//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //

雖然母親節係一個西方嘅節日，但響百行孝為先嘅香港人社會，仍然係非常重要。尤其係食店限聚人數難得放寬，510本應係一個普通一家人近來難得慶祝嘅一日。

與此同時，香港人亦啱啱經歷咗一個憤怒嘅星期五，因為響中聯辦施壓下，立法會秘書處同法律顧問公然轉軚，支持李慧琼運用佢本身所無嘅權力剪布，換言之往後就算非建制派依足議事程序進行抗爭或者反抗政府，都隨時可以被中共大石責死蟹。

為咗表達呢種憤怒，響晏晝香港市民除咗繼續響商場發動「和你Sing」之外，仲竟然做到幾區開花嘅效果：老實講比起抗爭高潮時期規模仍然相差好遠，但至少係一種士氣上嘅鼓舞。

事實上「和你Sing」對政府威望嘅打擊係非常之細，唱下歌對商場市民亦唔會做成乜嘢影響；但警方就係決定採取零容忍政策，總之邊度有人唱歌就去邊度掃場，係要搞到商場封舖落閘無生意做先至滿足。結果一家大細出去慶祝，輕則掃興而歸、重則自己中埋胡椒彈呼吸困難，大鑊則連自己十幾歲一齊出黎食飯嘅仔女都比差佬拉埋，喜慶出門悲劇收場。

同聖誕、萬聖節一樣，一個香港重要嘅節日，再一次毀響班差佬手上。

當然全日嘅焦點就係有個13歲嘅記者比人拉咗，同埋有個疑似幾歲嘅小朋友比警察制服咗，但呢種咁癲狂嘅執法制度代表啲咩呢？

1. 係要放訊息比公眾聽，唔好以為有十幾個警察因犯刑事罪被捕，就代表警隊開始被整肅：事實上我之前一早講過，對於違反警察嘅拘捕，由盧偉聰去到鄧炳強從來無手軟過，問題只在於一牽涉到鎮壓抗爭嘅違法部份就完全唔理。警暴放題。

2. 既然好多人都講街頭同議會路線係相輔相承，共產黨就係要切斷兩條線嘅聯繫，防範街頭有人又搞起個勢，重演612包圍立法會

至後去到尋晚，警暴就由商場延伸至旺角街頭。同早一兩個月比，狂暴指數又再直線上升，套路仍沿用番舊時：起初就只係同你對峙一下，夜到咁上下就開始衝散仲未走嘅人，然後不停分割包圍濫捕群眾

警察亦唔再限於使用「限聚令」作檢控，而又開始用番「非法集結」（雖然唔知最終係咪會落Charge）；亂射胡椒、用癲狂語氣恐嚇市民就梗，係爭未射番TG

另外拘捕年齡歧視仍然係非常嚴重，基本上好似我啲阿叔只要無作出挑釁行為，都係會比你掂行掂過，但後生少少嘅就多撚數截停你搜袋。作為一個現役和理非廢柴，最多可以做到嘅都只係幫手通報下差佬啲最新位置，提下後生小心唔好去某啲方向而已

呢種警暴升級好明顯係因為港共政權發現，上星期五嘅內會鬧劇令民怨升溫，開始有番一啲組織性嘅示威，例如各區開花重新出現番，所以希望用壓倒性暴力將抗爭之火苗重燃之前扼殺

至於亂拉記者，就梗架啦，因為隨住公民記者數量嘅增加，好多時抗爭者加埋都唔夠記者多，所以警察好早已將仇恨轉移至記者身上，覺得佢地係故意為抗爭者製造屏障協助佢地逃走，甚至認為有抗爭者借記者身份混入伺機襲警。呢種妄想唔係我9噏，而係響現場聽班差佬親口講嘅。

所以我唔明記協點解去到呢一刻，仲唔肯放寬登記記協會員嘅限制：你明明就可以有六種會員，點解只得第一類會員可以申請記者？好多時差佬拉與唔拉記者之間嘅判斷，就係打上台Check下你究竟係咪響記協登記名單入面嘅媒體果下，而一般學生媒體、微型媒體，有乜嘢可能可以符合標準新聞記者證嘅申請要求？

唔好同我講濫發會累倒其他媒體，當你連香港G報、港人講地都可以係記協會員嘅時候，你只啲所謂原則只係官僚作風嘅遮醜布
3.2. 會員共分為六類別：

(i) 正式會員- 以新聞工作為主要收入來源。在此，新聞工作定義為受僱於本港傳媒或在港從事傳媒工作，包括於報章、期刊、雜誌、本地及國際新聞通訊社、電台、電視、或數碼新聞平台出任記者、攝影師、美術工作者或編輯; 全職自由撰稿人；或從事職前和在職新聞工作訓練等。
(ii) 公關會員 — 受僱於公共關係行業及資訊服務的僱員。
(iii) 附屬會員 — 並不以新聞工作或記者的收入作為主要收入來源。
(iv) 學生會員 — 接受新聞工作培訓或為學徒者。

3.3. 只有類別（i ）的會員才能獲協會發予記者證。記者證屬本會資產，會員在終止會籍後應立即歸還記者證予本會。