【 《冲天救兵》爺爺Carl配音演員逝世 - 回顧戲中爺爺經典對白致敬！ 】 如果要大家揀一套最鍾意嘅Pixar動畫，相信唔少人都會揀《Toy Story》；但如果提到一套你睇親都喊到豬頭嘅Pixar動畫，咁可能有一半人都會揀《冲天救兵》，小編仲記得當年喺戲院睇，套戲頭嗰15分鐘，已經用爺爺Carl同婆婆Ellie由後生拍拖到一齊變老嘅回憶，搞到小編男人老狗，喺當年仲係曖昧對象嘅女朋友面前流晒馬尿（咁真係好感動啊嘛！） . 而有個遺憾嘅消息就係，喺電影中為爺爺配音嘅資深演員Ed Asner，經屋企人喺Twitter上證實，已經於近日離開咗我哋，終年91歲。Pixar亦都有發文悼念，形容演員Edward就好似現實中嘅Carl爺爺咁，外表cool cool地，但就係一個非常有愛心、善良嘅人。雖然Edward已經好似電影中嘅Carl爺爺咁，真正搭住佢間氣球屋抵達仙境瀑布，同佢愛嘅人重聚。但連日黎依然有好多網民湧到佢嘅Twitter留言表達不捨，亦不乏影迷retweet返《冲天救兵》嘅一啲電影橋段悼念佢。今日就等小編都趁呢個機會，同大家一齊回顧一下戲中經典對白，重新帶你認識愛情嘅模樣。 . 「幸福可以很簡單，當你想吃的時候有得吃，想被愛的時候有人來愛你」 爺爺Carl喺妻子Ellie過身之後一直都好後悔，覺得自己無兌現到後生嘅承諾，帶佢去睇仙境瀑布。有時現實就係咁，好似你plan咗帶另一半去旅行，最後因為公司臨時有事要改期，點知一改就變得遙遙無期。因為咁，爺爺每次睇親Ellie生前嘅日記，睇到「Stuff I'm going to do」，就無勇氣睇埋落去... 直到有次爺爺終於鼓起勇氣揭開下一頁，先發覺原來之後幾頁貼滿嘅，都係自己同老婆咁耐以黎嘅生活合照，而最後一張就係佢哋成頭白髮，一齊坐喺梳化微笑嘅合照。原來婆婆Ellie所謂「想做嘅事」，會令佢覺得幸福嘅事，只係簡簡單單，同爺爺一齊生活，一齊變老。幸福可以係追求，亦都可以係珍惜而家擁有嘅。 最後婆婆仲喺下面寫咗行細字「Thanks for the adventure, now go have a new one!」我同你嘅冒險結束咗，但我希望你可以繼續一趟無我嘅新旅程！ . 「 過去的眼淚，總是會讓人想笑；但過去的笑容，有時卻讓人流淚 」 翻睇你腦海入面嘅舊相簿，你估係開心嘅回憶令人眼濕濕多啲，定唔開心嘅回憶令人想喊多啲？小朋友應該會答唔開心嘅，但大人應該9成都會答開心嘅。因為到你真係大個仔，過去嘅唔開心睇返可以係好小事，但當過去嘅一啲開心已經追唔返，先真正令你意識到，原來無嘢係永遠，唔開心嘅嘢如是，開心嘅嘢如是。好似肥仔小童軍同爺爺分開以前同爸爸相處嘅點滴，講下講下就笑唔出；又好似爺爺睇返同婆婆嘅舊相簿，笑下笑下就眼濕濕... 有人話成世人最大嘅課題，就係學識點去失去。好在係，我哋喺失去嘅同時，仍然可以期待未來更好嘅回憶～ . 