【龔成問答信箱】（Q22101-22120）

Q22101：

龔sir 我今日做左進階班功課 有d問題想下，我用左莎莎既年報去計財務比率

1）我計到既ROE 分別係-26.4同-31.1, 但係你比的價值網同bochk 係-23.5 同-24.9，點解會有d分別呢？

2）EBITDA 利潤率 其實我唔係好識搵個EBITDA出黎 自己跟住年報計除息除稅除折舊後 都計唔到價值網 顯示既-3.85同-3.67億(價值網顯示2020年係正數

我諗應該係負數先岩？）個EBITDA利潤率 價值網 係-12.7同6.41，而bochk係 4. 06同5.47, 想請教下可唔可示範一下點計？

3）存貨週轉日數 我計到160，呢個數字同價值網差唔多，但bochk係106, 又係想請教下邊個數字先岩？

4) 關於杜邦分析法

2020年: 1.97 x 1.75 x - 9.02% ＝-31.1
2021年: 1.89 x 1.21 x - 11.5% ＝-26.3

ROE 2年都負數 不過2021負得冇得多 2021年純利率差左 不過財務槓桿 同總資產週轉率個數細左 所以負少左

我就唔係好明 總資產週轉率 應該愈大愈好 但係假設2021年都係1.75 (instead of 1.21) 咁計出黎個ROE負得仲勁 咁咪調返轉應該係愈細會愈好？請指教一下

龔成老師︰

1) 我相信係你和其他網站，係計個"發行股數"和"股東權益"出現分別。

因為每個網站的公式都不同的，就算發行股數都不同，計年頭？年尾？平均？加權平均？通常我睇財經網站，都唔會太著重d細數字，你了解大方向就得，同埋，不同財經網站的數據，一定會有d誤差，正常的。

2) 至於EBITDA利潤率，你可以參考BOC個數字。你可以用佢年報中"經營虧損"，再加翻"按性質分類之開支"中的折舊部份(2021年年報P.177)。但會有少少差別，可能係提取數據或匯價問題，影響不大。

價值網部份，都係用類似計法。但2021年數據，可能系公式不同，其實，一般網站在計算EBITDA時，都計左「使用權資產折舊」，但這並不是真正的折舊，所以數據的參考價值會低左。

其實較精準方法，我建議係用EBIT - 折舊，但這個折舊，應該排除左"使用權資產折舊"的數字，咁會更準確。2020和2021年EBITDA，應該為-7.6%和-10%。

2020年︰(-5.53 + 1.17) / 57.17 = 7.6%
2021年︰(-3.91 + 0.87) / 30.43 = 10%

3) 如果用我教法，拿年初和年末平均數計，答案係160。至於點解BOC會有分別，因為佢係計算存貨時，唔係用年初和年末平均數去計，所以有落差。

你照用160，咁就可以。

4) 你這個杜邦分析計算，係正確。你睇翻個3組數字﹐你會發現中間組數(營業額/總資產)，係變動最大。

你就會發現，企業這2年面對問題，係銷售數字出左最大問題，有明顯轉差情況。

之後，我地再睇翻客觀環境。由於這2年有社運和疫情影響，令到營業額受損，係正常。這些都係中短期因素，因此我地係分析企業質素時，唔洗過度在意。

至於你話總資產週轉率愈大，個ROE就會負得愈多，係正常。因為現時佢生意少左好多，但好多固定成本，好似舖租、人工等，唔係話停就停到。

佢現時基本上，每件貨品都係蝕住做。但當這些不利因素過去，營業額回復正常，有更多銷售單位去攤分這些固定成本時，就會令佢轉虧為盈。

這時候，每賣一件貨都係賺錢，自然會係總資產週轉率愈大愈好。

------------------------------------------------

Q22102：

你好 龔sir本人持倉如下：

778 @$10.3 x 5000
823 @$71 x 1500
941 @$83 x 500
968 @$13 x 8000

1177 @$4.5 x 12000
1928 @$41 x 2400
6823 @$10.5 x 10000

另月供5隻各$1000, 現值16萬多

3,285,823,1177,1299

本人50歲 月入33K 還有十年退休，想法是退休時將所有股票轉成有5厘息以上的收息股 作生活補貼

1) 這個組合有沒有問題？

2) 因為未來還有10年穩定收入 這組合是否過於保守？

謝謝 祝生活安康

龔成老師︰

1) 你持有和月供股票，都係有質素。但由於你50歲，係一個要為退休開始準備的年紀。

因此，你要將組合中的股票，慢慢轉成較保守組合。按年紀增長，慢慢加大收息股比重。目標係10年後退休時，組合100%係收息。

現有持股，暫時可以不用改變。但月供組合中，中生(1177)和比亞迪電子(0285)都係潛力股，風險對你而言，用點高，唔建議用佢地作為月供組合。

你可以將這2隻股票，換成為收息股，會較適合你現時的年齡配置。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

還有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

另外，你要留意一下，你組合持股的佔組合比例。個別企業和行業，不要佔組合15%和30%以上，否則會有過度集中性風險。

你現時部份股票，係超過這個標準。但由於都係有質素股票，故不用沽出。用未來新資金，去慢慢拉平衡翻個比例，咁就可以。

現時大市只在合理區，每月月供之餘﹐緊記都要留少少現金，用來等大跌市出現時，可以去掃平貨。

2) 你大致上跟我所講的方法，去進行配置，增長力度就會配合到你年紀所需。

我假設投資回報有10%（連股息再投資），你每月投資$5000 + 55萬持股，10年後大約會增值至250萬。

你再將佢換成6%收息股，大約每月就會有1.25萬的現金流。你可以以此作為參考，調整自己投資計劃。

------------------------------------------------

Q22103：

我正在研究電動車和自動駕駛，有什麼介紹

對這個行業未來的看法

龔成老師︰

電動車方面，我自己一直較看好比亞迪（1211），係佢的電動車。

首先，電動車有環保的概念，這點令政府會加以幫助，而市民亦會支持，但其實，電動車真正的價值並非在環保，而是慳錢，用電比起用油平得多，因此只要各種配套都完善，車主沒有理由不選擇電動車。

只要有金錢利益推動，人們的習慣將輕易改變，在70年代的石油問題，完全改變了美國人使用汽車的習慣，由一向追求大汽車的習慣，轉變到鐘情於小排量慳油的日本車，令日本車大舉入侵市場，當其他車廠發覺時已經太遲，最終成就日本車霸主的地位。

雖然將來的油價難以估計，但到經濟好景，各國都大量用油的情況下，石油需求大增，電動車的優勢亦愈來愈明顯。

另外，比亞迪在中國發展電動車，可說是佔盡地利因素，因發展電動車必需要有完善的配套，政府的支持十分重要，另外，若政府肯帶頭使用對推廣很有幫助，現時比亞迪的電動巴士已經行走在中國多地的公路上，由公共交通開始發展，可見政府對電動車是正面及支持的，然而，中國政府在支持電動車背後亦有個重要因素，就是石油。

中國並非產油大國，未來的石油供應難以滿足中國的汽車需求，而發展電動車就成為辦法，同時中國在西藏擁有不少能生產電池的鋰資源，若能用電動車取代傳統燃油車，中國對石油的依賴可減少，對別國的依賴能減少，從整個國家發展的戰略角度分析，中國發展電動車的誘因並不少。

同時，中國是政府主導的國家，要建立配套及支持業界，比資本主義國家更容易（在西方國家，石油業的既得利益者並不希望見到電動車的出現）。

投資中國的企業有一個要點，就是順從中央的方向，這不是指個別一兩個政策，而是一個大方向，因這會對企業的長遠發展有重大的影響。

比亞迪在新能源汽車方面，經過幾年的發展開始有起色，混能車銷情理想，而電動大巴在政府支持下銷量亦理想，而部分歐洲國家亦開始試行比亞迪的電動大巴（這是有利的指標，因歐洲的標準甚高的），雖然只屬起步，但情況不錯。

現時比亞迪的新能源汽車遍佈全球6大洲、多個國家和地區，其中包括美國、德國、 英國、日本等主流汽車強國市場。

所以，我睇好這企業的電動車，但並不是一兩年就見到收成。

至於自駕技術，見集團都一直有同科技企業合作，相信發展上都係正面。

但這股經常都處略貴水平，大約去翻$135先算合理，如果真的好想買入，現價小注月供好了。始終現價投資風險高，回翻先考慮正式買入。

或者，你可留意下中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

此股現價合理區頂至略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

------------------------------------------------

Q22104：

老師你好！岩岩開始睇你既書，好似展開左我人生新既一頁，原來一直以來既理財觀念（淨係識得放錢係銀行儲）係好old school同好無效率。依家將你一本本書慢慢睇，希望可以快啲財務自由啦

小妹25歲，月入4萬，家用一萬，用一萬（下個月開始想用少啲儲多啲)，儲兩萬。

黎緊應該會同男友買樓，想買約7-800萬既樓，有首期，希望可以快啲供完，唔想負咁耐債，其實睇完書真係好唔想供樓，覺得要借錢再負咁耐債呢件事好矛盾，更無奈樓價愈黎愈唔合理，但又想有個安樂窩

1。儲蓄約15萬；需要再拎錢出黎投資嗎？

2。美股：少量voo

3。睇完老師你講既野，想試下月供股票
你覺得我每月供
$5000 （2800）平穩增長股
$5000 （3067）潛力股
如何？

4。如果二人都用呢個組合投資，可以加快供完層樓嗎（男友都係月入4萬）
希望你可以比啲意見我，謝謝呀！

龔成老師：

你現時25歲，係累積財富的黃金時期，你要好好把握，盡你一切的力量去儲蓄、投資、學投資知識。

你盡快加儲蓄到每月$2萬，是正確的。

1）你表示「有首期」，是否已另外預左一筆足夠的資金，去準備買樓，我假設你已準備好，餘下的$15萬就可以投資/等投資，不過，我會較建議你等完成買樓過程，先開始投資。

另外，現時低息環境，其實唔需要太急去還錢，你照正常速度去還錢就得，資金可以用作增值。

2）VOO可長線持有。

3）可以，這兩隻都是不差的選擇，但現時好睇你會幾時買樓，而決定投資多少，留現金多少。

4）你概念上不用想著「想盡快供完層樓」，你只要照正常速度去供樓就得。每月保持進行財富增值，照上述月供模式進行，就得。

------------------------------------------------

Q22105：

你好龔成老師, 首先感謝你的無私分享，令我有希望可以有天財務自由。

先跟你分享我的現況

工作方面：我今天25歲，月收入13K，上年原本收入18K，但因為轉行由低做起，希望將來可以收入更穩定，所以即使收入下降仍堅持轉行。

我亦有PT工作，大概月入3K。而今年9月我打算花約80K讀PT PGDE，預計2年後畢業後起薪點可以升至30K。

儲存方面：我答應自己每月要儲14K，預期3年後有500K。

資產方面：我現有資產350K，當中股票佔6成，3成是銀行定期，其餘是流通現金。股票比例:

1) 316, 買入價119, 股數419
2) 823, 買入價62.76, 股數131
3) 1177, 買入價7.73, 股數1414
4) 2388, 買入價24.4, 股數1447
5) 2800, 買入價26.37, 股數2301
6) 3067, 買入價17.6, 股數692
7) 3988, 買入價3.07, 股數3252

目標：我期望3年後可以儲到一百萬，與男朋友夾份置業再結婚。

1) 請問老師認為我的方法適當嗎? 有更快達到目標的方法嗎?

