《其實怕被忘記，至放大來演吧》 我哋身邊都總係會有一、兩個舊同學好鍾意曬命，會喺社交媒體Showoff自己買咗幾個新袋、去咗邊間高級餐廳食飯、男朋友對自己有幾好⋯又會喺舊同學聚會時，有意無意間將話題帶到自己身上，懶係漫不經心咁將自己「風光」一面娓娓道來。呢啲人為嘅只係其他人講一句「你就好啦」，然後就可以自覺戴上光環，藉此填滿自己自悲嘅內心。 呢個世界有好多人都活得好好，但並非每個人都會將自己活得有幾好鉅細無遺咁坦露於人前。而有一種人就好怕其他人唔知道自己活得有幾好。愈係鍾意透過曬命去捧高自己嘅人，其實內心愈係空虛同自悲。 因為內心不足同貧乏，所以先好需要放大自己生活中美好嘅小事，藉以說服自己並非如此糟糕。亦都需要不停用名牌、高檔嘅東西放上身同放上網，因為害怕其他人睇唔到自己嘅價值，就只好用可以量化嘅東西（例如係金錢）去標示自己嘅價值。 有個朋友同我分享一位舊同學嘅事蹟：呢位舊同學喺Facebook上話男朋友買咗卡半嘅戒指畀自己，但因為怕其他人見識唔夠，無法量化「卡半」嘅價值，佢索性打埋「價值六位數」。直頭要將男朋友嘅愛意同財力活生生量化畀各位觀眾。 買名牌、用貴野，其實並不可恥。自卑，也並不羞恥。但透過曬命去支撐自己嘅價值，就比較可悲了。 青春期嘅我都好渴望買名牌，而呢種渴望最大嘅來源係想畀其他同學睇到，好想透過名牌嘅價值去顯示自己嘅與眾不同、又或者係自覺高人一等。但自從自己搵錢之後我就只係買過一個名牌銀包，而且仲要係今年三十歲生日買畀自己做禮物。因為當我意識到自己以前想要名牌只為喺人前曬命嘅可悲心態，之後我就不停提醒自己：我唔會再為咗其他人睇得起我而去買我唔需要嘅東西。我亦都話畀自己知，我唔需要用金錢去充大頭鬼，去喬裝另一個人。我情願做一個真誠坦蕩嘅窮朋友，都唔希望成為別人口中假惺惺嘅曬命八婆。 P.S 我有聽過有啲女仔為咗買名牌手袋，用月供方式，為咗個手袋每個月都捱窮。聽完之後我更加覺得，表面風光其實唔難，包裝到自己美輪美奐其實都唔難，但揭開包裝紙之後嘅真身，先係自己每日照鏡必須面對嘅存在。你可以呃到所有人，但自己呢？ P.S 2：曬自己幾有錢如是，曬男朋友亦如是。道理相同。 IG：@hkgirlfriend FB：港女友

GO~Shoot~❗全港最大型嘅陀螺比賽終於回歸喇！呢個暑假 7月23日至8月29日，裕民坊YM2 舉辦「《爆旋陀螺 擊爆戰魂．DB》香港裕民盃2021」，身為爆旋陀螺迷嘅哥哥👦🏻絕對唔會錯過。 爆旋陀螺比賽包括「紅白賽」、「3人對戰賽」、「DB陀螺盤對戰賽」、「公開賽」及「單人賽」等，勝出者可以獲得豐富禮物🎁，包括超稀有爆旋陀螺 — 閃金、白銀、赤銅版超級太陽神、獎盃🏆、玩具購物券及爆旋陀螺產品等。另外特設「耆趣童樂雙人賽」，連爺爺嫲嫲👴🏻、公公婆婆👵🏻都可以同孫仔孫女進行對戰，組隊參賽。   除咗比賽，裕民坊YM2 更設有爆旋陀螺展覽區👀，展出《擊爆戰魂》系列100隻經典珍藏陀螺，哥哥睇到著晒迷😍。另邊廂有試玩區，大家可以比拼爆旋陀螺，同場仲有樽甲彈蓋人試玩，好特別嘅一個玩意呢🥰！ 另外，更吸引嘅一定係旁邊嘅期間限定店🛍，售賣爆旋陀螺及其他日本名牌玩具。有唔少爆旋陀螺減價低至一五折🤩，$15、$17 就買到一個喇。而且更與日本同步發售最新嘅 B-188星際巨神改造套裝 及 別注色版 DB爆旋發射器 LR。於商場內購物滿指定金額，亦可以免費換領指定款式嘅爆旋陀螺。 呢個假期，男女老少嘅爆旋陀螺迷，一於黎呢度睇下、玩下、參加比賽一決高下啦💪🏻！ 市區重建局主辦《爆旋陀螺 擊爆戰魂》香港裕民盃2021 及系列展覽 日期🗓：2021年7月23日至8月29日 時間⏰：12pm – 9pm 地點📍：裕民坊YM2一樓中庭 參加方法：比賽詳情請參閱《T CLUB》Facebook 專頁 https://www.facebook.com/tclubfanshk 報名連結：https://bit.ly/3ypKySm 比賽時間表：https://bit.ly/3yF1vZk @yuemansquare @abovethelinepr #ym2 #yuemansquare #裕民坊 #爆旋陀螺 #香港裕民盃2021 #期間限定店 #爆旋陀螺展覽 #玩具試玩區 #耆趣童樂雙人賽 #abovethelinepr #親子 #假日好去處 #香港媽媽 #hkmama #mamablogger #hkkids #親子KOL #親子blogger

