我差啲笑左出黎 🤡

上一篇主婦嘅文梗係有階級觀念啦，你第一日黎英國？英女皇同上議院班友仲生勾勾咁企喺度，呢個唔係階級觀念係咩？一大堆上流玩意Gentlemen club 你試下行入去？又或是你一個平民試下申請做會員？你邊度搵兩個達官貴人推薦你？至於眾生平等… 全英國邊個唔知冇人可以拉到英女皇坐監？交稅都有分20%、40%、45%幾個層次，如果眾生平等、收入沒關係的話，政府就不需要用「稅」去製造「較平等」的社會和收窄貧富差距。

英國就是有階級觀念。
英國就不是眾生平等。

但階級歸階級，每一個階級在英國都很闊，闊到足夠讓人快樂而有尊嚴地生活，就係咁簡單。

但英國絕對不是平等、也絕對不是沒階級觀念好不好？

另外，真係唔好意思，我其實唔太了解你嘅職業，我唔係唔敢攻擊，而係我沒有那個閒情逸致去理一個我唔識嘅人係咩職業。簡單點來說，你還沒有重要到那個水平耶… 😅😅😅

最後，留意一點，或許你的世界是 #敵人嘅朋友就係敵人，結果你望下你嘅留言者，咪得個白卡 #TA姐 #香港老師也移民 再加幾個我嘅haters囉。我嘅哲學係：

#朋友的敵人就係敵人

同你係有差別架—— 我唔係因為有共同敵人而做朋友（網友），我真係揀過、覺得ok嘅，我先會認定對方做朋友（網友）。如果對方被人攻擊，我出手保護也是情理之內，就係咁簡單。

所以呢… 留意返一點：我評論你不是因為你同 香港老師Miss Pinky 移民倫敦 係朋友, which 我覺得同呢條女做朋友已經係天譴級嘅懲罰，而係你無端端cap佢圖然後塞字落人地個口，再引導你嘅讀者去侮辱人。

這種行為，很缺德耶…

#至於我做性工作者係咪資源錯配呢
#你真的了解什麼是性工作者嗎
#真係訓喺度就有錢收架咩
#我讀教育時嘅溝通同心理學在床上絕對能派上用場
#你可知道教師是許多男人的幻想職業
#學小號練出黎嘅DoubleTongue連TA姐個老公都讚好
#請問邊個真係以為我做鴨架 😆
#做鴨師