2) 請問老師認為我的股票比例恰當嗎? 有需要更集中投資/賣走哪隻股票嗎? 我暫時只有穩定地月供1177及3067各約$2000。謝謝你

龔成老師：

1）現時的股票與現金比例，適合的，持有的股票都是有質素的股，但你25歲，其實未必適合持有收息股，因此，中行（3988）這類收息股，就未必是最好的選擇。

至於大方向，基本上無問題的，但由於你轉左工，收入減少，你要睇下自己能否做到每月儲$14000的目標，如果可以做到，相信3年資產達至$100萬，可以的。

2）比例基本無問題，由於你3年後要資金，因此不能太過進取，你預潛力股與平穩增長，各佔一半就可以，潛力股不能太多，反而當你買完樓後，資金可以更長線投資，到時可以再增加翻潛力股的比例。

------------------------------------------------

Q22106：

Hi老師，最接近神的男人
因2年前無意中係fb識到你

另外，知道你聽過好多 多謝你的人留言，
我都一樣
我都好想多謝老師！同埋多謝我自己！

我有間居屋 供緊， 在職媽媽
小朋友x2 有一個工人姐姐
以前就算好慳好慳，
都儲得好小錢！

人工唔高 只是普通文職 ，
但我2年內竟然都儲到多達十萬以上！
都係你帶來的正能量影響

除左正職外，亦多層面地搵到額外收入（如投資，網上填問卷，任務/網店/etc....）
真係好多 原來增加收入來源係好重要
，
而我也揾到真正搵錢方法 好開心）
為了令自己收入更大，我偷時間去投資自己身上！去學習不同知識！
賺取更多額外收入！
多謝你無私奉獻

龔成老師：

哈哈，太誇張了，其實我做的事不是好誇張，我原本都是好普通的人，只是我比一般人更加努力，希望你都要明白，好多事情你都能做到的。

見到你有正面的影響就太好了，你最重要是保持進步，無論知識，以及財富。

你現時的方向正確，同時，你應該思考一些長遠增加收入的方法，例如自己在現時職位上的發揮，有無進步的空間，長遠的事業發展怎樣。在自己的能力上，以子職業上，都要從長遠角度出發，加油！

------------------------------------------------

Q22107：

你好，有些投資問題想求你指教

我月入3萬，太太月入7萬，有兩個3歲小朋友。我有層自住樓，貸款金額仲有500萬，每月供$18000左右。因為我人工唔夠借，所以太太是我擔保人。

另外，我太太和她的家人有層已供完聯名物業市值720萬，但她家人住緊。

現在，我哋想喺太太和家人的聯名物業按揭貸款，之後買入的士（的士牌連新車約$550萬）收租作投資，但我們現金儲蓄得50萬其餘就按揭借回來，你認為可行嘛？

以我的背景會唔會好大風險？還是作其他投資好呢？

謝謝你的賜教

龔成老師︰

我相信你年紀都唔係太大，應該係年青至中年人士的階段。

在這個年紀，其實借貸比例高少少，都係可以。你預總負債，最多可以去到總資產7成。從負債風險角度，只要你做到7成以內，風險水平都係可以接受。

所以，你要計一計數，所有負債，比起所有資產的市值計算。如果超過7成，就是開始高風險。

但你要留意，的士牌過往是增值類別，而家已偏向收息類別(增值都仍有，但不算多)。

本質上，的是牌可以不斷有租金收入，而這個租金都會按貨幣系統的向上，而不斷向上的，但行業近年出現了叫車程式等新的競爭模式，對佢點都有影響。

所以，在長遠計，佢的增長能力只是中等，視為收息類的資產會比較好。

以你們年青至中年年紀，我比較建議集中係一些較有增長力資產，例如一些有增長力的優質股。

投資的士牌唔係唔得，但佢增長力唔會好強，財富增值效果，現時未必有優質股咁好。

------------------------------------------------

Q22108：

龔成，你好啊！好緊張，希望你會答我呢個投資初哥問題

我目前有HKD80,000資金專門預留作為投資用途，宜家30歲，希望係2022年2月前投資而賺到HKD160,000;請問有咩嘢建議？

我之前有月供股票買盈富同CLP,都有小量投資美股，只限tesla, ARK及台積電。

Thanks!!!!

龔成老師︰

我地做財富增值，一般希望做到架合理回報，係每年增長10-15%。你現時這個目標(1年升倍)，用股票投資去做，風險會好大，較難達到。

而且，1年係一個好短架時間，就算再優質股票，都要時間升值。1年太短，好易會有股價波動風險，令最終回報不確定性好高。

如果你無其他增值方法，建議你按部就班，透過月供去買入優質股，去為自已資產作增值。

你過往投資股票，都係有質素，用來增值係可以。但以你30歲年紀，應以增值為主。中電(0002)增長力不高，未必太適合你。

建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

另外，我建議你加強每月儲蓄，這是重要的。

------------------------------------------------

Q22109：

你好呀, 老師, 我今年29, 有以下兩件事情想各你請教:

1. 想與姐姐置業 兩人月入共7萬 流動資金約有100 萬, 本住青衣區, 想買樓齡不超過20 年的, 正考慮藍澄灣, 同埋想問2人自住, 建議入手呎價為多少

（實用面積為500呎會過大負擔嗎？ 想做9成按揭，另想問下老師你覺得此區樓宇有升值潛力嗎？ 由於是第一次置業，想先請教老師有何建議?

2. 另外，因父母抽到居屋，費用為200多萬， 父母正考慮做多少成按揭，如一次過付款，流動資金便所剩無幾，但做按揭又要俾利息，所以想請教老師

建議按幾成才合適呢？

謝謝你的解答!

龔成老師︰

1) 青衣區內大型屋苑唔算好多，成個區潛力度只算中等。但東大嶼計劃落實的話，有機會刺激到這區樓價上升。

藍澄灣質素算中等，佢距離港鐵站較遠，係一個扣分地方，但整體算係可以。

但你這個作為自住樓，我建議較從你自身需要作出發點，去作出考量。你要諗這間屋，係唔係適合你長遠需要，講緊係未來5-20年。

呎吋方面，只要唔好太細(少於300呎)，符合到你生活要求，咁就可以。另外，我地自住樓一定要堅守一個大原則，就係長線要"供得起"。如果可以的話，置業係無問題。

2) 現時貸款息口在低位，無論係你和你父母，我都建議盡量做高成數貸款，去空出更多資金，做財富增值。

如果你父母本身好怕風險，就將按揭成數調低，但其實在財富運用上，高成數會較好的。但要留意，你自己買物業時，高成數按要比按保，你要平衡翻。

雖然高成數按揭表面上，係要比多左利息，但我地要從機會成本做考慮。你利用低息貸款，空出來資金進行投資增值(投資優質股)，去爭取更大回報，相信長線財富增值效果會更理想。

同時，你父母都可以因此留下更多資金，以備不時之需。

------------------------------------------------

Q22110：

Hi 呀Sir你同唔同意1211黎緊要加強品牌宣傳，佢銷量好似唔夠多，我明白佢有技術，但始終作為買家都想要多人識既牌子咁。

比如比亞迪做公交車，人地買左會唔會覺得自己個檔次低左

龔成老師︰

其實比亞迪(1211)品牌，的確有改善空間，特別係在國際市場。

但由於佢有技術，這方面係佢主要勢所在，品牌雖然唔算好強，但無損其投資價值。

而且，集團將來未必只係集中係出售新能車，可以會慢慢加大電池和新能車相關技術銷售。故零售品牌的強弱，未必對佢影響十分大。

其實，比亞迪其中一個往後的發展，就是「賣電池」，即是同不同的車企合作，而這方面的發展，自己的品牌，未必是核心。

------------------------------------------------

Q22111：

龔成老師，你好！距離上次請教問題，原來已經有1年7個月，最估唔到既係呢段時間自己既資產價值升左有65%(105->175)。主要係將過去持有既現金部分轉左去股票+每月部分剩餘資金作月供

所以出現左較大既升值。

一、打算準備置業，而因為我目前有接近6成既資產都係股票，因此若要置業就需要放左一D股票，目前股票（買入價，未扣除過往收息）如下：

完美醫療[email protected]，24000股
騰訊700@408，400股
銀河[email protected]，1000股
盈富基金[email protected]，6910（月供緊10000）
中生製藥[email protected]，10000股
小米[email protected]，3000股
建設銀行[email protected]，10000股
阿里巴巴9988@176，100股
港鐵[email protected]，1449股(月供緊3000）
閱文[email protected]，406股

我有考慮既係因完美醫療同騰訊升幅較大，再接觸到較平宜價較難，所以計劃：

1.先放左升值潛力無咁大：如建設銀行、閱文集團；

2.現時買入價與成本價相距較近：港鐵、阿里巴巴、小米

3.再考慮剩餘（優先考慮銀娛，及部分盈富基金）的股票。

你覺得呢個安排會唔會較好？

二、由2019年11月開始月供到而家，見盈富基金佔現時比例較大，想降到3000/月，因為澳門月供股票成本較貴，50hkd/隻/月，

唔想月供分得太散，想10000就分別5000福壽園，5000港鐵。會唔會都可以？但若果成功置業，到時候可能只月供到3000-5000。

三、最近睇完你本《80後千萬富翁》，好有感觸，特別係我對現時份工完全感受唔到滿足感，甚至厭倦，現時一有時間就會睇報表，樓宇相關資訊，

目標向住有基本財務自由後辭職。感謝你本書再俾我動力去向股票，樓宇，老闆方向發展。

龔成老師︰

一) 你的策略，有部份需要修正。

我地考慮持有邊D股票，要從佢是否適合你、組合平衡性和現價平貴(而唔係睇買入價與成本價的差距)，去作出考量。

你還未到30歲，建行(0939)這類收息股，唔適合你。閱文集團（0772）確定性較高，可以減持少少。

完美醫療(1830)現價偏貴，加上佢佔你組合比重較高，我都建議你沽出部份。

至於餘下股票，持有價值差不多。若你有需要進一步套現，你可以按比例去每隻沽少少。

二) 你這個調整，都可以。暫時你就用你新的調整，去繼續進行月供。到你置業後，才按需要減少月供供款，就可以。

三) 本書能幫到你就好，記住要做好財富增值，唔係短時間可以做到的事。要保持學習、維持現有投資習慣，你自然會一步步走向財務自由。

------------------------------------------------

Q22112：

你好！ 家父將於4年後退休，佢想我幫佢用1百萬做投資，希望長期收息亦可有小許本金增長。

80% 穩定收息
303 vtech 15%
778 置富 15%
1310 香港寬頻 12%
941 中國移動 12%
2638 港燈 15%
2800 盈富 11%

20% 增長股票
1810 小米 7%
981 中芯 3%
823 領展 5%
066 港鐵 5%

請問以上可以嗎？定比例或股票有些轉換會更好？
Thanks！

龔成老師︰

由於你父親，尚有4年就退休，投資上應要較保守。

你現時持股和配置，大致上都可以。但盈富(2800)唔係收息股，佢派息平均只有2-3%，但有穏定增長力，可持有。

另外，中芯(0981)和小米(1810)雖有質素，但波動性較大，不宜持有太多，故不要再加注。

現時大市只在合理區，資金唔好盡用。最好留有部份，一方面，可以等大跌市出現時，用來掃貨。另一方面，你父親都應該留有一定現金，以備不時之需。

------------------------------------------------

Q22113：

龔成老師你好，我想請教下你，我已經賣左我既單位，宜家手頭上現金有130萬，我和先生的入息加埋有6萬，我地想買返樓

但係樓齡新少少已經去到700萬，供唔起，我地打算租住先但係又驚上唔返車，請問我地點做會好d？

龔成老師︰

若現時財政，不足以直接承擔心目中的理想單位，你有2個方法。

你可以先購買一個較細單位，之後放租去「以租養樓」或自住。另一邊，就用優質股繼續增大個資金，之後才用較高成數去買大屋，令自己可以供得起。

這樣做，可以有平倉樓市的效果。你們資產，相對受樓價波動的影響，就會較細。當你地將來再換物業，會較有預算。

另一個方法，就係直接用優質股去增值。現時以租金回報率計，股市值博率會較高，潛在回報都會較大。

但由於佢同樓市，唔係有直接關聯。若長線樓市升幅跑嬴股市，變相反而令你置業成本上升左，得不償失。

你要自己衡量下，邊個方法會較適合你。

------------------------------------------------

Q22114：

本人49歲，丈夫51歲，一子將升中學。夫婦兩月入約15萬。在何文田擁有一物業，以丈夫名下持有，仍欠銀行180萬。

我與丈夫現共有公積金約700萬。現金260萬，定期200萬，基金保險200萬。我自己有9手滙豐股票、1手工商，1手港交所。

丈夫常想多買一層樓，因現單位不夠住，想多買一間三房單位，何文田單位出租。但我想以我們的年紀，再重新供一間樓是儍事嗎？

最近見大埔一大屋苑800呎單位，售950萬，26年樓齡，可考慮嗎？

龔成老師︰

其實，每個人都有自住需要，一個適合家庭長線生活的物業，係需要的。你用現時方法，買入一間3房，再將現有物業放租，係可行。

你現時有一定的現金，只要利用作首期，餘下部分現金，你每月供款，我相信可以應付，但的確，每月支出會增加左，你要計好數。

而你現有物業按揭$180萬，將其放租，我相信每月都有基本的正現金流，可以幫少少你每月供樓部分。

另外，如果日後能善用公積金，無論作為部分還款，又或投資一些能產生現金流的工具，都能有助你供樓的。

但當你再買入一個物業時候，你成個財富組合，就會偏晒係物業類，出現過度集中性風險。故你在買入新物業後，長遠來說，加大翻優質股的投入﹐去令財富組合回復平衡。

另外，你現時持有股票，都係有質素。但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時明顯，係偏重左係銀行股，未來要加大其他行業股票佔比，去平衡翻個組合。

