#bfmurmur238 真心長文 (已經簡略左好多) 其實我只想搵人講下，但我已經唔想再同我既兄弟朋友講，我唸佢地只會屌我，話我On9，皆因我仲係好掛住佢。我前度係4個半月前同我分手。我同佢係玩勁舞團識既，我唸好多80s, 90s 都唔會對呢個game好陌生。同佢識左1個月左右就一齊左，拍左4個月拖我就去左外國讀書。我去之前有唸過分手，有嘗試講過，但最後都唔捨得。咁就同佢long D左3年幾 (2013-2016)，頭1年其間每日都會SKYPE，訓果陣都唔會熄SKYPE。呢3年幾發生左好多野，其實係第2年，佢話要分手，原因係我太耐唔係香港，再加上佢生日發生左件事，成為左導火線，再加上佢話無哂新鮮感無哂激情。我有不斷咁哄番佢，因為佢已經成為左我生活既一部份，慚愧D講句，呢次分手我每日食到半碗飯已經好叻，每訓一個鐘就紮醒，每日發既夢就係同佢係番埋一齊，就咁樣過左3個月，一考完試，我第一時間就飛番香港搵佢。又係不斷咁搵佢，最終1個月後我地又一齊番。係今年既8月中佢再次同我講分手，呢次分手，我無咁痛可能已經麻木左，但我都仲係想同佢一齊番，所以我都有不斷咁哄佢。直至9月中，佢話佢已經有男朋友啦，我果刻真係有D暈暈地既感覺。唸左幾日，其實我又有D開心，因為有人可以照顧到佢，而唔係好似我咁，又要拋低佢去外國。佢份人做野實在太唔顧後果，如果個男仔係成熟既，唔係玩玩下，係真係可以照顧到佢，我會為我EX感到開心，所以我同佢講左句 “祝你地幸福” 就再無搵過佢，但而家既我唔可以睇住佢隔離個男朋友唔係我，所以我只可以遠處祝福佢。我以為我已經逐D逐D放低佢，所以開始左另一段感情，但反而同左新既一齊，勾番起我同EX既舊野，搞到我情緒愈來愈down，亦都對新果個好唔公平，所以我同女朋友傾左陣，佢都明白我。我唔係搵佢做水泡，因為我想開一段新既感情既時候，唔係為左掩蓋舊果段既傷芭，而係再次接納新既人，但我只可以講我未係時候可以咁樣做。近排聖誕同除夕，我份外掛住佢，唉。 -- #hkig #hkcouple #hkgirl #hkboy #hk #couple #girlfriend #boyfriend #murmur #hkiger