⚠️長文注意⚠️
自從武漢肺炎後
搭飛機去旅行由習慣已經變得遙遙無期
在這段期間我明白大家想念日本
想念海外的一切
會想買到一些海外的東西回港
雖然我沒有做什麼日本代購去賺錢
但是朋友有需要的話
我能幫忙的都盡可能幫忙
最近一而再再而三的
被「朋友」搞到心好累
真的...太多香港人只用「香港人的那套思維」去想海外的事情...

我在重申一次
認識我的朋友也知道我能幫的我都盡量去幫
但真的太多白目、無知、重點是「老馮」的人

1. 幫我係日本打個電話去問XXX/去BookXXX
香港真的太方便了
打個電話什麼都可以處理
先不說我的日文也是我一個用來賺錢的才能
在日本用手機打電話是要另外付費的！
有些電訊商可能包1個月10分鐘免費電話
但基本上在日本電話上台
交的電話費是不包語音電話
有些香港人會說：「幫我打個電話都唔得！」
我想問你幫我交電話費嗎？
我用日文我用的專業幫你處理問題
你有付我錢嗎？

2. 喂喂！可唔可以幫我去便利店比錢買野？凌晨12點前
頂！有沒有想過我一個女人
夜晚晚去便利店安不安全
而且去便利店交錢大多付現金
我身上可能沒那麼多現金
有些香港人會說：「那你去ATM禁住先幫我出先」
日本的ATM絕對沒有香港那麼多
而且大多不是24小時
我家附近的郵政銀行櫃員機晚上8點就自動Lock機
有些香港人繼續說：「便利店入面唔係有咩？」
繼續重申日本ATM真的沒那麼方便
超過特定時間要有手續費
而且在別家銀行的ATM提款
又再收手續費
大佬你拎中銀咭去匯豐櫃員機都禁唔到錢啦
拎張東亞去中銀度禁錢都要有手續費啦！
(as of我離開香港前...現在不知道..)
幫你提款再付錢
這個手續費你幫我付嗎？

3. 幫我出東京既XXX買OOO，再幫我去YYY買OOO
順便出東京幫你買沒所謂
現在日本緊急事態宣言
總理大臣都在呼籲大家不要亂跑
真的要出去順道幫你買不是問題
但是要我特意幫你買
大佬！交通費你幫我出嗎？
來回東京車費分分鐘比你在香港搭的士去機場貴
你幫我付嗎？
出去不用花時間嗎？

4. 喂呀！日本寄香港運費好貴！可唔可以幫我拎件貨去郵局問價同格價？
香港大多室內
一個商場連一個商場
可能涼住涼氣就到郵局
日本其實好鄉下
要日曬雨淋才能到郵局
而且現在在日本寄海外郵包需要電子申報
要去郵局前申報好
幫你拎郵包到郵局格價又要搞電子申報
煩唔煩呀頂？
雖然電子申報的日文不太複雜
但都是日文都需要用到我懂你不懂的專業！

5. D貨擺係你度先！等日本開關我飛黎日本拎！
沒錯！我日本的小蝸居肯定比香港的劏房要大
但不代表我是千呎豪宅
有位置也不代表要幫你存貨！
日本集運倉都要收錢
為什麼我辛辛苦苦付租金的房子要分一部分出來讓你免費存貨？
你幫手付我的租金嗎？

6. 可唔可以用你地址信用卡？
我認我on9
我曾經借給別人
有些香港人會說：「借個地址用一下有咁重要咩？香港都係咁啦！」
在日本...地址跟名字、印鑑、簽名等等一樣重要
在日本沒做地址登記基本上什麼事都不能做
特別是我們這些在日外國人
在留卡沒有做住址登記
小則申請不了電話、信用卡等服務
大則連居留日本也成問題

很多很多
多到我不能盡錄
我打那麼多字不是要生氣這些人
是生氣自己那麼on9那麼好人去幫助一些「老馮」的人
是希望大家不要再用去「香港都係咁」的思維
去想身在海外生活的香港人
可能你話會說「調返轉我都會咁去幫你架！點解你咁話我？」
因為你在香港
是一個靈活、方便、快捷的城市
我在日本
日本有些地方真的沒香港那麼靈活、方便、快捷
一些日本生活才知道的難處我真的很難去一一解釋
在日文中常常會見到「ご迷惑をおかけして申し訳ございません」
就是日本人對於麻煩到別人會表示抱歉
當我去了日本份人「日本左」吧
我也盡可能不想麻煩到別人
同時也不想別人麻煩到我
能幫我一定幫
但是我不幫也請你們理解
用「香港係咁㗎bor」的思維去大我的人
我也很想大大聲說句
「日本就係唔係咁！」去回敬