以下是一些適合你的股票，現價都在合理區，可分注入貨。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

現時大市只在合理區，資金唔好盡用。要留有部份，等大跌市出現時，可以用來掃貨。

------------------------------------------------

Q22115：

龔sir，我是你的學生，想就爸媽的情況請問你意見：

爸媽是退休公務員，60歲，有長俸(每人每月約$15,000)。他們持有一個單位，市值約$1,000萬。下年中他們將搬來跟我一起住，請問他們應該：

(1) 將樓放租，租金大概$20,000/月，每月$2,000管理費；或

(2) 將樓放賣，將部份所得資金(大概$700萬)換入保守投資股票組合，希望有4-5%年回報，換取現金流。

請問那個方案較適合他們的情況？如是(2)，請問除了港燈般的公用股，還有那些是最穩健的收息股？因為就算領展置富這些近年都比較波動，謝謝

龔成老師︰

你父母由於會跟你同住，所以無自住樓需要，其實用分法1和2去處理，都係可以。

若你父母透過長俸和租金收入，已經足以應付基本生活支出，我會建議一動不如一靜，用方法1就可以。

相反，若現時長俸金額和他們生活開支，係有一段距離，你就可以考慮用方法2。

另外，你可以考慮將層樓加按，套現部份資金，去買收息股(最好係方法1，不足夠支付生活才用)。

但由於借貸始終有一定風險，唔好按太多，大約2成左右好了。同時你要明白，這樣會令你父母負債增加，風險會增加。

另外，如果你投資的股票不幸股價下跌，你就會出現「賺息蝕價」，對你不利。

同時間，如果日後加息，又或你收息股的派息減少，都會令你得到的息差回報收窄，你的回報會減少。

你要從實際情況和風險中，取一個平衡的方法。

以下是一些有質素的收息股，給你作參考。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

領展(0823)都可以考慮，但因為佢都有一定增長力，所以股息率未必太高，你要留意這點。

我較建議方法（1）。

------------------------------------------------

Q22116：

我想請教，以收息股為例

我既3號仔，早前收左利息，我係咪應該將息做investment ，Otherwise 就achieve 唔到個compound effect ?謝謝你

龔成老師︰

其實複息效應，係分2部份。第一部份，係企業賺到錢，攞去再投資在業務上，創造更多盈利。

另一部份，就係你所講的派息。這部份，就要投資者，將這筆資金去再投資，去創造更多財富。

但如果你持有股數不多，收到股息可能較少，不足以買1手股票。你可以將這些股息先儲起，到有一定數量，目標股票價值又合理，就可以出手。

------------------------------------------------

Q22117：

龔成老師: 現時持股組合中，有1928金沙 $33.9買入，但擔憂政治風險影響續牌，以至可能帶來毀滅性打擊，

眼見880 澳博股價下跌不少，值博率上升，請問是否換馬較好?

龔成老師︰

金沙(1928)無論在賺錢能力、規模、物業質素和協同性等等，都係優於澳博(0880)。

現價計，雖然澳博值博率係較高。但長線計，金沙(1928)增長相信會較好，我比較建議用金沙，作為長線投資目標。

至於澳門賭牌問題，我係課堂上，都有課程的同學們分享過。簡單而言，佢成功續牌機會，會係較大。

------------------------------------------------

Q22118：

龔sir, 有事想請教你意見。我將會離職，公積金約有40萬可選擇取回或者繼續存放於景順，目前都係放高風險的100%環球股票基金。

僱主供款30萬幾（我唔洗供），而家收益9萬幾。

請問我應該選擇取回所有現金再作其他投資？（扣取放回MPF的錢之後應該還有28萬左右可以取回）還是應該先繼續放，等個市好啲再取出？（佢五年內再隨時取回）, 先謝

龔成老師︰

首先，你按翻人生財富配置就得，睇翻自己年齡情況，是否適合說基金的風險度。

另外，你可以睇翻隻基金表現和目標，去做決定。

例如投資的資產類別、投資策略、風險程度、市場、費用成本、以及過往的表現。

你可以睇佢過往5-10年，如果回報係比主要投資市場高，有機會值得繼續放在公積金戶口投資。

------------------------------------------------

Q22119：

老師，請問你有沒有覺得最近市況有點過熱，大市市值有點偏高？

我留意到HSI的市值已高達17倍，比以前一般10-12高出不少，另外一流的公司市值升很多不在話下，但連不少質素很好的2線公司都有2-3倍的升幅，

例如中國軟件，中遠海控，這情況令我擔心市場正在開始形成泡沫。

針對這種情況，我繼續保留質素很好的公司，但我應該把手上投資組合中質素一般的股票賣出，換成現金還是換成較好質素的股票比較好？

現在我有1百萬股票，1百萬現金，我希望5年後能夠增值成1千萬，跟隨老師你的步伐，請問我怎樣做才可以達成目標。感謝你的時間和思考，如果上面寫得不夠清楚，請見諒。

另外一提，在我只有十萬時看百萬富豪，給予我希望及目標，最終我得到百萬，果然意念成就事實。

現在，我正在看千萬富豪這本書，給予我新的目標，而且我已經不會再覺得是希望，而是信念，必定能做到的信念。

感謝你，這些都是因為老師影響到我。

我現在是創業，會計師樓老闆之一，算是正在做創富類的工作吧。

我想變得更好。

龔成老師︰

先恭喜你，達成首個理財目標，成為百萬富翁。

由於近期恆指加入不少新成份股，令到PE合理區，都作出相應調整。你預13倍左右，算係合理區底部。

中國軟件國際(0354)和中遠海控（1919）係貴，但整體大市依然算係合理區，暫時唔見有好明顯泡沫。

你持有優質的股票，應長線持有。但較一般的股票，若持有比重較多，可以考慮換碼至其他優質股

其實，我地投資股票，就等同投資一間企業。係要時間，比佢慢慢成長。一般希望做到架合理回報，係每年增長10-15%。

你現時這個目標，用5年將財富由200萬，增值至1000萬，用股票投資去做，風險會好大，較難達到。

其實，正如《80後千萬富翁》書中所講，要致富其實有5條路，投資只係其中之一。

而生意，都係其中一個出路。一盤生意打理得好，回報係可以遠超投資優質股，所以你想達至你的1000萬目標，可以先從自己盤生意著手。

若再用空閒資金，才用來投資優質股和物業，令財富組合更平衡，咁就可以。

如果你這筆100萬資金，係已經諗住預留去投資優質股。你可以先儲起，因為現時大市只在合理區，你可以等有明顯回調時，才用來慢慢分注入貨。

------------------------------------------------

Q22120：

老師，不知不覺就過左2年多没有message你, 其間我有睇你書及留意你facebook

亦成為我這幾年的鼓勵，現在有些問題想請教你意見, 我同男友想在明年初結婚, 我們都打算未來幾年內移民, 我們打算未來1-2年生BB,

我男友想買樓, 他會用大部份積蓄, 但我反而叫他租樓住, 因為咁様，cash flow會較多, 而且怕幾年後樓價會跌, 放樓也不容易, 一買一賣涉及很多費用, 又要用錢装修

我們這個情況, 你會有甚麼建議? 贊成我男友買樓嗎？還是盡量租樓, 留多d cash係手?

因政局常變, 而買樓有3年禁售期, 因為我才建議男友租樓, 但他不喜歡租, 只想買, 你意見如何? 這刻可怎樣為將來同移民打算?

龔成老師︰

過幾年樓市升跌，無人知。從自住角度，若你係有實際生活需要，而有"供得起"，置業都係可以。因為除了優質股，物業都係一種資產，都係可以幫到你累積財富。

較理想的情況，就係在置業同時，可以留有一定優質股係手，保持增值。令成個財富組合，唔會過於遍重物業，因而造成過度集中性風險。

但其實，你距離移民只有幾年時間,如果移民時，你可能不會保留任何香港資產，我就建議你地租屋會較好。

加上一買一賣的成本高，同時無人知樓市到時是高是低。

因為本身樓市有一定波動性，加上装修和買賣成本都高，還有額外印花稅等問題。為幾年生活，而去置業，未必真係值得。

你反而用移民前的幾年時間，將資金投資一些優質股，去幫你移民前做些增值，相信會較好。

而你男友想買樓，我估有機會係從投資角度出發。但其實現時樓市算略貴，整體租金回報率不高。投資值博率計，會係股市會較高。若他真的有從投資角度考慮，你可以提一提他這一點。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#labebe #bebedang #韓國米餅

看到這張熟悉的照片就知道
樂比比米餅補貨團來囉😁

團購網址：https://gbf.tw/hkpy7

⏰團購期間：2021/8/9（一）~8/15（日）23:59pm

距上一次開團已經過了半年
抱歉讓大家久等啦～

因為已經開團很多次
相信一開始有跟過團的媽媽們
小孩也都長大了不少吧
像🍑已經3歲半
米餅這類口味比較清淡的零嘴已經滿足不了他了
我雖然還是不讓他吃巧克力
但有時為了得到片刻的寧靜
會讓他吃水果軟糖
但市售的軟糖大多甜度都不低
有些還會添加香料和色素
所以總覺得水果軟糖是不健康的食品
但愈是不健康的東西小孩愈是愛吃
一旦讓他們嚐到甜頭就很難回頭了😭

這次的米餅補貨團讓我很開心的是多了
⭐️『a.o.a天然水果軟糖』可供選擇
<建議3歲以上的寶貝食用>
嚴選台灣在地水果
✅天然-100%純果汁
✅安心-無色素、無香料、無防腐劑
✅健康-降低熱量、甜度
✅衛生-獨立包裝、方便衛生
✅美味-天然水果原味、口感柔軟Q彈
有罐裝和袋裝可供選擇
還有幸福禮盒包裝（3罐入口味固定）
送禮自用兩相宜喔😉

本團的新產品還有
⭐️『澳洲GOBBLE果寶有機葡萄乾』
<建議18個月以上的寶貝食用>
不只葡萄乾本身是有機的
連使用的果油和葵花油都是澳洲本地種植的有機油
一包裡面有10小盒
含豐富礦物質、鐵鈣元素、甜味天然
高膳食纖維、低熱量
對大人小孩來說都是營養滿分的好零嘴喔👍🏻

-

📍這次一樣有老面孔👇🏻
🔹韓國bebedang米餅米棒棒米圈圈
完全無添加物無防腐劑
還強調不含納且無經過油炸
是為將米糕進行蓬鬆製成的大米餅
由於極易溶解於唾液中
所以即使還沒有長牙的Baby也能夠很容易進食和吸收
建議滿6個月的寶寶就可以食用了

（有些媽媽會問我如果寶寶未滿6個月可以吃嗎？我覺得可以先讓他們少量舔食看看，但要注意小孩本身是不是敏感體質，因為怕太小會有過敏的可能喔。）

我試吃的感想是雖然味道很淡
但有大米的香氣（像口味較淡的米香）
有些口味還有加入果汁或蔬菜粉
是很健康天然的零嘴
有客人還特地會買給家裡的狗寶貝吃

🔹Lusol 夾心海苔
使用最有名的西海岸舒川海苔進行製造
經過四次烘乾、完全零油炸
富含豐富的纖維、礦物質、胡蘿蔔素及維生素

烤糙米和芝麻的味道比較清淡，所以我會給🍑吃
我自己則比較喜歡起司和椰子口味的
有時候嘴饞想吃點什麼，卻又怕胖的時候
吃這款零嘴的罪惡感會比較低
只是它真的太好吃了
真的需要很強大的自制力才能不一次就吃完一整包😅

