【#搞到四個大男人頭都大埋嘅 《ERROR都要帶頭Like》】

👀無睇錯，宇宙天團家陣連戀愛清談節目都撈埋。
👀無睇錯，笠住個大頭套，打晒厚格好似疑犯咁，但化咗灰都認得佢地係ERROR。
👀無睇錯，搞到四個大男人頭都大埋要邊呻邊圍爐嘅，就係… 感情這回事！

（#以下嘉賓聲音經過特別處理）
何啟華 DeeGor Ho：「女人好鍾意嗰啲紀念日，真係好難記呀！（哭）」#係呀多過公眾假期㗎 #去BB屋企過夜一週年紀念日 #BB首次激嬲我九個月紀念日 #BB無問過我就買模型三週年紀念日
梁業-肥仔：「女仔成日都話『無所謂啦，是但啦，你話事啦』，你點講都估唔到佢想要啲咩！」#係咪好玩過中秋猜燈謎呢
Poki 吳保錡：「女仔要浪漫㗎，咩係浪漫呀？唔知呀！」#浪漫咪即係唔浪漫嘅相反囉
郭嘉駿 Denis Kwok 193：「總之女仔一定要你畫公仔畫出腸！」#你畫出嚟先知你咩料㗎嘛

今鋪終於有嘢難到宇宙天團，四位情場浪子圍埋呻「戀愛ERROR」，唔洗為女死為女亡咁款嘅，記得睇埋下集，有方法教路點樣幫你地避開「戀愛ERROR」，快啲同ERROR一齊Follow埋 Promessa IG，留意下一集啦：https://bit.ly/3ApA3zP

#Promessa #Promessa專屬珠寶訂製體驗店 #Error都要帶頭Like #戀愛Error無有怕
ERROR #ErrorWeAre #Error
#fatboyip #deegor #denis193 #poki
Chow Sang Sang Jewellery 周生生珠寶 #周生生 #ChowSangSang

《踩低別人不會讓自己變得高尚》


曾經我都係一個藐藐怪，尤其係讀緊中學嘅時候，咩都鍾意藐！E-kids、余文樂、陳冠希我藐佢哋太MK，去到飛輪海、棒棒堂我更藐，之後到韓風一樣藐。唔知道哪來嘅自信去藐人哋，但嗰陣根本未了解過對方，就直接拒絕，直接藐！


後來我終於搵到自己咁鍾意藐人嘅原因。大概都係源自於自卑嘅心，以為藐人哋、貶低人哋就可以抬高到自己。笑人哋MK笑人哋柒，笑完仿佛覺得自己比對方高一層次，仲有種自命不凡咁去睇唔起其他人。


去到近年有身邊朋友話好鍾意姜濤，我都係百思不得其解，但我無再好似以前咁藐咗先，但完全係零興趣，完全無法理解。去到再後期，慢慢分別喺唔同渠道認識到Mirror同Error中嘅個別成員，開始覺得佢哋又幾有趣，慢慢開始睇Error，再慢慢開始睇番造星一。


本身我最想藐保錡，由外型已經係我好鍾意藐爆嘅死MK，到負面新聞，更加覺得毫不討好。但睇完Error遊，我最鍾意嘅就係保錡，好鍾意佢嗰種MK仔嘅衝動、勇敢同義氣。佢跳唔到笨豬跳，我同佢一齊喊㗎，因為我自己都係好多野驚，驚玩過山車驚高驚死，所以我見到佢咁驚都可以企出嚟試，我覺得佢已經夠盡力。


然後再睇番造星一，我終於明白點解身邊有啲朋友三十幾歲人，仲咁瘋狂追星。好多時我哋藐人都係覺得人哋不勞而獲、人哋唔夠好、人哋憑咩。但原來有好多人並唔係一行出嚟就做咗明星，好多人係靠比我哋呢啲平凡人用多咗好多倍嘅努力同付出，先行得上今日嘅地步。


藐人真係好易，但後來我發現藐人亦都好幼稚。踩低別人，永遠都無辦法可以抬高到自己，只會令自我感覺良好，以為自己企高一線。但現實係你只會令自己變成井底之蛙，攬住自己同自己圍爐，脫晒節仲沾沾自喜。


長大了我學識咗去欣賞別人，明星好、藝人好、KOL好、又或者係身邊嘅朋友都好，唔好再急住去踩低對方，唔認識就少作評論，唔認識呢個世界新興嘅人同事就要嘗試去認識，如果唔係好快會同後生仔斷層，去到40歲仲以為自己後生仔，好型In Ray，到時自己柒咗都唔知。


Anyway，雖然我支持保錡，但始終最鍾意Edan同AK，唉，內心都係外貌協會。Sor9 Poki 吳保錡


IG：@hkgirlfriend
FB： 港女友 Hong Kong Girlfriend.

