《回水》

♂：早晨

♀：早晨，今日好攰，尋晚你訓左之後，有個朋友打比我，話要離婚喎……我心諗你結左好似唔夠兩年咋喎，咁快？

♂：唔出奇啊，平均兩對新人就有一對會離婚，好平常

♀：我都知好平常，離完再結都好平常，但下次佢結婚我仲做唔做人情好，家陣咁化學，一陣佢兩年結一次又離一次，我咪大獲

♂：乜你咁咒你個朋友啊……

♀：我太清楚佢喇，我認真覺得佢會，見一個愛一個，當初佢同我講閃婚個下我都唔睇好，但我都好俾面做姐妹，我估中左佢會離，但估唔到佢離得咁快，我做左封大人情比佢，我呢刻好想同佢講，頂你回水比我啦

♂：呢個概念幾好，如果離婚要回水，咁我諗人離婚之前可能會再諗多樣野

♀：但我真係同佢講，佢會唔會同我絕交

♂：嗱，你咁同佢講，呢次唔係回水，而係幫佢儲錢，到佢下次結婚個陣，你再做返人情比佢，其實佢無蝕！就好似小朋友收利是，父母幫佢儲起佢咁！諗起就正，但你最好話我聽你係邊頭，我到時幫你call白車

♀：喂……我真係同佢講左叫佢回水比我

♂：唔撚係啊！！？？？你認真？？？？？

♀：係啊，你知唔知佢講乜！

♂：我唔知，但你夠膽同佢咁講，你同佢都真係幾好姐妹，你確定唔需要我幫你報定警？

♀：你幫佢報就差唔多！！！你知唔知佢講乜，佢同我講，人情係祝福，佢今次離婚一定係大家既祝福唔夠！叫我下次記得再做大份少少！！

♂：你放返低把刀先，為左咁既人而坐監唔值得啊！

♀：唉……依家結婚真係兒戲……認真，我唔會想結婚

♂：係你未遇到一個你愛既人姐，到你遇到你就會想結

♀：我身邊有唔少朋友係覺得時間差唔多，而身邊個位唔太差，咁就結啦，比我就唔得喇……

♂：所以你依家仲單身

♀：我有同你講我單身咩

♂：唔係單身你點會成日覆到我

♀：少年你太年輕了

♂：所以你係有拍拖？

♀：唔好套我說話，你覺得係咩就係咩，我唔會答你

♂：車……如果你真係有男朋友，咁唔該你真係講聲，我唔想到時沉船先知

♀：所以，你喜歡一個人，佢有伴侶你就會放棄？

♂：唔係呢？

♀：如果你好愛好愛佢呢？你會唔會做第三者？

♂：唔……如果我有日做人第三者的話，我諗我真係好愛好愛佢先會

♀：我以為你會好堅持幾愛都唔會做添

♂：我從來都唔會講到咁實，將來既野邊個知

♀：有時係睇你個信念緊唔緊，有人可以完全唔動搖，幾愛都好，都唔會做

♂：對於一個朝早有十個鬧鐘既人講，我對自己信念好有懷疑

♀：咁你要檢討下自己喇！

♂：好，我聽朝就只較一個鬧鐘！

♀：我信你啊！你一定得！

♂：唔得既你記得叫我起身！

♀：係呢，尋晚你有冇夢見我

♂：有啊，好似任何人咁既樣，好激動咁話撐我！

♀：咁一定係你見過最靚既任何人！

♂：我第一日同你傾，唔覺得你係一個咁唔知醜既人

♀：我仲有好多野你唔知

♂：咁麻煩你慢慢講我知

♀：好啊

♂：……你……係咪準備去殺你個朋友，你好反常，咁順攤既？

♀：唔係你覺得我會點

♂：你會串串貢咁講，關我叉事

♀：你唔夠了解我，我連廢都唔會答，由你自己講

♂：但你頭先答好啊

♀：好，又如何？慢慢講，有幾慢，幾時講，你又點知，可能下世我先同你講呢！

♂：唉，你終於食返藥喇！

♀：食屎啦你！

♂：你平時都係咁講野？

♀：講乜？

♂：我想像唔到一個靚女扮出張學友咁款講，食屎啦你

♀：你知唔知，如果你親身聽到我講，你會講乜

♂：唔知

♀：可唔可以再鬧多我幾次！

♂：喂，食多粒藥啦，你又發病喇

♀：你真係好有趣，同你傾計真係幾開心

♂：我都覺

♀：嘻，好，啊……我個朋友又打比我，睇黎今日又有排煩，你訓先啦，聽日再傾

♂：好，今晚希望夢見任何人鬧我食屎

♀：真係夢到聽日話我知，晚安

♂：晚安

——

長傾·不見@道歉
https://bit.ly/LongchatEP13

同靚女特別有緣

林作一見鍾情！袁嘉敏後悔冇同有錢人拍拖

我嘅職業係：製作虛擬女友（上）