🔹Mirai Fruits寶寶健康水果果乾
採用最新『冷凍真空乾燥技術＝冷凍+真空+乾燥』
讓水果中原有的水分抽離
卻又可保留水果本身的營養
使用100%的水果製成，不含任何添加劑以及糖
只有天然的甜味，維生素C含量豐富
大人小孩都能吃
Mirai Fruits有草莓/蘋果/鳳梨/橘子/哈密瓜/香蕉口味

當然水果還建議吃新鮮的最天然實惠
但新鮮水果保存期限畢竟比較短
而且大部分都需要花時間處理
果乾的好處就是容易保存且攜帶方便
吃起來也較乾淨不掉汁
如果你的小孩不喜歡吃柔軟多汁的水果
也可以讓他吃吃看天然果乾
我的經驗是小孩通常都比較愛吃有嚼勁的食物啦

🔹 bebedang寶寶優酪球
都是運用零下負40度的低溫乾燥技術製成
每份都含有至少4億的活的乳酸菌
不使用果粉或濃縮果汁
而是將5mm的水果切片放入優酪球裡面
每份都含有高達47.76%的新鮮水果
酸酸甜甜的真的很好吃👍🏻
有草莓/蘋果/藍莓/香蕉/原味口味可選

它的缺點就是大人一不小心就會吃完一整包
忘了要留幾口給小孩了😅

🔹ILDONG 藜麥小饅頭/捲心酥/夾心餅乾
藜麥是一種穀類，由於其蛋白質含量高
同時也含有人體所必需的八種必需胺基酸
其營養價值能說是直逼傳統蛋白質食物
像是豆類與肉類
且其膳食纖維含量又比一般穀物更高

ILDONG的藜麥系列均添加藜麥與維他命D、鐵
無添加香精、人工色素、防腐劑
滿7個月以上的寶寶就可食用

-
大家都知道樂比比最有名的就是進口韓國食品
除了寶寶健康食品
也有很多適合大人們的美味飲品和方便料理的調理包喔
🔹韓國樂天必買 X 蜂蜜膠囊飲品
【꽃샘】 是有40 多年經驗的韓國食品品牌，其中又以蜂蜜系列柚子茶 、 葡萄柚茶、紅棗茶和檸檬茶最受歡迎。有別於傳統蜂蜜柚子茶大罐透明玻璃瓶的包裝，一定得放在陰涼處或是冰箱冷藏保存，攜帶上也很不容易，再不然就是放在冰箱放著放著忘記了最後進了垃圾桶裡。膠囊包裝不但攜帶方便，比例也很好調配， 一顆膠囊約可沖泡300ml，甜味天然，來自蜂蜜香甜，不論是熱飲，還是加冷塊，都很好喝👍🏻

🔹［丹特］玉米鬚茶飲
這牌算是玉米鬚茶裡最有名的吧，它真的是很紅，我在日本時也會買來喝，玉米鬚茶有消水腫和利尿的功效，另外還有牛蒡茶飲可選喔。

🔹韓國Dongwon年糕拉麵、辣炒年糕、冷麵
每份的份量都很多喔
尤其是年糕拉麵
千萬別挑戰一個人吃完
不然您會～～～～～超級無敵飽

最後還有Dr.Piel雙層過濾省水蓮蓬頭的耗材可供補貨喔

👉🏻 https://gbf.tw/hkpy7

✿付　款　方　式✿
ATM轉帳：提交訂單後，系統會提供訂單專屬的『虛擬帳號』，依訂單金額轉入『虛擬帳號』即可完成付款
信用卡付款：提交訂單後，系統將自動帶到刷卡頁面，填入刷卡相關資訊即可完成付款
貨到付款：貨到付款需酌收30元手續費。

✿寄　送　服　務✿
完成訂單後 5-8個工作日內完成出貨。
"現貨商品" 完成訂單後 5-8個工作日內完成出貨。

"預貨商品" 完成訂單後 10-14個工作日內完成出貨。
※　若訂單內有現貨+預購商品，會等到預購商品到貨後再一同出貨唷。
※　本島滿1500元免運費，未滿運費100元。

✿服　務　窗　口✿
✔️樂比比客服Line ID：@labebe
✔️客服時間: 週一至週五9:15-18:00 (例假日休息)
✔️客服電話： 02-2532-0008

✿重　要　提　醒✿
📌食品＂現貨＂數量有限，選擇虛擬帳號匯款日保留1天(從下單日起算)，超過時間未匯款的粉絲數量就會釋放出去~建議大家可以使用刷卡付款，簡單方便又快速唷^^
📌原本加入購物車時還有商品，不過結帳時發現商品不見了，代表商品已被搶購完畢，因為系統是以結帳順序為優先的唷^^
📌下方選購商品輕點圖片都能放大看得更清楚

【龔成問答信箱】（Q21781-Q21800）

Q21781：

龔sir, 我係你舊生，有關於現金流嘅問題想請教，我偶爾聽到你評論一些公司現金流強，請問現金流強、普通、弱有什麼指標?謝謝你百忙抽空回答

龔成老師：

投資者會分析企業的現金流量表，在年報可以找到的，當中會分為「經營活動」、「投資活動」、「融資活動」3部分，而我地會集中分析經營活動部分。

如果企業的經營活動現金流保持強勁，反映企業憑做生意，持續保到理想現金流，除了反映業務不差外，企業得到大量現金，無論發展，又或派息，都是有利因素。

你預保持年年正數，就是現金流強或普通，而當中的數字大，就是強勁。當然，我地仍有好多因素分析，例如現金流量表的各項目，盈利的情況等。

------------------------------------------------

Q21782：

龔老師你好丫，我係你嘅忠粉，我有問題想請教你的‍

我現時28歲，剛上車一年，地點係粉嶺聯和墟帝庭軒，買入價係550萬。

想問下黎緊幾年個區樓價升幅大唔大？因為我見附近又有新盤開賣。

我想過幾年轉返出沙田或荃灣的地方住。所以先上車再換樓，咁樣做岩唔岩丫

龔成老師：

坦白講，粉嶺聯和墟始終離市區有距離，就算去翻地鐵粉嶺站，都要坐小巴或行一段時間，長遠的升值潛力不算大。

當然，聯和墟有點似一個小鎮，如果工作地點不是市區，從本身的生活配套上，其實不算差，因此不是劣質。

你擁有一個物業，都算是處於「物業追物業」的狀態，不過選擇物業就不是最好類別，但都不是差。現時你物業，可持有的，到你日後，可轉翻出去沙田或荃灣，無論自住定長遠升值能力都會較好。

------------------------------------------------

Q21783：

龔老師你好。我今年已32歲，一直都沒有理財概念，只係被動地儲錢（即係用剩先儲，但我唔買名牌嘅）。

上年好不幸地被裁員，剛剛搵到工，但人工只剛剛夠食住行+俾屋企人藥錢（年頭驗到有事），差唔多無剩。而我亦只是個文員仔，唔望會加人工，就算搵新工都唔會加到好多。

我嘅人生好似入左個死胡同咁，晚晚臨瞓時都眼濕濕，唔知未來點算。

目前儲蓄只有20萬，深明擺係銀行只有慢慢眨值，想請問有什麼資產增值的方法？

龔成老師︰

現時大環境唔係咁理想，就業市場，以至人工收入受到影響，係正常，唔好諗得太負面。大環境我地係改變唔到，但個人心態係可以改變。

你先要了解自己未來工作發展目標，講緊係長線，10年以上。

再睇翻，現時工作，可唔可以幫你達成目標。如果唔得，那這份工作，純粹只過渡性。你就要工作之餘，努力為你目標工作做準備。

學習相門知識、上相關課程、或者做有關兼職。目標係當市道轉好時，這些經驗可以增加你成功就職理想工作的勝算。

至於財富增值方面，你要一改以往金錢觀念。想做到理想財富增值效果，每月我地係先要儲起一筆錢投資，到真係有錢剩，才作休閒消費，概念是跟你以往係倒轉。

我建議你有時間的話，可以找些增加收入方法，例如兼職、網上小生意等，目的係每月可以開始空出一定資金，作投資增值。

以你32歲，可以選擇一些「平穩增值股」+「潛力股」作投資目標。

到你每月可儲到錢時，你可以每月先用一半儲蓄做月供股票，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

至於20萬，我建議你扣起半年開支和屋企人藥錢。有剩的一半，你可以分注買入上述股票，餘下同樣等大跌市機會。

------------------------------------------------

Q21784：

龔sir你好，我今年年初開始接觸到你呢個Facebook page，好有啟發，慢慢開始改正我投資觀念，仲一次過買左你幾本書希望增加投資知識。

有兩個問題想請教你：

1）未認識你呢個網之前只係靠屋企人一d介紹買入一d股票，所以唔識睇“平貴”同優質程度去揀同買，宜家手上股票組合需要慢慢調整，

其中手上持有696呢隻股票，而且係組合入面都佔左幾多（大概20萬入面嘅5萬）。我睇過你嘅書知道呢隻股票有佢嘅獨特性，但我當時2-3年前嘅平均買入為$21-22，

宜家佢股價一路都上唔返去。我因為某d原因暫時唔可以再投入額外新資金去買股票，可以動用黎買嘅現金只有萬五左右。如果我得戶口入面個二十萬黎增值財富，

咁我應該繼續放係度繼續等待定先賣出部份黎增加現金同買其他股票增值？

2）另外，你係書度提過可以留意係生活之中自己喜歡嘅野同埋身邊嘅潮流黎發掘潛力/優質股。最近香港人都係度談論Viutv/mirror/error，

我都係一份子。請問龔sir點睇電盈前景？我睇過佢地係電視業務之前都仲蝕錢，但已經慢慢開始有改善，如果佢地咁嘅走勢，

會唔會有潛力突破到一直以來嘅“穩定”？
先謝謝你！

龔成老師︰

1) 中國民航信息網絡（0696）係資訊服務及網絡管理解決方案商，目標市場為中國航空客運及旅遊行業。

例如電子旅遊分銷系統、機場旅客處理系統等，過往業務穩定，有長線投資價值，不過不是高增長類。

你買入價有少少貴，但又唔係好貴，可以守。若你係年青至中年人士，這股適合，照持有就可以。但由於佢佔你組合較重比例(個股應維持少於組合15%)，我建議你都部份，換至其他優質股，咁會較好。

