真心話，我好羨慕姜濤。 唔係因為佢又年輕又靚仔… 而係佢有一班行動力好強嘅粉絲「姜糖」。 今朝一起身，見到fb被姜濤洗版，我真係好開心。 原來咁多人留意香港樂壇。 如果唔係有姜濤，今日洗版嘅肯定係《愛的迫降》玄彬同孫藝珍承認戀情。 年年叱吒都有人話「唔識邊個嚟、未聽過、樂壇已死…」 唔識，去認識！ 未聽過，上youtube聽！ 講自己未聽過廣東歌，唔認識香港歌手，唔係一件值得自豪嘅事。 如果覺得姜濤拎「最喜愛男歌手」係樂壇已死。 年年都係Eason拎，就真係樂壇已死。 最喜愛歌手係由網民投票出嚟，亦即係話姜濤最多人投票。 而投票結果唔係你預期嘅歌手，即係話喺公平投票制度中，你喜愛嘅唔係大眾，你只係小眾。 一定有人講，點解姜濤唱得麻麻、跳得麻麻都可以拎我最喜愛。 咁點解上年古天樂拎獎，大家又咁興奮？ 或者，有人會拎台灣、韓國、日本、外國歌手去比較。 我認同姜濤有進步空間。 但唔一定要世界第一，先做到我最喜愛。 因為喺「姜糖」眼中，姜濤已經係世界第一。 你估姜糖唔知自己做嘅行為會被外界取笑，被人話盲粉咩？ 但佢哋唔理，依然會去支持，去投票，出席活動，為自己喜愛嘅明星出力。 相反，你呢？你又為香港樂壇做過乜？ 定係全年都聽韓文歌，淨係叱吒先講一句「我無一個識囉」？ （全文去patreon睇 ） －－－－－－－－－－－－－－ 雖然姜糖好食，但橙糖都一樣咁Juicy 訂閱Patreon睇更多獨家故事 出書免費送去你屋企！ https://www.patreon.com/Bluegodzi

【廣東樂壇，走一個少一個，跪一個無一個。】 見住一個又一個香港養大既歌手唔再唱廣東歌 一個又一個童年回憶偶像唔再講廣東話 心裏面，有種說不出嘅悲 到底香港人，可以再養得起幾多個本土歌手？可以讓佢地唔使跪低，有尊嚴地為香港人寫歌造歌？ 點解，食飯有撐自己人既經濟圈。但為香港人唱出心聲既音樂圈，卻被自己人冷嘲熱諷。 我自己作為一個廣東歌樂迷，覺得我地要爭氣，唔好每年一月一號先來忽然關心樂壇，忽然先批判邊個未夠班邊個係乜水。 如果你真心愛依度，真心緊張樂壇，或者覺得邊個未夠班，就襯仍然有得投票嘅時侯去投你覺得夠班既歌手。 2020多謝叱吒。琴晚有幸見證廣東歌樂壇既轉捩點。一班90後超新星出現接棒，姜濤, Anson Lo, Serrini, Jace, 林家謙, Jer, Mirror ,個個獨當一面。 廣東樂壇，走一個少一個，跪一個無一個。 香港人，既然有新一班年輕人係呢個咁壞嘅時代肯接棒傳承我地本土文化，可唔可以用我地最後一分力，多聽新歌，多留言支持，多禁like鼓勵，多分享推廣，俾依班年輕人可以大大聲咁唱廣東歌，好嗎？ #介紹番 #琴晚既身分係 #廣東歌樂迷 #樂隊未能接通既主音 #王嘉莉k.ELLY既經理人 #未能接通準備出新歌 #郵差叔叔送信純熟迅速送出