男人的浪漫又點只豆腐火腩先～抵食燒味飯上榜是常識吧！ 呢間隱藏喺街市裡面嘅燒臘小店，不過店不可貌相！呢度嘅燒味確係有水準，仲有自家工場，每日明火新鮮出爐！ 夠晒黯然銷魂嘅《蜜汁叉燒 $45/半斤》用左頂級梅頭，絕對唔係普通叉燒咁簡單，學家燕姐話：叉燒肉汁封喺纖維裡面，肉質入口鬆化，碟叉燒真係好味到塵世間無野可以形容得到～ 點解！點解要俾我食到咁好味嘅叉燒，以後食唔返點算！補充：甜甜地嘅秘製蜜汁是亮點！ 超嫩滑嘅《潮州咸雞 $50/半隻》用左潮州家傳醬汁浸，外面好難食到嫁！連雞皮都爽口彈牙，新鮮雞係唔同啲嘅～ 雞肉帶咸香，送飯一流，點埋自家製薑蓉仲正！ 斬料拎返屋企嘅《極品燒鵝 $90/四分一隻》火喉十足，肉嫩多汁，而且肥瘦適中！仲有大大隻燒鵝脾，真係咬落啖啖肉，鵝油勁香，毒都要食多幾件呀。 當通街都賣緊三四十蚊以上一盒頹飯時，呢度竟然搵到良心飯盒 (!?) 呢度《單拼飯 $25、雙拼飯 $27》，如果潮友你仲係學生就仲抵，學生價燒味單雙拼飯只係22蚊，仲跟一包檸檬茶或大水一枝，呢個價錢，呢個質素嘅飯盒，潮友又食過未？PND食過！PND真係食過！ 【#PND優惠 二部曲】 ① 睇完PND呢個Post，Screen Shot 截圖 ② 到餐廳時向職員出示此Post，即可享 #PND優惠，全日均可享受全單9折，限定下午茶時段14:30-16:30仲可以有8折添！(優惠不可與學生餐同時使用) *此優惠至*****2016年3月13日*****為止 ----------------------------------- 合興隆燒臘飯店 地址：將軍澳寶林邨寶林街市地下17號鋪 (2274 4443)，土瓜灣靠背壟道121號富裕閣地下G舖 (2567 5768)，土瓜灣馬頭角道28號金都豪苑地下10號舖 (2786 5611) #PND將軍澳 #PND土瓜灣 #PND港式 #PND外賣