#夾帶B逃北海道 #帶BB旅行絕佳住宿
#超級建議airbnb

上星期仲糾結緊整個行程既酒店到底點book先好，帶住Bella又吾想訂太細既房，因為行程有兩晚去住溫泉酒店，但又吾想不斷check out札幌既酒店房趕頭趕命，終於係出發前幾日去睇AirBnB，訂左呢間比想像中更好既屋，仲一氣連住8日先HK$5000，三大一細，超抵，就算今晚外宿定山溪吾返來訓都吾肉痛。成間屋成1300尺，一梯一伙，有哂煮食配套，冷暖設備齊，3間房，13個人訓都得，而且我同包租婆講有帶BB，佢馬上安排網床比我，出發前幾萬個關於天氣租車既問題，一一樂意回答，有咩方便得過問個當地人？！
今次第一次旅行住airbnb，之前成日凝住airbnb d屋有鬼，危險，污糟……錯哂，可能呢到係日本啦！我尋晚訓得好舒服，而家Bella仲訓到豬仔咁，準備煮粥仔比佢食喇，大家帶BB旅行記得入住airbnb呀！