阿妹，想食乜！同你介紹返咩係菜！

亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！

1）是日任務，賣菜！地點，屯門新墟街市，下午時段

2）政府街市，非領匯，檔口係兩個連位，目測菜品種類超過三十款，每款都唔算多

3）第一單生意，菜芯，一斤，廿蚊（覺得貴？咁要睇埋落去）

4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史

5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人

6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點

7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重

8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假

9）付出咁多，你得到咩？養妻活兒，買樓唔太大既樓絕對無問題

10）睇到呢度，想入行做店主？請睇後面，會講晒所有條件比你聽

11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔

12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤

13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）

14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你

15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過

16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好

17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二

18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣

19）幾點前買菜最好？中午前啦，中午後就開始有野賣晒，當然你食大路野都會比較易買到

20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）

21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）

22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜

23）有機菜係咪會多d蟲，係，因為用少左農藥，整體會「樣衰」過無機菜

24）點樣洗菜最好？浸，然後洗兩轉都夠晒

25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌

26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下

27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存

28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份

29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值

30）冰菜上面既冰係咩？鹽份，所以冰菜有咸味

31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……

32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？

33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）

34）點解每種菜唔同價錢但收幾錢就咁快計到？店主話當你日日都計，計足十年，你都可以

35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾

36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳

37）平均一斤菜有幾多利潤？唔定，愈大路既菜利潤愈少

38）有冇人收陀地？無，最多都係舞獅派財神，十蚊打發走個種（佢係政府街市）

39）老老實實賣菜係咪生存唔到？係，答案太長，下回分解

40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多

41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）

42）有關點揀菜……篇章太長，我會之後再解釋，今日記野都記到我頭都暈

43）是日進貨成本，1052；是日銷售額（只計紙幣）3800

44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！

作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！

所以讀者們如果有問題想再問既，請留言！！！！！！！！！

如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！

賣菜系列將會下周再來！而我亦準備做圖文版本，需要較長，敬請留意我既更新

#恆大 搞到 #金管局 要求銀行披露風險 Exposure，大家知乜事，香港時間 0045 同大家講吓

-
成為會員：https://member.martinoei.com/checkout/?rid=pIOrwc
買嘢就：https://shop.martinoei.com

天一閣遷往跑馬地後首次與友人到訪，樓上舖古法私房菜格局，地方寬敞，冇咁人流擠擁，於疫情期間特別感到舒適，最重要係食物依然保持傳統粵菜的高水準。即製鹹蛋黃魚皮香脆可口，係目前為止食過最好味的；蜀香鮑魚仔麻香帶辣，煙韌爽口；非常喜愛沙薑焗花螺，以新鮮即磨沙薑焗製，而且花螺去殻，淡淡鮮甜啖啖肉！五椒炒花蛤，帶辣香且鮮甜多汁。

雞油花雕蒸蟹用咗二十五年嘅花雕，加入鮮雞油，陳村粉同花蟹一齊蒸，蟹肉鮮甜，酒香芳醇，陳村粉吸盡酒和蟹汁嘅精華，最後來一碗白飯撈汁，絕讚。隋王斬肉係選用肋骨近腩的豬肉，切成幼粒後再斬成肉醬，再以鮮雞汁慢火清燉，肉質細滑鮮嫩，入口融化，係必食推介！

#古法 #傳統 #粵菜 #天一閣
#環球廚房 #食咗先講
#Zac飲Zac食 #知我咩料啦

《大小老虎散步的故事》

從前有隻大老虎帶小老虎出來散步，大老虎看見一條癲狗 ，趕緊帶小老虎躲開。

小老虎問：「爸爸，你敢和獅子拚鬥，獵豹爭雄，卻躲避一條癲狗，多丟臉啊？」

大老虎答：「孩子，你覺得打敗一條癲狗光榮嗎？」

小老虎搖搖頭。

大老虎再問：「萬一唔小心讓隻癲狗咬一口係唔係好唔抵? 」

小老虎再搖搖頭。

大老虎說：「既然如此， 點解我哋要去招惹一條癲狗呢？」

小老虎點頭說:「爸爸我明白啦...」

故事帶出什麼理念?

我哋何必何時何地去證明自己有多厲害，聰明的人從來不與沒有素質的人爭辯，對於不配做對手的人，只需微微一笑遠離他，講聲多謝就可以，別招惹不必要的麻煩及傷害。

我都係一樣，社交媒體大把人鬧我。 It's ok ... 我都話畀個微笑?，講聲「多謝」就可以。 我覺得最無品反而是罵返人轉頭。我認為「退一步，海闊天空」。我同女講，做人做事做生意 ，選擇你嘅競爭對手好重要。 你同什麼人競爭，你就是什麼級數。不是你級數的人，唔好介意佢講乜講乜 .... move on! 唔好嘥時間同佢嘈，出得嚟行，大家記住啦!

多謝我細女 Carol (八歲)演出?

#大少老虎去散步故事

聯絡李根興 whatsapp (+852) 90361143

#影片內容不代表本台立場❤️
#直播 #打機 #吹水

?睇直播注意事項, 多謝合作!!?

1️⃣.請勿洗版, 發現洗5次會被ban?!
2️⃣.請勿宣傳自己或其他人的channel, 發現也會被ban?!
3️⃣.有限度既粗口係可以既...但唔好係唔係都亂爆?
4️⃣.請不要用任何方式引起罵戰, 發現會全部都ban...?我不喜歡喔..
5️⃣.請盡量不要叫我轉玩其他game❌, 因為我setting唔方便!
6️⃣.請enjoy the show ?