　　
你想唔想拍拖？想唔想有一個完全理想嘅對象，同你分享生活中嘅一切悲與喜，佢會安慰你、鼓勵你，永遠支持你。

你想唔想拍拖？想唔想同深愛嘅人，間中為咗無聊嘅瑣事而嘈交，減低工作效率，你要為佢付出好多嘢，但佢依然可能會背叛你，突然有一朝起身，就唔再愛你。
　　

每個渴望愛情嘅人，都係渴望愛情嘅甜蜜。

至少我從來冇聽過，有人拍拖係為咗分手嘅。

但愛情本身就係有喜有悲，如果你只想享受愛情嘅甜蜜，唔想承受愛情嘅痛苦，咁你可以……買一個虛擬女友！
　　

你可以度身訂造虛擬女友，設定佢嘅樣貌、聲音、性格、對你嘅態度，仲可以設計埋你哋嘅經歷同過去。

之後，虛擬女友會同你每日發訊息，早晨晚安我愛你，一定唔會少，仲會有語音訊息同埋Facetime。

冇錯，以我哋嘅科技水平，已經可以令虛構嘅人物，喺Facetime上做出相應嘅表情同動作。
　　

虛擬女友嘅服務好受歡迎，我哋間公司日進斗金。

最受歡迎嘅虛擬人物，當然係女明星，我哋今個月就賣咗300個結衣BB。

不過同樣係結衣BB，每個顧客嘅需求都有唔同。

有人想要溫柔體貼嘅結衣BB；有人想要霸氣女王式嘅結衣BB；有人想要結衣BB cosplay成關羽，做佢女朋友……

所以，每個結衣BB，都係獨一無二嘅。
　　

除咗虛擬人物之外，都有唔少顧客冇對象特定要求，只要大波靚女，溫柔體貼就得。

仲有一種，係拎住初戀／前度／女神嘅相，嚟訂造虛擬女友。

總之，做咗呢行咁耐，咩要求我都見過。
　　

所以，四十歲嘅阿傑出現喺我面前嗰陣，我以為佢只係一個普通嘅顧客。

佢想要嘅虛擬女友，叫小琳，二十歲嘅小琳。

小琳唔算好靚，但笑得好甜，佢鍾意著白色嘅連身裙，面上仲有酒粒。

「有啲似《大話西遊》嘅朱茵，雖然小琳冇咁靚，不過佢喺我心目中係最靚㗎。」阿傑愈講愈興奮。
　　

「請問你同小琳係咩關係？」唔係我八卦，只係關係唔同，虛擬女友嘅反應都會有唔同，所以必須要問清楚。

「哦，小琳係……我嘅初戀。」阿傑嘅情緒瞬間變得低落。

我唔洗問落去，都知小琳肯定係同阿傑分咗手，或者紅顏薄命，否則阿傑就唔洗訂虛擬女友啦。

不過，按照職業守則，佢哋分開嘅原因，我就唔會多問啦。

反正虛擬女友只有甜蜜幸福，除非顧客特別要求，否則絕對唔會模擬分手嗰部份。
　　

點解咁多客人，我偏偏記得阿傑呢？

因為阿傑真係好煩。

佢提供咗小琳嘅相同基本性格，我哋已經有足夠資料製作虛擬女友。
　　

但阿傑隔日就打個電話嚟，補足吓小琳嘅性格同愛好，連缺點都講埋。

「我初初出嚟做嘢，成日要OT，放假又好攰，所以成日喺我屋企附近拍拖。」

「佢煮嘢好難食㗎，有一次佢整咗個蛋糕畀我，未切開就溶咗，哈哈哈。」

我忍唔住講：「其實你之前畀嘅資料，已經足夠㗎啦。虛擬女友唔會出現喺你面前，幫你整蛋糕㗎。」

阿傑沉默咗幾秒：「對唔住，我只係想虛擬女友……似小琳多啲。」
　　

阿傑畀咗好多同小琳嘅合照，好多張相，都係佢哋企喺一條普通嘅街上，冇美麗嘅風景，冇精緻嘅打扮，但笑得甜蜜。

睇到呢堆相，我都有啲心酸，一對咁恩愛嘅情侶，點解會分開呢？

所以，我冇再嫌阿傑煩，認真整佢嘅虛擬女友。
　　

驗收嗰日，阿傑對虛擬女友好滿意：「真係好似小琳啊。」

我畀埋張單佢，向佢收尾數。

阿傑面有難色：「咁……咁貴啊？」
　　

呢個時候，阿傑電話響，佢行埋一邊聽電話。

我冇聽晒佢講嘅嘢，隱約聽到佢話「我老婆」點點點。

我對阿傑嘅好感頓時冇晒，車，原來結咗婚，仲掛住舊情人。

我按照程序完成咗交易，就冇再同阿傑聯絡。
　　
下集：https://bit.ly/3cyWVmL

　　
Patreon訂閱即時睇下集，快人一步：https://www.patreon.com/tomato28
　　
#短故 #短篇 #小說 #陳美濤 #廣東話 #粵語 #tomatochan #我嘅職業係製作虛擬女友