【 睡到三點 】

近日掀起網絡熱話的ViuTV節目《ERROR自肥企画》，四位主持：「Dee哥」何啟華、「193」郭嘉駿、「肥仔」梁業以及「反省中」的吳保錡各自獲製作團隊賦予「自肥」機會，其中「193」的新歌《睡到三點》MV （ https://bit.ly/2SgcDvv ） 於周二晚（18/5）的第12集裏正式公開，由「格仔導演」劉諾衡（Mike，化名MIKECOLD B.）掌鏡，「小薯茄」的阿冰和「啱Channel」的樊沛珈（阿Gi）擔正女主角，MV截至今日（21/5）下午四時半的點擊率已超過51萬，更成為YouTube本地熱門短片冠軍。

為配合新歌宣傳，「193」今天下午突然在個人Instagram直播「新歌解說會」，從歌曲創作理念、歌名，以至有批評指他靠Auto-Tune執聲幾個範疇，統統都有花時間耐心回應。在英國Bangor University主修心理學的「193」直言，《睡到三點》的歌名本來叫《Déjà vu》，此乃心理學專有名詞，中文解作「既視感」，簡單點說就是似曾相識，「意思係你明明印象中呢件事已經發生過，但其實你係剛剛先遇到，就係一個咁嘅思緒嘅交錯喇。」何解最終會變成今天的出街版本？原來跟市場推廣策略以及現年18歲的美國樂壇新人王Olivia Rodrigo有關。

《睡到三點》由 Madboii 作曲，並身兼編曲和監製，「193」則負責填詞。在Instagram的「新歌解說會」上，「193」解釋原本這首歌叫《Déjà vu》，並將這種「似曾相識」的意思放進歌詞和MV之中。「本身首歌無論係歌詞，定係MV上都有呢個意思，希望大家睇完之後會思考一下，究竟兩位女主角（阿冰與阿Gi）係咪真人呢？定係有一個係真，有一個係假呢？」

不過現在推出的歌名卻變成《睡到三點》，「193」坦言這是按照市場推廣策略而修改的新歌宣傳手法。第一個原因是撞歌名，「其實上一個月呢，有首英文歌叫《Déjà vu》派咗台，都有幾千萬人聽，我費事撞歌名。」

「193」沒有指出那是誰的作品，但那首《Déjà vu》其實是美國樂壇新人Olivia Rodrigo的新作，MV於4月2日在YouTube首播，至今累積瀏覽率已突破7,000萬 （https://bit.ly/2RyL3K0） ，這位被喻為「2021年最閃亮新人王」的Olivia Rodrigo本來是演員，今年一月推出第一首派台歌《Drivers License》 （ https://bit.ly/3oycvUs ），結果橫掃全球，深得年輕人喜愛，連續8個星期成為「Billboard Hot 100」冠軍，更在英國單曲榜達奪連續9周第一，更穩守Spotify全球單曲榜第一位連續54日，MV至今累積點擊高逾兩億，而日前她在「2021英國音樂大獎」（The BRIT Awards 2021）現場演繹《Drivers License》，YouTube的點擊率在一星期內累積超過900萬。 （ https://bit.ly/34a9bFr ）

