【 羅天宇曬肌背後故事 】 _ 嘩～嘩～嘩！ _ 近日忙於拍攝無綫新劇《十月初五的月光》的羅天宇，不時在個人Instagram帳戶分享鏡頭以外的有趣點滴和大量靚仔相，要數最能夠引起網民討論的，是他與飾演新版「初哥哥」的胡鴻鈞齊齊「神入樽」 ── 在不看目標的情況下遠距離拋膠樽入垃圾袋，雖然有人質疑他倆「造假」，不過今天網絡世界經常出現「負能量放題」，乜都有人鬧一餐，這種程度的批評絕對是小兒科，至少引起討論，對藝人而言也是一件好事。 _ 上周六（20/3），羅天宇再於IG出招，罕有地脫去上衣展示健美身型，胸肌和六嚿腹肌統統「齊腳」，附送腰間一條「人魚線」，又巧妙使出「掩眼法」，其中一隻手拿起毛巾，令整體的性感指數再添三分，難怪照片上載短短一天已有過萬人按讚，連同胡鴻鈞 @hubertwu 蔡思貝、王敏奕、溫家偉、朱敏瀚、姚子羚、鄭俊弘等大批圈中好友睇到「V嘩鬼叫」「口水滿地」，周志文 @adrianccm 則留言指：「搵人拎開條毛巾！有冇人贊成？！」，而向來大大隻的「送水輝」許家傑 @jackhero5 亦乘機「抽水」說羅天宇應該改名為「羅天乳」。 _ 何解失驚無神「賣大包益街坊」？這張乍看頗有質素的照片又由誰人操刀？羅天宇透過IG私信解畫。 _ 這幀性感照片，是在流浮山外景時拍下的。 _ 「因為我過唔到去澳門拍，所以就變咗喺流浮山。」羅天宇說，那天他剛好完成一場《十月初五的月光》的極重要戲份。 _ 「當時我喺房換衫，嗰度得一盞燈，角度好似Studio（有燈固定在）45度斜上方，打落嚟，感覺好似幾好，又咁啱我有部帶去返工影相嘅富士 @fujifilm_hongkong 單反相機X-T30，擺咗喺服裝間，於是我就問：『可唔可以喺換衫拍下場之前，幫我求其影兩張相留念？』」 _ 求其？也說得太謙虛了吧，這張相的質素確實是專業級數，應該是出自猛人之手？「係服裝姐姐，佢叫小K！有陣時，佢都會幫我哋影啲劇照咁嘅，所以佢都唔會好驚訝，咁啱當日拍完嗰場戲，又有部相機喺服裝間，最近嘅人就係服裝姐姐，所以咪叫佢幫我影，因為我為咗準備呢場戲，都已經準備咗三個月，橫掂拍完就影張相留念下囉。」 _ 羅天宇在劇中飾演司徒禮信（原版由馬浚偉飾演），他沒有透露這一幕戲的劇情是甚麼，也沒有解釋為何重要，只肯說，早在劇集開鏡之前，監製陳志江已向他「劇透」，「開劇前出劇本嘅時候，已經知道有呢場戲，監製話：『你有場戲要除衫喎！』作為演員，都想出來嘅效果好啲㗎嘛，所以我都盡量準備好，三個月前開始要節食，又會盡量抽時間去健身。」 _ 為了拍攝前令線條更加明顯，羅天宇要仿傚參加健身比賽的參賽者那樣，事前分階段「甩水」，「一星期前開始，頭兩日飲好多水，飲6L（6公升），過兩日飲3L，再過多兩日像1L半，跟住1L，最後嗰日係完全唔飲，所以拍攝之前，我已經24小時冇飲過水。」他坦言，「甩水」要扮飲水欺騙身體，比戒口更辛苦。「之前覺得戒口好甘，但試過『甩水』之後先知道咩叫辛苦，唔係好識點形容嗰種感覺，總之就係會用水𠺘一𠺘嗰口，跟住吐番出嚟，成個人好乾，真係從來未試過咁樣飲水，發現原來可以飲水係一件好幸福嘅事。」今勻名副其實：鏡前騷下胸，鏡後勁陰功。 _ 到底這場戲拍出來的效果如何，就要等劇集出街的時候才知道了。 _ 原文刊於《香港01》—— 標題：羅天宇操Fit拍劇影曬肌相留念 「女攝影師」求其操刀獲過萬人讚 _ （27032021） _ #游大東 #游大東影視筆記 #羅天宇 #十月初五的月光 #港劇 #yautaitung #bodybuilding #bodyshape #sixpack @lawtinyufc @joeylawofficial @lawjoey_ @lawjoey_fansclub #fujifilm #fujixt30

