[Jul 2021🇭🇰 #HongKong] 大大份焗豬扒飯 某人話呢度嘅食物唔錯，去開尖沙咀就叫佢帶我去試吓。餐廳位於商場1樓，下午茶時間商場人流唔算多，食肆都一樣。唯獨係呢間餐廳有7成入座率。望一望餐牌，發覺原來有下午茶餐食，見到隔離枱食嘅乾炒牛河唔錯，落單嘅時候店員話賣晒😬 ▫️嘩然蝦多士配薯條 (HKD63) - 菜式名都搞鬼過人。其實即係蝦多士配薯條😂我覺得蝦多士表面好似黑(燶?)咗啲，不過就幾鬆脆惹味。懷舊扭紋炸薯條呢度都有得食。 ▫️焗鮮菠蘿豬扒飯 (HKD79) - 呢個飯唔係下午茶餐嚟，係「冰室滋味」其中一款菜式。個飯一上枱就比塊鮮菠蘿吸引住，搶眼之餘仲好鮮甜呀。除咗塊鮮菠蘿之外，個焗飯裡面都仲有菠蘿粒，配埋番茄味道酸酸甜甜咁都幾開胃。不過我覺得唔係配炒飯低始終覺得唔夠完美😆豬扒已經預先切好，食嘅時候唔會太論盡。 服務態度確實係需要改善一下，十叫九不應真係唔知想點🙄🙄 (當日餐廳絕對係夠人手應付客人嘅)。撇除服務態度嘅話呢間餐廳啲食物係OK嘅。 . . . . . . #cameraeats1st_hk #cameraeats1st_post1387 #冰室 #cameraeatsfirst #茶餐廳 #焗豬#hkfoodie #hktheone #焗豬扒飯 #hkstylefood #foodphoto #hkfood #香港美食 #尖沙咀 #tsimshatsui #foodphotography #foodporn #hkig #吃貨日記 #相機食先 #手機食先 #一路食一路post #食在香港 📍 醒辰冰室 尖沙咀彌敦道100號The ONE 1樓L121號舖