今次學會了教訓
以後我會好好保護自己在日本努力得到的一切

想知道更多關於香港人在日本的生活
請Follow我的
IG： @grandlinejourney
https://www.instagram.com/grandlinejourney/
MeWe：https://mewe.com/p/%25E5%2581%2589%25E5%25A4%25A7%25E8%2588%25AA%25E9%2581%2593%25E8%25AA%258Cgrandlinejourney

#香港人在日本
#在日香港人
#在日港人

［幫幫忙呀老細］今次真係告急，但放心，唔使你畀錢，甚至唔使用幾多時間。

TLDR：之前出咗篇上網時間文，被視為hate speech，停戶口一日事小，但而家壓低晒本頁嘅reach就事大，就靠大家人手幫幫手。感謝。

1. 本Page 四年以嚟，應該我第一次要出post 告急。呢啲乞like嘅行為，相當煩厭又低莊。但，「真係我也居然變心 不禁要承認我 像往日我恨透的罪人」。

2. 故事係咁嘅，大家睇圖見到，我早排都有啲文入面約略提過，埃汾上星期一嘅一篇文（你懂的），被Facebook視為hate speech．除咗移走咗，亦都將我Page同個人戶口都停咗24小時

3. 咁但，係仲有餘波嘅。餘波就係，我見到本Facebook Page嘅reach呀，like呀，share 都係大跌嘅。

4. 咁你可以話，我寫嘅嘢差咗（但，忽然間星期一之後差過上星期好多？）。又或者，係因為上星期有啲好爆嘅文（例如CFO被炒）。又或者只係我心理作用。但大家可以睇下，以前啲post，基本上實有100 like。但近日嘅，極少會有。

5. 然後我用啲科學少少嘅方法計下（例如唔計某啲特高嘅文），又請教過啲digital marketing 專家，發現應該係真有其事。本Page嘅engagement 跌咗15-25%（視乎你點計）。

6. 拿，咁就仆街啦。咁啱呢排仲要出咗長篇收費短片。同埋仲想將個收費專欄在Patreon重出江湖，搞啲咁嘅嘢。

7. Reach會畀人壓幾耐？係唔知嘅，朋友話可能一兩個月，都幾大劑。你試下減人工15-25%一兩個月丫。重視能治肚餓，reach可以當飯食

8. 咁但，唔壓都壓咗，唔見得有得上訴。咁可以點？首先，有可能會在Facebook寫少啲文，就不如花多啲時間寫收費專欄—唔係減產唔係唔寫，而係時間分配。咁如果我出十分力只係得返之前八分嘅，動力係會低咗的。但放心，一樣會有post，至少一日一個，甚至更多。

9. 另外，就係告急部份啦。其實好簡單，見到有post又覺得唔係十分非常差嘅，like 下share 下，積少成多，積勞成蘇呀。

10. 同樣地，如果靠Facebook派畀你，肯定會見少咗我啲文（朋友都發現呢個情況）。所以你應該做嘅嘢，係得閒冇嘢做，坐車又好開會又好大便又好，就主動碌入嚟睇。同埋設定為See First （本Page張熊仔相下面，Following嗰格入面有得揀）

11. 最後，幾時先搞得返個reach，實在唔知。想支持下埃汾嘅，記得去訂收費短片同嚟緊Patreon 專欄，等我在其他領域都有啲認同。短片點訂？post最底有。專欄點訂？遲下講，未開（然後就整單咁嘅嘢）

12. 真係最後，不忘自省幾句。其實同好多人相比，我呢啲問題微不足道。社會又好，疫情又好，冇錢又好（root of all evils），大把人慘過我。所以大家加油。

13. 但，又即係Measure yourself only against your previous self，所以都係要同自己比。都畀啲掌聲自己。加油。即係，至少我唔係好似啲友見到匯豐減派息咁，日日鬧，去搵議員去證監嘈之類。我冇搞個小朱關注小組，但我係諗啲有建議性嘅方法。Who moved my cheese？舊芝士唔知幾時先返嚟。咁食住腐乳先

