今日想分享一下最近內心嘅掙扎…… 原本諗住將呢件事收埋就算，但諗諗下其實喺呢個page，無論係我當初去澳洲公司做嘢、到失業、到我爸爸中風、到而家得得戚戚接到啲廣告謀生，一直以嚟我都係有咩就講咩，冇咩需要遮掩，或者可能係我本身冇咩嘢特別叻，唯一能夠做得嘅就係「真實」，不嬲大家都知道我一直以嚟係點成長過來…… 是咁的，話說前嗰排有間喺澳洲、香港人開嘅學校諗住搵我賣廣告，主要係宣傳叫人去讀，順勢移埋民。如果有留意近大半年無論加拿大、英國或者澳洲，都有推出為香港人而設嘅簽證，而澳洲喺過去一個月都推出咗一個較為容易嘅升學移民計劃（呢個唔多講，有興趣自己去search）…… 呢間學校都頗為出名，原本只係傾幫佢賣廣告，但同負責人傾傾下，其實我都好有興趣去讀，甚至移民，仲可以sponsor我添！ 首先大家都知之前我係做澳洲航空公司，都做得非常開心，過去三年喺維珍嘅生活，令我愛上澳洲呢個地方，同埋識咗好多喺澳洲嘅朋友，至今我都仍然對澳洲念念不忘。 第二係回想起我過去嘅工作經驗，我曾經喺英國廣告公司實習過，畢業之後亦都喺外國或本地公司返過工，呢啲工作經驗都比我知道自己expressive嘅性格都比較適合喺外國公司做嘢，較易同外國公司打成一片，香港公司反而成日得罪人……加上本身英文都OK（ielts 7.5分），溝通起上嚟都唔算有大問題，甚至比起本地公司更容易融入、適應…… 最後就係其實屋企人都支持我去，慶幸係我阿媽係同我同顏色，都一樣覺得香港……（下刪一萬字） 就係咁，基於以上種種原因，原本我都決定好、把心一劃就去澳洲了…… 但喺我決定咗之後，無那那呢幾個月，自從喺南豐紗廠搞完主題市集之後，真係越嚟越多品牌搵我合作，仲開始傾2021年下半年甚至2021年頭嘅大projects……可能大家都見到我呢個page，近來都有唔少廣告…… 於是，我就開始卻步了……卻步嘅原因並唔係因為錢，大家可能見我好似多咗機會，但其實努力畫埋畫埋一個月都係同之前做空少差唔多人工，仲辛苦咗n倍添……卻步嘅原因係，如果要澳洲讀書，就要去讀一科可能係自己完全冇興趣、完全唔關事嘅科，去滿足移民嘅職業清單；或者就算去讀返一科關事嘅科，可能我都會失去咗喺香港嘅機會…… 睇開呢個page都知，喺呢個page我成日講追夢追夢，而我嘅夢想不嬲都係成為一個少女系嘅插畫家，曾經都出過幾本繪本作品，直到上年辭職之後反而多咗機會、多咗人認識…… 我會諗，去到澳洲之後，我究竟做咩呢？可能會做幼稚園老師、做廚師，一份完全唔關事嘅工……但係我嘅夢想可能就會因為咁樣而終止……到時，就再唔會有乜乜主題市集、乜乜書展…… 所以，最後我就同嗰間學校say咗No了…… 唔去其實仲有一個原因係，我真係好唔捨得我隻貓，我一諗起要丟低佢已經想喊喇……有人同我講，你可以帶埋勿演一齊去。其實係可以嘅，不過我聽過好多故事係隻貓搭完飛機，再去檢疫，未捱到返新屋已經瓜咗，同埋其實自家父中風之後，我屋企就得返我兩母子，如果去我都想留返隻貓陪阿媽…… Any肥，而家決定咗應該唔去啦……有人可能會覺得，香港呢個地方，仲適合追夢嗎？ 其實我都唔知……我已經幻想唔到未來會變成點，或者第日我會後悔，冇好好把握呢個機會，走，離開呢個地方…… 但至少而家，我好似都仲做緊自己鍾意做嘅嘢，我仲係好鍾意創作、好鍾意畫畫，仍然有好多人畀機會我，我唔想就咁樣就放棄晒香港嘅一切呢…… 同埋，我畫嘅嘢係講廣東話，我係喺香港出道嘅本地插畫家，香港嘅書局會見到小弟嘅書；呢個地方，無論變成點都好，都好似係我創作嘅根…… 最後，多謝你繼續睇我、Like我，支持我、嚟我嘅市集、買我啲嘢…… 無論香港變成點，仲有一個小伙子仍然繼續堅持著…… 2月年宵見，嘻嘻。