＝＝下半部分有繁中華語版＝＝
　
＊＊＊＊＊＊＊＊
　
我個女婷婷，從遊樂場鬼屋返嚟之後，就變得同以前完全唔一樣，簡直判若兩人。
　
（上集來龍去脈可看：https://bit.ly/3g8i0oT）
　
第二日就係學校嘅小測驗，婷婷竟然被老師發現作弊，嗰時我接到老師打嚟嘅電話，簡直難以置信，仲一口咬定係老師誣衊佢。
　
喺趕去學校嘅路程中，我甚至已經準備好律師信，要告嗰個無質素嘅老師。
　
但當我入到教員室，老師向我展示婷婷嘅掌心用原子筆密密麻麻寫晒考試嘅答案，我訝異得張大嘴巴無話可說…
　
我請咗家庭醫生幫佢做身體檢查，順便幫佢向學校請咗兩日休假。
　
但返到屋企之後，情況變得更加嚴重，嗰晚半夜我隱約聽到佢房間傳出『吱…吱吱～…吱吱！』嘅怪聲，於是我偷偷哋開門探頭望進去，就發現佢坐咗喺書枱，成間房淨係開住枱燈。
　
我瞟一眼佢放喺窗台嘅倉鼠籠，門打開咗，入面隻倉鼠好似唔見咗。
　
我放輕腳步走近，書桌周圍滿地都係棉花，婷婷用美工刀將放喺床邊，最心愛嘅毛公仔成個胸膛劏開，再將佢養嘅小倉鼠塞入隻公仔入面，想將佢縫起嚟。
　
「妳喺度做乜啊？！」我大喝一聲，將她手上嘅美工刀搶過來。
　
佢雙眼通紅咁望住我，倉鼠趁機會從毛公仔入面掙脫出來，婷婷一手將佢捉住，但因為太大力嘅原故，佢『滋～』慘叫咗一聲，還嚇到失禁。
　
「輕力啲啦，妳會整死佢㗎。」我。
　
婷婷默然將佢放返回籠，就返上床瞓，好似咩都無發生過一樣，就算我同佢講乜，佢都唔理我。
　
第二朝一早，我帶佢去睇精神科醫生，但醫生幫佢做過測試，話佢無任何問題。之後，我仲帶佢去照X光，報告出來之後醫生話腦部一切正常…
　
婷婷食完醫生畀佢嘅藥物後，就喺屋企瞓足全日。
　
同日，我帶住封律師信去遊樂場，告佢哋嘅鬼屋令婷婷患上精神創傷後遺症。
　
亦因為咁，我喺遊樂場遇到嗰個道士，佢話可以幫到婷婷。
　
「係喇！婷婷一直都好乖巧聽話，佢一定係被鬼附身喇！」我。
　
就係咁，我帶住嗰個叫阿公嘅道士去我屋企，嗰時婷婷還喺房間瞓緊覺。
　
阿公喺間屋巡視一周，用古怪嘅銅鈴喺每個角落搖晃，我本來就唔太相信呢類神怪嘢，亦無宗教信仰，只係為咗婷婷可以入讀名校，我先逼不得已加入教會受洗禮。
　
最後，阿公打開婷婷嘅睡房門，望咗一眼就走返出嚟同我講：「唔好意思，我諗今次我幫唔到手。」
　
「吓？！哦！我明白喇，你想我畀錢你祈福啊？早講啦，只要可以令婷婷恢復正常，我幾多錢都肯畀。」我。
　
「唔係，我嘅意思係，呢度無靈體，你個女亦無被靈體附身。既然呢度無事，我亦唔會收你一分一毫。」阿公當然好想收呢筆錢，但無功不受祿，佢都係忍住手無收到。
　
「無事？有咩可能？會唔會係你法力唔夠咋？」我質疑。
　
「隨便你點諗，你可以請其他師傅嚟睇佢，結果只會係一樣，除非嗰個人係神棍。」阿公。
　
「無可能！我個女肯定被鬼上身！而家喺睡房嗰個……根本唔係我個女！」我最睇唔順眼就係呢種扮清高嘅人，所以我忍唔住向佢怒吼。
　
就喺呢個時候，房門打開，婷婷企喺我面前，喊到成身不斷顫抖。
　
「婷婷，我唔係咁嘅意思…」
　
「爸，夠喇。我知道因為我考試作弊，仲將嗰娃娃整到爛晒，你先會以為我被鬼上身，但……
　
如果呢個先係真正嘅我，
你就唔再愛我喇？」
　
「點會呢？傻女…」我走過去想抱起婷婷，但畀她一手推開我。
　
「你愛嘅只係嗰個乖巧，聽話，成績好嘅模範女吧？」
　
我無辦法反駁。
　
「嗰日喺鬼屋，我因為太驚所以一直遮住隻眼，跟住我聽到小鈞同家寶嘅尖叫聲，當我睜開眼一睇，就見到有兩個綠色眼睛，全身赤裸嘅人將佢哋從路軌車拖咗出嚟，跟住我就唔記得晒發生過咩事，直至爸爸你喺鬼屋嘅石井入面搵返我…
　
我親眼見到，兩個綠色眼睛嘅人跟住小鈞同家寶返屋企。嗰晚我真係好驚，但爸爸你堅持要我返學，因為第日有小測驗，你怕如果請假嘅話，會被老師懷疑我偷懶。
　
（小鈞的故事：https://bit.ly/3pySM7G
　
「所以妳先作弊，係咪？」我。
　
「我本來就唔擅長數學，爸爸你仲記唔記得？有一次我數學考試考好高分，其實係小鈞偷偷將答案借畀我抄…但嗰次你開心到不停向親戚展示我張考試券，之後…我驚你失望，只好每次都作弊…」婷婷。
　
「我、我只係替妳嘅進步高興…」我。
　
「爸爸…你唔記得老師捉到我作弊之後，你幫我請病假，然後同家庭醫生說咗咩說話？」婷婷。
　
「我…說咗咩…？」我真係完全無印象。
　
「你話，被人當場捉住作弊，仲邊有面目返學，請假都好合理。」婷婷。
　
我完全無法反駁，我從來都唔知道，原來無形間畀婷婷咁大壓力。
　
「既然無我嘅事，咁我都係走先。」阿公一邊著鞋，一邊低聲嘟噥：「哎～睇到我起晒雞皮，我最驚處理呢種場面…」
　
阿公話，就算遇到法力再強嘅鬼怪，總會搵到方法可以解決。
　
相反人與人之間嘅關係，只要心裏有怨恨，就要花好多時間先能夠化解。
　
尤其係親人嘅關係…
你可以自由選擇朋友或同事。
但親人就唔可以，一個無法認同自己嘅親人，最令人難受。
　
多年後，阿公成為咗父親、祖父。
佢就明白，點解女人可以請狐仙去勾引一個男人。
但無一個神佛，可以令父母與子女嘅關係變好。
　
2500 like 、250 share有下集！
《阿公講鬼４：魑魅》預售開始！
７月書展出貨！
https://bluegodzistore.boutir.com/i/VljXG4gAA
　
＊＊＊＊＊＊＊＊＊
＊＊繁中華語版＊＊
＊＊＊＊＊＊＊＊＊
　
我的女兒婷婷，從遊樂場鬼屋回來之後，就變得跟以前完全不一樣，簡直判若兩人。
　
隔天是學校的小測驗，婷婷竟然被老師發現作弊，那時候我接到老師打來的電話，我簡直難以置信，還一口咬定老師誣衊她。
　
在趕去學校的路程中，我甚至已經準備好律師信，要告那個沒質素的老師。
　
但當我到了教員室，老師向我展示婷婷的掌心原子筆密密麻麻寫了考試的答案，我訝異得張大嘴巴無話可說…
　
我請了家庭醫生幫她做身體檢查，順便幫她向學校請了兩天休假。
　
可是回家之後情況變得更加嚴重，晚上我隱約聽見她房間傳出『吱…吱吱～…吱吱！』的怪聲，於是我偷偷打開門探頭進去，便發現她坐在書桌上，房間只開了書桌燈。
　
我瞟一眼她放在窗台的倉鼠籠，門敞開了，裏面的倉鼠好像不見了。
　
我放輕腳步走近去，書桌周圍滿地都是棉花，婷婷用美工刀將放在床邊，她最心愛的娃娃的胸膛劏開，再把她養的小倉鼠塞進娃娃裏，想將牠縫起來。
　
「妳在幹嗎？！」我大喝一聲，將她手上的美工刀搶過來。
　
她雙眼通紅地看著我，倉鼠趁機會從娃娃裏掙脫出來，婷婷一手將牠抓住，但太大力的原故，牠『滋～』地慘叫了一聲，還嚇到失禁。
　
「輕力一點，妳會把牠弄死。」我。
　
婷婷默然把牠放回籠裏，返回床上睡覺，像什麼都沒有發生一樣，不管我跟她說什麼，她都不回答我。