撞名，亦因為太過常見。「193」直言試過在Google搜尋「Déjà vu」這個關鍵字，「應該會Search唔到我首歌，反而會Search咗呢啲心理學嘅Terms，會Search到人哋嘅MV，所以就諗住改一個中文嘅歌名，『Déjà vu』中文係叫『既視感，我覺我好奇怪呀呢個名，然後就同《自肥》Writer阿暉（麥可暉）傾，傾傾下就決定用《睡到三點》，幾有意思。」是的，以派台宣傳而言，叫《睡到三點》能夠用得到的點子確比「Déjà vu」來得多，當然選擇容易增加曝光的字眼吧，而「193」連DJ或音樂節目主持怎樣介紹新歌也想到了：「DJ Tag歌嘅時候可以講，個主唱都有個『三』字，同埋『睡到三點』嘅意思好廣泛，究竟係因為你身邊冇伴侶陪住你，所以你先三點都未起身，（因為）冇人叫醒你呀，定係你尋晚經歷一件好傷心嘅事，所以你需要瞓到三點？呢個係一個思考空間囉。」

如果細讀《睡到三點》的歌詞，譬如「Shawty的心／就像海底針／咪笑我痴筋 baby／사랑해요」、「睡到／三點／想起／Last night／気持ち」，既有廣東話，又有英文、韓文和日文，又如「總會想起天真講過同你結婚／想你為何藍剔不覆我／跟你遇見／令我一生改變Getting Better／到海角天邊／跟你浪漫相見」，乍看有點詞不達意，甚至有人站在道德高地看此曲，認為內容毫無涵養，負責填詞的「193」解釋，歌詞曾經多番修改，不一定要有意思，「我就係想佢盡量向MK方面發展，即係MK妹最鍾意聽嘅嗰啲情歌，老一輩係聽唔明㗎，其實啲歌詞你完全係睇唔明咩意思，因為歌詞唔係好需要有意思，而家嗰啲18、19歲嘅Rapper，佢哋加好多Auto-Tune嗰啲情歌，擺上YouTube已經有幾百萬人聽，我就係希望可以做到呢啲MK情歌。」

而在直播開始後不久，「193」便說《睡到三點》的編曲風格較為新穎，「聽開流行曲嘅人係唔慣聽呢啲歌，邊有流行曲係個Hook（即歌曲賣點，一般會把Chorus用來作為Hook），即係Chorus會擺喺最頭？我就係特登將呢個洗腦嘅Hook擺喺頭中尾，但一般流行曲只會出現兩次。」他還解釋新歌點解要用Auto-Tune。「大家好似仲未慣Auto-Tune，我唔係因為唱唔到所以加Auto-Tune，呢個係一個Trend，令到首歌嘅聲音更加有質感，呢啲係一啲新嘅嘢，希望帶到畀大家。」Auto-Tune為現時流行音樂製作很常用的一種人聲效果（Vocal Effect），其中一個常見用途為將歌手原本的聲線改變成仿如機械人的聲線，「193」指這種技術在中外相當流行，「你聽下Juice Wrld、Post Malone同埋Travis Scott等等Rapper全部都係用Auto-Tune，係好基本嘅嘢嚟，所以想澄清番，我絕對唔係唱唔到。」

【 ERROR ╳ 格仔導演系列報道 】
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（21052021）

#游大東 #游大東影視筆記 #睡到三點 #error自肥企画 #ERROR 郭嘉駿 Denis Kwok 193 阿冰 - PingpingNg Ah Gi 樊沛珈 #廣東歌 做乜膠睇電視 我睇咗啲乜嘢 港人講電視 港女講劇 格仔mike導絕對應該有應援會

「公司又要我哋開新嘅節目，係咁OT我畀埋條命你好冇……」粉絲聚會中，大夥兒手執印有保錡樣子的面罩，在餐廳合唱《ERROR自肥企画》的主題曲，旁邊食客笑不攏嘴。ERROR和「無制限OT編集團」製作的節目令港人着迷，除了ERROR四子風格搞笑、人前人後同樣真誠坦蕩蕩，偶像和粉絲的關係，亦由神與人之間的距離變成朋友般的存在。ERROR中的郭嘉駿（193）和吳保錡出名錫粉絲，到底「老婆」和「Pokimon」眼中的偶像，有多貼地、有多入屋？

還未到集合時間，周日的銅鑼灣街頭已聚集幾百人，有一家大細，也有大叔拿着應援物獨個兒站着，大家都響應193 Fans Club的號召，參加這天的雪糕車應援活動，宣傳193推出首支派台歌《睡到三點》。個個大汗淋漓，口罩下難掩興奮，一邊排隊拎雪糕，一邊跟雪糕車旁的「33豬」易拉架瘋狂合照，沿途粉絲向路人派發不同款式應援物，繼上次「姜濤灣」引起的風暴，今天再有193這位「接近完美」的男子，令港人再次上街追星。

