天氣好到好想同陽光玩遊戲☀️ #FS看地球系列 揀咗個一家大細初階版嘅行山路線，就係由南丫島嘅索罟灣行去榕樹灣，全程1.5hr近乎平坦嘅石屎路，而且風景好好，又多補給點，仲可以有個離島一日遊⛵️ . 好多人會由榕樹灣出發，點解揀調轉行呢？第一就貪佢走嘅時候多船期，因為索罟灣班次相對較少。第二就可以喺索罟灣嗰邊先食個海鮮午餐，然後再出發。 . 第一個補給站就係食雞屎藤，新鮮出爐幾煙韌，上面嗰幾粒係花生🥜 而第二個補給站就係中段嘅涼亭，可以食雪條或者菠蘿🍍最後接近行完仲有馳名島外嘅建興阿婆豆腐花，不過我哋就覺得唔夠滑，有啲豆渣。行出返碼頭仲多小店、食店🙌🏻🙌🏻 #南丫島foodsearchers

話說芊嶠1月生日，我哋約咗一班好友，齊齊去南丫島魚排玩，疫情過後，我都推介大家帶埋小朋友一齊去玩！我哋一早係網上已經買咗套票，小朋友我哋買$88套票，大人就買$80套票，已經包埋導賞團！而唔同就唔同在，小朋友$88套票係包試玩一次無鈎釣魚遊戲，村內活動遊戲券4張 (可以揀餵魚，或者玩多幾次無鈎釣魚)，仲有漁民特色小食1份。大人$80套票就包無鈎釣魚遊戲一次。 . 時段佢哋就有3個唔同時段，10:15-12:30 / 12:30-14:30 / 14:30-17:00，我哋就揀咗14:30嗰個時段。係中環4號碼頭搭船去索罟灣，再搵返南丫島漁民文化村舖頭，之後同佢講上網訂咗門票，佢就會比你，再幫你安排船隻入去！我見佢現場都有售門票，但我哋一大班人去，上網訂咗票，我哋就優先上船，呢個安排唔錯！ . 去到我哋就等埋另一班參加者，之後就開始導賞團，雖然小朋友細，但大人聽都幾有趣，真係可以認識漁村文化，都幾特別。仲可以上漁船，睇下舊時嘅人住係漁船係點嘅。導賞完咗，大家就可以自由活動！我哋就去咗餵魚，不過由啲魚都應該係太飽，都唔係好食😂不過志在體驗下啦！ . 跟住最刺激嘅就係無鈎釣魚遊戲，平時釣魚一定用鈎釣，但因為用鈎釣咗上嚟你哋又唔要，條魚都會死！所以先設有呢個無鈎釣魚遊戲，其實都真係好難，但真係會有人釣到，咁如果你咁幸運釣到，就可以拎走條魚！但如果你去到都有諗住買返條魚返屋企，咁你都可以參加有鈎釣魚🎣，釣咗上嚟嘅魚再磅下幾錢，比咗錢就可以帶走㗎啦😍 . 魚排上面仲有好多影靚相位，仲有鞦韆玩，芊嶠劻霖同成班朋友仔都玩得好開心🥳放完電，跟住就梗係醫下肚啦！我哋買套票嗰陣小朋友包漁民小食1份，我哋就去換，小食店嗰到有寫唔同食物需要嘅小食卡數量都唔同，我哋就換咗燒賣同魚蛋比小朋友食，食飽就周圍影下靚相！不得不提，魚排個廁所真係好乾淨👍🏼 . 💡離開魚排方法好簡單，就係預先同佢哋講準備走，佢哋就會安排返船載我哋出去索罟灣，但行去碼頭都有一段路，大家最好預返足夠時間行去碼頭，記住睇返船期表幾點有船呀！ . @lamma_fisherfolks_village #南丫島漁民文化民文化村 #南丫島一日遊 #lammaisland #lammafisherfolksvillage #芊嶠生日活動 #好有意義嘅活動 #好朋友齊齊旅遊 #下次我哋要再約 #芊嶠與劻霖成長日記