隔天一早，我帶她去看精神科醫生，但醫生幫她做過測試，說她沒任何問題。之後，我還帶她去照X光，報告出來之後醫生說腦部一切正常…
　
婷婷吃完醫生開的藥物後，便在家裏昏睡了。
　
同日，我便帶著律師信去遊樂場，告他們的鬼屋使婷婷患上精神創傷後遺症。
　
亦因為這樣…我在遊樂場遇到那個道士，他說可以幫助婷婷。
　
「對！婷婷一直都很乖巧聽話，她一定被鬼附身了！」我說。
　
就這樣，我帶著那個叫阿公的道士去我家，那時候婷婷還在房間睡覺。
　
阿公在家裏巡視一周，用古怪的銅鈴在每個角落搖晃，我本來就不太相信這種東西，也沒有宗教信仰，為了婷婷可以入讀名校我才逼不得已加入教會受洗。
　
最後，阿公打開婷婷的睡房門，看了一眼便走出來跟我說：「抱歉，恐怕這次我不能幫上忙。」
　
「咦？！哦！我明白了，你想我付錢祈福對吧？說吧，只要能讓婷婷恢復正常，我多少錢都願意付。」我。
　
「不，我的意思是，這裏沒有靈體，你的女兒也沒有被靈體附身。既然這裏沒事，我亦不會收你一分一毫。」阿公當然很想收下這筆錢，但無功不受祿，他還是忍住了。
　
「沒事？怎麼可能？會不會是你法力不足夠？」我質疑。
　
「隨便你怎麼認為，你可以請其他師傅來看她，結果只會一樣，除非那個人是神棍。」阿公。
　
「沒可能！我的女兒肯定被鬼附身！現在在睡房的……根本不是我的女兒！」我最看不順眼就是這種裝作清高的人，所以我禁不住向他怒吼。
　
就在這個時候，房門打開了，婷婷站在我面前，哭得不斷顫抖。
　
「婷婷，我不是這個意思…」
　
「爸，已經夠了。我知道因為我考試作弊，還將那娃娃撕破了，你才以為我被鬼附身，但……
　
如果這個才是真正的我，
難道這樣，你就不愛我了嗎？」
　
「怎麼會呢？傻女…」我走過去想抱起婷婷，卻被她一手推開我。
　
「你愛的只是那個乖巧，聽話，成績好的模範女兒吧？」
　
我沒法反駁。
　
「那天在鬼屋裏，我因為太害怕了所以一直閉著眼睛，接著我聽到小鈞和家寶的尖叫聲，我睜開眼一看，便看到兩個綠色眼睛，全身赤裸的人將他們從路軌車拖拽出來，接下來，我就忘了發生什麼事，直至被爸爸你在鬼屋的石井內找到我…
　
我親眼看到，兩個綠色眼睛的人，跟著小鈞和家寶回家了。那天晚上，我害怕得要命，但爸爸你堅持要我上學，因為隔天有小測驗，你怕如果請假的話，會被老師懷疑我偷懶。」婷婷。
　
（小鈞的故事：https://bit.ly/3pySM7G