跟193的老婆（193粉絲的統稱）Sushi和Haha約在銅記，她們忙着疏導聚在SOGO門外的人群，Sushi打趣道：「這是個偶像勵志故事，193由一開始寂寂無聞，到現在真的紅起來，今天人多得我有點怕。」游學修說過，如果MIRROR是個奇蹟，ERROR一定是個神蹟，這天大家再次見證，這神蹟並不是幾百部電視機的收視率能定義的。

男友變情夫　TG陪偶像傾心事
「我當大家係老婆」是193三年前在TG中說出的知名台詞，粉絲們把11月4日定為結婚紀念日，自此叫他做「老公」。正印是193，男朋友變成情夫，難道不介意嗎？「有點無奈，不理他了！我把追星當是娛樂是興趣，難道我不給他看AV？」做了三年郭太的Sushi甜滋滋講出老婆們的心聲。

兼職當插畫師的Sushi自《全民造星1》看過193唱《大懶堂》後，就愛上這位舞姿怪異又五音不全的騎呢參賽者。2018年開始，全民造星不少參賽者也開了Telegram跟粉絲交流，193亦不例外，群組現有二萬多人，193至今仍會間中上水跟粉絲聊天互動。

「《花姐ERROR遊》日本回來那程機，193叫我們不要去機場找他，因為12點已很夜，但我們堅持去接機。193出來時就緊皺眉頭，我心想死了，他不喜歡嗎？怎知他一來就說：『都叫你哋唔好嚟，又唔聽話』嘩！你感覺到那種震撼嗎？」就是因為這句甜到漏的說話，令曾迷上w-inds.、BIGBANG等外地明星的Sushi再次追星，「我曾以為再沒一位港星值得追，但只要跟33相處過，都會被他所吸引。他跟fans的互動貼地、反應快，那種快樂是其他星畀唔到我的。」以前遙不可及的明星由天堂落入凡間，這對粉絲而言也是種神蹟。

要支持騎呢偶像，老婆們也用最騎呢方式應援。例如曾在Chill Club頒獎禮門口跳Pixel快閃舞給193看；拍MV翻唱193參賽歌曲《大懶堂》哄老公；接機接船，跟193聊天至凌晨兩三點。平日設計不同應援物為老公宣傳，每次都會留一份給193及奶奶（郭母），最窩心是得到193回禮，「我們常笑說為他應援像返工但冇糧出，於是他送我們『工資袋』，裏面有他的自拍照、好老婆證、名牌等，上面印了老婆賤人、老公嘉駿等字。」193每次出埠後，亦不忘買手信給到機場接機的粉絲，堪稱「愛妻號」。

老夫老妻唔使見　留機會畀新娘子
身為193的「大婆」，Sushi跟一班初代粉絲現在採取佛系應援，說大家已是老夫老妻，見不見到真人都沒所謂，寧願將機會留給新入門的老婆，「193之前有段時間少工作，當時ERROR中三人都有工作，只有他沒有，他很難過和負面，就在TG跟我們訴苦傾通宵。這些事跟朋友說可能難開口， 亦難明白，我們算是陪他一路走來的人，他願意分享心事，我們就一起想辦法鼓勵他。」

早前193在訪問中談到粉絲，平日嬉皮笑臉的他激動落淚，鏡頭前真情感謝一直支持他的同行者。Sushi說193鏡頭前真情流露的演出，背後花了不少努力，會看不同綜藝節目研究幕前演繹，希望觀眾欣賞他直率敢言之餘，也多留意他的作品，「33一開始覺得自己沒才華，會自卑，但仍有班儍更更粉絲支持他，我看到他哭自己也流淚，因他記得我們為他做過的事，今天他真的做到了，我們能大聲說：『我哋係193老婆，知我咩料啦！』」

染了一頭金黃短髮，身穿保錡品牌tee及行山帽的Wing，說話爽快直接，無論外表或談吐，都有點保錡的影子。「可能太喜歡他，外形不自覺會模仿了，偶像嘛！」保錡的粉絲自稱Pokimon，會稱呼保錡做大佬，緣於經常在TG跟粉絲談心的他說了一句「一世人兩兄妹，有你有我」，家人冇得揀，叫妹妹給人感覺更親。