記住，我地投資股票，就等同你投資緊一間企業，一盤生意。你必需了解佢業務、賺錢能力、行業發展、財務狀況等，才去做決定。

如果你而一刻投資經驗較淺，不懂定平貴。你可以用分注或者月供模式去儲貨，去平衡買貴貨架風險。

現時大市只在合理區，你餘下5萬蚊就先儲起，等大跌市才出手。

2) 生活選股法，係其中一個選股模式。因為這些企業和你生活息息相關，所以你較易了解佢當中營運模式和優勢。

但這只是初級，之後我地就要進一步審視佢本質、行業未來發展、財務狀況等等，才可以決定，是否一間值得投資的企業。

電盈（0008）雖然業務算穩定，但由於負債較多，都有一定風險。

VIU TV最近的確發展不錯，但當你再仔細分析佢年報。你會發現媒體部份，其實佔佢收入比重不高。

因此，就算佢有較理想發展，當整個集團盈利幫助，唔會好大。

這股作為收息股，可以，但增長力不強，若你較年輕，就不宜持有太多。同時負債多有風險，不建議大手投資。現價合理的。

雖然這隻算不上係優質股，但你這個思考模式係正確。只要你再努力學習更具體的投資知識，和累積經驗，相信你長線會有唔錯成績。

------------------------------------------------

Q21785：

龔成老師你好，一家準備移民到英國生活，賣出香港物業後可預計套現800萬。

準備到當地買一層$200~300樓自住，其餘想投資賺取生活費，因為未必會在當地工作，所以需要現金流。

請問：用50%~70%資金買英國樓收租，其餘買收息股好唔好？

如果買收息股，應該係買英國股？還是買港股比較好？

因為對英國股票唔熟悉，只有留意港股，阿sir有無英國收息股推薦？

我見阿sir話個組合要平衡，同一股不能太多，咁一般收息組合應該買幾多隻股票？

(好難搵到太多唔同行業又有6%以上既收息股）例如3988 1398 939 都係銀行業

多謝阿sir解答

龔成老師︰

買入自住物業後，用50%~70%資金買英國樓收租，其餘買收息股架策略，係可以。

但你投資英國樓時，緊記只可以投資一些真正了解的項目，堅守「不認識就不投資」的原則。

確保自已真的已了解當地的物業市場、租務市場、法例、經濟發展。而物業有潛力，租金回報率又理想，咁就可以。

另外，唔好用晒全數資金去投資，要保留一部份現金在手，大約半年開支左右(你可自己按情況調整)，以備不時之需。

至於收息股，其實你買美股、英股、港股都係無問題。你只要睇翻你自己的認識程度、交易成本、稅務成本等，去做決定就可以。

我自己主力研究港股，所以比你建議，都會集中係港股。由於現市大市只係合理區，有不少優質收息股，都無6%咁高。

但我地唔會知，未段一段時間，佢地會唔會回到6%以上。所以，我地只可以策略性地，因應平貴，係現階段先入小注入貨。每有回調，再慢慢加注。

但正如你所講，係配置股票組合時，唔好太集中某行業，以免出現過度集中性風險。相同行業不可佔組合多於30%，而單一企業不要高過15%。

特別要留意係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

收息股︰港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

最後，你要留意英國係收取股息時，係會抽稅。係計算你實際現金流時，你注意這點，以免高估左實際股息回報。詳細計算方法，建議你上官方網頁，或者向當地稅務顧問查詢。

------------------------------------------------

Q21786：

你好，龔成老師，我今年34歲，獨女，屋企供滿左層居屋市值大概480萬，月入4萬，之前因為種種原因幾乎沒有儲蓄。現時有5萬現金，MPF 30萬，

黎緊每月可以儲1.5萬

1. 希望可以55歲退休，想之後每月有最少2萬現金流，請問我應該可以點步署？

2. 屋企人曾經提出以現有單位再買私樓，但居屋原來不能再按，所以唯一方法就係賣出現有單位再另外買私樓，請問長遠計係咪私樓會保值啲？

老師有冇建議我可以點做？點樣安排會好啲？
多謝龔成老師

龔成老師︰

1) 如果你希望55歲退休時，每月有2萬蚊現金流，以股息率6%計，你需要本金400萬。

你可以用「平穏增長股」 + 「潛力股」的組合，去累積這筆資金。現在你每月先用5成儲蓄，即$7500做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

2) 居屋雖然投資價值，一般都遜於私樓，但好處係投入資金較少。可以用空出資金，作其他投資之用。

由於你這間是自住屋，是否配合你長線生活需要，會比佢保值能力更重要。除非你現時自住樓，真係好唔理想，配合唔倒你長線生活要求。否則，我唔建議你沽出。

若你想投資物業，你可以先用優質股增值，到一定金額才買物業投資。

------------------------------------------------

Q21787：

早晨龔sir,我除左月供apple外，頌可以月供咩股票可以做到五年連本賺200萬，月供資金有1萬蚊其實有無咁既機會？

現持有9988兩手、823四手、6618兩手、966三手、BIDU 8手，Apple 26股、JD京東20股,Qcom 21股 美股都係依兩星期內先入手

現持有股票還可行？

龔成老師：

你月供apple，可以，佢有質素，無論持術、發展、品牌、銷售網絡都十分強，是可以長線持有的股票。

佢設計了各種各樣的消費電子設備，如智能手機（iPhone）、（iPad）、智慧手錶等。

而iPhone占蘋果總收入的大部分。另外，蘋果亦為客戶提供各種服務，亦是一些延伸的賺錢模式，如蘋果音樂、iCloud、蘋果電視、蘋果支付等。

由於已經發展得好大，因此，最高速增長期已過，之後會進入穩定的增長期。長遠的投資價值仍在，但要留意股價。近年大部分時間在合理區中上部至略貴的水平，如投資要分注，長線。

至於其他股，都可以持有，基本上都是有質素的。

不過，你較多比例集中在科網類別，這會出現集中風險，你要注意翻。

要5年$200萬，$10000月供，仍未足夠的，你要提高金額同時供其他股。另外，每月仍要儲到基本現金，等機會。

選股無問題，但最好平衡翻個組合。同時，在買入時，要慢慢分注，不要一次過買入太過。要同時留現金。

------------------------------------------------

Q21788：

Sir,其實到水桶3楷段買收息股，基本上長期收息，不會常常買出買入，應該選優質的企業的股息越高越好，你常推介的置富和陽光分別5.7%、6.1%

我見3988中國銀行有7.1%更多，反而很少推介是否有問題呢？

龔成老師：

其實最好是建立一個「收息股組合」，因此，幾隻都得，可同時持有。

但我地在分析收息股時，要同時考慮佢業務，因為業務將會影響佢的股價及股息變動，金融業的不確定性以及內銀的風險，比本地的收租企業，前者風險較高。

------------------------------------------------

Q21789：

龔sir。本人48歲，因健康問題已退休，正準備移民往台灣！有幸在半年前朋友介紹而認識你！

購入你的作品，有股票勝經、年報勝經、50穩健收息股、財務自由行及80後百萬富翁！

想請教，我現持有以下股票：

66 有728股 （在IPO時購入一手，持有多年有碎股！）
178 有6000股 （平均價$1.927）
270 有6000股 （平均價$13.773）
435 有1000股 （平均價$3.48）
778 有2000股 （平均價$6.98）

823 有100股 （購入價$69.9）
1398 有1000股 （購入價：$4.94）
1810 有400股 （平均價：$23.35）
2638 有1000股 （平均價：$7.77）
2800 有500股 （購入價$26.62）另開始月供，每月投入$4000

另有3067 有500股（平均價$17.66

我會繼續購入，還有50萬資金！

1.請問龔sir 我是否買得太多問種類股票？

2.需要整合一下嗎？可以如何優化？

3.另我還想購入9988及0285作長線投資！

麻煩你

龔成老師︰

1) 你現時持有種類和數量，算可以。長線計，組合維持10隻左右，會較理想。

2) 從質素上而言，你持股係無問題，可持有。但由於你係退休人士，投資選項時，我地要保守少少。

你應該較集中係「收息股」類別，因為你退休之後係無收入，需要透過「收息股」的現金流，去支援你的生活開支。

因此，你應以「現金流是否充足」作大前題，去考慮你個財富配置。現時你收息股只有陽光(0435)、置富(0778)、工行(1398)和港燈(2638)，唔算太多。

長線計，唔好太集中係幾隻身上，應建立一個平衡的收息組合，包括不同企業和行業，唔好太集中係個別股票。相同行業不可佔組合多於3成，而單一企業不要高過15%。

以下係一些優質收息股，你可以參考下。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

當然，你都可以參考我<50穩健收息股>書中資料。

如果你現有收息股，產出現金流已經係足夠應付你基本生活。你才考慮增持一些「平穏增長股」來增值，好似盈富(2800)、港鐵(0066)、粵海(0270)、領展(0823)、莎莎(0178)等。

否則，「平穏增長股」類持有現貨好了，唔好再加注。

而小米(1810)、安碩恒生科技(3067)這類「潛力股」雖有增長潛力，但波動性太高，唔適合你。現貨可持有，但唔好加注了。

現時大市只在合理區，你可以用多15-20萬，以分注形式入市。餘下的就等大跌市，才用來入貨。

但由於你將會移民台灣，加上你本身身體都有些問題。建議你先預留相關的潛在支出，才開始投資計劃，這樣安排會較為穏當。

3) 阿里(9988)和比亞迪電子(0285)同屬「潛力股」類別，波動性太高，唔建議你投資。

------------------------------------------------

Q21790：

龔成老師你好！本人想請教你有關投資方案 , 本人50歲 , 因市況不景氣, 剛被公司辭退, 待業中 , 家中有兩老需照顧及供養。

本人住公屋, 有積蓄大約25-30萬, 希望老師可以指導如何投資增值, 以維持家庭基本生活.

感激萬分 !! 謝謝 !
本人為基層人士

龔成老師︰

我地做財富增值，係需要因應人生階段、投資經驗、客觀環境等因素，去作出一個配置。

由於你暫時無收入，加上有雙親需要照顧，中短期現金的需求不少。所以我地投資前，先要保障好你生活上無問題，做好防守部份，才考慮進攻。

以你現時情況，我建議你先儲起半年基本開支(包括照顧雙親部份)的應急錢，計好數，真的「閒錢」才開始投資計劃。

你可以用「收息股」作投資目標，雖然佢增長力唔高。但派發的股息，可以為你提供穏定現金流，去減輕生活支出的壓力。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜。因始資金不要用盡，大約先用一半，以分注形式慢慢入貨，餘下等大跌市才動用。

到你將來工作變得穏定，有更多空閒資金可作投資。你就可以加入一些較有增長力的「平穏增長股」，去提升翻個增長力。

但現階段，你應以維持家庭基本生活為主要目標。故先集中係能提供現金流的「收息股」身上，「平穏增長股」就暫時不要考慮。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）

------------------------------------------------

Q21791：

龔Sir，最近我媽媽退休，有一筆$28萬退休金，現想幫她作投資，想請教一下阿Sir

Plan A
$20萬 股票收息股投資
$5萬 作定期或買Ibond
$3萬作後備資金

收息組合
6823 (15%)
1883 (15%)
778 (15%)
6 (15%)
435 (15%)
1038 (10%)
939 (5%)
1373 (5%)
1398 (5%)

Plan B
$25萬，特選客戶優惠
放5年，每年回$6萬，5年後總共得到$30萬
途中如需提出餘下金錢，則不可再累積任何利息，並需收取3%手續費

龔Sir 對兩個計劃有什麼意見？那個較好？

龔成老師︰

整體而言，PLAN A會係較好。

如果想組合更加平衡，可以加入ＧＸ恒生高股息率ETF（3110），同時減少你部分15%幾隻股的比例，去到10%，會較好。

因為你不少選股，都有相同類別的情況，例如相同是電訊，相同是房託，長建（1038）與電能（0006）關連性都高。

PLAN A以收息股作為主力，再加入風險較低的Ibond作平衡。而且，整體回報都明顯較PLAN B為高。

當然，PLAN B都有佢好處，就係回報係更有保證。因為始終收息股都係股票，會有一定不確定存在。

你可以在風險承受能力和回報之間，取個平衡，去決定用邊個計劃。

------------------------------------------------

Q21792：

成哥，我今年一月碩士畢業，過多幾個月就黎25，一d工作經驗都無。因為讀書讀得太多，現在覺得早我兩年出黎做嘢d人好似都好好。

我自己見mt第二輪failed左， 覺得好失敗25歲已經輸俾人地同年齡好多。雖然上左你股票班投資有斬獲，但事業上確是0。

突然覺得自己全部都係0，係社會廢物。好想消失係呢個地球。我應該點算。

龔成老師︰

你現在才事業剛起步，一切由零開始，是正常的。

加上現時市道較差，未必可以短間內找到心儀的工作，但唔好咁快放棄。

同時間，如果未能找到合適工作，都唔代表無野做。你可以做些兼職，有收入之餘，可以獲得工作經驗，如果同你本科有關，咁就更好。

另外，你可以有時間，去借書返來進修其他知識。把握現在空閒，去上些有用課程。

保持個人積極態度，無論對你本身或者見工，都百利而無一害。

另外，我建議你加強一些讀書以外的技巧，例如溝通、領導、處事等。記住，無人生來就是廢物，只是你未找到自己的真正價值而已，加油！

------------------------------------------------

Q21793：

龔sir你好，我睇左你本5年買樓4部曲，想請教你

我27歲，老公30歲。2人月入大約$43000。已問銀行話我同老公收入及職業可買530萬樓下的樓按9成都冇問題。

我同老公睇緊灣仔區樓，我地睇左十幾間樓，有間心水單棟樓，賣445萬，中銀估價430萬，匯豐估400萬。開放式實用207尺，間屋四正，但42年樓。打算用首置按9成收租