「所以妳才作弊？」我。
　
「我本來就不擅長數學，爸爸你還記嗎？有一次我的數學考試考很高分，其實是小鈞偷偷將答案告訴我的…但那次你還向其他親戚展示我的考試券，之後…我只好每次都作弊，怕你會失望…」婷婷。
　
「我、我只是替妳的進步高興…」我。
　
「爸爸…你忘記老師抓到我作弊之後，你幫我請假，然後跟家庭醫生說了什麼嗎？」婷婷。
　
「我…說了什麼…？」我真的完全沒有印象。
「你說，被當場抓住作弊，哪有面目上學，請假也很合理。」婷婷。
　
我完全沒法反駁，我從來不知道，在無形間給婷婷這麼大的壓力。
　
「既然沒我的事，那我先離開了。」阿公一邊穿回鞋子，一邊低聲嘟噥：「哎～看得我起雞皮疙瘩了，我最不懂處理這種場面…」
　
阿公說，就算遇上法力再強的鬼怪，總會找到方法可以解決。
　
相反人與人之間的關係，只要心裏有怨恨，就要花很多時間才能化解。
　
尤其是親人的關係…
你可以自由選擇朋友或同事。
但親人卻不可以，一個沒法認同自己的親人，最令人難受。
　
多年後，阿公成為了父親、祖父。
他就明白到，為何女人可以請狐仙去勾引一個男人。
卻沒有一個神佛，可以讓父母與子女的關係變好。

【龔成問答信箱】（Q20421-Q20440）

Q20421：

老師，我想請教下，一間冇盈利既公司，例如（1833）佢點解可以令到股價高上，而投資者又願意買呢隻股票？

龔成老師：

因為市場集中在佢將來的價值。

在企業估值的方法，不少都會考慮到將來的情況，例如現金流折現法，就是計算將來現金流，變成現在價值的總加。

這並不是考慮最近1年，而是1年、2年、3年，一直考慮。

就算企業這刻的現金流較少，只要將來的現金流較強，都會有一定的價值。

當然，愈是將來的現金流，不確定性愈高，就會令股價波動愈大。

------------------------------------------------

Q20422：

老師，自從睇左你嘅書（但未睇哂），我開始每月儲錢，而家28歲，月入20k，每月儲到8,000-10,000，而家儲左50k. 我有以下2個大方向想請教：

1. Hkd 5, 000供股＋買增值股，暫時打算hkd 2,500係盈富(2800)，hkd 2,500係比亞迪（1211），再每月買1手etf(3067)

2. 月供4000落儲蓄保險，（之後第2年開始年年派20,000），每月買1手3067，之後佢每年派息先再買股票。

真係多謝老師，如果唔係你嘅書，我好肯定我唔會每個月儲到8000-10000

龔成老師：

太好了！你已經踏上了正確的理財之路，保持知識與財富增長！

28歲，如果你可承受風險，可選（1），而（2）會較保守的（當然，如果你本身好怕風險，就（2））。

不過（1）的方案，現時比亞迪（1211）貴，建議你供其他，盈富（2800）+2845+3067都得，這個組合會較穩健。

GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

------------------------------------------------

Q20423：

老師，弱弱一問我用富途牛牛投資如果想買收息股佢會點派息？

同埋3738（阜博集團）值得投資有潛質嗎？
thanks

龔成老師：

當你買入某股後，就要睇翻該股有無息派，以及除淨日幾時，這是一個介定有無息收的日子，如果這日或之後先買，就無法收該次的股息。

如果確定你有息後，就會在派息日派息，一般都是現金的，會直入你戶口，除非佢有「以股代息」，你就有權同佢講要股（但可能要你主動提出）。

阜博集團（3738）是較高風險類。

業務是線上視頻內容保護服務供應商，客戶包括七大全球電影公司、電視網絡公司及其他內容擁有者。

過往一直虧損，近年開始有錢賺，業務增長加快，不過，本身的獨特性不是好強，規模未算好大，因此，未見佢有好確定的優勢。

潛力度有的，不過就存有較有不確定性，這類股只適合小注投資。

------------------------------------------------

Q20424：

請教下：
27.4入左1818
7.7入左1448
長線投資，可以？

龔成老師：

招金礦業（1818）不過不失，佢主要從事勘探、開採及銷售黃金。

本身的資源有一定的價值，但盈利始終受國際黃金價格影響，因此本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

股價很大程度與黃金掛勾，由於人類對資源的渴求在長期不會停止，而資源是有限的，所以，長遠都會有上升的潛力，但中短期就會波動。

近期受惠於金價上升，此股升了不少，市盈率去較高水平，唔平。

此股唔係無質素，但只屬中等，不建議持有太多。

福壽園（1448）有質素有發展力。你可長線。

佢係中國最大的殯儀企業，有一定的規模，而針對的是高端市場，服務有一定的質素，擁品牌及知名度，有相當的賺錢能力，財務穩健負債少，因此企業本質不錯。
由於行業處增長的市場，而新競爭者要入行不易，因此對原有企業有利，故福壽園是優質的企業。

