［公平咩？］我樓下都有Donki．如果我層樓升到2萬蚊，我應該就收山移民了（移去元朗啩）

經濟原文：淘大DONKI開業前 淘大花園呎價衝上2.2萬 https://bityl.co/8f0J

TLDR：沙士嘅嘢，「不利消息呀」。又，「嚟多次沙士我就買樓」嚟講……

又，認真，大學生應該又整個project，睇下開Donki 前後對尺價嘅影響。目測香港都唔少Donki 開在大型住宅附近。荃灣（海之戀），將軍澳（sorry唔知邊度打邊度），小西灣（藍灣半島），仲有屯門（屯門市廣場，雖然我唔係住屯門市廣場）

實情又係因果掉轉，正係因為多人住，有基本盤，Donki先開嗰度嘛。一係就市區旺位（尖嘴，銅鑼灣，中環），一係就大型住宅架啦，基本盤，有人流嘛。

有朋友突破盲腸問我，香港有地方唔多人架咩？又好似係

又，台灣朋友同我講，N年前佢去太平山頂，見到有個大商場（其實係兩個），覺得好震憾。我話有乜咁出奇？佢話你想像下你去陽明山上面有個大商場咁上下。又好似係。如果佢而家見到山頂開咗間 Donki應該更加震憾。

唔係講笑，你見科大教授都係做香港凶宅研究咋（https://bityl.co/8ezs），唔係你以為發明時光機？

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。