「問屋」=「批發」 大家喺香港會唔會都好鐘意去批發商場/鋪頭買野嘅呢? 韓國有著名嘅東大門，其中有啲商鋪唔會散賣，一定要你大批去買先會做你生意，咁日本嘅批發又喺點嘅呢? 東京有六大「問屋街」，成條街都係做批發嘅，究竟普通人要買一兩件野會唔會買到嘅呢? 而做生意嘅真係想去日本搵批發又有咩手續呢? 東京六大問屋街嘅所在地同埋相關資料： 1) 浅草のかっぱ橋道具街：廚具、餐廳用具 http://www.kappabashi.or.jp/ 〒111-0036 東京都台東区松が谷 3-18-2 少量購買難易度：易 2) 浅草・花川戸のはきもの問屋街：鞋、日式拖鞋 http://www.ikkoshop.com/hanakawadopage/tonyagai.htm 台東区花川戸2-4-15 少量購買難易度：易 3) 日暮里の繊維街：布料 https://www.nippori-senigai.com/ 〒116-0014 東京都荒川区東日暮里3丁目から6丁目付近 少量購買難易度：普通 4) 蔵前のおもちゃ問屋街：玩具、擺設、日本傳統人形擺設 〒111-0051東京都台東区蔵前 少量購買難易度： 一定指定數量款式購入 小童不能入店 5) 浅草橋駅界隈アクセサリー問屋街：首飾材料 https://travel-noted.jp/posts/18525 台東区浅草橋 少量購買難易度：需要大量購入 6) 馬喰町問屋街・横山町問屋街：衣服、衣料 http://tokyo-tonyagai.com/ 東京都中央区日本橋馬喰町1-11-1 少量購買難易度：難! 基本上不可能。即使批發購買亦要先登記會員。 日本嘅批發店鋪，一般只接受現金付款，冇得碌卡，亦多數唔歡迎小朋友進內，觀光客就最好唔好成團人咁走入去，一兩個人靜靜選購，唔好打擾到其他顧客，唔好當左遊客區，又影相又食野又嘈喧巴閉，其實都係一般日本人嘅生活習慣啦。 雖然有啲批發街大多數都冇得散買，但如果見到門口有掛個牌寫住「小売りします！」咁就代表呢間鋪都可以散買。而如果見到「登録制です」就即係要先登記會員先可以購買，而一般嘅會員登記所需資料有：閣下鋪頭(含商鋪店面及店名)嘅相片資料、店內商品陳列嘅相片、商鋪名片、個人名片、護照。 不過係咪有齊資料，登記左就即刻可以買野呢? 就間間鋪頭做法唔同，有啲審批可能需要幾日時間，有啲可能根本唔會幫外國人登記，咁就要睇下嗰間鋪頭嘅做法喇~~ 「一般小売お断りします」- - 謝絶散買 問屋 ： Ton-Ya #日本 #日本批發 #東京 #旅遊 #自遊行