佢憑著本身的優勢，能取得比同業更好的回報，而福壽園管理層表明會持續擴展，策略上會透過併購同業及買墓園去擴充。

由於福壽園的模式成功，因此只要投入資金去發展，複製過往的成功，已經能取得理想的再投資回報率，長期來說此股有一定的增長潛力。

不過，由於此股業務好獨特，因此業務情況在年報上或資料上，未必能完全反映，雖然數據及資料上都顯示此股有質素，但往往要時間證實。

至於企當估值方面，市場對此股的評價亦不低，企業經常處略貴水平，$7是合理區頂，不能太過進取，以分注小注投資是一個策略。

管理層的野心很大，投資後不要升少少就快，要耐心持有，等長期更大的收成。

你有貨可持有，無問題，但就不要太急去加注。

------------------------------------------------

Q20425：

老師你好，我今年42歲，現時財政狀況如下：
本人及先生月入：$60000
年尾花紅：$10-12萬
樓按揭：餘12萬（快供完）
現金：45萬

MPF: 70萬，高風險為主
儲蓄保險：8年前實供9萬，現值12萬，擺多10年會收番20萬（唔知應否提早取出？）

自己人壽儲蓄：$6萬/年，尚要比多2年
自己危疾儲蓄：$1萬/年，比多10年
先生人壽儲蓄：$3萬/年，比多5年
股票：只有1000股匯豐，平均約58入，每月月供股票$4000

本人想財富增值，日後早少少退休，想請問：

1. 月供股價應否轉為2800？
2. 儲蓄保險應否提早取出？今年11月可取回12萬
2. 應該如何投資，可令財富穩定增值？

謝謝你的回覆

龔成老師︰

1） 匯控（0005）主要用來收息，增長能力好一般。建議你轉做盈富（2800），增值能力會較好。至於現有持股，由於唔算多，持有住都可以。

2） 其實"保險"只係理財中防守部份，買足夠保障就可以，增值應留比優質資產（如優質股、物業等）去做。但由於你們保單都就供完，甚至已供完，故唔建議去做變動。

3） 現時你成個資產組合中，股票比例明顯太少。建議你用"平穏增長股" + "潛力股"作組合，去創造一個增值平台。分配上，應用"平穏增長股"作為主力，再加一些"潛力股"。

現在你每月5成儲蓄，去做月供，其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、希慎（0014）、太古地產（1972）或潛力股︰中生（1177）、福壽園（1448）、安碩恒生科技（3067）、港交所（0388）、阿里（9988）、騰訊（0700）。

現時大市只是合理區，你現有45萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q20426：

龔sir，你係成功過程中
點樣調整到蝕左錢個心態

有時蝕左錢就好想即刻追返
心急就亂，亂就好易出事

龔成老師：

我持有比亞迪（1211）12年，多年前由十幾二十蚊，見佢上到$88，其後見佢有$88跌近9成，去翻$12！

比亞迪當時已是我最大持股，由賺變蝕！

我的財富當然大幅貶值，我同自己講，過往的無辦法，最重要是將來，理性分析現時應該持有/加注/賣出，在投資世界，理性是最重要。

我上了一課，經歷財富的大起大跌，心理質素大幅提高。

記住，最重要不是睇「賺蝕」，不是睇「買入價」，而是睇質素。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q20427：

男神，我同你報喜
我由2019年12月識你之後
就開始進行月供股票
到目前為止

盈富增值＋16.22%
港鐵增值＋12.18%
中銀增值＋3.47%
金沙增值＋55.16%一手手買
中間有小小炒賣
必瘦站增值＋104.41%
不過中生制藥就－14.85%
都係多謝你先 之前我只會將錢儲定期 一年有1-2萬蚊已經十分開心

而家唔止增值1-2萬蚊
真係好開心

您真係致富明燈
任勞任怨帶領大家財富自由 你真係超級無敵靚仔兼大善人
真心多謝你 ！

龔成老師︰

能夠幫到你，咁就好！

緊記月供係一個長線計劃，月供最少維持3年，並持有這些股票5年以上，才會有較理想效果。

當中會有升有跌，但係正常的。只要持股係有質素，中間股價波動係唔洗理，長線持有就得。

另外，唔好短炒，可能一次半次有賺到錢。但我之前做銀行、證券行咁多年，見證大量客短炒全部最終都係蝕錢，只有長線才能有錢賺。

長遠來說，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q20428：

老師，有個情況想問你意見：

當年我媽退休時（我還未接觸股票），被他人說服用退休金買2628，仲要以高位（大約@33）買入共46手。買入後大跌，她也沒有止蝕（因她也不太懂股票）keep住到而家。

想問一下如何處理？（想幫佢好好咁manage一下佢既退休金）

現在賣出轉其他收息股？等回到某一水平才賣？還是keep住唔賣，就咁收息？謝謝

龔成老師︰

其實已退休人士，應集中係"收息股"身上。用佢產出架穏定現金流（即係股息），去支援退休生活開銷。

中國人壽（2628）近年賺錢能力弱左，質素只算中等（不是無質素）。但佢唔係收息股，唔適合你母親，就算持貨都不應太多。

你可以慢慢沽出（唔係一次過，要分段做），再建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

現時股價只是合理，未到平宜，因此換碼時宜分注。同時，可保留一部份作現金，等大跌市才動用。

最後，你要留意係創建這個收息組合時，唔好太集中係單一股票上。相同行業不可佔組合多於3成，而單一企業不要高過15%，否則會有過度集中風險。

------------------------------------------------

Q20429：

龔sir，想問平有教我們供股票既意思是否定期一手一手禁買入跟晤同既股價追上?