【#GOtrip香港遊】難得有放假，大家最近都可能因為武漢肺炎肆虐，而不敢出街。想遠離人群，其實可以踏出室內到郊外遊山玩水。香港面積雖然小，但都有不少地方適合大家度過周末，呼吸一下新鮮的空氣，以下推介10個香港山林海景地點，絕對值得你抽一天假期，遠離人群，欣賞香港的另一片天空和另一片海。 . 01｜東平洲－海蝕景觀 ⛰ 行山人士想遠離人群，最好選擇一些較少人去的地方行山，比如東平洲。它是香港最東邊的島嶼，小島的最大特色是層層疊疊、色彩豐富的沉積岩，其中還保存了不少古生物化石。小島獨特的海蝕景觀，被海水割斷的岩山成了一個個獨立平台，矗立在柔波之上。 . 02｜香港仔水塘 － 港島首選 ⛰ 另一個選擇是香港仔水塘。行山路線可分為上下水塘兩部分，上水塘建於1931年， 其水壩、水掣房及石橋都被列為法定古蹟。水壩下的圓拱形小石橋，很有英倫風，走入石橋由下往上看，完全感受到水壩的壯觀震撼！ . 03 | 印洲塘－欣賞日出一流 ⛰ 較少人去的行山地點如印洲塘，有美景值得到此一遊。它的英文名稱為「Double Haven」，意為「雙重避風塘」，位於新界東北大鵬灣的內海，以恬靜、風景優美聞名。要觀賞印洲塘風景，可由鹿頸、烏蛟騰或三椏村等地望出海。 . 04 | 橋咀洲－火山遺跡 ⛰ 橋咀洲位於西貢古火山口邊緣，地質景觀十分豐富，橫穿島嶼的步道能讓你看到這些難得一見的火山遺跡。橋咀洲還有一條連島沙洲，隨著潮水一會兒消失，一會兒出現，想要走走這條沙洲的朋友，要先查好每天的潮汐時間，漲潮時千萬不要前往，否則就會被困在小島上。 . 05 ｜鹽田仔－曬鹽文化 ⛰ 時代變遷令曬鹽工作式微，村民都往外跑，尋找舒適嘅工作，同時令鹽田失修。所以鹽田梓剩下來嘅村民花了不少心機為鹽田保育，希望可以繼續保留曬鹽文化，保存全香港唯一的鹽田。 . 06 | 南丫島－兩種小島風情 ⛰ 渴望體驗外國風情，但又只有周末假期，可以去哪裡呢？南丫島是一個好特別的地方，一日之內可以感受到兩種截然不同的小島風情，分別是榕樹灣悠閒的西化特色，及索罟灣的古舊東方味，感受老香港漁村文化。 . 07｜荔枝窩－世界地質公園 ⛰ 旅遊雜誌《Lonely Planet》於上年公布2016年亞洲10大最佳旅遊景點，香港也榜上有名。而根據美國有線電視新聞網（CNN）的報道，香港之所以排名第5 ，與著名的維港或太平山頂無關，入選的原因是因為荔枝窩村地質公園 ！它榮獲聯合國教科文組織（UNESCO）列入世界地質公園名單，大家不妨趁假日去看看。 . 08 | 坪洲－周末親子遊 ⛰ 坪洲雖然不如附近的長洲島那樣遠近聞名，但正因如此令這裡不像長洲島那般人滿為患。與其到長洲島去體驗人擠人的痛苦，不如來坪洲，看看1930年代建立的「亞洲最大火柴廠」、到老市集挑選當地居民製作的藤編用具和陶瓷，還可以爬到坪洲手指山頂看日落。一家人同遊，無憂無慮，愜意釋然。 . 09 | 東龍洲－攀岩歷險 ⛰ 它和塔門完全不同：岩石遍地、充滿野趣，東龍洲可不是想像中的世外桃源。東龍洲島上有一座三百年前建立的老營地和炮台，據說是為了防範海盜入侵。但是這裡最吸引人的還是攀岩。東龍洲當地就有攀岩小組幫你制訂攀爬計劃，完善地籌備你的攀岩歷險，還可以飛索穿越懸崖，或者選擇繩索垂降，趕快來東龍洲做一次岩壁飛人吧！ . 10 | 蒲台島－香港最南端 ⛰ 蒲台島是香港最南端，環島遊覽一圈就可以飽覽優美的風景、岩石景，還有無敵海景！在風和日麗的日子，無論是拍攝風景照或是人像照，都能讓人拍到滿意的作品。在蒲台島除了欣賞大自然的風光之外，記得到訪島上餐廳，品嚐地道特產及海鮮美食，把蒲台島的美味美景帶進心中！ . *香港真係好靚，請各位行山郊遊，記得要做到自己垃圾自己帶走，愛護環境。 *切勿嘈喧巴閉掛住打卡，還要量力而為，著番對行山鞋先出發啦！ . #武漢肺炎 #香港遊 #行山 #GOtrip_sl #東平洲 #東龍島 #香港郊遊 #香港山林 #香港海景