2021年9月24日(星期五)
怎麼唸❓
.
常見到的字，
但有時候也不一定唸得正確，
今天又有一個例子囉！
———————————————————————
日式料理常使用味醂調味，
可以去腥並增加食物的鮮甜味。
一位擁有百萬粉絲追蹤的YouTuber魚乾
用注音輸入打不出「醂」字，
一查才知原來味醂不念「味ㄌㄧㄣˊ」，
正確讀音為「ㄌㄢˇ」，
貼文讓許多人驚呼「長知識了」。
.
貼文一出，令許多網友感到驚訝，
「不是林嗎！！我都直接念日文的みりん」、
「怪不得每次我都要用寫的
才能打出這個字」、
「還真的耶！平常不會打到那個字，
所以就沒發現」、
「一個有邊唸邊，沒邊唸中間的概念」。
.
另有網友留言說明
「味醂這個詞其實是日文唸みりん」、
「雖然讀作ㄌㄢˇ，
但仍然為了接近原音而讀ㄌㄧㄣˊ，
跟丼一個概念」、
「大家熟知的味醂念法比較接近日文發音」。
至於要念「味ㄌ一ㄣˊ」還是「味ㄌㄢˇ」，
也有人覺得「照日本發音唸就好，
不然味ㄌㄢˇ，我看不要說日本人聽不懂，
台灣人也聽不懂這複雜的中文字發音」、
「沒關係，我們依然叫他味醂ㄌㄧㄣˊ」。
.
【DJ本人認為...】
呃…真的是使用注音輸入法的人，
才會注意到這件事….😅😅😅
.
#DJ本人用倉頡
.
(新聞節錄出處：udn聯合新聞網)
.
【今日節目單元】
1、成語大觀園
2、關鍵生還者： PiA吳蓓雅
.
大家可以在這裡討論今天的節目，
來.一.起.聽.節.目.和.蓋.大.樓.吧.!!!!!!!!!!!!!!!!!!!

［DSE仆街點算好］考得好嘅，就梗係去外國，或者在香港讀醫。撈兵拿。但考得唔好架呢？

TLDR：真的，DSE仆咗街嘅，等同你半場輸咗0-2。係死唔晒架，係可以奇蹟反勝架，但你可以望下走地盤賠率點睇你。除咗好老土嘅，下半場努力啲。其實最緊要係，面對現實，檢討。十居其九，一係你懶，一係你屎，一係你柒（留意三者唔一樣，但唔少人三者集於一身）。一日仲係賴唔好彩嘅，一日你都唔會有進步。

1. 拿，其實我係可以五點半放工返屋企玩勞蘇的。但因為我有使命感，先寫埋呢篇文先放工

2. 講真的，DSE真係唔關我事。冇教書好耐，我啲學生仔都生埋。我又冇小朋友，我朋友啲小朋友又未去到咁大。而雖然本專頁嘅讀者其實多數後生過我，但相信都冇幾多個係考DSE嘅。仔女考DSE？讀者又好似冇咁老。不過可能些上些會去到啲考生，或家長度？是但

3. 上次開考時寫過一次（https://fbook.cc/3CiD），反應好好。未睇嘅，可以快手睇多次。

4. 如果你係考得好嘅，恭喜你。你應該做嘅嘢，係去外國讀書，或者在香港讀醫。撈冰拿。遲下再解。但真係唔使用腦。你唯一要擔心嘅，就係諗下點打發蘋果記者問你國安法。真的，啲人話小時了了，但我好似冇乜見高考學霸第日會仆街。況且，DSE仲小時？（但如果你成績好，但怕血又手震嘅，咁你就會end up 好似我咁嘅下場）

5. 咁所以，篇文，係畀啲考得唔好嘅人睇嘅。嚟啦喎

6. 上篇文都講，邊個話公開試唔緊要嘅，一巴星佢啦。咁大家都知道埃汾鍾意迫人面對殘酷嘅現實。所以呢，你DSE失利。恭喜你，你嘅人生已經輸咗一截，中咗一下超必咁，睇圖，你就係中咗拳嘅小麥奇

