足本睇片:https://bit.ly/3aykdpT
最近假日少了外出,留在家中避疫。慵懶午後,食個英式鬆餅(Scone),飲杯紅茶,簡簡單單的英式下午茶,已是一大享受。市面大小酒店、餐廳和烘焙店都可外賣英式鬆餅,讓客人外賣,今次就請來藍帶糕餅師品評其中六間。
評審糕餅師曾居住倫敦一年,修讀藍...
足本睇片:https://bit.ly/3aykdpT
最近假日少了外出,留在家中避疫。慵懶午後,食個英式鬆餅(Scone),飲杯紅茶,簡簡單單的英式下午茶,已是一大享受。市面大小酒店、餐廳和烘焙店都可外賣英式鬆餅,讓客人外賣,今次就請來藍帶糕餅師品評其中六間。
評審糕餅師曾居住倫敦一年,修讀藍帶學院甜點課程,嚐過當地三四十間酒店和餐廳的英式鬆餅,對英式鬆餅有相當認識和熱愛。「鬆餅分英式和美式,英式麵粉比例較多,普遍比較乾身。形狀有圓有方,要看膨脹是否均勻,有否歪歪斜斜。如果膨脹得好,中間裂開兩層則較鬆軟,表面蛋水塗得均勻就會光滑。外脆內軟,不應太濕或太乾,要取平衡。太乾會涸喉,太濕會黏牙。所用食材不多,主要是牛油和蛋味,材料好會突出味道。」 食英式鬆餅當然要配Clotted Cream和果醬,「香港很少出產Clotted Cream,多從英國入口,最好香濃幼滑。個人偏好甜度低的果醬,可以突出果味。」建議微暖鬆餅食用,「焗爐170°C至180°C加熱5至6分鐘,溫度剛好,似剛出爐。質感軟熟,不會冰凍硬身,太熱搽Clotted Cream會即溶。不建議微波爐叮熱,鬆餅會變韌和乾硬。」而今次比拼的英式鬆餅,都是即日新鮮出爐。主要以外形、質感和味道來作評分,Clotted Cream和果醬則是加分位。
第一間是由英國回流港人所開的Sam’s Kitchen,一個英式鬆餅連一盒自選果醬賣$35,Clotted Cream另加$10。鬆餅表面凹凸不平,「牛油、糖和麵粉混合得不夠好。」膨脹不錯,做到裂痕,外脆內軟。「中間可再鬆點,現似蛋糕質地,蛋和牛油香都不足。」Clotted Cream疑似變壞,有氣孔和油脂分離。士多啤梨果醬不俗,果肉多,不太甜。
最為人熟悉的半島酒店,英式鬆餅套裝($108)包括原味和提子鬆餅各一、Clotted Cream、士多啤梨果醬和茶包各二。鬆餅外形不太工整,有點歪斜。部份表面塗得太多蛋漿,偏深色,有氣孔。同樣外脆內軟,「不過中間太軟,打拂過度所以起筋,好像在吃麵包。」除了麵粉,食不到其他味。「蛋和牛油味不突出,但很大麵粉味。」Clotted Cream幼滑,果醬中規中矩。
然後是港島香格里拉大酒店,英式鬆餅套裝($60)包括兩個中型鬆餅、Clotted Cream、士多啤梨果醬和杏桃醬各一。評審大讚鬆餅精緻,「膨脹得好,有裂痕位,表面蛋漿掃得光滑。」整體不錯,外脆內軟,蛋和牛油香味都突出及平均。「如要挑剔,稍不夠鬆。」Clotted Cream幼滑,奶味濃郁。士多啤梨果醬一般,沒有新鮮果味。
人龍烘焙店Bakehouse的英式鬆餅($18),外賣不能加Clotted Cream和果醬。鬆餅光滑扁大,「可能是店舖特色,但傳統追求高身。」中間實淨,有點不夠熟,食落過濕黏牙,蛋和牛油味不濃。「加醬一定加分,會蓋過不好的質感。比如中間不熟,加了醬未必個個食得出。」 法國過江龍Gontran Cherrier以牛角包聞名,英式鬆餅($17)同樣出色。外形粗糙具顆粒感,表面光滑,膨脹等各方面很好。切落有咔嚓聲,聽得出鬆脆。「口感非常之好,做到鬆餅的鬆。外脆內軟,中間不乾。」味道較傳統有變化,「帶小麥香味,好食又特別,蛋和牛油味都突出。」可加購Clotted Cream($8)和士多啤梨果醬($9),前者幼滑,後者普通。「果醬完全打到溶掉,沒有果肉。」 文華餅房的糕餅向來有不少好評,一個鬆餅連Clotted Cream和玫瑰士多啤梨果醬共需$66。鬆餅比其他大,表面沒掃蛋漿,啞色似未焗起,少了面層蛋香。然而質感很好,「外脆內軟,是當中第二鬆,沒有黏牙。」牛油味香,蛋味不算突出,整體味道均勻。Clotted Cream濃郁幼滑,果醬深得評審喜愛。「一打開聞到很香玫瑰味,味道不似香精,和士多啤梨味平衡,讓人一試難忘。」 最後,Gontran Cherrier撼低一眾五星級酒店出品,以超乎一般的鬆軟感、獨特的小麥味和平衡的味道,得到近乎滿分奪冠。