樓的詳細：

好處：
間格實用四方，多窗
高層（非頂層）向東，景觀開揚有山有公園望，光猛
落樓30秒即到地鐵站（囍匯旁近合和中心)
旺中帶靜，樓下條街唔嘈（唔係對正大馬路及叮叮路）
裝修企理四正，再油油就ok
冇任何滲水情況
廁所乾濕分隔整齊
平路入大廈唔洗行樓梯級
管理費唔貴，平其他單橦樓$400-$500
外牆及大堂已大維修，來緊換升降機都唔洗業主比錢，大廈有盈餘200萬及政府津貼50萬

唯一唔好處：
42年樓齡，現在可按30年，但將來放好難放。

主要想買樓收租，現在租金下降，但都位置方便都應該放到$11000-12000。感覺間樓幾好，就算老左冇地方住係到住都唔差。

我們目標係400萬/under 400成交，都係我地budget內。灣仔20-40年樓齡較貴，而且有啲太近街市。所以比較心宜這物業，只是擔心樓齡老，但灣仔區的樓都係比較老，我需要擔心之後難放售嗎？

我們仲要睇其他樓，希望發現荀盤。感謝sir解答，謝謝！

現在我們同朋友一齊夾租新界私樓3房單位，兩人租樓支出共6300。如冇意外未來5年都會同朋友一齊住慳錢。

另外因為我未來大約5年後可能會quit現在full time社工的工作，想自己做塔羅諮詢師+part time 社工，所以襯現在工作穩定，想先上車然後遲啲放心追夢。

兩個都第一次買樓，希望將來可換大屋/再買多層。這個上車盤可取嗎？

龔成老師︰

若能做到你預期租金回報$11000-12000，租金回報率，勉強算係可以。

雖然位置係唔錯，但始終係偏舊，相再轉手較難。而且維護成本，可能都唔少。再加上，實用面積太細，連一個基本家庭生活的尺寸(約300尺)，都未到，都係扣分位。

我明白你策略係先細屋，後大屋。但要這策略成功，其中一個重點位，就係個細屋必需有一定增值能力，至少同大市同步。

你現時灣仔這個納米尺寸的單位，能否做到，我較有保留。

如果你未找到合適單位，其實你都可以用優質股，去先做住增值。加上你未來5年住屋問題，都算解決左。

除非你真係找到租金回報率理想、單位又有質素、價格都可以，才出手置業。否則，你唔需要急於一時。

------------------------------------------------

Q21794：

Sir 早晨，我上佐3堂睇埋80後的百萬富翁，開始有d投資既概念，想幫我媽媽買入水桶3既股票，發現佢原來係好多年前開佐個股票戶口，

當中有1102環能國際同埋1150米蘭站，但一直無理到d股票，雖然佢好彩當時都有買到d水桶3既股票，但原來而家呢2隻股票已經供過好次股或者係合股，

佢手上既貨變哂碎股，量唔多既，分別係500股同2000股，但而家賣又賣唔出，可以點做？

同埋我都想問個問題，劣質股係唔係可以跌破0股價或者負數？如果會，甘會點架？股東會唔會被逼補倉架？麻煩哂你

龔成老師︰

首先，持股數量多與少，係唔係碎股唔重要。我地是否持有一隻股票，最重要係睇質素。

環能國際(1102)年年虧損，無投資價值。

加上核數師意見，每年都是「保留意見」，代表盤數有機會有問題，建議盡快沽出。

米蘭站（1150）質素不太好。

佢每年的生意持續下跌，加上年年虧損，投資價值不高，建議沽出。

劣質股係可以跌到個價好細，但唔會跌破$0或者負數，所以唔會有補倉情況。

你所講的補倉，多數是一些槓桿性投資(例如︰用孖展買賣)，才會出現。一般去買正股，係唔會出現咁架情況。

------------------------------------------------

Q21795：

請問9888百度2021Q1業績公佈後最新PE9和預期PE4是怎樣理解？

有時見到靜態市盈率及TTM，又是怎樣。

龔成老師︰

我地一般會成日講的市盈率PE，就係「靜態市盈率」。
[計算︰現時市值，除去最近一年的總純利]

而「市盈率TTM」，係表達現時總市值，相對過去4個季度的純利。[計算︰現時市值，除去最近4個季度總純利]

由於年度數據，只會一年更新一次。故用季度作比對，數據會相對較新，會比較貼近現況。

若「市盈率TTM」比「靜態市盈率」細，你可以理解為，佢近季度盈利能力係有上升。但緊記，我地投資要分析長線和整體，唔好單用這個數字，就下結論。

至於「動態市盈率」，主要係預估本年全年純利。
[計算︰現時市值，除去預測本年度全年總純利。]

由於只係一個預測數字，只宜作參考。

------------------------------------------------

Q21796：

龔老師，你好。本人31歲，月入1萬5。月光族。手上無存款，年供2萬儲蓄，月供1100人壽醫療。卡數負2萬。

無家庭負擔，每月俾3000家用。自己搬出來跟男友同住5年，算普通生活不用負擔。

本身十分在意外表，定期會做facial, 已經維持13年。戶口一有錢就會一筆過買treatment ＆美容針。每月平均有2000在護膚品。

近期開始留意老師專頁，覺得自己真係井地蛙，原來大家都可以咁有錢。希望以後可以開始投資，但無方向，唔知老師有無好介紹。

雖然有睇到有相似個案分享，但大家都有積蓄... 我一無所有，所以好迷茫。原本有2萬5工作，因為疫情辭退之後，只能搵返1萬5，之前試過有輕生想法，覺得自己30歲人好失敗。

想問下開股票戶口？我應該開邊間？本身自己只有匯豐出糧戶口，但朋友分享話citi bank股票戶口比較好？

龔成老師︰

現時礙於大環境欠佳，其實好多事情都未必可以控制得到。但相信長線，疫情會過去，生活與工作都會慢慢重回正軌。現時艱苦，只係一時，唔好氣餒。

而且，有時這些不利的環境，反而可以激發我地的潛能，造就你的成功。

其實，要做財富增值，唔一定係本身好高人工，或者已有一大筆資金，才可以做到好效果。其實只要你每月有一筆閒錢，可以定期做投資增值，已經係可以。

因為你尚算年青，能進行資產增值時間較長，複息效果會較佳。只要你好好把握時間，努力學習正確投資方法，和每月努力儲錢，相信都可以做到不錯效果。

只要你這刻努力，做好理財，定目標，好肯定你過5年後，會比過半同齡人的財富更加多！

投資戶口，你可以係銀行或證券行開都得，只要佢費用合理，又方便你自己，咁就可以。

你現時還很年輕，儲蓄保險這類產品，不建議持有太多。雖然風險較細，但增長力不高，會拖慢你財富增值步伐，你要自己平衡下。

另外，你要想方法，令自己每月能空出一筆資金，作投資增值之用。

你可以考慮做兼職、做網上小生意，去增加收入。同時間，要睇翻日常生活，有無乜野不必要開支，係可以減少。

到你每月都可以空出一筆資金，就可以進行月供股票，去為自己財富增值。

你31歲，建議你用「平穏增長股」 + 「潛力股」的組合。現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q21797：

啊sir ，我是你的忠實讀者。我希望40歲可以做到有被動收入，不至於退休但可以財富增值。

我初學買股票，而因為老師的書。暫時都有小小的回報，大感謝！

但因為手頭上的股票感覺上太多，之前覺得樣樣都會升，就愈買愈多，有d賺有d蝕。

最近想重整一下，希望可以老師指點指點

手頭上月供︰
2800,2823,788

其他嘅就係︰
1997 ($28蚊入)
1928 ($27蚊入)
2845 (平均 $135入)
286 ($41.8入)
522 ($100入)
2388 ($22.5入)
293 (疫情時膽粗粗6.15入)

以上有好大部分都係因為老師嘅分享而有小賺，感謝

另外有一部分就蝕︰
1810 (平均28.5)
0606 (平均 64)

仲有一堆美股︰
APPL, TSLA, NNDM, ARKK, ARKF
美股收息指數
VYM, SPLG

我知道老師集中講港股，可否指點一下迷津，如何重整一下。

感謝

龔成老師︰

你現時股票數量有點多，而且都偏雜亂。長線最好集中翻10隻左右，會較容易管理。

另外，你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

而且，唔好見個市越升，就越買，咁係好危險。因為市況狂熱時，不少股票個價，都會被炒高，你好易會買貴貨。

如果你對點定平貴，唔係太有信心，未來投資可以集中用月供方法，去減少這方面的風險。

港股中，你持股大部份都有質素，可長線持有。

但愛帝宮(0286)質素較一般，長線換至其他優質，相信會較好。

國泰（0293）同樣質素只是一般。其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。你想持有都得，但不宜太多。

至於0606，我估你係打錯股票編號，應該是想說眾安（6060）。佢業務都有發展力的，但業務仍有不確定性。

初步睇，企業有發展力的，不過風險同時存在，因此唔建議太大注投資，這股都可長線持有的。

至於美股，同樣大致上都係有質素。但留意Nano Dimension Ltd (NNDM)，初步睇佢業務都有吸引力，但暫時未做到收支平衡，風險會較高。投資與否，要自己衡量。

而月供方面，你現時組合已經可以。安碩Ａ５０（2823）和盈富(2800)係一籃子優質企業，較有風險分散能力，分配上，用這2隻做重心會較好。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21798：

你好,本人今年40歲, 1家4口, 家庭收入$50,000, 有3層物業 (合共約$2300萬, 己不用供款), 但由於都係細單位, 所以另外租住一間大物業, 暫時收租夠交租同埋夠交小朋友學費。

本人考慮8-10年退休, 想問應如何打算。本人有100萬亞洲債券基金,有約4厘, 另月供約$2萬股票(包括2800, 823, 9988, 388, 2, 1299)

謝謝解答!

龔成老師︰

你現時應透過累積優質資產，去幫自已財富增值。到你退休時，再轉換成收息資產，去創造穏定的現金流，以支援自己的退休生活。

物業都係其中一種優質資產類，除左有升值潛力外，都能提供穏定現金(租金)，所以係合適的。

但我地財富組合除左要有增長力和質素外，平衡性都好重要。你現時資產明顯係偏重於物業類，長線你應加入一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

現時你月供組合的股票，都係有質素和適合你。當中阿里巴巴(9988)和港交所(0388)係潛力股，以你年紀，大約佔組合4成好了，否則風險性會過高。

若你投資經驗較一般，或者承受風險能力較弱，再要將比重下調多少少。

現時大市只在合理區，每月資金唔好盡用。最好留有部份，等大跌市出現時，可以用來掃貨。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些債券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

------------------------------------------------

Q21799：

老師，你覺得綠置居買唔買得過呀？近排鑽石山綠置居有點兒想抽。但投資價值是否比不上居屋？

而且你本書話黃大仙區投資價值不太高

龔成老師︰

綠置居投資價值會稍遜於居屋，但由於佢定價會比居屋低，故都有投資價值。

今次鑽石山綠置居，位置在鑽石山港鐵站附近，交通十分便利，故有一定吸引力。

雖然黃大仙區，本身人口老化，區內人均收入低，較難撐起樓價，故投資價值不高。但若作為自住樓，都有一定價值。因為佢定價較居屋低，能節省一筆資金，可以用作其他投資之用。

因此，只要佢適合你生活需要，而且有供得起，其實買都係可以。

------------------------------------------------

Q21800：

龔sir,我有些關於前途的問題想問，我現年33歲，現職學校合約文員，月薪萬幾，每次續約會多幾百元的升幅，這份工的優點是返工地點近屋企，

而且放工時間準時和放得早，但近日經過思考後我的目標是將來想財務自由，有自住樓，成為全職投資者，那麼我是否應為了得到穩定收入而投考政府文職公務員，

如果想成為全職投資者條路應怎樣走，謝謝老師答覆

龔成老師︰

我地可以透過投資和累積優質資產，去達至財富自由目標。

但大前題係你要有資金，最少每個月都可以有一筆閒錢，可以用作投資增值。

若你已經有個明確目標，係想做到財務自由，而現有工作收入又較難做到，你就時候作出改變，努力去提升自己收入，為財富增值創造基本條件。

到你每月有一定閒錢，就可以開月供優質股，去累積財富。之後，到有一定資金，就可以加入物業類。當資金累積到足夠數量，你就可以換成收息資產，去創造現金流，支援財務自由生活。