因為我之前入咗隻莎莎國際1.2 入的～ 這股都用供股形式去分段投資合理價嗎？

因為我之前以為供股個意思係張啲股票同一口價落三成本金跟住借七成 畀你股24個月禁供

這樣是否誤會咗你嘅意思

龔成老師：

我所講的是「月供股票」，要先同銀行登記，簡單來說，就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

如果你不想用上述月供，用「自行分注」都得，例如每1、2個月買入一手。

莎莎（0178）都有質素的，相信最差時期已過，你都可以久唔久入一注，但最近升左上去，又唔值得買入得太密，同時未必值得持有得太過多。你原有貨不持有，但就加注未必要加得太急。

------------------------------------------------

Q20430：

請問6837可以入貨嗎？之前d潛力股都未返到買入價。謝謝你

龔成老師：

海通證券（6837）業務有：證券及期貨經紀、資產管理、自營交易、投資銀行、直接投資、管理本部及其他分部、融資租賃、海外經營分部。

業務主要地是中國，近年的生意不算差，但增長力唔算強，同時盈利略有波動，始終行業都會受投資市場上落因素影響。

現價合理，但你預佢都會有波動風險，長線投資價值都有但不是高增長類。

------------------------------------------------

Q20431：

Hello,想問0175 同3993 前景如何

龔成老師︰

吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。這不單有利佢有中國發展，同時長遠，可能加快了海外發展速度。

現時價位在合理區頂，甚至有少少貴，股價波動，有貨可長線。最好回少少，或這刻小注等跌再加。

洛陽鉬業（3993）並不是完無質素，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我地好需要，用過往的數據去分析，同時判斷往後的經營環境，如果過往數據變化太大，會較較分析。

另外，這股的股價較為波動，這股不是不能投資，但不建議大注。

------------------------------------------------

Q20432：

龔成老師你好！ 睇你專頁都有一段長時間，晌上年開始我入市以下股票：

0003-2100股 平均價$13.14
388-8股 平均價$382.65 （之前月供，上到$500後停供）
823-631股 平均價$65.94
1177-3000股 平均價 $9.4
2628-2000股 平均價 $16.42
3328-5000股 平均價 $4.75
8328-4000股 平均價$5.22