Wing播放着保錡Telegram對話中的唱歌錄音和合照，回想起跟大佬過電的一剎那，只因一個IG動態，「我第一次接觸保錡是在IG看見他有個post說自己在減肥，我第一次回覆這些story，說希望你減肥成功，外形更好看，沒想過他很快回覆我：一定會！他現在的確成功瘦多了。」因為這三個字，令30歲人從沒試過崇拜一人的Wing驚喜萬分，翻看他所有節目，聽他創作的歌，更成為了保錡Telegram及fans club的admin。

音樂能力被看低　初心未變
「保錡對音樂的熱誠真的很瘋狂，每晚收工做音樂至3、4點，但翌日8點要工作， 為了夢想去到盡。」外形MK搞笑的保錡以獨立音樂人身份出道多年，自己編曲填詞，自資買器材拍MV，然而網上歌曲點擊率不高，能力常被看低。Wing說從未接觸過保錡創作的音樂類別，故尤其喜愛《ikigai》、《秋冬4U》、《Get A Real Life》等拍子和旋律都引人入勝的作品，「很多歌都由音樂人JNY監製， 為更了解大佬的歌，我就去了JNY的studio學整beat。」保錡知道Wing這舉動，提議Wing製作一隻beat，更承諾親自為她編曲和填詞，令中學時也夾過樂隊的Wing更有動力重新玩音樂。

保錡說如果要玩音樂，首先要買器材學習製作，不可以紙上談兵。由網友變成朋友的JNY跟保錡合作做過不少歌，深知他不想被人界定為搞笑藝人，因為初心是當音樂人，「他諗旋律很強，亦很有毅力，錄音即使聲沙了，都要錄到滿意才離開，平日一有新想法就不停問我意見。我們很夾，初次見面jam了幾小時，就寫出《ikigai》。」Wing在旁補充：「他們以前每月能出一首歌，很癲，都是沒錢賺的。去年6月至12月是保錡的低潮期，你聽他的歌就知他的心路歷程。」

學音樂轉工　「人生冇起跌冇意義」
雖然保錡最近因工作繁忙，加上音樂事務都需經公司批准，暫時不能兌現為Wing編曲填詞的承諾，但他對夢想的堅持，令Wing當頭棒喝。Wing成長於小康之家，體育系畢業後再修讀教育課程，當時她對生活毫無想法，也沒有想做的工作，最後選擇回家打理家族生意，家人退休了，她沒有生活負擔，別人以為她過得無憂無慮，她卻形容這些日子似條鹹魚，「未試過跌，也未試過很成功，就像一條平線，好冇意義。但保錡的人生給了很多啟發我，令我想改變、進步。」

保錡家境清貧，15歲輟學開始打工，茶餐廳、售貨員、髮型屋等都做過，課金追音樂夢，卻挫敗連連；早前曾因負面新聞、粗口罵粉絲事件惹起不少誤會，支持他至今的Pokimon為他申冤：「因大佬太直腸直肚不懂修飾，常被人誤解。」為了令保錡進步，Wing笑指偶爾也會給予偶像一些提點，指他開始時較我行我素，現在多了思考反省，願意接納別人意見，也是種進步。保錡在《自肥》成功被Mike導團隊「打救」，熱淚盈眶找回熱血初心，高低起伏的人生本來已夠勵志，「因為大佬，我也想感受吓高低起伏，今年轉工後發現職場果然很陰險，工作不順利令人沮喪，但我真的get a real life了。」Wing今年把心一橫去轉工，重投教育事業，現職教授社交禮儀成人證書班，更會在堂上播保錡的歌和片，以他的經歷鼓勵學生。

生於錯誤的時代，ERROR的出現好像我們凡人自身，岩岩巉巉，甩皮甩骨，但卻勇於擁抱缺陷與失敗，不斷嘗試，至死方休。因為沒有偶像光環，這種自由奔放堅持真我的態度，反而引起大眾的共鳴，連結了那些一直還在堅持的人。

