《𝕃𝕠𝕧𝕖 𝕄𝕦𝕣𝕞𝕦𝕣》𝟚𝕟𝕕 𝕊𝕥𝕠𝕣𝕪: [gfmurmur9874] 希望post到我 另一半非常火爆， 好少嘅事， 都會發好大嘅脾氣 ， 同埋ego好high 。好多時你同佢理論，佢就一堆歪理得埋嚟。同埋根底裡會睇得出佢特登做啲任性嘢嚟令你著緊佢， 顯得佢重要。但實在好反感，但又離唔開佢（可能因為太鍾意／未清醒掛）。 e.g. 佢成日煮餸，我被要求幫手時 d步驟 d嘢 例如切得唔好／唔係佢想個way，佢會即刻鬧你 同黑你面，話你做得唔好 好惡咁話唔係咁切／你破壞咗成碟嘢。但你唔幫手（唔幫只係因為唔想比佢又鬧 又吹毛求疵and 一定要跟佢啲 steps），佢又會鬧你唔幫手，唔知係佢煮餸方面太完美主義定乜 好煩（我本身煮嘢食唔叻and 都無興趣煮嘢食） e.g. 用佢少少普通護膚品（佢俾錢買嘅。 $100樓下），跟住嗰樣嘢佢唔想你用，話"你用得太多滴"，佢會即刻閂咗個蓋，我走去同佢辯駁 話咁小事都咁大反應，佢就push我去sofa，禁住我 然後kum咗我1巴，最後太委屈 喊住訓。 e.g. 有一日臨訓前，太頭痛，需要即刻闔埋眼 好辛苦 想休息，但佢話好想好想講番琴日個夢比我知，我話真係唔得喇要pass out喇 ，聽日先講啦，佢就發神經半夜1點幾兩點嬲到走咗出街，想你擔心，想你搵佢，講晒咩"bye bye lah" "以後要好好照顧自己" "多謝你比我嘅所有嘢" "我要走啦，呢度唔夠高" hint佢要去跳樓咁，最後1個鐘後返嚟，第日佢再講俾同事聽，仲鬧返我『 d同事都話 如果你聽咗個夢，你就唔洗搞到冇得訓 用兩分鐘聽咗佢米好囉』大佬，我真係好頭痛 好唔舒服呀嗎 我聽到我實聽ga e.g. 平時多數拍拖支出大部分係出街食嘢ge expenses，咁多數都係我出，咁有時想佢分擔少少，有次討論過呢啲支出問題，跟住比佢話返 "無人拍拖會好似你咁講錢，我就一定唔會好似你咁"（oh well,因為出錢果個唔係你-,-) 又扯火，講晒佢都有付出過ge野出黎，然後發咗個大脾氣係咁亂咁掟嘢，掟到我屋企塊牆凹L咗幾個窿，傢俬爛咗 and 隻貓都比佢掟到，鄰居都比佢嚇親，因為又係深夜。呢啲都唔緊要，最差係佢成日把刀指住自己，逼我服從佢所有嘢，跟住又係咁開嗰窗想跳落去（btw我住1樓），咁因為個次係第一次佢咁做，所以我都好就佢即刻低聲下氣氹佢，驚佢唔知會做啲咩傷害佢自己或者我。 自從佢咁樣癲過之後，佢好多小事，都會發好大脾氣，我一次一次原諒，一次一次俾機會，但佢就成日都咁做，成日都以死威脅，逼到你癲為止。而家開始覺得煩，又唔係真係去死但又要咁樣講，姐係威脅我。我心身都覺得好累，個心又離開吾到呢個人。。。真係好toxic，點算好。 如果要解釋返點解我咁鍾意佢，咁係因為一開始佢對我好好，成日煮嘢比我食，好照顧我，好細心，外表身材又算係我鍾意嘅type。但佢呢一刻一樣嘢嘅唔好（太emotional），已經夠蓋住佢所有好。 btw，佢都係女仔 and 大過我幾年 sorry for 1999 • ♪ Song of the night: @saxyphil - 《#關於愛的碎念》 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