🍤 【 獨遊1001小記錄 】 而家講旅行大家都應該想打7我，不過請放我一馬，再唔寫低我就唔記得㗎啦🥺（老人家，將就下）。 天氣太凍，懶得p圖，附上huji相一輯。 某日同朋友講起去旅行， 佢話仲係對於我一年前自己無啦啦獨遊去咗轉沖繩感到好不可思議，因為佢話覺得佢自己唔會做到。 「唔會好孤獨咩？」佢問。hmmm， 我諗咗陣，係孤獨嘅不過唔寂寞囉。 嗰次走去獨遊，查實係因為去完緬甸返到香港完全適應唔到香港嘅生活......開咗sem半個月我已經呼吸唔到，喺條街到行慢兩步都好似會俾人撞出馬路咁zzz。（doon，慢活咗珍系快唔返） 之後突然諗起自己好似曾經幻想過18歲solo一次，於是就衝動地先斬後奏上網買咗機票，順便當係送比自己嘅生日禮物。至於點解揀沖繩就因為佢機票最平， 同埋日本嘛，感覺上幾安全；細，交通唔複雜，成個那霸市得一條架空鐵路；仲有聽講佢好Hawaii fu～，而禾是非常喜歡花花der🌺、、、。之後同家父家母講，佢地都無咩反對（可能係奈我唔何掛），無辦法，鬼叫逃避咁有用咩(@milestadream 我係咪講得好啱先）。 pack咗個細gip，無咩plan過行程，淨係搵咗有咩食，reading week就飛咗嚕。我本身超鐘意行路，總係覺得行路先睇得最多嘢，鐘意幾時停都得，節奏完全由自己控制，而且係俾緊機會自己仔細咁去睇個城市，同搭車係完全唔同嘅體會。我有時會特登唔睇Google map 9行，試下蕩失路嘅感覺，每一次都會俾到我驚喜。例如發現到間超隱蔽嘅食堂，衝埋入去食，個婆婆仲請甜品我食，sweet到。某日行咗四萬步28公里，仲行埋去隔離個市，發現日本啲路嘅規劃做得非常貼心，係行人同車都方便到，只係行喺條街到都感受到日本人嘅用心。 跟住同人地一齊去旅行嘅時候注意力自然會放喺旅伴嘅身上，先姑勿論夾唔夾，就算幾夾都好，總會有啲地方/嘢你心裡面其實想睇耐啲但又驚其他人唔想睇，於是果斷放棄； 又或者掛住同人講野、搵路（me）、趕景點結果無視咗唔少有趣嘅事物。自己一個就無呢個問題，食咩睇咩食幾耐睇幾耐，feel free，自由自在，完全地隨心而行。夜晚返道hostel就整travel journal、睇書、寫postcard，不知幾充實。 由於一個人唔單止可以盡興，仲會上癮，於是兩個月後就黎咗個solo 2.0 ，下回再續！ - 😳驚唔驚？有無俾人偷嘢？ 平日我都係一個非常粗心大意嘅人，不過一人在外警覺性好似自動提高咗咁，成日都gup住自己啲野，所以無俾人偷嘢～ 話完全唔驚就假嘅，沖繩我都係第一次去，不過日本咁安全我本身都唔太擔心。最驚係落飛機驚唔見行李，個腦飛咗幾百個我件行李會蒸發咗嘅scenario出黎，雖然最後無事。 之後就係夜晚訓覺+夜晚行返hostel少驚，訓覺我啲貴重嘢擺喺枕頭隔離，夜晚喺街就一定行啲大路，唔會行啲巷仔。 📸自己一個點影相？ 我一向鐘意影人唔鐘意俾人影，所以無咩呢方面嘅concern，只係瀨長島日落超靚於是厚臉皮地叫咗個㗎妹幫我影咗張相，又幾鬼靚（個景）。 影景我就好隨意，自己一個多咗時間觀察身邊嘅嘢，連影相都可以慢慢嚟，某日喺首里城（我去完兩個禮拜後佢燒咗T^T)追住隻貓影咗半粒鐘。 🎡有咩困難？ 最困難嗰刻其實係book機票嗰下hahahha，有嗰種WTF THIS IS RLY HAPPENING ，不安又期待嘅感覺。某日行出咗那霸市，自high完完全唔知有咩車搭返去，電話得返10%電。於是喺巴士站求其搵個人問，雖然嗰位uncle唔識英文，但係佢好努力咁用google translate理解我講咩，仲教我點轉車，感動！☺️ 獨遊真係一個迫自己獨立、面對自己嘅問題、同埋提升解難能力嘅好方法！👏👏👏 ☄️用咗幾錢？ 機票meethk買，$1049 ，香港航空； 住hostel嘅女仔dorm room，一格格床位嗰啲，整齊又舒服，三晚$400； 四日三夜total洗咗～$3000，ya～ 🦔學到啲咩？有咩感受？ 豁達咗，發現呢個世界好大，所以自己嘅煩惱同問題其實非常渺小。旅程中無得同人講嘢，結果多咗好多self talk；（短暫地）搵返自己嘅節奏（然後一返到香港嗰刻再次被打亂），反思自己想要點嘅生活，雖然無結論，不過但願自己可以保持對世界嘅好奇心，探索更多生活嘅可能性。 📿有咩獨遊tips？ 👏揀安全/自己熟悉、有親人照應嘅地方： eg台灣日本 👏留意天氣：我去沖繩嘅時候係秋天，超舒服，自己一個去的話，唔想拎咁多嘢就避免冬天啦xd，太凍一來唔方便行路，二來個人都好容易覺得空虛寂寞冷xd 👏Book住宿小心：我花得最多時間係揀住宿，女仔一定要book girls dorm，唔好貪平，揀多人推薦+近市中心嘅，咁有時行夜啲返去都唔怕。 👏了解屋企人嘅接受程度，唔好先斬後奏 👏同屋企人+朋友保持聯絡：定時打個卡，send下相，自己一個獨遊都要令身邊人安心嘛～ 最後送大家一句貼切地形容到我獨遊心情嘅句子（唔是我作，係唔知邊到save返黎的）： 「那種在路上的移動感與陌異化的衝擊，讓人保有了在日復一日生活裡的新鮮與期盼。」 2021年第一po，祝大家安好，身體健康。💜