#中意嘅請分享請點讚🍻 ---------- 如果想係大阪食放題一定要去呢間食，呢度有2個賣點。一、平時放題食燒肉多數係比平價牛/冰鮮肉，但呢度全部都係日本國產牛肉，當日直送。二、用碳火燒，唔止可以鎖住肉汁，食落比較嫩滑，係香港仲比較少見。牛肉本身有調味，所以唔洗點燒肉醬汁已經好好食。 ----------- 😋小編必食推介 厚切牛排、高級鹽味牛舌、招牌4種拼盤、加菜包住肉食、袖子雪芭。 除左有唔同種類嘅牛肉之外，仲有豬肉、雞肉、新鮮蔬菜、沙律、日式炸雞等多種炸物、冷盤前菜、湯、石鍋飯、麵、雪糕等。 雖然d牛肉好新鮮，不過有個缺點就係冇海鮮食。另外，可能太多人介紹，所以小編去個日好多香港人同台灣食。總括黎講，如果你係中意食肉，又中意任食，就可以黎試下，因為香港。但如果你淨係想試下日本獨有食物就可以試其他。 ---------- 呢度食物有3大款價錢： 1. 單點 2. 吃到飽：¥2980 包82款食物 3. 吃好又吃飽：¥3480 包110款食物 飲品都有3款價錢(每人最低消費1杯飲品)： 1. 單點 2. 加 ¥500：任飲無酒精飲料 3. 加 ¥1000：任飲含酒精及無酒精飲料 (任飲65種飲品） 4.加 ¥1300：任飲含酒精及無酒精飲料 (任飲79種飲品) 5. 加 ¥1500： 任飲含酒精及無酒精飲料 (任飲95種飲品) ---------- 小編提提你😎😎😎😎 另外3樓同4樓都係佢地，但如果你都係去心齋橋分店一定要去4樓，3樓嘅通風系統唔係幾好，入面全部都係煙。 --------- 🔎燒肉力丸 心齋橋店 🚩大阪府大阪市中央區心齋橋筋2-1-32 (IS大樓3F及4F) 網上預約：http://handafood.jp/chinese/ ⚠️⚠️有9折優惠卷：https://osaka.letsgojp.com/coupon/10996/

【lovestoryhk景點推介】 DAY4 由金澤去白川鄉要搭巴士 個半鐘左右 因為夜晚好搶手 大家都想睇夜景 有機會冇你想要既班次架 所以最好預早一個月喺網上book 先上J-BUS(発車オーライネット)做左會員先 再喺呢個網揀曬去程回程 佢會send email比你確定預訂 print出黎喺金澤東口行幾分鐘 入去北鐵巴士預約中心(紅白色既）呢座野度 比佢交換返正式巴士車飛就得 . 喺北鐵巴士預約中心隔離2號站牌前上車 去到白川鄉預留3~4個鐘差唔多 跟住車站比你既路線圖行就得 一開始一定要食左飯先 如果唔係行完先食就會冇位！ 基太之莊 / IRORI /附近餐廳都ok 有飛驒牛定食 只係110幾蚊 比你用炭火同爐仔黎燒 好有風味架呢 之後玩雪 入合掌村既屋裡面參觀係指定動作 行完要返返車站集合 呢個時候你又要比個email同職員換飛去高山喇 . 由白川鄉去高山一個鐘都唔使 之前三日都係去附近食野 今次特登搵到間專食飛驒牛既燒肉放題！ 雖然距離高山駅都幾遠🤔 不過當你知道一個價可以任食高級牛就一定要去 呢間鋪叫燒肉ろくべえ 好似外國木屋仔咁 每人270幾蚊包雞 豬 牛 海鮮 高級牛 本身以為一碟唔係好多 但食極都仲有🤦🏻‍♀️食肉獸真係必黎 (極度懷疑有成kg肉 足夠6個人食） 最慘佢得90分鐘食 所以要食快啲！！ 地址：揸車易搵 行路睇返google map 好難講點行...要轉好多彎 開放時間：夜晚9點last order . 