而要做到全職投資者，投資對你而言，不單要係興趣，而且更要成為你強項。若你現時對投資無乜了解，你就要先由一個「基本知識投資者」，慢慢開始提升自己。

你要花大量時間，努力去看相關書籍、睇年報聞、睇新、、上課程，去學習如何分析一隻股票。

到你累積到分析50間企業和長期實戰經驗，你就可以變成一個「有實力的投資者」，以算有做全職投資者的基本條件。

但要突破至最高層次的「真正專業投資者」，已經不單是投資知識的問題，因為要突破，就要擁有很強的分析力、很強的眼光、很強的心理質素。這些要更長時去磨鍊，才會做到。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

00:00 開始
00:09 鳴謝各位網友, 我的影片上星期內兩次上了youtube熱爆榜
00:29 價真棧全港九新界分店
00:53 西營盤Pier Bar and Resaturant 平價高級美味抵食西餐廳
01:34 展示價真棧貨真價實廉價產品資訊
01:54 第一必買
02:11 煎蛋神器
04:04 第二必買
04:38 意大利粉冷知識
05:23 第三必買
05:41 第四必買
06:22 第五必買
06:50 第六必買
07:03 第七必買
07:41 第八必買
08:02 第九必買
08:27 第十必買
08:36 點解唔好買太平嘅紅酒
09:08 是咁的環節

灣仔【平價抵買 】食品超市、 家居用品"價真棧", 中環 │灣仔│北角 │銅鑼灣│ │荃灣 │油麻地│九龍城 │九龍灣 │太子│荃灣│大埔│元朗│天水圍│將軍澳 │屯門


#全港最平 #食品超市 #家居用品 #深水埗 #灣仔​ #中環​ #北角​ #天后 #銅鑼灣 #香港仔 #分店 #平價抵買 #筲箕灣 #鰂魚涌 #炮台山 #堅尼地城 #土瓜灣 #旺角 #油麻地​ #九龍城​ #九龍灣​ #紅磡 #慈雲山 #太子 #藍田 #長沙灣 #荃灣 #沙田#大埔 #元朗 #天水圍 #青衣 #將軍澳#屯門​ #價真棧

#全港最平 #食品超市 #家居用品 #深水埗 #灣仔 #中環 #銅鑼灣 #分店 #平價抵買
#油塘 #觀塘 #佐敦 #油麻地 #何文田 #太子 #九龍灣 #九龍城
#天水圍 #荃灣 #粉嶺#上水 #元朗 #馬鞍山 #大埔 #將軍澳#沙田 #屯門 #元朗

Hello大家好, 我叫呀Tsar,

今日為大家介紹一間好平的生活百貨超市

價真棧，上個星期我上載的家興超市、大生生活超市，

連續一星期之內，兩次上了youtube熱爆榜,

對於網友但凡有分享、訂閱、點讚、甚至只留言一個表情符號

我都衷心感激，容許我隔住空氣無以為報、咀返兩咀，

Any肥, 說回價真棧，它在全香港九龍新界總共有34間分店

我會將它的地址放在留言置頂，連同我之前拍過所有平價超市

放在同一位置，好讓你可以容易格價

我又在該店買了些食物，一陣煮給大家看

一邊分享下廚房冷知識，你看我的影片

並非純粹格價那麼簡單，我可以由平民美食説到fine dining

都有好多實用的資訊跟大家分享，

我星期一晚去了西營盤一間餐廳Pier Bar and Restaurant

又好味、又超級抵食，我請客，給少少片段你們看

你們想快些知道的話，留言給我，若想看影片

因為我經常去這間餐廳光顧，好平，

但是那個大廚曾經在多間蘭桂坊餐廳做過總主廚

亦曾在赤柱BoatHouse黃金時代當過總主廚

餐廳物超所值, 有機會我剪條片給大家看看

我拍影片，一向注重怎樣可以用最少錢，

都可以過優質生活, 只要你們每次看我的影片十幾分鐘，

就可以吸收到新知識 , 又有片尾娛樂無窮是咁的環節,

看完影片，記得幫我用whatsapp facebook分享出去，

留個表情符號以示支持，事不宜遲

快看今天的十大必買，Are u ready?

第一必買，韓國三養辣炒雞麵，外面賣$58.9

這個品牌出名超級辣, 江湖傳聞，這個辣炒雞麵，

紅色勁辣無臭，殺人於無影無蹤

我一向都食得辣，所以今次就要來挑戰挑戰

另外，之前我在十元店買了一個心形煎蛋器

一來可以present得靚仔些，二來加隻煎蛋可以中和辣味

煎蛋之前，煎蛋神器裏面最好噴些油，

一陣放回隻蛋出來的時候沒那麼黐

開大火，見到有少少熱氣上升時放蛋，

見到隻蛋開始慢慢變固體，立刻轉細火

好快就可以熄火，因為我的麵未煮好，

等隻蛋在鑊上慢慢自己熟， 最重要蛋黃不好太快熟

否則不美觀，煲滾才落即食麵 ，

韓國即食麵需要煮的時間需要耐少少

要食好西，不可以太心急，

七分鐘時間之內你可以走去做其他事，

女士們可以走去抆個灰水，即上粉底

後生仔就可以找五姑娘傾下偈

麵好快煮好了 ，你要make sure個麵擎乾水

因為這是撈麵，不是湯麵，如果還是水滴滴，

醬汁的味道會被溝淡；首先倒辣醬

再撈勻 ，如果你不想太辣，千萬別落曬成包醬汁

建議你落三分一已經夠辣, 淨下的辣醬可以第日用來炒飯

不過我落了整包；食得辣，爛達達；食得苦，有抱負

吃得苦中苦，方為陳奐仁

第二包再打開落一半, 因為另一半芝麻紫菜 ，落在蛋上

這才夠吸引, 夾一注麵，夾少少蛋，送入口，

嘩! 頭兩秒還可以，之後我開始流鼻涕, 浪奔，鼻涕流，

辣到黐筋甩肺最想嘔，Oh! Man,

如瀑布瀉下來，辣到想跳海

辣不死我算好彩， 快點找個baby愛一愛

第二必買, 比利時出品的義大利麵醬

Bolognese sauce起源於意大利北部ㄧ個叫Bologna的城市，

是ㄧ個肉醬及蔬菜 (soffrito) 為基底的義大利麵醬汁,

嚴格說起來，肉類應該用牛肉或豬肉、pancetta(義式醃肉)

你可以用普通火腿代替, 而蔬菜ㄧ般為紅蘿蔔和西洋芹菜為底.

這裹的意大利粉好平 ，$8的份量一個人吃三餐

我想跟大家分享一下有關意大利粉的冷知識

Pasta泛指所有的意大利麵食

而Spaghetti則是Pasta的其中一種，Spaghetti細長、圓柱狀

嚴格來説Bolognese sauce並非配spaghetti ，

而是配一種叫做（tagliatelle） 的闊麵，

如果你將來遇到意大利的客人，跟他提起

Bolognese sauce配tagliatelle，他一定會對你另眼相看

但在意大利以外的地方，為了方便和成本

其實好多人都不會跟到太足，肉醬意粉，

Bolognese sauce配 spaghetti，你知道背後文化就ok 了

是0但啦! 難道你去食西多士裏面真的有屎嗎？!

菠蘿油裏面真的有菠蘿?買老婆餅送個老婆給你?

Life is short, take it easy!

第三必買， 這裏的果醬出名平靚正，

還有好多選擇，我手上這一隻就是無花果味道

這裏一瓶，一個人可以食到三、四十次，

果醬三文治做早餐, 衣食住行過三關，

打斧頭你要識慳，家用照攞你咪話我奸

第四必買 ，新東陽滷肉燥，乜乜tv mall買三盒$ 43.50

我見到有些網站一罐賣$41或$38 HKD, 非台幣喎

幸好有我在格價，看我的影片，你會慳好多錢

這款罐頭標榜精選上等豬肉，不添加防腐劑、味精,

加入乾葱以古法慢火燉滷製成, 肉燥色澤較淺，

油分醬汁幾多下，但口感不算肥膩，滷肉燥頗有咬口、

煮飯加餸最一流；食完落街抖一抖

要識靚仔/女拖隻狗；三句唔埋手牽手

第五必買 ，UNO芒果味椰果果凍

這個就是我的飯後甜品，我鍾意放入冰格幾個小時

雪到好像冰粒般硬，放入口慢慢在嘴裏溶化

能夠享受到濃濃的芒果果汁味，還有好大粒椰果肉，

啖啖肉，好滿足，飽暖思床褥，想多鹹嘢變頭禿,

還是勸君把書讀， 人間仙氣更脫俗

第六必買 ， 這裹有好多朱古力、餅乾、薯片都好平,

但Ritter Sports這隻朱古力，在大生生活買得平些

你番看我講大生生活百貨超市那條影片, 比較價錢啦

第七必買 , 越南咖啡粉 ，外面賣 $24

沖三合一的即溶咖啡，超級簡單

只想給大家看我平日去旅行, 有帶自己的水煲

其實你可以即沖飲，不過我覺得落花奶更加滑

去越南旅行，千祈不要貪平在街邊檔飲咖啡

因為小販檔有好多假咖啡，

他們將栗粉、豆粉，甚至是帶有咖啡味的化學品混到劣質咖啡中

反正現在冇得去旅行，買這些三合一即沖即飲，

平得來又不會飲到假貨， bắt đầu từ nay，一沖即飲加奶奶

第八必買，這個美國Nutty Bounty的牌子

採用了罐裝抽真空充氮氣的果仁，

出名夠新鮮爽脆衛生, 它標明公司所用的堅果

原產地來自美國、澳洲及越南，品質有保證，

你會食得放心，不會食大量的農藥落肚

第九必買、韓國午餐肉, 分析午餐肉的好壞

要看四方面：一要肉味濃、二要有咬口

三肉質不可太鬆散、四不能太鹹

韓國午餐肉在這四方面都做得不錯

所以無論每一間的價錢都不一樣，有些賣得貴點

但銷量都一樣好，搵次煮給大家看看

第十必買，餅乾、曲奇、薯片、牛肉乾、豬肉鬆 都好平

當然店舖裏面亦有好多其他又平又正的賣啦，

但有一樣我要提醒大家，無論你到任何店鋪，

最好不要買幾十元一支的紅酒，

正所謂100元三支；飲到你白痴

香港有位作家沈西城先生，我不怕講,

因為他曾在陶傑光明頂節目講過

並非什麼秘密，他太太前一兩年過身；

原因就是成日買些幾十元一支的紅酒，

因為太平的紅酒其實加添了好多色素

留在胃入, 產生好多疾病，所以買酒千萬別貪平

不開心的事少提吧，純粹溫馨提示大家

那麼你們不要走得那麼快，陪我聽埋是咁的先啦

又來到是咁的環節,
.............................
成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

#日式食品 #Staycation #日韓台美食 #香港超市 #TASTE超市 #OishīSupa
#驚安之殿堂 #香港好去處 #黃金瓜 #tungchung #偽旅行
00:00 Start
00:03 絕非廣告
00:10 TASTE Oishī Su-pa-新裝脩大變天
00:15 驚安之殿堂vs TASTE Oishi-Su-Pa
00:42 TASTE Oishi-Su-Pa 分店
01:00 除了日韓台美食之外，店中還有多款香港地道美食
01:19 交通方法
01:35 第一必買
02:37 什麼是磯煮
03:00 怎樣在超市揀靚壽司
03:20 第二必買
03:49 第三必買
04:08 龍蝦配什麼酒
04:38 第四必買
05:23 第五必買
05:29 什麼叫Lamington
06:15 第六必買
06:43 第七必買, meat analogue食品新品牌
07:34 英國BBC素食報告
07:43 第八必買，氣炸鍋食品新品牌
08:31 第九必買
09:44 第十必買
12:04 Within Eternity, Time Passes Within Time, There Is Change

立即查看Oishī Su-pa-分店:
https://www.parknshop.com/zh-hk/promo/Oishi-Supa?lang=zt

日式食品Staycation日韓台美食殺入香港超市, TASTE Oishī Su-pa-大戰驚安之殿堂

Hello大家好 ，我叫阿Tsar,

事先聲明，這個絕非廣告亦不是贊助

純粹因為我那天要入東涌工作，

剛剛經過這間超市

一入去才知現在Taste大變天, 變身成為日式超市

自從上年驚安之殿堂登陸香港，

不斷擴展版圖，百佳不甘示弱，

將旗下的Taste 加入一個section名為Oishī Su-pa-

一入來就見都好開揚的新鮮蔬果專區

匯聚來自世界各地的精選美食

四周圍看，大量日韓台美食、洗腦歌、 手繪廣告牌

擺明向驚安宣戰, 龍爭虎鬥，鹿死誰手，拭目以待

由今年4月至今已經有22間Taste超市

裏面有Oishī Su-pa-，你想知道22間分店的地址，

我會放在留言至頂，方便大家

相信戰況持續，大家可以留意下,

分分鐘下個月你家附近的Taste都變成這樣

除了日韓台美食之外，店中還有多款香港地道美食

實行環球美食、地道情懷， 照顧不同顧客需要口味

假日好多人到大嶼山行山，商場亦開了新outlet

大家假日都可以來偽旅行，不用買機票

搭地鐵去到東涌站一出就到了，

雖然Taste給人感覺貴過一般超市, 但我介紹得給大家

一定會篩選最抵食、CP值最高的食品給大家,

等什麼？快來看今日的十大必買, Are u ready?