14. 感激感激，得閒可以約我食飯。係喎，見唔見到有whatsapp按鈕？新加的。真係我電話嚟，仲係我「真正」電話，2001年回港後，近20年冇變過（而其實我唔肯定未去英國讀書前，港大年代，第一部手提愛立信3系，係咪已經係呢個電話）。一般嚟講讀者問嘢又唔係日日不停問嘅，我都盡答的。而收費專欄讀者就一早知我電話。

15. 仲有，同大家無乜關，但我有做嘅嘢，係有科水落廣告，拉返多啲人。「反正呢期有啲橫財」。小朱虐我千萬次，我待小朱如初戀。算係咁啦，搵人譯呢段畀佢。

16. 多謝大家，一齊努力。我講真的，第時我搬去台灣，就靠你地養。有返一千幾百人就夠了。你唔係諗住我去斬叉燒淥出前一丁下話？我敢整你都唔敢食啦（＊）

（＊）但其實N年前，在個人Facebook，係有埃汾教你煮幾味的！點解而家冇咗？「因為結咗婚」，實不相瞞，我到而家都唔知點開口講「不如我地去爆房」。嗰個年代亦冇 Netflix and Chill，我又唔似王宗堯咁可以叫女上嚟玩貓。所以呢，大時大節上嚟煮飯人子，真係最簡單叫女仔上你屋企嘅方法—至少埃汾太都係咁樣做咗埃汾太。「煮嘢嘅嘢，其實唔難」，最緊要咪撚當自己開茶餐廳，唔使幾百樣菜式。李小龍話，唔怕啲人識煮一百道菜，至怕啲人一道菜煮一百日Day Day Cook。所以你煮熟嗰三四味，得閒就練習下，就得了。冇人叫你在屋企整二十四橋明月夜。Chicken or Beef？I am sorry we don't entertain vegetarian

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

小麗：香港將會面對的政治風暴，比山竹更厲害。我希望香港人用頑強的意志，就好像當日由一個小漁港、歷經多代人、一起艱苦經營的這份意志，一起堅守下去，因為香港人無得退，香港人亦都無得輸！

我們定會堅守立場，
問是非，分真假，
香港人，贏返次！

【小麗發言｜9.30 集氣大會】

四年來，小麗民主教室的朋友比我做更多工作，他們默默在背後支持我，無論遇到幾多跌盪高低，他們都沒有離開，風雨同行。

好多謝教室成員，當選之後，他們為我擔心；DQ 之後，他們更加不遺餘力，一起擺街站，默默地無私付出。我亦好多謝我的前議助，以至現在的職員，他們是好落力、好有熱誠的年輕人。還有好多傻人，DQ 之後才加入的同行者，他們沒有理會教室政治能量的高低、前路，但覺得議題好有意義，所以與我們同行。然後遇到眼前這場仗的逆境，好多朋友都不計較地落場幫手。大家都為了香港，漂亮地去打這場仗，希望大家守住難關。

香港人，一定要贏返一次。

===

兩年前參選，是希望為民主道路再下一城，希望有民間力量晉身議會，走基層路線，繼續推進民生、民主，為香港人爭取權益，可惜幾年來，我們遇到不少挫敗，大家都傷痕纍纍。

但這是否代表我們無贏面呢？不是。其實我們的民主底基好強，由教協、職工盟等等歷史悠久的大組織，以至女工會、社區前進等等小組織，不斷在社區中做實事。

香港民主運動一路上都有基礎，由反國教、反高鐵、以至雨傘運動，我們在公民社會中的累積是千真萬確！只要我們不再相信虛妄、虛假的無力感，我們仍然有能量，一定能夠前行。所以，希望大家拾起意志，面對逆境，香港人要攞返屬於我們的議席。

香港人無路可退，香港人無得輸！

===

有好多人問我，在學校教書「好地地」，為何要走出來？由佔領期間，在街頭就已不斷有人問我。堅守下去又有何意義呢？我想由舊生 Sunny 講起：

教書令我快樂，但幾年後，就不那麼快樂了。Sunny是我第四屆學生，眼見他們辛苦累積 GPA，因為每一份功課都影響前途。副學士學生捱兩年，辛辛苦苦升上大學，但四年之後畢業後又如何呢？他們大學畢業，豈料零散工當道，想找一份全職工作都好困難。即使終於找到工作，他們仍然背負 20 萬、30 萬的學債，人工不過萬餘元，無晉升機會，工作只是合約形式。我好心痛。

