📍會安輕舟遊河及放水燈（峴港會安活動篇） 用左呢個account眨吓眼就一年 過左生日 希望呢個account會有少少變化 除咗介紹飲食之外 希望有時候都會分享一d👦🏻👧🏻去過覺得值得推介既景點同活動 分享比大家又可以作一個小小既記錄📝 今次要介紹嘅係會安夜晚既活動 會安日頭同夜晚真係好大分別 一到夜晚 四處嘅燈籠都會着燈🏮 古色古香 好靚好特別 既似一個不夜城 又似365天都係到慶祝緊中秋 好歡樂嘅感覺😆 一到夜晚 周圍都會變得好熱鬧 河邊到處都係船家向你招手👋🏻 一場嚟到我哋都想感受下泛舟湖上放水燈嘅感覺 不過大家一定要記住 講價 講價同講價⚠️⚠️ 因為去到越南 所有價錢都係標高左架 我哋學識左無論幾時 佢講完價錢都殺佢一半先😌 通常佢哋都面有難色話唔得唔得㗎啦 然後你只要走😙 過幾秒佢就會叫住你話OKOK😜 我地坐既輕舟船家本來開價$250k 最後我地就講到$150k 可以放2盞水燈☺️ 船程大概15分鐘內 抵唔抵就見仁見智 不過坐係輕舟 欣賞沿岸燈飾 感受微風同放下水燈 我哋都覺得好值得 係一個唔錯嘅體驗🤩 價錢(VND, ~HKD)： 15分鐘+2盞水燈 $150k, $50 #followMStravel #followMSto峴港 #followMSto會安 #followMS玩樂