每月我大概可儲$14000，當中有$7000月供領展。
2628同3328 ，我打算升番d就平手或賺少少離場。 到時大概有5萬，再加我手上餘錢，合共8萬左右。

我有諗過以下想法，想問下老師的意見？

1/ 8328最近升左好多，請問值得高追1-2手嗎？
2/我睇中1789及3718，請問老師對此兩隻股票意見？
3/ 0003 現價好平，值得現在加注嗎？

謝謝老師

龔成老師︰

1） 信義儲電（8328）都有質素，但盈利上好波動，不宜持有太多，唔建議加注。

2） 愛康醫療（1789），以長遠業務分析，正面的。佢以「愛康」品牌從事設計、開發、生產及銷售骨科植入物，並專注於髖關節及膝關節置換植入物。

睇翻佢的資料，佢的產品包括用於初次手術的骨關節植入物，以及為置換、修復或升級前次手術的植入物或部件的翻修手術而專門設計的骨關節植入物。都是有前景的業務。

這股業務不差，有增長潛力，盈利增長，這反映企業有實際的價值提升。不過，這股經常處於少少貴的水平。現時市盈率達40倍以上，投資時要考慮價格風險。

北控城市資源（3718）有質素的。佢主要在中國從事環境衛生服務；危險廢物處理業務；以及廢棄電器及電子產品處理業務。

環境衛生服務方面，佢的服務涵蓋綜合道路清潔、垃圾分類、垃圾收運、垃圾轉運站管理、公廁管理、糞便收運、綠道養護、河道保潔服務。

同時自2019年起開始，佢有係北京的若干商住區域提供物業管理服務。

過往財務數據不差，有一定的增長力，有長線投資價值。現價大約合理區頂位，不建議這刻太大注。

3） 煤氣（0003）現價係合理區中間，加小注可以。但緊記，個別企業唔好佔組合15%以上，否則會有過度集中風險。

另外，投資記住係用長線持有模式，讓優質股自然咁增值，而唔係做短炒。

現有持股中，中國人壽（2628）質素較中等，不宜持有太多。你可以將部份換至其他優質股，咁會較好。

而交行（3328）主要係收息，若你係年青至中年，由於佢無乜增長力，都唔適合你。

------------------------------------------------

Q20433：

龔成老師您好，本人是來自澳門的一位80後的家庭主婦。最近開始閱讀你的作品，希望從中可以學習到投資的知識，期望你不久的將來可以過來澳門開班。

目前有小小問題想請教一下你，本人大約在6年前自以爲懂投資的情況下，購買了以下股票，購買了之後就一直跌到現在

本人想放售然後入小米，但還是想聽聽龔成老師意見，應該繼續持有，還是怎樣，感謝你的解答

751--10,000股 （成本價$6.6）

1060--60,000股（成本價 $2.78）

1816--20,000股（成本價 $4.5）

龔成老師︰

創維集團（0751）從事電機、智能系統技術業務、智能電器業務等，中國及海外都有市場。

近年增長力唔算強，生意未見有擴展力，盈利有點波動，整體的品牌價值及銷售網絡，未算好強。長遠發展力只是一般。你預佢增長力唔算強，長遠算是不過不失。

如果佢只係佔你組合小部份，持有都可以。

阿里影業（1060），炒作較多，風險高。這企業到現時仍未有盈利，市場只憑佢前景去評估，其實這會有相當的風險，這類股最多只能小注。

中廣核電力（1816）主要從事發電及電力銷售，以及核電項目及非核清潔能源項目的建設、運營及管理。

佢主要於中國從事核能發電業務，包括運營及管理核電站、銷售電力、管理及監督核電站的工程建設，以及向工程公司提供相關技術及維修服務。

這企業發展平穩，但增長力不強，收息可以，但就唔好對股價有太大期望。

現時小米（1810）都有點貴，想換碼入貨，等佢回1成先會較好。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q20434：

希望龔sir可以審視一下我既理財妝況

背景： 26歲，未計雙糧花紅月入20k ，月儲12k,其中7k月供股票，現金儲4-5k

現時現金大約11萬，投資組合現值約32萬

現時月供 2800 - $2000
066. - $2000
788. - $1500
1177. -$1500
手持股票：
2800。2400@$27.3
066。 1100 @$44.2
788. 9750 @ $1.35
1177. 408 @ $7.3
178. 6000@ $2.21
1211. 204 @. $44
1212. 3000@ $8.24
1257. 3000@ $3.45
1928. 800@ $27.83
1972. 1200@ $21
2388. 1020@ $28.2

（1）. 股票組合係咪偏向平穩而唔夠進取？

（2）增持1212會唔會好過增持178？

（3）長遠來說，放走178/2388而換其他增長力較高既股票，得益會唔會更大？

（4）如果公司私有化，對股票持有人會有損失？

（5）. 新經濟股佔比係咪太少？現價太貴而不敢入市

（6） 我將家用交俾家母時，原來她一直都會將一少部分儲起，再若干年後（大約15-20年）送贈給我，
但問題係現金已經不斷貶值，如果我說服家母儲起既現金慢慢入手黃金會唔會更加好？

再次祝福龔sir工作順利！！

龔成老師︰

1） 以你年紀，平穏增長股和潛力股比例，大約各佔一半。所以，你月供配置，係可以。但持股比例，就偏保守。

2） 利福國際（1212）和莎莎（0178）其實都差唔多，大家都受經濟週期和疫情影響。但利福國際（1212）負債較多，風險高少少。

3） 莎莎（0178）都有質素，但近年係弱左，不過不是無質素，只要不過多貨就得。而中銀香港（2388）係有質素，可長線持有。

4） 要睇翻佢私有化個收購價，如果比你買入價低，會有財務上損失。同時，由於你不在持股，你將失去佢升值的得益。

5） 以你年紀計，係偏少，潛力股和平穏增長股各佔一半左右，會較理想。

現時部份新經濟股，有輕微過熱架情況。要若直接入，最好等回翻先好入市，或者用月供去儲貨都可以。

6） 黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以投資黃金，但不用佔財富比例太多（<3%），而且持有的應該為實金。其餘最好投放在優質股，增值效果會較理想。