半島scone外賣 在 又飛啦! Flyagain.la Facebook 的最佳貼文
#小編去開房 之 半島酒店住宿體驗報告 III
張床真係好舒服,搞到小編有點想放棄個早餐…😴但意志勝過一切,但真係唔知幾耐冇試過咁早起身食早餐!🧐 食完一返到房就秒睡,所以唯有group埋下午茶一齊出啦~🤣
🍳早餐
朝早一起身,眼都未擘大就搭lift去1樓的露台餐廳(Verandah)食早餐🥱,雖然佢有做buffet但今次包的係set,佢有中西兩款選擇,小編就兩款都叫咗~😎
🍞西式
包一杯果汁(小編叫咗熱情果)、一碗細粟米片(奶都有幾款你揀)、一籃包(配英式果jam及牛油)、一個以任何形式煮的蛋(連egg benedict都得!),同埋一杯咖啡或茶
小編就覺得牛角包好鬆軟,比較出色,配埋個英式士多啤梨jam真係一流,而egg benedict都唔錯,但就好似稍為overcook咗少少。🤔 果汁小編都要讚既,因為真係好濃味,又係新鮮果汁,而且種類較為特別😍
🍚中式
包點心set(XO醬蘿蔔糕+蝦春卷+素菜餃)、鹹蛋肉碎粥及配料、豉油皇銀芽雞絲炒麵、一杯無糖熱豆漿,及鐵觀音/香片/綠茶一杯
值得一提係個蝦春卷,雖然佢得一條,但竟然入面包咗勁多蝦﹐啖啖肉! 超級足料好驚喜!🤩 另外XO醬好高質,carry哂成個蘿蔔糕;而豉油皇炒麵就比較普通,小編覺得油咗啲。而鹹蛋肉碎粥偏淡,鹹蛋味唔太出 🧐
大家見到呢個早餐都包好多嘢,而且好多澱粉質,所以今餐真心飽到頂胃!😂
🍰下午茶
今次包的係外賣下午茶,但橫掂今次package延遲到4點先check out,所以小編就拎咗個外賣返房食~😎 佢分三兜:一個有scone、一個甜點、一個鹹點。講真佢份量都幾多,兩個人都未必食得哂,淨係一人兩個scone已經好飽!小編食完個tea之後連晚餐都唔係好食得落 😅
因為佢有太多款,小編都唔逐個評價了(想知有咩可睇圖有寫)Scone正常水準,好鬆軟,唔錯,加埋cream/jam會更好食~🤗 甜點小編最鍾意輕盈朱古力配榛子脆脆,脆脆令成個cake更有口感,好上癮🤣;而鹹點小編就覺得三文魚卷最出色,佢用麵包包住三文魚上面再加三文魚子,一咬落去三文魚味出哂嚟,小編至愛🥰
未完待續…
半島scone外賣 在 飲食男女 Facebook 的最佳貼文
而家喺屋企都可以同朋友嘆tea啦~仲要係呢間酒店嘅外賣tea set喎,慳返排隊時間!但小編覺得$88買兩個scone又好似離地咗啲......
【$88買走半島scone set 送埋果醬忌廉叮30秒食得】足本介紹:https://goo.gl/XRDZEV
#飲食男女 #尖沙咀 #scone #teaset #酒店 #外賣 The Peninsula Boutique
==============================
召喚各位餓底!如有任何街頭飲食情報、最新食事,歡迎inbox飲食男女報料!
飲食男女網站:http://etw.hk
iOS App 下載:http://goo.gl/ZNVWFd
Android App 下載:http://goo.gl/MrW6YE
Instagram: http://goo.gl/KwjNOE