Yuu有令你生活變更好嗎？ 上年一個一大班人的攀岩局，我知道Yuu的代言人也會在其中，作為一個女性，對住一個咁嘅靚仔，未出發先興奮係基本的，到見到面果一下， 我除了望住佢，我眼睛吃著冰淇淋之餘，連hi都唔hi一句，我劈頭第一句就問佢：「你有冇裝Yuu呀？」 雖然呢個問題並唔乎合一般人嘅社交節奏，但我當刻好奇心充上腦，我真係好想知道D廣告賣到咁行，究竟Yuu嘅代言人有冇裝Yuu。 嗰啲7–11同埋惠康嘅收銀，佢哋好盡忠職守，每次你去cashier俾錢時候，竟然每一次佢地都會記得第一句就問你有冇Yuu。（我真係好想知道，其實一句有冇Yuu，員工有冇bonus。 其實唔只係Yuu，仲有依家最興嘅四大巨頭：八達通、Alipay、微信支付、同Tap&Go。我真係頭都大埋，點解無啦啦一窩蜂會擁咗咁多呢啲嘢出嚟，究竟係為乜。 大企業要帶領潮流、製造潮流、誰都想在這個電子支付平台的大勢所趨之下，搶先分得最大的餅。廣告一街都係，仲有「亂過亂世佳人」嘅電子消費券發放scheme，promotion各出奇謀，以利誘之。比著以前，通常減價戰最大得益嘅都係星斗市民，莫論係積分平台定係支付平台，然而呢個係商戶改變人們消費習慣嘅重要一步，小市民再唔係好似以前咁，着數舔完就走，全身而退。而係要打開門戶，容許商戶改變是自己嘅消費模式。 好多呢啲平台嘅Mechanism上，其實一啲都唔陌生。 小時候， 5次功課攞A，就會換到一個印仔， 默書有95分，都會換到一個印仔， 默書有100分，就會一次過有兩個印仔， 然後儲夠五個印仔，就會有一個貼紙， 儲夠五個貼紙，就會有一份小禮物， 可能係擦膠、擦膠筆、五色筆⋯⋯ 我長大咗之後對住儲積分儲印花方面，我都唔係冇努力過。第一次搬屋嘅時候，好努力咁去超級市場買嘢，儲印花，現實係要買幾萬蚊東西先換到一部迷你攪拌機！到最後我得到啲咩啊，就係儲到98個嘅時候停手，然後我走出左呢個騙局！ 通過一段時間電子支付平台將會越嚟越流行，尤其有源源不絕嘅優惠去鼓勵大眾用黎俾錢。推演之下，現金變得累贅而且越來越不流通。連收埋啲錢喺床下底呢個行為都係不被鼓勵嘅。 呢啲大公司換走哂我哋啲真錢，最後人們擁有嘅錢，係咪就變成支付寶上面嘅數字。你擁有嘅價值將會喺一個「不那麼真實存在」嘅支付寶上呈現，支付寶話你有幾多錢，你就有幾多錢。 錢本身係毫無價值嘅。有價值嘅係，通過錢可以獲得背後嘅嘢，例如物質、車、樓、名牌包包、美食、美女、美男、可以買廣告表現你幾愛姜B同Anson Lo⋯⋯得到嗰份滿足感/安全感云云 。總括而言人都係因為認為錢可以帶嚟美好生活，先至會追求錢。本身是咁的。 當前誘惑吸引，但僅限當前，而係走向美好生活嘅過程當中，我真係諗唔到電子平台嘅角色係乜嘢😅。 不過肉隨砧板上，人都係避免唔到要喺時代巨輪中被推着走。值得留意嘅係，電子平台嘅上游產業，例如雲端運算服務、物聯網同電子商貿。 雲端運算服務嘅佼佼者，有Amazon、Google、Microsoft。根據思科環球雲端指數嘅最新數字，2021年雲端運算服務嘅增長將會係3.7倍，行業開支估計在2024年將會超過一萬億，同事保持15.7%的雙位數複合年增長。 人們不可避免地貢獻左自己嘅大數據同生活模式，同時都可以諗吓數碼平台除咗「方便」之外，有令你生活變更好嗎？ #yuu #虛擬實境 #虛擬銀行 #虛擬貨幣 #數碼支付 #支付寶 #支付寶代付 #支付寶代充 #微信支付 #wechatpay #虛擬youtuber #軍票 #crypto