⚠️SuperChat中約50%會被Youtube/MCN抽走, 而Donate捐款功能是比較直接呢A_A
直播期間訂閱或者贊助我既話, 都會有你地既名彈出黎嫁!⚠️

[?儲分系統? ??此系統要我開啟才可用喔~!!]
如何使用Check分及排隊指令
❗️[ !check】向管理員查詢自己的積分和稱號
❗️[ !join (game內名稱)】排隊玩遊戲 ! 如沒有打game id 不會邀請!!

✏️分數如何增加？✏️
✅ 觀看直播，每5分鐘自動 +5分
✅ 即時訂閱+50分，超級留言+30分, 贊助頻道+100分
✅ Donation，每$1港幣 +10分（例：贊助$10港幣=100分）
Donation潮媽link : https://maxvenusmax.live/tip

?積分用途?
⭕️潮媽開放觀眾場時，參加者必須消耗積分來「入場」
⭕️開放觀眾場後，在留言板輸入「!join (你既game名)」[ 例：!play (Venus) ]
⭕️每1次跟機消耗當時遊戲指定既積分

?積分及稱號為暫時訂閱人數而作出既安排, 將來也會因訂閱人數升降而會有修改!?

❤️根據你儲存/消耗的積分，系統會自動給你一個稱號❤️
一星期胎兒☁️ 0
一個月胎兒? 150
三個月胎兒? 300
六個月胎兒? 600
九個月胎兒☘️ 900
一歲寶寶?? 1200
兩歲寶寶?? 1500
三歲幼稚園入學? 1800
六歲小學雞? 2100
初中學生? 2400
高中學生?? 2700
DSE乜乜乜??‍♀️ 3000
大學生??‍? 3500
高才生??‍? 4000
學士??‍? 4500
博士??‍? 5000
教授??‍? 6000
社會棟樑⚜️ 8000

=======================================================
訂閱潮媽 https://www.youtube.com/maxvenusmax
潮媽FansPage https://www.facebook.com/tsuntsunandv...
潮媽IG https://www.instagram.com/ladyvenusmax
潮媽Twitch https://www.twitch.tv/venusmama
=======================================================
大家鍾唔鍾意都留言話我知,
等我可以做得更好!!感激!!!感激!!!
鍾意既就記得Like、Share 同
Subscribe我啦~~~~~多謝!!!
Thank's for watching it!
And don't forget Like and Share!
Remember Subscribe My Youtube Channel!!
=======================================================

片中分店係荃灣分店
疫情下,搵食難,搵一間想食既餐廳更難,搵一間有位既更難
疫情影響,限坐,限隔離,部份火鍋,放題, 自助餐都變得好難訂位
咁滿屋有優惠又位,一於試下,開飯喇上面有優惠,或直接打去訂,食2小時
早場平好多,5點半頭場至7點半,$188 (CWB店)
另有生日優惠 4人以上送CAKE,8人送香檳,蛋糕,免一個人頭 (只限正價時間)
近百款選擇,選擇係夠多,但就要食得聰明D
刺身,12款,壽司七款,火炙壽司五款, 芝味壽司款,5款, 手卷,3款,軍艦款,4款
卷物,6款,燒物類,秋刀魚,雞翼,廣島蠔等,6款 煮物,有燕窩海鮮粥,肥牛鍋,拉麵,烏冬,酸菜魚鍋
廚師推介,花膠雞煲,3人份,碗仔翅,串燒牛肉,花膠,燉蛋
炸天婦羅5種,蝦,石班塊,南瓜,蟹棒,番薯片
料理類,炒魷魚,和風牛柳粒,牛油炒粟米,麻辣豬耳等,七款
串燒,牛舌,海蝦,雞串,煙肉番茄,番薯仔,燒菠羅片
埋尾一人一杯雪糕,哈根大師或MOVENPICK 任選

講下心得,先快手落左刺身單先,佢上菜比較慢,因為好多客
再黎就準備入串燒,炸物類,最後仲有胃口空間先再追加其他自己想食既
出面有D沙律吧,海鮮自取,可以邊食邊等,閒日晚市都等10分鐘至15分鐘左右先上菜
店員好多都好有禮貌,值得一讚,環境衛生都算合格
炸物會比燒物類出色,串燒幾好食既,起碼食入口係夠熱
天婦羅類就普通啦,無乜特別 自助區既食物水準普通,純粹係比人等侯時間搵D野食
碗仔翅又幾好食,夠香夠酸 串燒蝦夠彈牙 花之戀賣相都OK,壽司類就太飽唔試得多款
甜品芝士蛋糕無乜味,主力都係飲野多,款式選擇多仲有清酒梅酒任飲抵食既
仲有生果,豆腐花,葡撻,基本上就係比較常見近幾個月既氣炸食物
刺身畫幾多比幾多,算比得足,賣相亦可以接受
環境一定嘈,仲比較迫同熱鬧,岩大班朋友黎食,夠氣氛
#放題 #BUFFET #銅鑼灣 #荃灣 #旺角 #CAFE #滿屋日本料理
#HKBLOG #HKBLOGGER #HKFOOD #HKFOODBLOG #HKFOODBLOGGER
#HKIGFOOD #HKIGFOODBLOG #御滿屋 #御滿屋日本料理 #團購 #