------------------------------------------------

Q20435：

龔sir～ 我係一個大學生最近先開始玩股票～ 依家手持01810 06993 03800

暫時感覺都唔錯 都問下有機會突破嗎？ 同埋都買左 01076 00438 想問下呢兩隻股既睇法～

因為都偏冷門小小，麻煩你

龔成老師︰

我唔知佢中短期會唔會有突破，但只要股票係優質，長線持有佢就會自然增長。

小米（1810）係優質潛力股，可長線持有。

藍月亮（6993）有質素，畢竟係新股，有一定不確定性，唔好持有太多。

保利協鑫能源（3800）質素只是一般。佢主要為光伏行業製造多晶硅及硅片；銷售電力；開發、投資、管理及營運光伏項目。

市場炒緊佢前景，但當中存有不確定性，股價大上大落，佢的確可能會大升，但同樣可以大跌，無得估，這炒作不少，現時值博率不算高，小小注好了。

博華太平洋（1076）主要從事博彩及度假村業務，包括發展北馬里亞納群島聯邦塞班島綜合度假村。

集團生意一直下跌，連年持續虧損。而且，2018和19年核數師意見出現有小問題。

整體而言，此股無投資價值，賣出較好。

彩虹新能源（0438）主要從事太陽能光伏產業業務；生產和銷售發光材料和鋰電池正極材料；太陽能電池元件及其他配件交易。

此股盈利波動，賺錢能力唔高。加上佢負債係一個唔理想架水平，長線我建議你換碼至其他優質股較好。

你在選股能力和經驗上，都未算太理想。我建議你先學好選股和定平貴知識，再慢慢去投資。就算想現在投資，也先集中係一些大路股票，會較穏陣。

你可以睇我寫架"80後百萬富翁"、"財務自由行"和"股票勝經"，會幫助到你。

------------------------------------------------

Q20436：

啊Sir想請問一下我今年37歲。以下組合可以如何優化？太多銀行股同時蝕緊錢。
應止蝕轉其他潛力股嗎？

1. 煤氣x1,000@$16.94
2. 匯豐x400@$76.05
3. 港交所x200@$279.4
4. 騰訊x200@$463.4
5. 領置x200@$59.5
6. 中生製藥x4,000@$8.58
7. 比亞迪x500@$69.8
8. 小米x800@$25.3
9, 舜宇x200@$126.1
10. 中銀香港x500@$26.55
11. 雅生活x250@$37.5
12. 中國銀行x10,000@$4.72
13. 阿里巴巴x100@$176

龔成老師︰

你上述持有的，基本上都是有質素的，問題不算大。而你37歲，可以在當中作一些調整。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時的年齡，應以增值為主。匯豐（0005）、中行（3988）只係收息，無乜增長力，唔適合持有太多。

其餘股票都適合，但你潛力股佔比重佔好高。佢地有增長潛力，但同時波動性都好高，所以最多只可以佔你組合4成左右。未來新資金，可以優先投資平穏增長股，令組合更平衡。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

另外，潛力股可考慮安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q20437：

老師，我媽取25萬給我幫佢投資，我既諗法係用最低成本幫佢買入高息股以賺取股息，我睇了以下兩隻：

00808（50手）及03988 （50手），你覺得可以嗎？
謝謝

龔成老師：

上述兩隻都是有質素的股票，收息無問題，現價合理，可投資。

其實，持有2股有少少集中，你可以建立一個收息股的組合，目標是5%、6%的股息率的收息股，可以考慮加入以下股票（在當中選股）：

例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

------------------------------------------------

Q20438：

老師，想問下你意見，（大概18歲時曾經問過風水師，佢話美容行業唔岩我）

賭場我已經做左十幾年，一直無起色，職場上明爭暗鬥令我很累，加上自身性格問題，做得唔開心就轉工

但以家開始年紀大，唔想捱夜，如果35歲先試學做美容，咩都從新頭開始，係咪太遲。

加上美容店都請勞工（有經驗），而我就無經驗，條路好似好難行。

龔成老師：

我從來不信命運，我只會信我自己。

如果你真心想試，就大膽去做，你這年齡仍是可改變的時期，你試完，如果唔得，都可以轉去賭場。

好多野我都唔試，永遠唔知結果的！

你美容從頭開始雖然有點遲，但如果方向正確，過5年後、10年後，仍可以有一翻作為，加油！

------------------------------------------------

Q20439：

老師，當我見我個倉每日跌2%，個心又不安了，究竟要點樣先可以培養到好嘅心態？

龔成老師：

我持有隻比亞迪（1211）已經有12年，試過由$88跌到$12，跌左9成！之後先慢慢上翻。

你要集中分析「企業長遠的價值」，唔好太理會中短期股價，同時，唔好集中一隻股，要建立「組合」。

記住，「企業」是重點，短期股價不是，要平常心，同埋唔短期股價波動，最好練唔好日日睇股價。

------------------------------------------------

Q20440：

老師，我想問中國生物製藥現價算合理嗎？

另外，騰訊的主要收入來自網絡遊戲，風險會否因此比阿里巴巴高？騰訊現時價格是否太高？

希望㰍sir能抽空解答。謝謝！

龔成老師：

中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。

佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。

但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。

就這刻來說，這股可以一直持有，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。

現價合理區中上部，有貨可持有，分注或月供可以，這股可以長線持有的。

騰訊（0700）與阿里（9988）都有質素的，都可以長線投資，月供適合。騰訊雖然網絡遊戲佔了一定的比重收入，但佢最有價值的，就是「平台」，這亦是現世代好有發展的資產。

我地分析企業時，要思考那些是核心的企業價值。

佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。

過往的業績十分理想，又身處高增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。

現價略貴，如投資要明白當中的風險，這刻在注碼上不過份大注，就可以投資這股。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。