【介乎奧地利與德國的詩意】 （見自己啲菲林相咁靚，圖都懶得p，等我魚目混珠撈埋啲random相直出，呢啲咪叫原汁原味，.ˬ.) 幸得駕駛技術高超、時速長期over百四公里嘅exchange mates照顧，先可以用一個weekend來回兩地嚟個road trip。先去新天鵝堡，跟住去hallstatt，再去salzburg，最後去國王湖。 新天鵝堡係我某中同推薦嘅景點，叫我一定要去。去嘅途中亂咁停低食個lunch，誤打誤撞搵到間家庭式經營嘅小餐廳，係成個exchange食過最impressive嘅一餐奧地利菜（咪午餐肉煎蛋咁嘅味，LOL)，好似入咗sound of music間屋咁。新天鵝堡果然名不虛傳，去到增直入咗迪士尼世界咁（係呀我以為自己係公主），而佢真係迪士尼城堡嘅原型嚟㗎。據聞佢嘅雪境最靚，不過當日都好彩去到天朗氣清，藍天des～ 第二日去咗新假期大力吹奏嘅「此生必去最美湖邊小鎮」hallstatt。本身都有啲期望，點知一去到就見到大大隻殘體字banner寫住「請勿在此下車」😑😑😑😑內心尸吊咗出聲。又好彩嗰時就嚟封關，無人咁濟，完全想像到遊客旺季有幾咁人山人海🥵，不了，一次就夠。當日陰陰地天，人少少又另有一番風味，有啲置身電影場景嘅fu，睇圖。 last day去咗salzburg，發現莫扎特屋企樓下竟然係間超市。由於就嚟封城，周街都無咩人，得啲好chill嘅老人家喺到曬太陽同睇報紙，我地影相就啱曬。雖然大部分景點都無開，但話明音樂之都嘛，周街都有街頭表演，又拉小提琴又自彈自唱，啲人咁talented得唔得㗎，一路行一路有歌聽，WEEEEEE📯。 最後又兜返去德國去埋國王湖，呢個完全係highlight of the trip。上網見到冬天無船搭本身諗住唔去，但朋友話順路，咁咪去埋。去到興奮到嗌咗出聲（insert鄭家穎)，我死而無憾了（典解我仲未死）。去超市買啲生果麵包火腿，去picnic啦喂！唔係講笑，啲湖水清澈見底，literally湖水綠色，陽光明媚，直接坐（訓）喺湖邊啲草到，拎啲包餵下鴨仔🦆🦆，望下佢地quack quack quack，嘩，this is LIFE。 然後就沒有然後了，然後十五個鐘之後我返咗香港。究竟我係去邊個城市exchange？再講。🉑💯🥳