粉絲×193搞笑互動
1. 派糧贈墨寶

193偶爾「派糧」給老婆，例如贈墨寶，在月曆寫上老婆生日日期，亦曾恥笑老婆身高創新低，更為粉絲們改名字。193為Sushi起名為阿屎，圖中則畫了嚿壽司給她。

2. 同老婆自拍

193太愛跟粉絲聊天，有時給經理人催趕也不願離開。例如有次出席金像獎走過紅地毯，他竟走回頭跟老婆自拍，最後給老婆大聲趕走。

3. 「對唔住老公」

MIRROR演唱會193做完表演嘉賓後出去找fans，去了吃飯的老婆立即衝回去「跪地」說「對唔住老公」，哄得193邊笑邊叫黐線。

4. 家用工資袋

老婆常笑說為193應援像返工，193就送出了「工資袋」，裏面有他的自拍照、好老婆證和名牌等，十分窩心。

5. 貪佢夠靚仔

在餐廳碰見193跟花姐和MIRROR同場，Sushi走過去叫老公，再問准花姐能否跟193合照。花姐說：「你咪影囉， 到底你鍾意193啲乜？」Sushi說：「靚仔。」

6. 真老婆no way

會否幻想成為193真老婆？Sushi耍手擰頭：不要了，佢太煩！她重申老婆很多瘋狂應援行為都是為搞笑，潛規則是絕不影響偶像私生活，也不能有任何身體接觸。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#ERROR #193 #保錡 #Mirror #郭嘉駿
#果籽 #StayHome #WithMe #跟我一樣 #宅在家

#Edan呂爵安 #調教你MIRROR #肥仔分手 #七仙羽 #娛樂八卦 #SmartTravel #梁祖堯 #MIRROR #姜濤 #呂爵安 #MIRROR #連登 #LIHKG #熱門 #肥仔ERROR #梁業肥仔 #多圖 #是日娛樂八卦新聞
#呂爵安出軌 #Edan出軌 #花姐調教你mirror

【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel

?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

HK01
七仙羽爆料肥仔一早吼住練美娟　娟姐慘成第三者嫌疑人物？
ViuTV綜藝節目《ERROR自肥企画》獲得不少觀眾關注，連帶主持節目的ERROR四子193（郭嘉駿）、肥仔（梁業）、吳保錡和阿Dee愈來愈多人認識。不過，肥仔事業得意卻情場失意，與肥仔拍拖8年的初戀女友阿芬（陳燕芬）日前突然在Facebook宣布分手，表示：「因了解而分開其實也算是感情路上最好的結果，我倆彼此也會在心裡互相好好祝福。」「分訊」一出，有網民翻查堪輿學家七仙羽上ViuTV節目《晚吹-有酒今晚吹》的一集，七仙羽在節目中的一句︰「肥仔一早吼住娟姐（練美娟）」，令娟姐成為第三者嫌疑人物。

節目中，七仙羽為主持娟姐牽紅線，想撮合娟姐與肥仔，七仙羽更形容二人是「一個武大郎，一個潘金蓮」，不過補充指練美娟是單純、專一的潘金蓮。主持強尼笑說：「但肥仔未必願意做武大郎。」七仙羽即說：「問咗肥仔意願啦，喺化妝間﹗肥仔佢一早吼住咗好耐，不過呢排佢好忙，日日都唱歌，忙住唱《呢啲（lady）Killer》，所以冇時間去識女仔！」又續說︰「肥仔留意咗你好耐，見到你覺得你幾好，肥仔都有意思，因為肥仔嘅搵錢能力高﹗」七仙羽疑似已知道肥仔與女友分手一事。

至於當事人肥仔回覆其他傳媒時表不分手不牽涉第三者，但不希望回應私事。有關七仙羽在節目中的說話，肥仔就指七師傅只是說笑。另外，娟姐回覆傳媒時就指自己由頭到尾在節目中也沒有參與過對話，只是師傅講，她覺得似是師傅像多兩杯亂講居多。娟姐又指應該是師傅在拍攝當天剛巧遇到肥仔同在化妝間，可能只是順手講肥仔，師傅又聲稱肥仔暗戀她，娟姐就話不知道，似是敷衍她多點！不過，娟姐對肥仔也沒有落閘，直言喜歡幽默和大隻過她的人，肥仔的條件也算符合，她講笑說如果是真的話，就等對方做主動。 .

