【博士級中文科名師- 陳學廉博士】 . 唔講你可能唔知，陳學廉博士 @drchanhl 在26歲已取得博士銜頭，更遠赴世界一流學府-美國芝加哥大學東亞語言文明系訪問學人，精研古文獻，發表超過30篇中英文漢學學術論文。後來更成為本地大學的副教授，可能你們日校老師也出自陳博士門下。 . 唔好以為陳學廉博士唔熟悉DSE，之前他曾於大型補習社擔任中文科導師，出版過DSE中文科文言文篇章教材《高中中國語文指定文言經典篇章匯編》，緊貼考評要求，更出版暢銷參考書《文言文唔會2》、《中國文化唔會2》、《中國語文應試升級攻略》，口碑載譽。 . 中文常規課程 (S3/4、S5及S6) 現已推出，馬上登入遵理官網查看，並可於遵理官網或全線分校報讀課程。 #中文 #DSE #新局面 #新開始 #2022DSE #DSE2022 #2023DSE #DSE2023 #2024DSE #DSE2024 #DSE #中文

緝凶記（上） . 1992年，我仲係一個小鎮上嘅普通警察。 . 嗰日，報案室傳來一陣撕心裂肺嘅喊聲：「求吓你哋，幫我搵番小玉。」 . 警察阿偉安慰佢：「先生，你個囡尋晚無返屋企，你應該先聯絡親戚朋友，睇吓佢會唔會去咗同學屋企玩。」 . 「唔會㗎，小玉好乖。」玉爸死死抓住阿偉隻手，滿臉絕望。 . 阿偉勸咗好耐，玉爸先肯離開警局，返去問吓親友。 . 阿偉入番嚟，我隨口問：「做咩喊到咁慘啊？」 . 「小玉父母十年前離咗婚，佢阿爸一個人湊大小玉，好錫小玉㗎。」阿偉嘆氣：「同埋小玉今年十六歲......」 「十六歲」呢個詞一出，所有警察你眼望我眼，無人敢出聲。 因為，喺呢一年裡面，呢個小鎮已經發生咗三單凶殺案。 . 被害者全部都係十六、七歲嘅少女，突然失蹤，過多一排，就喺垃圾站搵到屍體。 屍體上無精斑，應該無受過性侵犯，但下體遭受到嚴重破壞，有時係塞個酒樽，有時係捅咗幾刀。 心理學家話，凶手好可能係無性能力嘅男人，仇視女性，好大機率會繼續犯案。 . 呢個小鎮一向平靜，警局都係處理吓家庭糾紛、偷雞摸狗之類。 突然發生咁可怕嘅凶案，小鎮人心惶惶，家長都會接送個囡返學，女仔都唔敢自己出夜街。 呢一次，小玉會唔會係第四個受害者？ 唉，我哋都希望，小玉只係貪玩，夜不歸宿，一陣就會出現啦。 . 但係事與願違，第二日，玉爸再次出現，佢已經問過晒所有親友，包括小玉嘅老師、朋友，無人見過小玉。 我哋列作失蹤案處理，玉爸印埋傳單，到處張貼，希望搵到小玉嘅蹤跡。 小玉一直都無出現，好多人都猜測，佢已經遇害，只係今次凶手將屍體收埋得更隱秘。 . 三個死者嘅親友嚟警局請願，要求早日將凶手緝拿歸案。 玉爸每日除咗派傳單，就係跪喺警局門口，求每一個經過嘅警察，快啲去搵小玉。 局長都下令，要我哋儘快破案。 我哋將全鎮有過性罪行記錄嘅人，Scan咗幾次，搵到最可疑嘅人：肥龍。 . 肥龍曾經多次因性罪行被捕，上年先坐完強姦案嘅監。 肥龍答：「我係衰咸濕，見到靚女就想痴埋去，但你哋睇到我記錄啦，我幾時試過殺人啫？」 