[gfmurmur9564] －真人真事－［長文慎入］求admin唔該抽中我，希望大家可以鬧醒我同俾啲意見。 講返少少背景先，我27歲，佢都係。由於屋企私人因素同雙親長期喺外國工作出差，一年先返得嚟1，2日，唔喺香港，由16歲開始，我就係自己一個住。中學係男女校，然後有一日，偶然重遇返喺附近其他學校讀書嘅佢。我哋以前係小學同學，雖然無傾過計，但同班，所以認得對方。學校同屋企都好近（差唔多係隔兩條街個隻），成日見到對方。 有一段時間，佢父母成日拗交。佢太驚所以成日落街避。有幾次見到佢喺公園坐咗幾個鐘都唔返屋企，一個女仔夜晚自己係條街太危險，所以我問佢不如上我屋企坐。逐漸佢嚟屋企嘅時間多過留係自己屋企 唔耐就變到好friend 成日約出嚟玩又係屋企見。冇幾耐，我就發現自己好似鍾意咗佢。最初都否認過，以為係錯覺，但後來知道，其實否認嗰一刻開始，我就其實已經鍾意咗佢。本來諗住一直隱瞞，唔破壞我哋嘅友誼。 點知喺中五嘅時候佢同我講，佢大學會去英國讀書（佢全家都係英國籍，父母以前都喺英國讀書）。苦惱咗一陣之後，我驚之後冇機會，最後同佢講我鍾意咗佢一段時間，唔奢求佢仲會同我繼續做朋友，只係想同佢坦白講。然後佢話其實佢都鍾意咗我好耐，好驚我唔接受佢所以無講，然後我哋就一齊咗，我哋都係對方嘅初戀。 之後我膽粗粗試下去報英國大學，點知真係收咗我。阿爸阿媽覺得我既然自己平時都夠獨立，屋企又唔係負擔唔起，所以就俾我去英國讀大學。雖然唔係同佢同一間，但我哋大學嘅距離坐1，2個鐘頭車就到，所以平時週末都會約出嚟拍吓拖，唔算long d。 大學畢業之後，我哋兩個同居住，一直到而家。佢屋企人好開明，好耐之前就知道我哋兩個嘅關係 ，一直對我好好，完全唔介意個女鍾意男定女。有時係佢屋企食飯，見到佢同屋企人關係咁融洽，真係好羨慕。雖然我同阿爸阿媽關係唔係話好疏離（科技嘅偉大），但佢哋都算幾保守，接受唔到個女係les，所以我一直都同唔到佢哋講其實我同我女朋友拍咗拖十年。我之前已經試探咗佢哋好幾次，但佢哋嘅反應不外乎係「嘩 你唔好搞les啊」就係「都唔知佢哋（=同性戀者）諗咩嘅」我女朋友一直想見我屋企人，但因為佢哋一直唔係香港，我又未同屋企人出櫃，所以我每次都同佢講下次先。 我同佢哋講我同朋友一齊住，然後前幾日，阿媽突然間上我屋企（我唔知原来佢返咗香港）然後個日我要返工唔係屋企，但佢係屋企wfh。當時我即刻打俾我女朋友同佢講我阿媽以為佢係室友。總之最後就係阿媽誤以為我女朋友就係傳說中嘅「室友」而我女朋友亦都自我介紹為「室友」。當然我返到屋企之後同佢坦白其實我一直冇同屋企人出櫃。佢聽完之後梗係好嬲，話我哋一齊咗十年，連居都同埋，點可以仲未同屋企人講。 但係我知道 佢最嬲我嘅係點解要自己苦惱唔同佢講。呢個係我哋最長嘅一次冷戰，佢話想要啲時間，所以我暫時返咗舊屋住。我知我衰 抵死。我好對唔住我女朋友，我好愛佢，想同佢一直行落去，但係呢個之前我知道我要同屋企人出櫃。希望大家可以俾啲意見我，點樣同屋企人出櫃冇咁慘烈。 雖然知道結果一定唔會好得去邊，始終佢哋真係太保守，但我都係希望搵到一個比較好啲嘅方法，令到父母接受我嘅性取向嘅同時 我女朋友亦都可以早日見家長。雖然由承認自己係同性戀到要同身邊嘅人出櫃嘅過程係有啲痛苦，但我唔後悔同我而家女朋友一齊。 只係咁啱我鍾意嘅人同我同一個性別，絕對唔係啲咩需要覺得羞恥嘅事。