📍藏 (銅鑼灣) 銅鑼灣謝斐道482號1樓 ----- 作為一個專業吃貨 嗰日食到好食嘅嘢就可以令我開心大半日😛最近情緒唔係咁好 搞到日日都想食好啲 等自己可以開心啲 朋友推介話呢間餐廳嘅omekase好好食 但係由於荷包情況比較緊張 所以我就揀左價錢比較實惠嘅午市套餐嚟試下～😛 - Premium sushi platter($360）10貫廚師發板嘅壽司加一款手卷 全部都非常新鮮 廚師揀選嘅亦都係時令刺身食材 味道甚有驚喜 當中有幾款令B仔特別印象深刻 分別係入口即溶嘅灸燒有口魚🐟 松露香味極突出嘅黑松露甜蝦🦐 咬落油香四溢嘅大拖羅 同肥美鮮甜嘅日本北海道馬糞海膽🍣 另外壽司碟上仲伴有佢哋自家製嘅柚子薑 柚子嘅香甜味中和左薑嘅辣味 令到本身唔愛薑嘅B仔都中意左呢度嘅薑 食完薑之後再食壽司 更係令到每一件壽司嘅味道顯得更加獨特鮮明😊 - Japanese sea urchin rice with american lobster（$480）一上檯 賞心悅目嘅外表已經令人覺得心情豁然開朗 未食已經先興奮 飯入面嘅材料非常豐富包括有龍蝦 海膽 蟹柳 蛋絲 紫菜 漬物 香菇片 同一碟龍蝦膏🦞龍蝦表面有金箔作點綴 Deluxe感滿滿🤩咬落爽口又彈牙 海膽顏色呈鮮橙色 瓣塊結實 入口細膩綿軟 甜味豐厚 加埋濃滑嘅龍蝦膏同多種餡料嘅赤醋飯 入口啖啖都有種令人難以忘懷嘅幸福感🥰 - 🌟所有午餐都包含沙律（材料：炸魚仔 番茄 麻醬 沙律菜）燉蛋（材料：瑤柱絲 柚子汁 蜆肉冬菇 雞肉）麵豉湯 （材料：豆腐 香蔥 紫菜）同甜品（可選豆乳布丁或抹茶紅豆雪糕 後者味道唔輸中村藤吉嘅抹茶雪糕🍵） ----- 👶🏻B仔整體評價：8.5/10個👍🏻 👶🏻B仔抵食程度：8/10個👍🏻 （質素對得住價錢） 👶🏻B仔環境評分：8/10個👍🏻 👶🏻B仔味道評分：9/10個👍🏻 👶🏻B仔回頭機會：9/10個👍🏻 ----- #swallowhongkong 跟住我一齊吞食香港啦！🤤 #swallowcwb