[中環人冇生活, 同你講台北米芝蓮] 台北米芝蓮名單出爐. 都OK呀下, "我原來都已經食左七粒星" 七粒一起會溝通". 不過全部都係一星. 黎個短評

咁一如所有名單, 一如所有米芝蓮, 總有人非議. 你話我咩我都講句, 咁台灣人果啲, 就咪鬼理. 佢地覺得40蚊魯肉飯先係美食, 溝通唔到的.

但正經講, 即使我去果7間一星, 其實格價, 檔次, 同水平, 都好唔同. 我覺得啲評選都真係...亂咁黎.

先講第一間, 最貴最出名既應該係 RAW. 名廚江振誠"回流" 台北既餐廳, 但佢好少出現. 極難訂位. 但老老實實, 我覺得麻麻地. 佢價錢講緊係新加坡主力艦 (死左冇耐) ANDRE 既 三份一. ANDRE 要成兩千港紙落樓, 未計開酒 (華人第一名廚 兩星餐廳喎). 但每一個人我都話佢地知, 你冇錢都好, 寧願儲埋, 食一次ANDRE, 好過你食三次RAW. RAW 野食係OK, 值唔值任你up, 但服務水平就真係十分陽春, 唔係果種價錢應該有既.

另一間, Taïrroir態芮, 近幾年OK出名, 西餐. 我朋友 (沾佢光先) 猛烈南瓜在飯桌 特登飛去食. 食過既冇乜人有負評. 價錢都貴 (當然唔係香港果種貴). 但各方面都冇乜挑剔. 同場有唔少光鮮既台灣情侶的. 個人覺得抵食過RAW. 當然有人覺得 大家食抵食過 大班樓, 就唔係咁易拗.

但我最鍾意既, 其實係另一間西餐, MUME. 個廚同香港有啲淵源. 呢間絶對冇咁FINE, 冇咁拘緊. 價錢又平少少. 但堅好食. 性格比堅高. 我好似食過兩次定三次, 成個餐廳食勻咁滯 (唔係好多野).

仲有一間西餐, 教父牛排. 又係果句, 算鳩數吧啦. 香港中上檔次價錢. 扒OK, 但服務真係花園餐廳級數咁上下. 啲侍應咩都唔識的, 只識背介紹. 絶對大煞風景. 更大煞風景係我呢句: 真係要食, 食王品啦, 平一大截, 一樣都係唔正宗. 咪笑呀, 台灣人大日子先去王品. 生日呀 升職呀 甚至結婚周年先去.

中餐, 天香樓. 同香港果間好似同源, 但冇直接關係. 一樣都係杭洲菜. 菜式唔算太多一樣, 但整體水平差不多 - 不過台灣平一大截. 用餐環境亦好得多. 話晒在大酒店入面. 又講真我唔太介意的, 香港天香樓個環境我都OK - 問題係, 你溝果啲女好撚表面架嘛. 況且, 台灣食完天香樓可以帶上去爆房, 香港? 隔離排維記啦 (是真的, 我真係去過!)

大三元. 利申, 係舊東家請我去食既. 相當傳統既中菜, 主要係粵菜. 好唔好食? 梗好食. 我呢啲鍾意細個酒樓風味既更加開心. 貴唔貴? 唔算太貴. 但講真, 米芝蓮一星? 就太誇張了. 啲格局十分殘舊的. 但我唔介意去多幾次

大腕燒肉專門店. 聽講唔少港女鍾意去. 一個字, 評都費撚事. 呃錢. 同一價錢你在日本韓國食到更好既. 台灣人工租金低咁多, 證明佢食水幾咁深. 試過一次, 唔會再去. 請我都未必去.