｜A0女神｜30追求者全被Friend zone 靚女難拍拖？ 心理學家：男賺女蝕性邏輯各位讀者身邊有沒有一些美女朋友，你以為她愛情經驗豐富，怎知拍拖的次數是零，或是很久都沒有拍拖呢？23歲的雍榕在美國的大學主修Business law（商業法），副修Criminology and criminal justice（犯罪學及刑事司法），可以說是一名「難攻不落」的A0女神，23年人生有近30人向她表白但全員慘被Friend Zone，她笑容可掬，活潑開朗，又……嗯，各位讀者直接看片好過用筆墨形容，但令人震驚的是雍榕竟然是A0（沒拍過拖）。「好多人以為我A380，其實我是A0。」雍榕苦笑道。

雍榕中學時唸女校，畢業後到美國唸大學，但她在橫跨半個地球後始終都沒有遇到絕配的戀人，最後「A住grad」（單身到畢業）。「印象中差不多有30人曾追求過我或向我表白，但追得非常賣力的應該有10多人。」首先雍榕的擇偶條件是要「高、比自己年長得多、樣貌就不要太帥」，她指自己追求的愛情是可以在過程中互相成長，每次交流都是「有養份」，儘管相對無言時依然感到氣氛舒服，而且手藝很好，向他求救時甚麼都懂得維修，這個理想中的對象清單深受她自己的爸爸所影響，「我爸爸都是一個頗完美的男人，除了外表方面是完全不符合我的理想。」因為雍榕即將修讀法學博士（Juris Doctor）並以律師執照為目標，所以希望她的另一半是與她完全不一樣專業的男生，「我上班已經常面對着這些，我喜歡與我擅長的東西不同以及有手藝的男人，我電話、電腦壞了他懂得砌好，我不擅長不懂的東西他全都會，這種感覺很有型， 比起那些送花來打動我是完全不同的。」

https://hk.appledaily.com/lifestyle/20210610/S4EUYOHXDNCR3NHLC26RQD6PSY/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#女神 #心理學 #美國 #A0 #大學
#果籽 #StayHome #WithMe #跟我一樣 #宅在家

靚女臨床心理學家指現實係會有「移情」 但唔一定係壞事
早前熱爆全城的電影《幻愛》除了帶紅了男主角劉俊謙、女主角蔡思韵和屯門的輕鐵打卡位之外，還成功引起外界對臨床心理學家的關注。觀眾們對電影中精神病病人在治療過程中戀上了心理學家的情節大感驚訝，到底現實中這類的情節會否發生呢？我們找來了從事臨床心理工作已有十多年經驗的臨床心理學家廖嘉敏和我們上演一套《幻愛現實版》！

在探討電影情節的真偽前，首先要理解臨床心理學家最主要的職責。一般廣為人知的工作範圍包括運用一些經過大量科研證實有效的心理治療方法，幫助一些面對情緒或精神困擾的病人、減低他們面對的困擾、改善他們的心理質素。同時，臨床心理學家亦負責一些評估工作，例如智力評估、性格評估、腦功能評估等等。

果籽 ：https://hk.adai.ly/appleseed

相關影片:
【$4500住甚麼 】香港篇—香港式共居=20呎太空艙？ 怕孤獨IT男：「自己住無人講嘢好可憐」 (果籽 Appledaily) (https://youtu.be/Rbfwgx4JGag)
【肝臟權威】唔使食補肝品 72歲港大教授黎青龍飲酒兼夜瞓 「我個肝仲幾好」(果籽) (https://youtu.be/c3ik8wTN1g8)
【重案解密】特務生死戰 — 生擒行刺名人殺手 前G4長七：最唔似的就是特務 (壹週刊 Next) (https://youtu.be/RleGdqACzI8)
【百萬豪裝公屋】寧花巨款裝修都唔買樓 月入10萬夫婦：供樓會好辛苦｜2020-06-18 (壹週刊) (https://youtu.be/Z7sJex8wYHM)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【生命鬥士】值得鄭秀文都讚 前女歌手車禍癱足27年 靠聲控製花椒辣椒油：即使手腳不能動 腦袋仍可很靈活(飲食男女) (https://youtu.be/gREGjaLELTg)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)
【全球樓行「戀殖」張堅庭 籲BNO送子女赴英 授英倫買樓三大秘訣 (蘋果日報 ) (https://youtu.be/o2itR_w6Ezs)

#果籽 #幻愛 #情愛妄想 #移情 #催眠 #臨床心理學家 #心理學 #StayHome #WithMe #跟我一樣 #宅在家