AppleDaily
肥仔被七仙羽爆一早吼住ViuTV女藝人 娟姐親解第三者傳聞
ERROR成員肥仔（梁業）昨日驚爆與拍拖年8年的初戀女友陳燕芬分手，阿芬在facebook宣佈「分訊」時沒有半點埋怨：「因了解而分開，其實也算是在感情路上最好的結果，我倆彼此也會在心裏互相好好祝福。」不過，堪輿學家七仙羽月初曾在ViuTV節目《晚吹-有酒今晚吹》爆料，指「肥仔一早吼住娟姐（練美娟）」，令娟姐成為第三者嫌疑人物。被問到分手是否涉第三者？肥仔今日回覆《蘋果》斬釘截鐵說：「冇！但唔好意思，私人嘢唔係太方便透露。」對於七師父指他有特別留意娟姐？他說：「七師傅都係講笑咁講啫。」而肥仔今日凌晨在IG Story轉發一張修腳甲相，似乎未有因分手影響心情。

對於與肥仔傳緋聞，娟姐認為得啖笑說：「好搞笑，我由頭到尾都冇參與過，係師父講咋喎。我哋同事嚟，有傾偈都好正常，你問我，我就覺得係師父飲多咗亂講多啲。」已單身4年的娟姐，自爆經常叫師傅介紹男仔，可能對方覺得自己好煩，她續說：「嗰日拍嘢之前，咁啱肥仔喺化間入面，我諗佢（七師傅）真係順手見到肥仔，咁就話肥仔囉。」可覺肥仔暗戀，或發現任入何蛛絲馬跡？她說：「佢（七師傅）聲稱有，但我就真係唔知道，我覺得佢簡直係敷衍我呀！」

娟姐、肥仔同年同月出世
娟姐與肥仔都是31歲，同年同月出世，並合作過《娛樂OnAir》，她直言大家好啱傾：「啱，佢咁人見人愛，邊個唔鍾意佢呀，但佢對個個都咁好，等我再feel吓先。如果真係嘅話，喺你哋推崇下，我都feel吓先，因為佢現在都真係單身。我覺得佢咁大個人唔使安慰，越安慰越麻煩，等佢settle down所有嘢就會同大家講。」是否喜歡類型？她說：「我都鍾意幽默同多嘢講，外型大隻過我囉，咁肥仔都大隻過我，某程度上都啱嘅，又多嘢講，match嘅，如果真係就等佢嚟approach我囉，哈哈。」

MIRROR出道三年俘虜了大中小fans，早前在九龍灣開演唱會證明新生代的身價，青春活力無敵。不過在經理人「花姐」黃慧君眼中，仍有不足，下月7日首播的MIRROR真人騷《調教你MIRROR》最近開始宣傳，花姐在首條預告中，向導師梁祖堯剖析自己對MIRROR各成員的睇法，例如「簽完佢返嚟，係有好多缺點」、「單飛之後，將單飛擺第一位，MIRROR喺第二位」、「佢優柔寡斷，佢發返我脾氣，覺得我點解話佢黑面。」最後花姐一句總結：「其實佢哋好幸福，冇經歷過面做新人係咁慘。」聽到阿祖皺眉頭。

昨日《調教你MIRROR》有第二條宣傳片，今次輪到MIRROR講真話，原來內部危機四伏，又會有拗撬，包括Anson Lo說：「發生咗好多嘢，可能街外人睇唔出。」阿Jer及Anson Kong分別說有「唔好嘅競爭」、「有啲芥蒂存在」。

至於Ian、Stanley、Frankie就覺得「MIRROR」作為整體退步，分別說「大家嘅passions都好似磨滅咗」、「少咗好多時間一齊」、「同步率好似未係好一致」。另外Jeremy亦有睇法：「越嚟越多個人工作，對於MIRROR 好似變咗part time嘅感覺。」

MIRROR本月初舉行演唱會，Alton在壓軸中說：「3年後喺唔喺度我唔知，但係兩年半後，我哋仍然喺度，我哋憑乜嘢？就係憑你哋嘅愛護同支持，好多謝。」在演唱會前，MIRROR整隊入梅窩拍攝《調教你MIRROR》，其間疑因在場追星fans眾多，影響拍攝，MIRROR 所有成員一字排開，向fans呼籲離開，因用詞嚴厲傷到fans心，需要花姐在IG解圍。