7. DSE仆咗街嘅，就等於踢波，半場你輸緊 0-2咁咯！如果屋企冇錢嘅，就等於再趕咗件出場咁上下。

8. 就係咁，有幾難明？係咪有人話唔重要？

9. 點解唔係0-1？以前有會考有高考嘛，而家一劑過，咪0-2。咁點解唔係0-3？又未咁絶望嘅，十幾歲仔。但都話，落後緊0-2咯。相當凶險架啦

10. 我唔明，啲人講「唔係世界末日」，「唔緊要」，係咩邏輯。係架，梗唔係世界末日，你咪畀我打兩巴咯，都唔係世界末日架。你咪試下聽日冇左隻手咯，唔係世界末日架，楊過都做大俠啦。

11. 真的，Everybody has a plan until they get punched in the mouth。圖上面嘅泰臣講嘅。你畀人上枱打幾槌重拳，然後睇下仲係咪「仲有機會反勝」。當自己睇Rocky？應該變阿波羅嘅機會大啲。

12. 即係，寫文鳩up呃like唔緊要，但如果真係畀意見嘅，啲邏輯就唔好咁亂嚟。係呀，邊個邊個名人會考仆街後來係博士嘛（但更多名人會考唔仆街之後係博士），鄧小平係煙鏟都好長命嘛（但更多人唔係煙鏟都好長命），李斯特城唔係好有錢都拎英超冠軍嘛（但更多年更多聯賽都係錢多終勝）。係呀，有人中六合彩添。使乜考 DSE？

13. 我唔明點解咁多人，可以將特例當係道理。除非你證明到畀我睇，原來真係冇乜正相關，甚至係負相關。唔好講causation，根本correlation都未有

14. 咁明嘅，講嘅，可能出於好心啫。但你知我唔玩呢套，又唔係同你有親。但好處係我畀個真相你。即係你末期肺癌咁（放心，DSE仆街未去到咁嚴重嘅，「一期啦」），你親友梗係安慰你，呀邊個邊個都末期肺癌，之後忽然消失（癌細胞，唔係個人消失），出於好意，唔通話我地已經幫你搵定位咩。當然更多係啲借機呃你錢嘅偏方氣功撚。但醫生就會話你知，不如有乜心願做埋佢啦。梗有奇蹟，但醫生話到你知，有幾多機會。

15. 至於「焉知非福」「激發鬥志」論更加係戇鳩。係，可能係真。但，請參考泰臣嘅名句。好人好姐做乜要畀人打幾槌先激發鬥志？你啲鬥志都幾唔聽使喎。

16. 其實用足球比喻幾好，係呀，的確好多隊，落後兩球，下半場都可以反勝—不過更多隊係兩球優勢玩到你完場，甚至炒多你幾球。特別係你屋企冇錢，打少個的話。

17. 市場就最好，因為最現實。我當你係利物浦對橡樹之心（＊）都好，你一開波輸兩球兼打少個，你自己睇下，走地賠率會點。你唔係話畀我知會「激發鬥志」，所以更熱下話？咁不如下次開波自己擺兩球老烏「激發鬥志」咪仲好？（呢招係乜？星矢，足球小將，定芥川龍之介地獄變？）

18. 當然你係利物浦嘅，梗係可能反勝，你係橡樹之心都可能架。梗有可能。但，marginally, incrementally, ceteris paribus-ly，半場輸兩球打少件，點會唔係問題？