我挑挑眉：「可能你因女人而坐監，放監後仇視女性呢，就將個酒樽塞落去個女仔度......」 「比著我，就腳踏實地咁強姦啦，點會搞埋啲無聊嘢？」肥龍強調。 . 「但你夜晚成日鬼鬼祟祟咁出門，唔知去咗邊，包括四個女仔失蹤嘅晚上。」呢個先係我哋懷疑肥龍嘅最大原因。 「我......」肥龍眼神閃縮。 我嚇多幾嚇，肥龍好尷尬咁講：「我去咗嫖妓，我知自己衰咸濕，唔想再坐監，決定畀錢買......」 我哋搵咗肥龍幫襯嘅性工作者，再三詢問，肥龍的確有不在場證據。 . 肥龍呢條線斷咗，下一個我哋捉嘅嫌疑犯，係拾荒者陳伯。 原因係，陳伯去咗一間賣二手嘢嘅舖頭，想賣一個空書包同一個銀包。 店主本來無乜興趣，但佢眼利，望住書包邊緣好似有血跡，聯想近期嘅凶案，就買咗落嚟，然後報警。 經家人辨認，書包同銀包，分別屬於第二同第三個女死者。 . 我哋去咗陳伯屋企，搜到兩個女死者嘅內衣褲。 「我成日去垃圾站，睇吓有咩嘢拎去賣，我見到條女屍，就執咗佢啲嘢去賣。」陳伯垂低頭。 我難以置信：「你發現屍體，第一時間唔係報警，係剝晒佢啲衫褲去賣？」 陳伯答：「職業病嘛，同埋個擺位幾明顯，就算我唔報警，第二日都會有人報警。」 . 我再問：「兩次都『咁啱』執到？」 「咁我晚晚都去垃圾站......」陳伯都覺得唔夠說服力，努力強調：「我無殺人。」 鑒證結果出咗，女死者同凶手爭持，指甲裡面留有少量凶手嘅血，血型同陳伯唔相符。 我聽講，外國有DNA技術，直情驗到血液係咪屬於某一個人；但喺呢個小鎮，以依加嘅技術，只可以驗到血型，而且檢驗需時，成本都幾高。 可惜，我哋未有咁先進嘅技術。 . 連續兩次都捉錯人，大家嘅情緒有啲低落，而且暫時無咩線索，我哋只可以多派便衣警察，加強巡邏。 然後又捉到一個人，張博士。 張博士學歷高，文質彬彬，小鎮嘅人都好尊重佢。 估唔到，張博士居然喺條街度，捂住一個女學生嘅嘴，嘗試拖走，當場被便衣警察拘捕。 . 張博士嘅血型同凶手相符。 而且，我哋翻查醫院記錄，發現張博士有性功能問題，當年因此同前妻離婚，一直單身，符合心理學家嘅猜測。 我將三個女死者嘅屍體相拎出嚟：「你仲有咩好講？」 張博士瞪大眼睛，仔細望住嗰啲恐怖嘅相，眼裡隱約有......羨慕同渴求。 正常人見到呢啲相，只會恐懼、噁心，最多係義憤填膺。 . 我已經肯定張博士係凶手，但佢好淡定：「聽落好有道理，但我唔認罪。」 「我哋嘅手足，當場捉到你。」我強調呢個事實。 「捉到我殺人？」張博士冷笑：「定係捉到我傷人？傷者傷勢有幾重？」 我一時語塞，個女學生只係被捂嘴，按傷勢而論，未必算得上刑事案。 但我哋身為警察，唔通為咗攞證據，就眼睜睜睇住佢殺咗人，我哋再捉佢？ . 張博士請咗個好勁嘅律師，好容易就解決咗捂嘴單嘢，始終無造成咩傷害。 至於殺人案，由於證據不足，我哋無辦法再拘留佢。 呢件事傳出去，全鎮嘅市民都十分鼓譟，大家都認為張博士就係凶手。 市民抱怨警方無用，受害者家屬仲去咗張博士門口掟生果。 . 無幾耐，張博士就移咗民，我覺得，佢係怕我哋會搵到更多證據，所以預先離開。 . 待續