈哈哈，唔好意思，佢好似有啲唔舒服呀～」
這借口有點爛啊，盲的都看得出來她精神爆燈吧。

阿堅卻很配合︰
「咁你快啲去陪佢啦，唔使理我哋。」
「呃，好啦……其實呢～我叫Abby呀，今日真係麻煩晒你哋～你哋之後仲會唔會嚟上堂？不如我哋交換個MSN先呀～？下次上堂我再多謝你哋～」
阿堅爽快地答應了，說了我們的名字還撕下筆記簿的一角給她MSN。

團子頭收下紙條，心滿意足地笑了，然後鬼馬地對我說︰
「放心～我會幫你問返佢究竟咩事架～」
「呀，我反而想知，佢……藍卓凝小姐係咪做班長架？」我。
「班長？唔係喎～不過佢係我哋學校Head prefect囉～哈哈哈～」

.

風紀隊長明顯比麻煩班長更加麻煩百倍，而我也不想去招惹這種女生。
沒想到之後再去補習社，獨自來的團子頭竟真的主動來跟我們打招呼，還跟我們坐在一起。
團子頭叫Abby，她讓我們叫她阿Bi，跟藍卓凝是同班同學。

我偷聽到她跟阿堅的對話，不，應該說她毫不收細聲量地告訴我，她在家也常常MSN阿堅。
加上她上課時常常傳紙仔給阿堅，又每隔兩秒對著他傻笑一次，我99%肯定這女生對阿堅有意思。
也是呢，現在的阿堅不單比中五時長得更高，還學會了在女生面前耍帥微笑和裝模作樣，去年甚至好幾次傳出有低年級女生暗戀他，說他是個陽光帥哥。
每當聽到有人這麼說，我就不禁想起他面對華小姐連連口吃的模樣，然後忍不住偷笑。

Abby長得不算很漂亮，但身材真的很好，硬要說的話就是Suki的事業心重版。
被這種女生喜歡，是個男人都會飄飄然吧。
不過，阿堅可能早已習慣被女生仰慕，學會了不暴露自己的想法，裝作沒事發生。
雖然我很想八卦他心底的想法，但提起他的感情事，只怕很容易揭開我們當年的傷疤……所以，我只是很識趣地旁觀。

.

於是Abby為了籠絡我，主動跟我談起藍卓凝的事︰
「我幫你問過啦～Michelle話當年補習嗰時你蝦佢，成日扯佢頭髮，又整爛佢最中意嘅小櫻鉛芯筆喎～」
「吓？就因為咁小事嬲足咁多年？」
真不愧是麻煩班長型的進化版麻L煩風紀隊長啊。

「女仔嘛～心思係比較纖細嘅～不過Michelle都唔係咁小器嘅人，下次見到佢，你送份禮物道下歉肯定乜事都冇～」
阿堅馬上嘲笑︰
「阿翔，你條命都幾易得罪女仔喎。」
「不如話啲女記仇，有事冇事都嬲一餐啦！」

Abby連連搖手︰
「女仔做每件事都有理由架～只要你識得做，肯定唔會繼續嬲你囉～」
她的話裡似乎有什麼暗示，但反正對我沒好處，我便乾脆裝作聽不懂。

.

Abby是一個沒戒心的人，隨便一問就把整個人生都跟我們交待了。
她不認識姓華的人，她和藍卓凝多年來讀文科班，也沒參加什麼校外活動，是離群的回家派。
也就是說，她們除了跟華小姐同級，再沒其他交集。
不過，同校已經是莫大優勢。

某天Abby跟阿堅談起練Oral的地點，我靈機一觸︰
「其實我哋可唔可以去你哋學校練Oral？聽講你哋學校又大又靚，環境應該好過麥當當好多。」
Abby托著腮想了想︰
「唔～如果星期六嘅話，應該都唔係完全冇辦法嘅……只要Michelle肯幫手嘅話啦～」

「藍卓凝？又關佢事？」
「哈～佢係Head Prefect嚟架嘛，同啲老師又熟，佢講一句好過我講一百句啦～」
我這才想起，藍卓凝身為麻L煩風紀隊長，有交集的同學應該遠比Abby多。
她說不定認識幾個理科班同學，甚至直接認識華小姐本人也不奇怪啊！

這陣子我每天瀏覽「星空」論壇，卻一直沒再看到asd34567的消息，也就是說華小姐母校已成為我最後的希望。
再想起Abby之前的暗示，我馬上交出答案︰
「阿Bi，入女校參觀一直係我願望嚟，可唔可以搵佢幫手？佢肯嘅，要我下跪道歉都OK架！」
「喂喂，有冇咁恨入去女校啊你？」
致力維持形象的阿堅連忙出聲制止我，Abby卻笑得開懷︰
「哈哈，我明喎～我哋學校又真係幾令人好奇嘅～咁～我試下問Michelle啦～不過……我諗阿翔你都要有啲準備囉～」
「冇問題！膝墊隨時ready！」

----
✏陪朋友去自修室追女神，點知喺補習社又識多個女神
又曦
(原來上一回張圖寫錯名，唔怪得咁多人問我究竟補習社有幾多個女神🤦🏻仲要你哋問完我都冇發現到，白痴到😂)

*鍾意睇嘅朋友請share ❤
～請大家幫手加速～

上一回︰http://bit.ly/2A3yd8Y
下一回︰http://bit.ly/2znfh5o

#陪朋友去自修室追女神
前文︰http://bit.ly/2hwokqe
特別篇7月7日︰http://bit.ly/2i7X03K
全集︰http://bit.ly/2kyjbRt

(主持: 陶君行，金鷹，Roger, Anthony)
第2節:補習天皇呃蝦條之謎

（主持：鄭宇碩、索羅B、Daniel Ho、胡穗珊）
第2節: 千萬年薪敵不過海綿體充血，補習天皇「呃蝦條」內幕