19. 好啦，其實冇事的。古語都有云啦，唔好放棄治療。但你認清事實先。你末期肺癌都話自己冇事嘅，點幫你？

20. 接受咗自己輸緊0-2嘅，咪好咯。從懺悔到贖罪嘛，你知道輸緊0-2同唔知，鬥志未必好有分別，但踢法都唔同啦。望下分牌先

21. 剩返嘅，就梗係好老土，踢好佢。但真係廢話，唔通耶穌（話時話，耶穌踢波的，在香港）咁，人地入你兩粒，你自己擺多兩粒老烏咩，老虎盃呀？

22. 你見啲人舉嗰啲例外，十居其十都係之後努力咗好多，先追得返。邊有咁多唔好彩。佢地照上半場咁踢嘅，就下半場輸多幾粒啦。但點解發奮咁難？就係我上篇文講嘅嘢：你DSE考得唔好嘅，打後好多時就係同啲廢柴一齊（不一定所以考得唔好嘅都係廢柴，但廢柴多數考得唔好，明冇？），你唔廢都變廢，有鬥志都變鬥志。就日日圍爐上網打飛機講讀書邊有用，李澤楷都冇學位，Steve Jobs同Mark Zuckerberg都中學未畢業。

23. 我想講，除咗「踢好剩返嘅半場」「好好享受足球」外（嘻，本質上呢句嘢，同你同末期肺癌講「有乜想做做埋佢」差不多，頂多係時間耐啲）外，我仲想講樣嘢。

24. 就係，檢討下啦！

25. 真的，遲下我會寫篇講投資嘅。但同一道理。首先，錯過之前升浪嘅，低位打晒靶嘅，本質上一樣。第一係接受自己失敗，錯咗。然後，諗下，點解會錯！亦即係你諗下點解你考成咁。點解你半場輸兩球。記住，誠實呀。你發現埃汾強調嘅核心價值，除咗高質，就係誠實。面對他人都仲可以唔誠實，面對自己都唔誠實嘅，好難救（但話說回頭，好似對自己誠實仲難）

26. 點解衰咗？一般人最常賴嘅嘢，就係運氣啦。挑，個市同實體經濟都脫節嘅。扯，球證偏幫，人地符碌。鬼咩，佢印漏條清代中央政制畀我喎（＊＊）

27. 十居其九，自己失敗都係唔好彩，人地成功就人地好彩，人之常情。我知真係好多時有運氣成份，但，就算有，都唔好養成乜都賴運氣，聯儲局，北水，大戶之類嘅習慣，否則你永遠唔會進步。講白啲，唔好彩都唔可以話自己唔好彩！而除非你真係考嗰日畀車撞到入咗廠之類，否則，唔好彩唔係一個理由。讀書係，投資更加係，你嘅人生更更更加係。你一事無成，總有原因。

28. 比較有得搞嘅，就係你用錯策略，或者低估對手，高估自己。即係你柒。懶廢柒之中，柒係比較易搞嘅。多數係有得救嘅。咁就靠你下半場踢好佢。但唔好忘記，其實你都真係冇乜真係巴閉，因為你稍為犯錯，就已經輸咗兩球。高手嘅嘢，犯錯都仲係領先你幾球。

29. 當然，仲有一個可能，十分殘酷，但好多時係事實—咪就係，你技不如人咯。有幾難明？你係利物浦對橡樹之心，你半場輸兩球，可能球證黑哨，唔好彩，輕敵。但你係橡樹之心嘅，唏，簡單啦，你半場輸兩球，咪就係因為你屎波咯！有幾難明？再殘忍啲都有呀：以你咁質地，先輸兩球咪好彩咯！

30. 咁，屎波可以點？我都唔知。除咗好廢嘅「努力啲」，或者「踢茅啲」（＊＊＊），都冇乜可以點。你應該要明白呢，冠軍就得一個。你努力，唔通人地唔努力？梗有人輸的。個個都5**，咪即係個個都唔係5**咯。考試又係一個咩遊戲呢，又？

31. 固然，轉個跑道，亦係得嘅。即係我踢波贏唔到你，打籃球咪贏你咯。「但我肯定C朗打羽毛球都贏你」。真的，有機會再講，但勁人呢，係真係可以做好多瓣都勁嘅。廢人亦係。呢個夠晒殘忍。但事實好似真係咁。「咁我打倉頡應該快過C朗嘅」