【承諾與你渡過每一個404】

ERROR出道第一首歌《404》MV正式出爐！多謝當日過嚟拍攝嘅MIRROR，辛苦晒！仲有一路以來支持我哋嘅粉絲，謝謝你哋令我哋可以跨出呢一步❤

送上我哋第一個MV，希望你哋鍾意呢份禮物！我哋會繼續努力！帶俾大家一個全新實力偶像男子組合❤

#404 #ERRORweare Leung Yip 何啟華 DeeGor Ho 郭嘉駿 Denis Kwok 193 Poki 吳保錡

《404》
主唱: ERROR
作曲: CMgroovy, 李拾壹
改編詞: ERROR
(原曲: ⼀秒間，原唱: MIRROR, 原曲填詞: 李拾壹)
OP : Goomusic Limited (admin by Kobalt Music Publishing Asia Ltd.)
VO:
肥仔: 我肥仔搞偶像組合喎 ⼀定掂啦
193: 喂 ⼋両金
Poki: 都話我叫保錡咯
193: 我明明就係靚仔有型 本⾝已經係⼀粒星啦 Dee: 有底薪 有budget? 有得搞喎
Yo~ check this
MIRROR弟弟 契哥讓你行先 ⼀齊起步 嚟自 造星呢個點 ERROR組合 玩轉個市 玩埋諧⾳ 殺你 出奇不意 四打十二 四三⼀⼗二 三呢個數字有完美意思 東南⻄西北 條條⼤大路路都得 四個⼋八拍 Rap哂你地全部Listen
Lokman隊長抄關智斌
Anson Lo同姜濤我頂唔緊
扁嘴Ian Edan⾼潮眼神 淨係識健身嘅Stanley Alton Frankie得滴眼淚100分
Anson Kong Jeremy 跳唱?⾃自⼰己諗 Tiger太沉默阿Jer⼜又唔跳得 咪發夢同ERROR硬撼 (撼!)
All:
193怎斷⼿ 哎呀 哎呀 哎呀 單⼿都可拍手 楊過單臂 都可隻揪 193揮斷手 哎呀 哎呀 哎呀 輕鬆揮甩隻手 全副身家 醫院佔有
保錡:
両⾦仔 總有新⼀天
比你 恥笑 ⿊黑⾯面 擰歪塊⾯
邊位再叫我⾦仔先
我就㩒粒核彈招呼佢塊⾯
⾼登仔 比你恥笑先
你知我 痴線 癱⾯ 特別⼝賤
望住我 (Poki Ng) 望住我 (Poki Ng) 我嘅表現 出現 展現我嘅經典
193:
或者你唔識咁多 全裸 唱歌 契哥 我會幫你上⼀一課
無錯 偶像組合就係ERROR囉 你地咪再唱歌 不如返去踢波
MIRROR兄弟 恕我⽬目中無⼈ 水平線睇 你地細過粒塵
你地咁矮 講野又咁天真
四位⼀體 我地好睇襟睇接job好貴
Mirror mirror on the floor Error error delay no more Mirror mirror on the floor Error error delay no more Mirror mirror on the floor Error error delay no more Mirror mirror on the floor Error error delay no more Mirror mirror on the floor Error error delay no more
肥仔:
Oh~~勁舞的⼀一秒間 要炸爆那⽔水舞間 全城望我
Oh~~掌聲四起 連同三個茂利利爭⼝口氣 一家五六口都追捧你
入決賽望冠軍 頒獎到最後(冠軍 冠軍) 越排越後(排第四 排第四 oh)
仍在放肆地發功 歌精舞穩 ⼤肚髧 全⼒踏住⾯鏡飛往更⾼
All:
ERROR 4 玩赤⼝ 係呀 係呀 係呀 ERROR 4 搞邊科 搞唱歌 Come沙Me打 沙嘩啲Cup ERROR 4 玩過火 係呀 係呀 係呀

ERROR 4 尐fans 多好多
全球⼒捧 緬甸 越南 蘇丹 伊朗 冰島 新加坡 踩你⼿手指尾 應承你
踩你腳指尾 應承你
踩住你條尾 應承你
踩住MIRROR上? 我地應承你
E R R O R