本King表示很高興😘 很感恩🙏🏻 Thx skypost🙇🏻 劇集《香港愛情故事》去年大受歡迎，沒想到今次短短12集的劇情，讓每位演員都發揮得淋漓盡致，帶挈演員們都有不錯的發展，龔嘉欣在頒獎禮上大放異彩頻頻得獎，獲得「馬來西亞最喜愛TVB女主角」及「最受歡迎電視女角色」，白彪亦因劇集中火爆老竇的角色而得到「最佳男配角」，羅天宇演技備受肯定，火速獲安排加入《十月初五的月光》拍攝工作。 至於在《香》劇中飾演地產經紀的林景程，在劇中憑他三吋不爛之舌，爆出不少啜核金句，當中包括：「無論世界點變，樓市始終不變。」、「呢個配套，呢個價錢，兩位你哋中咗六合彩」、「等到佢收經你都買唔到樓」等等，貼地得來又搞笑。有地產公司App找林景程做代言人拍攝廣告，廣告中他再次以地產經紀的形象示人，並一人變身五個不同的造型，非常搞笑。不過今次廣告中，林景程一本正經介紹地產App，未有機會爆金句，他留言說：「話咗識得我 ，一定有好路數，新年流流介紹份筍工，成為地產界新星，呢獲（鑊）仲唔係你？好好把握機會，上位好時機！」 不少網友都留言說：「哈哈，已認定你係地產經紀」、「真係做地產經紀」、「咁正經，加返啲你嘅金句會吸引啲」、「房地產相關廣告一早就要搵你啦」、「唔洗等到收經啦！」等等，反應都非常正面。 林景程接受《晴報》電話訪問，他表示：「有啲朋友都問我係咪做咗地產，唔好誤會我唔係做咗經紀，只係做代言啫！（好好酬勞？）酬勞都係其次，最重要成個廣告拍得開心，同埋都算係對Henry呢個角色嘅一種肯定，起碼現實嘅地產代理都會諗起呢個角色。」提到《香港愛情故事》將會開拍續集，問到會否想繼續做地產經紀，景程說：「如果有續集，做番經紀當然可以。其實做咩角色都冇所謂，我自己角度睇就最緊要有份演。」景程透露今年年初跟無綫正式簽下經理人合作，正式成為「親生仔」，新一年新開始，他都搞笑將自己Henry角色的金句Stickers送給小編，祝福大家「祝大家牛年收經前買到樓」。 林景程畢業於理工大學物理治療系，並取得物理治療師的專業資格。2007年參加英皇新秀歌唱大賽，並入圍最後8強，後來參加歌唱比賽《超級巨聲》正式加入無綫，在劇集《On Call 36小時》、《四個女仔三個BAR》等劇集都有演出，演技都備受關注。直至去年《殺手》的小秉和《香港愛情故事》的何仲恆，獲提名《萬千星輝頒獎典禮2020》「最佳男配角」獎項。

【 胡鴻鈞D&G披身亮相YAHOO頒獎禮 】 _ 經典港劇《十月初五的月光》首播21年後，無綫早前宣布開拍全新版本，並於上周二（2/2）公布演出班底。當年由張智霖與佘詩曼扮演的初哥哥（文初）和祝君好，2021年版本將會由剛剛在「2020年度勁歌金曲頒獎典禮」獲頒最受歡迎男歌星的胡鴻鈞（ @hubertwu ）以及4年前憑參選港姐入行，現時愈來愈多演出機會的何依婷演出。為了演好初哥哥，Hubert除了要長期開工捱眼瞓之外，更要「犧牲」自己的長髮。「今次為咗拍劇而剪短頭髮，呢種長度應該好幾年都冇試過！」 _ 眾所周知，在無綫拍劇，難免要經歷景接廠廠接景的「直踩生涯」，相當辛苦，就連拍劇已有相當經驗的Hubert亦忍不住要呻兩句。事緣早前（23/1）他在個人Instagram發表一張，相信是拍攝《十月初五的月光》外景時留影的照片，相中的他身穿衛衣，目光有點呆滯，他只是附帶一句只有五個字的圖片說明：「我很想睡覺！」