酒店係勁多人推薦既溫泉旅館 高山櫻庵 離高山站 巴士車站10分鐘路程 酒店外觀已經好有古代feel 入到去由lift口已經開始鋪榻榻米 所以要喺入口處除鞋先可以上去check in 著埋酒店提供既衫覺得自己穿越左時空咁😍 仲要記得10點半至11點半有得食免費拉麵呀 地址：高山站 同濃飛巴士站轉右直行10分鐘 見到好高米色底綠色斜紋既建築物就係 ____________________________________________ DAY5 朝早梗係要試下呢間高山櫻庵既自助早餐 中意食關東煮 五丁目飯 麵豉湯 同各式日本小菜既人會勁中意 因為exactly係似日本呀媽會整既飯菜 . 酒店裡面有3間公開溫泉仔 「枝垂」「白雪」「東錦」 裡面已經有馬油牌洗頭水 梘液 洗面奶 風筒沖涼 不過每輪只得30分鐘 每次比1至3個人浸 其餘想浸既人要喺出面大堂等 最好幾時浸？因為佢朝早9點至晏晝5點係清潔時間 8點半去浸就最正喇👍🏻👏🏻啲人check out曬 個人認為白雪比大間啲既東錦靚 另外唔想齋坐大堂等可以飲下免費益力多 蘋果汁 或者直接去隔離公眾大溫泉 要除曬衫 將隨身身放櫃先好入去浸 男人溫泉正好多 係露天 女仔係室內 . 浸完再抖下 就要出去高山半日遊喇 個人認為高山朝市根本唔使去 因為佢賣既野都係醃料 生果之類 如果你係後生仔應該冇咩興趣...🤔街市咁囉 另外不得不提高山都有合掌村落 如果你地覺得白川鄉太遠 可以黎到高山先去 只係規模冇咁大同咁靚 第一站：高山陣屋 沿路有路牌教你點行 幾易去 高山陣屋係以前既官員住既屋企 會招待外國使節 所以裝修得好靚 第二站：中橋 睇完陣屋就會見到紅色既中橋 唔使咁急影相住 轉入巷仔既古街先 因為古街既鋪頭5點就閂 而中橋又黃昏影先最靚 行完出返黎影就啱啱好😎 第三站：古街 古街裡面食同特色鋪頭仔都超多 飛驒牛串 煎餅 醬油丸子 牛肉包 飛驒牛奶必食 特別A5特級飛驒牛壽司！超好食 入口即融 見到好多人排隊嗰間就係 一碟兩舊60幾蚊 人生點都要食架喇😂 食完經過一間好大賣酒既鋪頭要入去 因為金剛小儀介紹過 有免費酒飲😏 其餘鋪頭有啲賣手作 水晶 紀念品 好靚架 . 直路行出去大概10幾分鐘去到高山站 準備搭往富山既車去古川朝聖《你的名字》 去到要食左最出名既五平餅先 煙煙韌韌甜甜地幾好食 不過如果大家冇興趣可以skip左呢半日 繼續喺高山古街行都得 . 前一日食左燒肉放題覺得太飽 今次去返高山必食第一位既味藏天國再戰！ 6點半去排隊勁多人 等左半個鐘終於入到去 入面係榻榻米 用細木板仔間開 我地揀左「飛驒牛盛」餐 只係150蚊 上面同左手邊有貴幾倍同一倍既餐 但鑑於琴日經驗 其實少少已經夠兩個人食😶 所以叫呢個餐再單點一個飯 一啲酒就得 地址：櫻庵隔離 開放時間：朝早11點至晏晝2點 晏晝5點至夜晚8點半（星期二休館 ) 食飽返返隔離既櫻庵訓覺 好方便😌😌 ____________________________________________ #唔好意思已經超曬字數😭唔比我出 #DAY6同7會迫於無奈會放喺留言 ____________________________________________ 無論邊次旅行我都會帶埋 @wifiegg 記得用我既專屬優惠碼>> LSHKTD 得到$20折扣 優惠去到2018年6月30日 立即預訂：www.wifi-egg.com #hklovestory#love#hkboy#hkgirl#hkig#hkiger#hkigers#852#hk#hongkong#instafollow#暗戀#分手#鬧交#拍拖#表白#愛情#眼淚#心痛#心理學#lovestory拍拖約會好去處