五款透明con比較✨ . 最近試咗新透明con，先發現好似好少review係講透明con🤔既然係咁我就寫返篇為自己留個紀錄啦😗我對於隱形眼鏡嘅物料冇好深入嘅研究，不過以我自己嘅經驗，我會偏向選擇含水量低嘅con, 因為con本身唔需要太多水份，就唔會扯乾對眼🤔以上所有價錢我係參考網店的～ . 溫馨提示，配con前最好事先徵詢視光師意見！ . • Acuvue Oasys 1 Day 呢款最新最高科技但最貴，就算係水貨都要$200一盒，但的確佢係最舒適，戴上眼好似冇戴咁，戴十幾個鐘都完全唔乾，唔小心瞓着咗擘大眼，對眼都冇任何唔舒服。同一個弧度比起同牌其他款，呢款係更貼眼，不過相對黎講係最難除，小秘訣係兩隻手指掂住con然後向上望就除到😂. • 1 Day Acuvue TruEye 呢款各方面表現中等，始終係上一代嘅物料，舒適感冇oasys咁好，但相對上平啲，又冇oasys咁厚咁難除。要戴最少十個鐘又對住電腦嘅話，呢款係ok的，我返工都係戴TruEye多，好少需要滴人工淚水～ • 1 Day Acuvue Moist Acuvue最平嘅day con, 所以相對上比較易乾，大概6個鐘就要開始滴人工淚水，返工戴佢稱不上舒服😂不過佢可能因為含水量高嘅關係，所以戴上眼嗰下係幾舒服。呢款con適合落街食個飯、短時間嘅活動戴，長戴就不建議了🤧. • RêVIA Clear 1 Day 呢款就係我最近試嘅新con! 我見佢含水量只有38.6%，仲要$99一盒咁平！用咗5對我覺得呢款好啱我！戴上眼同TruEye差唔多，唔會好快乾，厚薄度同Moist差唔多，都係易戴易除。不過佢就得一個弧度揀，同埋冇散光。 • Bausch & Lomb SofLens Daily 其實幾年前我一直都戴博士倫，因為以前大學mega sale有優惠，除開$110一盒。佢係咁多盒裏面最乾，戴4個鐘左右已經開始feel到乾🌝戴咗兩三年都係轉返acuvue💁🏻‍♀️. . 以下係個人感覺排行～ 薄至厚：Moist = RêVIA > TruEye = SofLens > Oasys 易戴除：Moist > RêVIA > TruEye = SofLens >> Oasys 舒適感：Oasys > TruEye = RêVIA >> Moist >> SofLens 喜愛度：RêVIA > TruEye > Oasys >> Moist >>> SofLens . #con_herine #popdaily #popdailyhk #populzzangmag #presslogicgirls #好物分享 #好物推介 #用後感