【@businessfocus.io】特區護照不再獲獨立看待，去關島要簽證、留學移民難上加難？ . 美國總統特朗普15日召開記者會時宣布已簽署《香港自治法案》和一項行政命令，以追究北京實施「港區國安法」的責任，並同時宣布撤銷香港特殊地位，包括特區護照不再獲獨立看待。雖目前未有定案，但如果美國將特區護照與中國護照一樣看待，意味特區護照持有人申請美國簽證會變得更加困難，有效期限也可能隨之縮短。 . 特區護照享有哪些特殊待遇？ . 據1992年《美國—香港政策法》（United States-Hong Kong Policy Act）規定，美國承認香港特別行政區在1997年6月30日後所發出的護照和旅行證件。比較之下，其實無論是特區護照還是中國護照，去美國都需要簽證，申請流程基本差不多，只是特區護照的整體申請較為寬鬆。 . 據美國國務院領事事務局的資料，以旅遊簽證為例，兩者同樣要申請B1/B2訪客簽證（B1為在美國短暫逗留作商務，B2為旅遊或醫療的人士提供）。申請者需給予證明文件，並與面試官見面。 . 美國簽證有效期限或被縮短 . 基本來說，普遍特區護照申請者可獲發最長10年期限的美國簽證，而最短的一年都有，視乎有關官員決定。而中美2014年也曾簽署協議，同意將發放予對方公民的短期旅遊和商務簽證，有效期由1年延長至10年。但近年來網絡上謠傳，近年來部分中國民眾即使申請成功，有效期限也只有1年。 . 但隨著美國取消香港護照持有人的優惠待遇，相信將影響資料審查的嚴格程度，及面試官批出簽證的考量和機會，甚至連簽證期限都可能被縮短。不僅如此，美國容許特區護照持有人在無簽證的情況下，入境美國西太平洋領地關島和北馬利安納群島自由邦，最長可逗留45日。如今此特權將有可能被取消。 . 貿易戰背景下中國護照難獲簽證，港人會否受影響？ . 近年來隨著特朗普政府大幅收緊簽證和移民政策，外界謠傳申請赴美簽證已愈來愈難，另加上中美關係惡化因素，外界擔憂貿易戰是否對中國民眾赴美造成直接影響。 . 雖未有官方數據，但據《縱相新聞》去年的報道指，貿易戰之下，赴美簽證拒簽率已明顯升高，無論是商務簽證，還是旅遊簽證，獲簽證都遠不如以前容易。申請者被調查的頻率也明顯升高，拒簽率上升至20%以上，而且拒簽理由總讓人「意想不到」。雖然目前尚未了解美方取消香港特殊地位後，將在何種程度上「一視同仁」地對待中國和香港民眾，但不排除白宮會進一步加強簽證審查流程。 . 赴美深造恐難上加難 . 隨著中美貿易戰進一步升級，中美教育界也受到干擾。美國部分國會議員去年5月提出一份法案，擬限制部分中國公民赴美學習或進行學術交流。對於所有申請赴美學習或進行學術交流的中國公民，若其研究學科在美國「商業管制清單」中，簽證官應徵詢「安全諮詢意見」，對申請人進行額外審查。 . 相關法案要求美國國務院停止對與中國軍方相關的人員發放學生和交流訪問學者簽證，並稱美國國會認為其他國家如澳洲、加拿大、紐西蘭、英國等地也應該採取相似措施。如美國將特區護照與中國護照或一對待，恐怕港人未來赴美留學將難上加難。 . 特朗普政府近年大幅收緊簽證和移民政策 . 近年來特朗普政府大幅收緊簽證和移民政策。去年，美國國土安全部（DHS）就公佈了H-1B工作簽證的修改建議書。特朗普政府提出建議，重新定義H-1B簽證涉及的「特殊專長職業」。對於不能證明自己符合「特殊專才」條件的申請人，即使有公司擔保，都有可能被拒簽。據悉在美國大牌諮詢公司提供擔保的簽證申請中，遭拒絕率最高達到了50%左右。 . 在今年6月22日，特朗普政府也宣佈至今年底，美國暫停發放放H-1B、H-2B、L和J非移民工作簽證，涉及外國專業技術人士、文化教育訪問交流人員和非農業部門季節性勞工及家屬的赴美申請，保障美國人的就業機會。不僅如此，特朗普也宣佈在今年年底前，暫停向部分外國人發放「綠卡」。 . Text by BusinessFocus Editorial . #BF環球視野 . @businessfocus.io 瞭解更多商業財經資訊 .⠀ #money #investment #business #finance #life #startup #startups #management #company #expert