32. 所以講到尾，大家都知，總係唔會個個都成功。盡咗力，都真係冇計—雖然講呢句嘅十居其九都未盡力。而又其實，咪接受自己嘅位置咯。的確絶大多數人，都係唔會拎到金球獎的。但唔通全部死晒佢咩。生命仲有好多美好嘅東西嘅，例如一年去幾次日本啦，食返幾次米芝蓮兩星啦，睇下埃汾啲文咁咯。

33. 預告：我嚟緊想寫一篇，「如何決定聽乜人嘅意見」。夠晒high level，但真係一百億嘅問題。網友話打疫苗會自閉，醫生話唔係，咁我應該信邊個？但專家係咪一定啱？埃汾話買股票，但有人話核爆，咁信邊個好？呢個係一個意見多過屁眼嘅年代，人人都有個，人人都覺得其他人臭。咁你信邊個好？

34. 另一預告：其實文中都提過，嚟緊寫篇文，講檢閱你嘅投資成績。贏輸當然重要，但更重要係點解。

35. 補多句：其實而家應該冇人寫日記。但投資又好，做人又好，其實寫低自己諗過嘅嘢，都係十分好的。投資就係trade log，做人咪……林過雲日記。真的，例如你今日決定揀去讀精算，然後十年後一事無成（好似我咁），咁你至少睇返，自己當時點諗。係有嘢漏諗？定根本係自食其果？好重要。

36. 呀，筆鋒一轉，賣個廣告。絶對冇任何利益，亦唔係佢叫我出，雖然我估佢會請我食飯。但介紹返， 培正專業書院 Pui Ching Academy （雖然我唔知有幾專業），我朋友 Simon Sai-hau Ho檔嘢（雖然我唔算同佢好熟，我都唔記得對上一次叫佢我我屋企飲咖啡係幾時）。愁出路嘅，可以諗下。講明，我一無所知。但我信佢。就係咁簡單。其他問題，就梗係你問佢。我不背書佢檔嘢，佢亦不背書我篇文。唔好問我「檔嘢好唔好」，咁大個人，為自己嘅決定盡返責任。我唯一可以答你嘅就係，我信佢。拿，呢三隻字幾咁有重量，重過佢同我加埋（目測佢應該重過我）

（＊）有幾多人唔Google都知係一隊波？

（＊＊）呢句係向律勤（假名）致敬的。踢波落後嘅嘢，佢好有經驗。聽聞考中史嗰日佢發現派漏條清代中央政制畀佢，佢想舉手問，但結果冇。考完就去咗踢波。所以佢篇文叫《踢球者》。佢家下都冇穿冇爛，不過家庭觀眾唔好學。鄧小平咯。

（＊＊＊）但的確係有用的。廣義嚟講，DSE你就焗考，但如果明知玩呢樣唔夠人玩嘅，第時就同人比較其他嘢啦。我最唔明就係有啲人，擺明唔係讀書材料，但又堅持幾廿歲人都玩呢啲遊戲，嘥錢嘥時間。但人就係咁，冇嗰樣整嗰樣，靚女想你讚佢好獨立唔係靠樣，大波想你讚佢好演技，賣才華想你讚佢靚仔（好似我咁），有錢仔就要搞埋啲start up 證明自己。巧拿煩的。

-------------------------------------------------------------------------
香港聯匯何去何從？新收費片已出，講足一個鐘，單次買200
想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

［快槍手奧蘇利雲］我覺得真係威喎。係勁唔怕認。

1. 有冇睇過《Catch me if you can》（捉智雙雄）？差不多廿年前嘅戲，Steven Spielberg導演，Leonardo DiCaprio同Tom Hanks主演。而家呢三條友都仲係影壇台柱，真係呢。