，大家便立即明白到底發生甚麼事。 _ 不過有趣的是，Hubert這張照片中已經剪短頭髮，吳若希 @jinnyng 留言問：「阿生～你邊位？」但之後張發布的兩張照片，是他出席「Yahoo搜尋人氣大獎」領獎（「人氣電視劇集歌曲」）時留影的，竟然又變回長髮，難道那頭短髮是幻覺？非也！實情是，Yahoo的頒獎典禮於1月18日錄影，Hubert領獎過後立即到髮型屋將頭髮剪短，並加入劇組開工，惟發布次序要遷就該活動於網上的播出時間，才會令人有錯覺。 _ 對於要為拍劇暫時改變形象，Hubert坦言如果有得揀，都情願留長不留短：「我自己一路都比較鍾意（留）長頭髮，因為造型上有更多可塑性。」自己鍾意是一回事，最重要是粉絲滿意。「對於我剪短髮，大家反應都幾正面，可能係因為有新鮮感呱，哈哈！」 _ 其實論新鮮感，Hubert在穿衣方面似乎下過不少苦功，參考他當天出席頒獎典禮錄影時身穿的，正是意大利知名品牌DOLCE & GABBANA出品，其中類似中學生冬季校服外套的深藍色西裝褸，是斜紋西裝（Single-breasted Logo-Embroidered Twill Blazer），正面望右邊口袋位置，繡上顯眼的D&G字樣徽章，相當搶鏡，據知這是同系列的新版，只有一粒鈕，參考網站，同款舊版黑色（兩粒鈕）售價為$17,320，而他內裏所穿的墨綠色樽領毛衣，由山羊絨（Cashmere）和絲料縫製而成，售價為$8,500，另外格紋羊毛長褲則售$7,900，換言之當天Hubert出席活動的這套「戰衣」，大約總值3.3萬港元。 _ 問Hubert對於日常演出的衣著打扮有何心得，他說首先要視乎場合，揀選哪個牌子反而是其次。「如果出席一啲大型場合，我通常都會搵Stylist！（穿甚麼）牌子反而其次，最緊要係我着咗之後，能夠令我有自信同Feel Comfortable，再喺唔會出現Under Dressed or Over Dressed（過份低調或過於浮誇）嘅大前題下，會搵一啲新意，例如當大部份人都係着西裝嘅時候，我係咪可以大膽一啲，只是穿一件有Details嘅恤衫呢？」 _ 他又指，日常工作時，他會選擇較為斯文企理、官仔骨骨的那種風格，然後以此作為基礎，嘗試在顏色和層次上找點變化。「平時（不用上班）我其實鍾意Street Fashion多啲，一件Hoodie（衛衣），配搭Denim Jacket，加一條Damaged jeans或者吊腳扯布褲就OK，顏色都是黑白灰為主，最緊要舒服。」至於閒時會透過哪些渠道吸收潮流資訊，Hubert指會留意不同品牌的Instagram帳戶，走在時尚尖端。 _ 攝影： @nickyjai _ ➡️原文刊於《香港01》 —— 標題：胡鴻鈞為演《十月初五的月光》剪掉長髮：呢種長度好幾年冇試過！ _ （09022021） _ #游大東影視筆記 #游大東 #胡鴻鈞 #yahoo人氣搜尋大獎2020 #yahoo #dolcegabbana #menswear #mensfashion #styling #mensstyling #blazer #十月初五的月光 #TVB #YAUTAITUNG #09022021 @hubertwu_fc @hubertwu_overseas_fc @dolcegabbana @dolcegabbana_man @hubertwufans_hk @luv_hubertwu @hubert.bearwu @lovehubert_fans_hk_forever @429tkm