奈何社會風氣令同性戀者 雙性戀者 比異性戀者更辛苦 甚至要隱藏自己嘅性取向做人。希望我呢篇文會俾到啲勇氣你哋，想同你哋講，你哋唔係自己一個🏳️‍🌈。求廣大巴打巴絲可以俾啲建議我。多謝睇到呢度嘅你。❤️ p.s. 見到大部份投稿者都係大學生或者fresh grad 可能我係呢個page最老嘅投稿者😂 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

- 0661 〔感情意見〕巴 24 - 我鍾意左我前度個好姊妹 - 同ex 嘅故事大概要追溯返七年前 同ex 同年，中四嗰陣我地兩個都係田徑隊 我地個隊係男多女少，所以一開頭我個ex 係個田徑隊入面係超級靜 但礙於我算係個隊嘅隊長，所以阿sir 都有吩咐過我要睇住佢 唔好俾佢覺得有left out 嘅感覺 如是者，嗰陣見佢自己一個個陣，我都會同佢r 下水吹 由講無聊嘢，去到之後我地都有開始講下deep 嘢 開始有煲下電話粥同日日都有msg - 我發現佢係一個好善解人意嘅女仔，同佢嘅價值觀都好一致好夾 所以我都好放心有啲咩都同佢講 慢慢地傾得越來越多，我地都知道我地嘅關係並非純友誼 我feel 到佢都覺得我唔係一般嘅異性朋友 所以有一日training 完左個陣得我地兩個，我就同佢表白，然後佢就應承左我 - 我地都係對方嘅初戀，慢慢由中四拍到去year 2 我地一齊捱過左dse，然後佢決定要去英國讀大學 雖然好唔捨得佢，但知道呢個係關乎到佢嘅未來，都未到我say no Year 1 開始都無咩問題，但之後，佢開始疑神疑鬼 個人變得好無信心，好驚我成日都唔要佢 所以係year 2 就散左，攤牌個陣佢話我俾唔到信心佢，令到佢好無安全感 - 講番正題，咁我認識到ex 嘅好姊妹 係因為我地一齊左半年個陣，我個ex 就話想帶我去見佢啲frd 當時就係得我一個男仔同佢地三個女仔，場面非常尷尬 之後我都無見過呢個好姊妹係因為佢都去左外國讀書 所以基本上同我個ex 少左好多見面，自然都無咩點見 - Year 2 同完ex 分手都無再拍過拖，大學畢業普通咁樣做個打工仔 點知俾我撞翻ex 個好姊妹，俾我地係同一間公司做 咁個陣我地兩個都算係識識地，然後又有project 跟開，自自然然就熟左 唔知點解，呢個女仔俾我嘅感覺係一個好善良嘅女仔 我發現我好似重拾返鍾意一個人嘅感覺咁 有一次，我地兩個去左海傍deep chat，我同佢講我嘅家事 佢見我講到喊（我屋企父母離異） 就攬住我話「無事，我係到，我會一直都支持你。」 - 去到有一日，佢無啦啦急call 我，話佢係我屋企留下 問我可唔可以落樓，我落去個陣，佢即刻衝過嚟攬住我，喊得好犀利 係個一刻開始，我就知道自己要好好保護呢個女仔，唔可以令到佢俾其他人傷害 我就好衝動咁同佢表左白（佢都係單身） 但係佢話俾啲時間佢諗下，佢好驚佢個好姊妹（我個ex）介意 - 呢件事到而家已經過左兩個禮拜，大家覺得我應唔應該問下佢？ 同埋係咪女仔之間真係會介意自己好姊妹同自己個ex 一齊？ 如果你睇到呢到，希望可以俾啲意見我，多謝🙇🏻‍♂️ 圖﹕等一個人咖啡 #SorryFor1999 #認真L #求意見 #長文注意

寶貝準備去英國讀大學 回來香港一星期趕緊見見面😘 原諒你今次咋 下次要守承諾接我收工丫 😤