2. 講返套戲，講傳奇騙子Frank Abagnale點樣扮老師扮醫生扮機師（同埋最重要嘅，偽造支票）。其中探員最唔明就係，佢點可以呃到個律師牌返嚟。

2.5 套戲最後有開估，騙子答日：咩呃呀！我讀返嚟架！溫咗兩個星期書！

3. 朋友利世民昨晚個post，就令我諗起呢個故事啦！

4. 是咁的，佢些牙咗我評聯儲局減息篇文（http://bit.ly/2Thw99c），十分感謝。不過佢話「呢篇一定係打定（唔係你以為佢打字真係咁快咩）」（大意）

5. 嘩，咩打定呀！就真係打字咁快呀！真係溫兩個星期就pass bar exam架！

6. 首先，邊有得打定呀？都話忽然減息，昨晚都唔係聯儲局常規會議，點會知佢忽然減息？邊有得打定！你話3月中嗰次可以打定都話丫。

7. 另外，真係有圖為證（咁你可以質疑我造假嘅），篇文我23:15先開始打。

8. 事實係朋友（明報的Jacky Luk陸振球）話我知，佢講我知時23:06分，有whatsapp為證。然後我大約用咗7分鐘去揀相呀咁，結果都係揀唔到張好嘅相。

9. 23:15開始寫，篇文23:50已出。留意其實即係我早過23:50打完，因為仲要copy and paste 呀，執返啲隔行呀，同埋加返段「版務」咁（明顯copy and paste）

10. 但就當23:15開始寫，23:50打完。35分鐘，篇文幾多字？2300字（冇計堆「版務」），即係我一分鐘差不多打70字。嘩。

11. 咁你話，唔使諗架？唔使！邊使諗！平時屙屎坐車開會食飯（！）就諗呢啲！仲可以一路打一路諗！仲有，其實星期一先同公司同事吹完水，講市場坐定粒六覺得實減息。星期一先講完，所以唔使點諗

12. 仲有，自己打字一定快過對住本書或人地篇稿打！因為唔識打嘅字，要諗嘅字，要用速成嘅字，我自然會唔用！

13. 咁你話，喂，仲要包埋你回帶舊文，你都要搵返啲舊文嘅link出嚟，再去shorten喎？係架！嗰35分鐘已經包埋！

14. 資料？就唔使點搵嘅。呢篇的確冇乜嘢我要double check

15. 講真的，呢個年代，要做個writer（都係唔係好想叫自己作家），打字快真係好重要嘅一環。當然你係靚女嘅就出張相好過。如果真係要寫字嘅，練好你手中文打字好重要。

16. 雖然唔係人人都寫到我咁長，但總係有啲著數。他日我要變成一篇四百字嘅，即係我五分鐘打完。人人都係一日得廿四小時，你寫三千字文要幾日嘅，祝你好運。最好你有驚世才華—或者有張靚女相。

17. 呢個一分鐘打七十字，應該都有啲人做得到。但一定係用倉頡。得罪講句，在香港，我冇見過有人唔用倉頡打字快過我。咁當然你用台灣啲咩撫蝦米好似得的，另外我見大陸嗰啲拼音有時都可以好快，真係打 DLLMHKC就出晒七個字。但相當肯定咩速成呀廣東呀手寫呀冇可能打到咁快。

18. 其實舊文都寫過，（http://bit.ly/2kX0AmT），寫How I become a writer，篇文不錯，值得你再睇。篇文嘅副題就係：鍵盤戰事

19. 入面講過，做writer，好多人忽略嘅，硬件。學好你手倉頡，然後搵個好砌嘅keyboard，加一部舊電夠勁（而又輕）（最好重要平）（不如送埋甜品丫？）嘅碌卜，同埋搵隻周圍上到網嘅手指，開張卡。十分重要。定你想去排隊買星巴克等密碼？

20. 其實篇文都有講，做writer，幾樣嘢。錢，時間，好歹去寫啲嘢出嚟先，開個地盤，多閱讀。仲有硬件，倉頡碌卜手指。

21. 今次我會加多樣，賢妻（或夫）。即係見到我打文唔會同我講嘢唔會理我嘅囡囡。如果你囡囡會在你打打下文時，問你「你覺得我今日有乜唔同呀」「你鍾意粉紅色定黑色呀？」，或者你條仔會在你打打下文摸你嘅。祝你好運

