【 游大東四周年／重讀第一篇筆記 】
_
《歎息橋》將於5月11日在ViuTV首播，跟同班底的前作《瑪嘉烈與大衛系列 綠豆》剛好相差4年。早前某個深夜，跟導演之一Fatball閒聊，我跟他說：「《綠豆》係游大東寫文嘅開端。」2016年4月12日，我在fb專頁發布第一篇電視筆記，現在重讀一遍，感覺如...
【 游大東四周年／重讀第一篇筆記 】
_
《歎息橋》將於5月11日在ViuTV首播，跟同班底的前作《瑪嘉烈與大衛系列 綠豆》剛好相差4年。早前某個深夜，跟導演之一Fatball閒聊，我跟他說：「《綠豆》係游大東寫文嘅開端。」2016年4月12日，我在fb專頁發布第一篇電視筆記，現在重讀一遍，感覺如上世紀的事。
_ ＃＃＃＃＃＃＃＃＃＃＃＃＃＃＃＃
【 電視筆記／瑪嘉烈與大衛 】
_
ViuTV開台後，就從沒轉台，就連J2也沒有看過。看了一星期，《跟住矛盾去旅行》雷聲大雨點暫時還小，《G1格鬥會》、《SE7EN》、《快樂童盟》熱血、精彩、新鮮，令人重拾做電視觀眾的歡樂，但暫時令我最驚喜、興奮的，是昨晚11時首播的《瑪嘉烈與大衛系列 綠豆》。掌鏡、配樂有心思，加上原著作者南方舞廳擔任監製，劇本不會太走樣，雖然我沒有看過原著小說。
_
第一集有兩個精彩之處，第一是瑪嘉烈（周家怡飾）喝醉至天光，腳軟軟的走到大衛（林保怡飾）的家，三分鐘的劇情幾乎沒有對白，只有動作，那一幕，完全將大衛對瑪嘉烈的愛完全呈現出來，鋪排好比電影，一般師奶未必會懂，但正正切合年輕人，特別是文青的口味。
_
第二是男同志的士中對話，同樣的文本如果由無綫電視一眾編劇編審處理的話，就會變成乸型、露肉狂、有病、心理變態，總之會將男同性戀者「妖魔化」，完全無法正常，反觀昨晚這一幕，令人感動，透過兩男對白，帶出男同性戀者在香港面對的壓力，其中男友A（吳嘉樂飾）向男友B（王文杰飾）一句：「我唔同你呀，咩負擔都冇，我唔可以畀公司知㗎，我唔係返Apple呀，我返銀行架，中資呀，我都想同你一齊住㗎！」敢情是直插問題核心，我為香港電視史面對同志題材的大躍進感到高興。
_
＃＃＃＃＃＃＃＃＃＃＃＃＃＃＃＃
_
男友A：「係喎，下個月marco搞船河喎，你去唔去呀？」
男友B：「邊個Marco？」
男友A：「上次咪見過囉！同Daniel開Coffee shop嗰個呀！」
男友B：「哦，一個靚，一個唔靚嗰個呀？咁marco係靚定唔靚嗰個？」
男友A：「人地好好人㗎⋯⋯咁你去唔去呀？」
男友B：「唔知呀，到時先算啦！又要晨咁早起身，你知唔知呀，洪水橋去市區要五點鐘起身㗎！」
男友A：「你唔好咁誇張啦，好唔好呀？！」
男友B：「你點知啫，又唔係你住。」
男友A：「唔好又撩起個話題啦！我咪講咗等多陣囉，等到⋯⋯」
男友B：「等又等又等又等，你之前自己租屋住，而家你買樓自己住，等到幾時先可以我哋兩個一齊住呀？」
男友A：「你咁心急做咩啫？唔係一齊住就好㗎。你睇下Peter同阿輝，佢地兩個一齊住咗無幾耐就分咗手喇。」
男友B：「咁究竟你係Peter定阿輝呀？究竟你對我係咪認真㗎？」
男友A：「唔一齊住就唔認真㗎喇咩？」
男友B：「係㗎！日日洪水橋中環呀咁樣好辛苦架，」
男友A；「咁你搵份工返中環？」
（車廂內一片靜默，過西隧入丹桂村）
男友A：「我唔同你呀，咩負擔都冇，我唔可以畀公司知㗎，我唔係返apple呀，我返銀行㗎，中資呀，我都想同你一齊住㗎。」
男友B：「唔畀得屋企人知，唔畀得公司知，依家你吸毒呀？爭人錢呀？你留案底呀？唔畀得人知。」
（到埗，怒氣沖沖的男友B奪門離開的士，男友A強行擁抱男友B）
男友B：「你做咩啫？你大街大巷做咩啫？」
男友A：「等多一陣好唔好？好快呀，好快。返去先啦，打畀你呀。」
_
（17042020）
_
#游大東 #游大東影視筆記 #港劇 #ViuTV #歎息橋 #瑪嘉烈與大衛系列綠豆 #yautaitung #17042020 #游大東四周年 @kayeechau @yuenkaka @norrislyricist #LGBTQ