第一必買， 如果大家又怕肥又不想煮飯

首推你食壽司啦， 這裏勝在款式多

像這個帝王蟹，三至五個人食，已經幫你拆好肉

598.8hkd, 除開五個人吃，每人只需120hkd

可以一蟹多吃，除了刺生之外，還可以做火鍋、煮麵

已煮熟的翡翠螺69.8hkd, 加豉油、wasabi已經?

翡翠螺肉質爽彈口感，比一般螺肉味道較重

頭盤做法把翡翠螺肉解凍後，放在熱水中焯熟即冰鎮

翡翠螺肉切片做頭盤，最適宜送日本Sake

毛蟹79.8hkd甜度十足，不需調味，清蒸最好，送醋

蟹肉入口甘甜鮮美肥嫩、肉質嫩滑，蟹膏濃郁甘香

用來炮製火鍋、熬粥或蒸熟凍食一樣鮮味無窮。

磯煮鮑魚69.8hkd,磯煮是日本一種煮海鮮的方法，

意思是用醬汁及昆布慢火去炆，不用煮太久，

令肉質保持鮮嫩彈牙，又可讓濃郁的湯汁裹住鮑魚，

一咬落去非常有彈性，鮮嫩多汁。

肉質柔嫩細滑，口感鮮甜可口

各款組合新鮮壽司，除了看表面光澤新鮮與否

亦看件數除開價錢抵不抵食，

除了新鮮度，如果壽司太過薄、太削

當然不好啦，越厚身越好嘛

這裏的壽司刺身都好厚身喎

第二必買，鹿兒島柚子豚肉專櫃

吃過柚子飼料的豬肉，富含維他命C、果膠、

檸檬酸等；增強免疫力、腸道功能、抗衰老、

炒香豬肉片後，加隻溫泉蛋落烏冬，再加生蔥

再配一個北海道蝦夷扇貝，用牛油來煎

肉身豐厚，爽口彈牙，為菜式增添無比鮮味，

為何深宵總是餓呢？

第三必買，加勒比海野生龍蝦尾289.9hkd

來自無污染的海洋，肉質爽脆彈牙，解凍即可煮食。

無論是中式薑蔥炒丶西式蒜蓉牛油焗，

明火丶焗爐丶氣炸鍋都得，怎食都咁滋味，啖啖肉

最宜配Chardonnay白酒，Chardonnay 酸度較底，

呈現豐富果味，如蘋果、菠蘿、熱情果、

香桃及檸檬味道等，我身邊有幾位好叻飲酒的朋友，

説如果在百佳集團買到150hkd以上的紅酒白酒，

水準已不錯, 你可以用半杯白酒的份量,

加些芝士洋蔥牛油去煮這個17.9hkdmussels

煎多幾隻已經醃好的Rosemary Lamb rack迷日香羊架86.4hkd

第四必買，不想自己煮，最好買新鮮整好的熟食

各款口味骨膠原豐富的豬手、醬燒王子鴨、

芝麻燒春雞，看芝麻耍得在雞上幾平均，香味四溢

香草三文魚、豉汁蒸魚頭、多款小炒，望見都開心

靚叉燒,厚切,3分肥7分瘦，外皮香脆,口感豐富越咬越香

入口極鬆化，配合火雲掌煎成的糖心荷包蛋

舊叉燒真的好味到，塵世間根本沒可以形容到

實在太黯然，實在太銷魂啦

會否誇了點?練好你的火雲掌才說吧

否則普通送飯都好好味呵

第五必買，多款甜品

Swiss Roll, macaron, tiramisu你們一點都不陌生

這個Lamington是著名澳洲的糕點, 有典故的

相傳是昆士蘭州總督Baron Lamington的家傭,

有一次不小心將蛋糕塊掉入朱古力漿中,因時間緊迫,

將錯就錯拿給總督,總督一嚐覺得好吃又特別,

還要沾上椰絲,免得沾得滿手朱古力,

這種蛋糕也命名為Lamington。

北海道粟米雪糕69.9hkd,用北海道粟米和3.6牛乳製成

粟米味超濃郁。雖有藍靛果和Strawberry口味

但粟米是北海道特產，即使生食粟米都好鮮甜

所以這款罕見的雪糕千萬不好錯過啊

第六必買，時令水果，多款禮盒

中秋節好快到，如果大家去探家人

買這些禮盒就最實惠和得體

好多人怕食月餅會肥，買水果就人人都啱食啦

一定沒人會彈你鐘呀，除了中秋節之外

節日喜慶開張喬遷,醫院探病慰問都可以

二百幾hkd就已經有好多選擇，

要氹人歡喜,果籃禮盒花費無幾

第七必買，成個雪櫃好多素肉選擇

我曾經介紹過Omnipork, 今日介紹Beyond Meat牌子

這類產品堪稱為meat analogue，即類似肉的素食

越來越流行，像這個素肉醬意粉、 未來熱狗腸

Beyond Meat 是無大豆、不含麩質及非基因改造，不含抗生素,

有好多人需要食gluten free食物, Beyond Meat就最啱啦

還有品牌Gardien, Meatless burger 素漢堡扒

Beefless Tips素牛肉塊、Crabless cake素蟹肉塊

Fishless Filets酥炸魚塊

Daiya品牌的素芝士蛋糕、Pizza

在熟食店裏，都有好多中式素食選擇

所以真的照顧到不同階層的顧客

來到這裏，素食者就會有好多選擇

英國BBC曾經做了個報告, 因為健康理由,

食素應該是未來的大趨勢, 大家有興趣的,

可以留言叫我講多些呀

第八必買，氣炸鍋食品, 之前我沒見過這些氣炸鍋食品

所以見到些同選擇, 可以跟大家開心share

你想吃不同醬汁的雞翼，可以一嘗新口味

Samlip這個牌子多款甜品, 生生品牌的pastry

其實好多年前已經有報告講微波爐容易致癌

香港大學教授接受蘋果日報訪問，

如果用氣炸鍋你不烤到燒焦黑色的話

其實致癌機會低過用微波爐

不用自己整得那麼辛苦喇, 超級方便,

我見到些人又買麵粉又什麼什麼，香港人很忙

最緊要快靚正、價錢合理、多選擇、

方便好味，合曬你們要求啦

第九必買，除了日本食品之外

這裏有好多來自台灣生果蔬菜麵食

台灣紅肉火龍果 ，紅肉火龍果有豐富的維他命

及水溶性膳食纖維，是甜度較高的水果，

減肥可以用它取代吃飯，補充第一日所需嘅能量，

但就不建議晚上食啦，因為高糖分

而火龍果果肉有火龍果籽，可促進腸胃蠕動及潤腸通便

紅肉火龍果含「甜菜紅素」，具抗氧化效果，

經常食用有抗衰老功效。台灣guava，他們叫芭樂，

又大個又多水又多汁，還好香呢

高纖低卡, 有一種特殊甘甜芳香，營養豐富美顏極品

川霸子牛肉麵，選用上乘牛肉、古法製作、細火慢淆

入口即溶，裏面已含湯包, 湯底正宗紅燒帶少許麻香

只要滾水3分鐘，即可享受到Q彈帶勁的牛肉麵，

猶如餐廳等級的享受非常方便

簡直是居家旅行的必備糧食

第十必買,韓國食品, 這個中秋送給人超好意頭

叫黃金瓜， 有股迷人果香

去皮食用。將外皮洗淨切成片狀，去籽後直接食用果肉

是夏天韓國時令水果，味道似蜜瓜般香甜爽脆，

擁有豐富的維他命C，有助舒緩夏日帶來的疲累，

每100克的黃金瓜僅含約27卡路里，低熱量高營養

有補中益氣、消炎止痛，解毒作用，

對老年人高血壓、冠心病、肥胖症等有防止的功效，

介紹幾隻韓國傳統酒給大家 ，錦山人蔘酒

含有有機酸、礦物質、維他命和乳酸

酒精含量12.5%, 這支啡色是內藏山覆盆子酒

使用100%內藏山覆盆子釀製而成, 覆盆子能夠抗衰老

韓國國民酒, 酒精含量16%，另外紅色長壽五味子酒

酒精16.5%, 三代流傳配方, 帶有五味子酸甜香味

有助恢復身體眼部疲勞, 一日飲一杯半杯可強身健體

暴飲暴食幾時都不好, 場內亦有好多其他產品

像家居用品、行李喼、日用品，都一應俱全

還有個專櫃是泰國零食和手信

大家不知何時才可去旅行啦,

如果你們好想自身好像到外國偽旅行

現時驚安之殿堂都未開到成行成市,

不過Taste 的Oishi-su-pa, 相信好快由22間又多十間八間

香港超市轉型加日式百貨Section, 是大勢所趨

香港人對日韓台泰食品一點都不抗拒，非常受歡迎

畢竟經過今次經濟逆境後，任何人都需調節自己去適應市場

正如這幾天最hit話題，誠哥為紅顏知己道出一句

我覺得放諸四海皆準，

Within Eternity, Time Passes Within Time, There Is Change

你是什麼人，就會對什麼對號入座，

好多年前我看過一本關於管理的書

叫Who moved my cheese. 中文翻譯叫誰偷走我的乳酪

書超薄，上網應該可以免費看到，好快就睇完，

但係意義深遠，如果你有看過，留言方亨你的啓悟吧

希望你喜歡我今日的介紹，我知你們喜歡我講什麼

下集講乜呢，你們隨時可留言話我知，

雖然我已經準備了， 但我可以隨時為你而改變話題

因為恆常定律, There is change. 變幻才是永恆!

記得看完影片留表情符號以示支持

幫我用whatsapp同facebook分享出去,

我們下集再傾過不同的話題啦,88




























成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

我的本田Honda Civic 9代復活啦~~~~
為了慶祝與懷念他 咱們開著節能模式上山輕鬆RV走一圈吧
他到底發生什麼事情勒 今晚的影片會告訴大家
順便跟大家聊聊今年有什麼要改的目標
還有我們一些新規畫與單元

台三線 真舒胡

訂閱我的頻道：https://ppt.cc/f8c6Wx
追蹤我的IG專頁：https://ppt.cc/fNVESx
姊姊 Elena /彎道小魔女官方粉絲專頁：https://ppt.cc/flbIJx

小魔女加入新宇宙 : 看怎樣打給我
https://ppt.cc/fz5hZx

實況四輪官方交流同好會：https://ppt.cc/fNDGjx
實況四輪官方汽機車全新二手交流社團：https://ppt.cc/fAEX4x

更多影片：
【魔女駕訓班】https://ppt.cc/fhgCLx
【魔女開箱Go!】https://ppt.cc/fcARTx
【Elena的喜美改裝日記 】：https://ppt.cc/fz8JUx
【Elena94要試車 】：https://ppt.cc/fEBSzx
【Bike Life】：https://ppt.cc/fe3ywx
【Elena教你開】：https://ppt.cc/fU9t0x
【Elena實況山路】：https://ppt.cc/fnUstx
【魔女來踩店】：https://ppt.cc/fTPa1x

抖內、贊助、開箱
請洽詢我們的粉絲專頁哦

官方蝦皮賣場
https://shopee.tw/elenaaaaa46

拍攝器材
Sony A6400
GoPro 6