22. 諗諗下，以上呢啲，其實人生都係。「主要都係有錢，有時間，有閱讀，有賢妻」，就萬事平安。

23. 利世民話睇我打字應該幾治癒，不如考慮直播。直播就免啦，又唔係女。不過呢，其實打字本身都好治癒。講真的，「你打過就明」。

24. 實不相瞞，1995年左右，我開始接觸電腦（！），仲去學中文打字。咁教咗都要你練先得架，你知，倉頡嘅嘢，冇乜邏輯可言。就係練，練到肌肉記憶，根本你諗到嗰個字，隻手已經自然郁，而你係唔知個字點寫嘅！正如彈琴都係，啲運動員亦都係咁。個白波呢個位，黑柴嗰個位，自動落去就咁打架啦，仲邊使諗用幾大力乜嘢角度。全部自然反射。

25. 1995年，我學完之後，點練架呢？真係講你都不能致信，我拎本書嚟照住打。拎乜書？唔係壹週刊（雖然我第一期睇到最後一期），而係，「中國語文及文化」。幾咁撚厭悶。但，教科書係得呢本中文啦，英文中學嘛。況且，好似覺得打咗第時會有用。

26. BTW，嗰時打咩「情與中國文化」，我用fonts 8的，青春真好。

27. 當然，真係令我突飛猛進，練到今日咁速度嘅。多得一樣發明，三個英文字母，以色列嘢，估下係乜？

28. 就係，ICQ！

29. 為咗在ICQ溝女，我咪練出打中文咁快咯。呢個故事好勵志，好似Steve Jobs去上書法堂後來應用落去Mac機咁！

30. 又諗下，時代真係對我不錯。換著要用筆寫嘅年代？我幾肯定幾快都寫唔到一分鐘70字？更加唔好忘記，要改嚟改去，搬前搬後，煩好多。更唔好講當年搵資料難幾多。所以一方面以前冇咁多人有機會寫嘢，你唔使好叻已經可以跑出（主要係好彩，同識人）。但另一方面，以前嗰啲，寫幾十萬字嘅，真係手都跛。

31. 仲唔好計原稿紙又要錢筆又要錢。係，電腦都要錢。但，你可以拎部電腦玩ICQ溝女，溝唔到女都可以上鹹網嘛！古人最多拎張紙嚟畫裸女（林振強好似好鍾意）

32. BTW，there are many guys like you all over the world．當年呀賴叔閱事都好出名，咩歐洲國家盃定世界盃時，完半場一分鐘佢已經寫咗篇球評！當然佢話我知有啲係中途寫定的。但當年都係一時佳話。

33. 冇得影自己心口嘅，就試下寫得好。寫得唔夠好嘅（唔係話賴叔），就至少試下寫得快。古語有云：Michael Jordan plays ball. Charles Manson kills people. I talk. — Everyone has a talent.

—————-—————-————

版務：嚟真的了，應該3月會有不少搞作。呢度啲文應該會繼續，但埃汾會搞收費專欄，亦都搞收費chatroom（講明先，主要係我廣播，多過回你，否則好唔得閒），甚至會搞Patreon（但未諗到有乜嘢私你地，我又唔會send露點相，當然你肯每個月幾百蚊睇我露兩點我都好歡迎），另外仲會搞個Instagram（放心，貼金融圖啫）。Stay tuned．人人冇心機work from home 時，埃汾就逆市出擊了。身體力行別人恐懼時我貪婪。其實呢度啲文都會繼續，但問心你都知，就梗係優先服侍咗有課金班忠實讀者先啦。詳情之後解

呀！仲應該會有女助手！遲下介紹佢出場！會出鏡的！但佢有啲怕醜！大家唔好嚇怕佢！