《人情與帛金》

仲記得我寫第一個故事《那天，我出席了一個葬禮》，一個係參加者，一個係家屬，感覺完全唔同，一天內好多親戚朋友都抽空出席，仲記得細個少不更事口沒遮攔，經常用帛金啊，過身啊等等說話去開玩笑，去罵人，當經歷過喪事後，我諗都唔會有人會再用呢種說話開玩笑。

當晚返到屋企沖完涼都十二點左右，然後一家人坐係度點算帛金，情景好似我當年結婚之後點算人情一樣，某程度，兩種錢都係一種祝福，一種情誼。

我諗人情有公價，帛金我從來都無聽過公價，錢，從來都唔係一個衡量友情同價值嘅標準，每一個有到場嘅送行朋友，我都覺得好足夠，人離開，錢財都係留低，如果細佬佢知道有來，相信都好感激了，作為親人，收到帛金，真係無論多少，都覺得好有心了。

一路點數記數，一個個人名，大概講得出係細佬同學、同事、好兄弟、好朋友等等，然後睇個銀碼，心中真係有好大感概，唔少人做到501以上，甚至1001，2001，3001等等，呢份情，我地真係唔知點還，每次一打開個信封見到做好多帛金既人，我都會問下佢係邊個，我媽有時都會講得到係邊個，因為細佬佢病既時間都好多人黎探過佢，佢都認得唔少人。

我問咗我自己嘅朋友，如果我死咗，你會做幾多帛金比我？

佢話，帛金又唔係俾你，俾你屋企人嘛，經濟唔好親人少又或者有小朋友嘅就做多d，如果你好好地嘅一係501，一係1001啦，就好似做人情比你，知你結婚用好多錢，咪做得大份d幫下你手，講真，大家咁熟，有乜都在心中啦，仲用錢去計咩？到時，你記得我住邊，七日裡面，有好酒飲，有好野食，我打住機等你嚟搵我啊。

我話，你記得整個朋友追思會，大家成晚講吓我做過咩柒事，有咩好同唔好嘅回憶，做吓我哋以前會做嘅事，我見到會好開心。

佢話，放心，一定齊人！

我再問，咁如果你做得好重手俾我，會係咩原因呢？

佢話，咁……我應該係好唔捨得你喇，肉痛吓，個心無咁痛掛。

－－－－－－－－－－－－－－－－－－－－－－－－－
《弊傢伙，我女朋友有咗》經已上架，有興趣的朋友歡迎點擊下列連結購買。

預購 BY Payme, FPS, Alipay連結：https://forms.gle/UEdH32PfVD2cp5nK6

預購By 掌鋪，可以使用Visa Master Card連結：
https://maydreaming.boutir.com/i/WDnmnPAAA

舊作《那天，我出席了一個葬禮》《同學會重遇的那個人》《南極》亦可以同時購買，有興趣的可留言式inbox查詢

［膠膠地而不膠化］

昨晚少年銀樂隊快閃進入大埔連儂隧道，演奏一曲「今天我」，直播中有人留言「又膠化？」留言引來數人like．傘運時有人打邊爐打乒乓波，「膠化」之控訴記憶猶新．

同事李立峰在北角brew note咖啡室講座中引述了團隊落場問反送中參加者的發現，年輕人認為「民陣」「和理非」的參與非常重要，在場者無不驚訝．

反送中運動刀光劍影有時，環保和平大愛有時．兩種幾年前水火不容的抗爭風格，在今次運動共存，偶爾衝突．膠膠地但又不致於膠化，如何做到？

近日觀察，兩個片段令我留下深刻印象．

一．七一夜晚，夏慤道，附近煲底氣氛緊張，示威者衝入立法會，一幕幕衝擊畫面震撼着外圍的支援者．街上的群眾整齊列隊，以螞蟻搬家形式搬運物資去前線．

忽然，眼前出現有兩三個中學女生，手持大垃圾袋和告示牌，斯斯文文地問大家有冇膠樽回收．我傻了眼．入面同路人安危未卜，刀光劍影之際，少女着緊資源回收．換着以前，應該會覺得抗爭緊張時刻仍講環保好無謂，會被罵「香港就來死啦，仲講環保！」，現在又似乎夾得埋．

＊＊＊

二．梁凌杰公祭夜，公眾到場若有送上帛金，致喪委員會也有準備「吉儀」回給有心人．一位伯伯離場時，急不及待把吉儀信封扔掉，卻找不到垃圾埇（垃圾埇被環保人士封掉了），於是把吉儀信封隨手擲在地上．

在回收筒旁的環保義工，把地上的「吉儀」拾回來，告訴阿伯這樣做不對，要拆好信封把紙放回相關回收筒．誰不知老人家覺得大吉利是！吉儀唔可以帶番屋企，一定要在街上棄掉，會回頭的吉儀很不吉利．不了解環保的老人家就這樣和義工吵起來．驚動了在場的社工解圍安撫．

＊＊＊

反送中前，「環保L」被恥笑，網上對堅持「走飲管」的諷刺文繁多．今日抗爭火紅火綠，回收少女和環保義工卻如一道美麗風景，與戴頭盔眼罩衝擊死士，與來鞠個躬表達一點心意的伯伯要學習和諧共存．

近日寶礦力被追捧成「運動指定飲品」，眾人大手掃貨，環保人士也沒有直斥膠樽危害地球，而是婉轉地溫馨提示，飲完最好洗乾淨放入回收筒．

似乎，運動教識了我們，保護香港，保護地球，人各有志，「反送中」無大台，令每個參與者都可以自由想像，自由塑造，自由擁有這一場運動．