好啦 我的中文參考書🤤 [懶人包係最下面!!] 偷偷放兩兄弟上黎🤤 因為我得幾本所以唯有詳細小小啦 👺: 以下只係本人意見 係主觀嘅 評價亦未必為準 只供參考不宜盡信 - 1. 邁向5**中文寫作之路 入面有50篇文 題目大部分係出自CE同DSE嘅題目 每篇文都有段落分析 注意嘅位 同埋highlight我地值得學嘅地方 但完全冇講仼何寫好文嘅技巧 如果你有補開大型補習社 定期都會有範文睇(應該有....吧😳 我就唔太推薦嘅 不過for我呢類打算追上去嘅 都值得睇嘅 啲文真係唔錯 記描抒文我都睇左三四次 🌱 2. 9星期摘5**秘芨 呢本由卷一講到舊卷五(有新卷三) 入面都係一啲學校會教嘅野 不過都係個句 你有補習嘅筆記 就唔好買 老實說呢本教閱讀卷嘅skills真係嘅抽象下 其實除左中文我仲有英文同LS嘅9星期 挺伏的 不建議 🌱 3. 備試精要文言文 呢本係講卷一文言嘅 有技巧 主要都係針對dse嘅 係有助提升你文言閱讀能力嘅 入面都有算係幾多嘅文言篇章 不過因為係古文 其實係比較悶 唔介意嘅話 都值得買黎睇嘅 🌱 4. 知事通鑑 入面有一大堆古今中外嘅例子 分好曬仁義禮智孝信乜乜乜 都多嘅而且有埋解釋同闡述 背左就可以係卷二卷三卷四直接用 如果你缺例子 尤其卷二打算做論說文 呢本係唔錯嘅 🌱 5. 5**作文妙用成語警句 明顯係一大堆靚字靚句啦 呢本入面仲有埋exercise 啲字都係分好唔同類別 不過啲字其實有啲都幾深 唔係咁易apply落你啲文句入面 我覺得初學嘅話可以唔買住 因為實用性唔高 🌱 6. 名言大義 呢本同4個性質差唔多 但呢本係名句 4同6我會推薦呢本多啲 明明係一樣嘅野 但係背句子一定輕鬆過一大段事例呀 簡直係一個懶人包 當然上品要有語例同事例啦 🌱 7. 古語有云 唉 其實同4同6性質都係一樣嘅😂 呢本就真係得中國嘅古語 不過佢涉及嘅一啲類別會廣啲 例如有埋社會呀政治呀 對卷二卷四都有幫助嘅 🌱 8. 文言 呢本係好厚好厚嘅 入面個排版係好靚好舒服㗎 佢係講十二篇經典文言篇章嘅 入面有原文 字詞解釋 語譯 段旨主旨 作者背景 寫作目的 寫作手法 內容分析 每篇問答同跨篇章問答 可以話係一本書走天涯 我好推薦呢本 尤其係成日淆十二篇嘅人 (雖然係咁但十二篇只佔8%) 順帶一提佢都有十二篇練習 都值得做嘅 不過份量偏多 可以同朋友夾份做 🌱 9. 語文文化知識 呢本其實係講中文字嘅 有一啲常見常用嘅錯別字 都有一啲靚嘅詞語 之後就有文言嘅詞彙 通假字等等 包埋唔同文言字嘅用法 呢本係講一啲最basic嘅中文知識 我覺得比較啱初中或者中四嘅用 打好個底先嘅 中五中六就直接學技巧啦 🌱 10. 全識文言文 我諗我唔太洗介紹呢本😂😂 主要係講返一啲做文言閱讀嘅技巧 有細分點睇同點答 值得買黎睇嘅 我都睇左好多次😂 🌱 11. 中文課文憑試活用筆記 呢本我覺得幾有用幾好㗎 因為佢係有齊四卷嘅一啲技巧 其中閱讀技巧係幾實用嘅 自己學都可以跟住學到🤔 其他卷都ok都值得睇 打根基同速學都適合嘅 🌱 12. 中國文化知識360 呢兩本就真係要睇下你有冇時間 如果你真係單純想應付dse 呢兩本就可有可無 入面就係一大堆文化例子 可以當係故仔咁睇 每個都有啲意思 可以豐富到你文化涵養嘅 有時間又想了解下可以睇🤔 - 大概就係咁 上面每本我都最少睇過一次 有唔充足嘅地方都可以comment返 - #cloudrocky 內容大意 值得買 提升做卷技巧: 1 8 10 工具書: 4 6 7 伏: 2🤢 - P: 愛德華兄弟