最後希望爺爺嘅演員Ed Asner一路好走，亦都多謝爺爺同Pixar帶畀我哋咁多回憶同感動～好幾次入戲院睇Pixar，啲大人仲多過啲小朋友，笑就笑得細聲過人，但喊又喊得大聲過人，一到啲喊位，開紙巾聲就此起彼落（咁當然小編都有份啦）... 或者有時大人入戲院睇卡通片，都係想揾返一啲畀歲月沖淡晒嘅簡單同善良。 . #好多人以為幸福係要同另一半做啲咩大單嘢 #但其實幸福都可以係拖下手仔 #一齊變老 #黎緊冲天救兵仲會有外傳動畫 #將會係演員Edward最後一次為爺爺獻聲 #大家記得唔好錯過 #情侶 #愛 #愛情 #語錄 #拍拖 #香港 #電影 #pixar #沖天救兵 #金句 #影評 #卡通 #動畫 . 睇咗笑完就算？不如科勞埋我哋啦！ 即Follow @hkstylecouple 收聽更多港式愛情趣事、一齊學識點樣愛❤️ 歡迎DM投稿戀愛趣事/愛情煩惱，我哋等緊你㗎😙！

醫院百態之有媽的孩子像個寶 留院這幾天，床位貨如輪轉，我見了很多病童，看盡人生百態。 今天來了一個病童，推進來的時候已經哭得天昏地暗。 奇怪的是，哭了很久也沒有媽媽聲 。 我攝手攝腳偷看，陰公囉，竟然獨自一人。 我哄他「媽媽行開咗好快返嚟」，我抱著豬豬拿出電話播卡通他看。我唱歌做鬼臉，他仍然叫破喉嚨。其實我都好攰， 但將心比己，我行開行埋都希望有好心人替我照顧豬豬。 我和豬坐在他旁邊安慰他。 我心很難受， 他頭髮笠到一pat pat， 喊到面紅耳裂，腫得像豬頭，眼睛快要打不開， 小手背插著鹽水豆，好可憐。誰知他哭了多久。 病床亂七八糟，有尿片，餅乾， 散落衣服，還有醫生的聽筒！成件事好奇怪。 唔對路，媽媽在哪裏？ 他歇斯底里地哭，我怕他抽筋於是找護士， 護士「 哦，佢媽媽放工就會嚟，夜晚啦」 我嚇一跳，竟然冇人陪床？家家有本難念的經， 我相信天下間冇父母願意這樣掉下自己骨肉，要搵食實在太無奈。 我對他更加憐憫， 我和豬豬有時間都會去陪哥哥。 用餐時候工作人員來餵他，他大哭不肯進食。 我明，哭鬧嘅小朋友係特別討厭，尤其唔係自己個仔。工作人員「收聲未呀？喊喊喊 ，你阿媽都唔要你喇」「 喊夠未啫？ 唔食我就走啦」然後放棄。 冇辦法，始終唔係自己啊媽。 親生阿媽會用盡法寶，不辭勞苦希望自己骨肉食得幾多得幾多，但陌生人唔會眠乾睡濕咁服侍你。 這個故事令我更希望自己長命啲，可以照顧豬豬。 如果唔係佢真係大檸樂。 #嬰兒入院 #嬰兒發燒 #發燒 #發燒入院 #育兒日記 #育兒生活 #新生兒 #寶寶 #寶寶日常  #育兒好物 #育兒神器 #成長紀錄 #全職媽媽 #媽咪 #親子 #育兒 #嬰兒 #新手媽媽 #Hkmom  #hkmother  #hkmommyblogger #hkmomblogger  #hkmommy  #成長日記 #寶寶成長日記

是說當當鬼滅喜歡的人物是伊之助和無慘，他從小不管看什麼卡通和動畫喜歡的大部份都是反派，可能是反派都比較有特色，伊之助也是那顆豬頭吸引他，然後這兩張畫的亮點就是伊之助的腳和刀柄的一小部份跑到無慘那張了😉 #我覺得下弦五畫得很好 #鬼滅の刃 #嘴平伊之助 #我妻善逸 #鬼舞辻無惨 #下弦の伍 #6Y6M