我小時候，社會貧富懸殊，到現在究竟有無改變？沒有。作為社會科學理論，我可以在講堂上跟學生講貧富懸殊、社會不公，好抽象；但當我見到學生被社會制度踐踏，這一份心痛是很真實，我無辦法放低。正如先母因為安老政策缺乏而受苦，當我見到所愛惜的人被社會欺凌，我無辦法不走出來。我覺得自己在學校裡教書並唔不足夠，我希望能夠改變社會制度，才對得住我真心愛惜的人。走出來之後，我沒有停步，因為社會一直無進步過。

===

呂大樂說香港有四代人：第一代人是走難南來的人，包括我爸爸。爸爸的生命堪稱傳奇，他行船遇過兩次沉船，曾經有大貨船翻沉，只有五人生還，他就是其中之一。爸爸是個很堅毅的人，到香港後打兩份工，24 小時留在工廠。第一代人掙扎求存，在貧困處境中開山劈石，他們對香港貢獻良好，所以我好希望安老政策可以回饋他們。

香港第二、第三代人，我們經歷過 70 年代本土思潮、理想主義的火紅年代，但這種爭取到 80 年代已告破滅。第三、第四代人，還處於理想破滅，於是尋求耕耘經濟的幻象中。我作為第三、四代人的代表，覺得好慚愧，因為我們只顧搵食，忘記為社會耕耘一個更加民主、自由、合理的環境，導致他們至今仍然被欺負。

所以我經常講：不要問為何時下年輕人不走出來－－當然我好想他們出來－－但就算年輕人走出來，中年人以前做得不夠，令年輕人受苦，現在走出來都應義無反顧！。我記得反高鐵時，學生欠交功課，因為他們要出去抗爭，他們的口號是「細個教我仁義禮智，大個教我埋沒良知」。他們不接受這種制度，所以他們要用良知走出去。我不想做一個只教他們仁義禮智的老師，然後讓一個教他們埋沒良知的社會，逼迫他們屈服。所以我要走出來，希望大家與我一起，耕耘一個可以讓良知說話的社會！

在民主道路上，我們的確經歷了好多挫折，但我期望大家用意志，拿出真誠，講出心中是非曲直！「假」的早已一清二楚，豈會因為山竹而參選？沙中線沉降當然是真，豈能搬龍門搬到 95 毫米做準則？其實我們每個人都分到是非黑白，但現在的歪理、暴政，令我們不敢講真說話，我好希望還有力量、敢講真說話的人站出來，令香港仍然是一個講真說話的地方，拒絕以謊言治港！

香港人要——
問是非，分真假！
香港人，贏返次！

===

我自爆：我是 1975 年出生，見過好多荒誕。小時看電視，見到好多願景，身邊住木屋、住艇上的同學都能上樓，我滿以為社會會不斷進步，變得更廉潔、透明、公義，但直到我做老師，我發現所有事物都是相反。現在廉政公署被打殘、基建變成豆腐渣、大白象，呃香港人錢、危害香港人安全，我們怎能接受倒退的時代？如果繼續下去，只會是更荒誕、更以謊言治港的時代。

我們要真．港人治港，
他們卻交出西環治港。

我們要真正為民生服務的基建，
他們卻交出大白象、豆腐渣。

我們要的是良好醫療制度，
他們卻交出 #陳健康、#陳山竹。

香港將會面對的政治風暴，比山竹更厲害，我希望香港人用頑強的意志，就好像當日由一個小漁港、歷經多代人、一起艱苦經營的這份意志，一起堅守下去，因為香港人無得退，香港人亦都無得輸！

我們定會堅守立場，
問是非，分真假，
香港人，贏返次！

#感謝民主派戰友團結支持

【#參選宣言 歷經挫折，毋忘理想】 bit.ly/2DgStcX
【擇善堅持 #守護平凡的幸福｜劉小麗】 bit.ly/2NPhPzu

#問是非 #分真假
#香港人 #贏返次
#守護幸福
#選舉廣告

===

【捐款支持教室】
｜匯豐捐款戶口 817-503592-001
｜信用卡 siulai.hk/donate
｜PayMe 5110 1164

捐款 $1,000 以上請聯絡我們（5110 1164）
提供你的姓名、地址，以便申報

【成為義工】
｜電話 9456 7205
｜網上報名 bit.ly/strivewithsiulai2018