唔知你屋企有冇曾經為過送唔送屋企人入老人院而煩惱過呢。 琴日收症收咗個病房常客，個個姑娘都識得佢。佢係一個九十歲嘅婆婆，好多野講好精靈。本來佢同屋企人住，但因為之前有cancer切除咗直腸同肛門，喺腹部開咗個造口排便，屋企人兼顧唔到佢嘅造口護理，所以只好送婆婆去老人院。婆婆一入來，我收症問佢一堆問題嘅時候，佢已經滔滔不絕開始呻佢喺老人院嘅經歷：「如果唔係因為呢個造口，我駛鬼住老人院咩。住老人院好慘架，成日都要綁人手，綁到實一實。條片up住24個鐘都唔幫你換！我有俾錢架，搞到好似乞佢地幫咁！一個月都要八千蚊，單人房就要一萬蚊⋯啲床好窄架，得咁闊（用手勢形容）⋯啲阿姐全部外省人來嘅，冇啲耐性同愛心，真係好慘架！」講講下，佢就好灰咁話：「如果之後我有咩事，唔駛救我喇，叫醫生幫我打支針等我安安樂樂咁死好過啦！」聽住佢講，我都不禁想像佢喺老人院嘅生活。 綁手（約束手帶）喺醫院都好常見，因為有時啲公公婆婆精神狀況有啲亂嘅時候，可能會自己爬床、想走；但其實啲姑娘好多時都會俾啲機會佢地先，盡量都唔想綁，真係搞唔掂怕有危險，都會同屋企人講返個情況先會用呢啲約束裝備，用意都係保障病人安全。用咗之後都會有相關嘅assessment chart去定期mon住，確保約束手帶/手套/背心嘅使用係合適，冇箍得太緊整傷病人。但喺老人院，我就真係唔知有冇咁完善嘅評估喇，加上香港啲老人院質素咁參差，新聞都成日睇到好多令人髮指嘅虐待院友事件。所以我諗喺用約束裝備上，都唔敢保證係用得合適、安全。 至於換片，雖然醫院病房都好忙，但換片都一定唔會懶，至少四個鐘都會換一次，同埋會幫佢地轉埋身。有啲老人科病房甚至換得更加密，一更都可能換成四次。你話啲病房助理/護士（我之前出老人科係全個病房嘅姑娘阿Sir都要一齊換片）換片hea唔hea，講真就真係睇人。我試過part啲姐姐係好求其，就算有屎都可能剩係輕輕抹一下就算；但都有啲好細心，真係會抹到乾淨先換下一個。換得求其定認真，除咗睇換片嗰個人本身性格，都好睇病房忙唔忙、多唔多病人。但至少以我觀察，我覺得換得好細心或者做得夠嘅一定多過好求其嘅，始終預防pressure sore（壓瘡）係病房裡面一大重點，如果成日求其換求其抹，up到病人patpat紅咗損咗，病房啲大粒野/管理層都會怪罪落來話換片功夫做唔好。所以就算求其都有個譜，起碼有屎都一定會幫你換。而且病房好重視病人私隱，換片都一定一定會拉好簾。但老人院呢？老人院缺乏監管，照顧工作做得唔好都唔未必會有咩好嚴重嘅後。如果連沖涼都可以就咁除晒長者嘅衫褲，要佢地冇尊嚴地喺露台沖；更何況係換片呢啲普遍人認為係厭惡性嘅工作呢？所以好多老人院入來嘅case，patpat都多數有壓瘡，有啲可能甚至係爛到見骨。 講咗咁多，點解我特登分享呢件事，其實係因為我屋企人最近都為到送唔送公公住老人院而煩惱。雖然公公今年都九十歲，但其實佢仲行得走得，甚至唔駛揸拐杖；不過佢近幾年有啲腦退化，加上佢有長期尿喉要護理，而佢又成日都因為尿喉處理得唔好而入院。佢同婆婆兩個人住，但因為佢地年紀差好遠（以前啲人好多都係冇感情地因為父母之命而結婚），婆婆日頭要返工，都唔可以照顧公公。前幾日，公公又入咗院，媽咪同佢啲家姐細妹都發現公公自理能力開始變差，食藥又唔識自己跟時間食。佢地開始諗係咪需要送公公入老人院。其實如果有錢就話請個工人就搞掂，又或者要送去老人院都揀啲好靚、服務好好嘅院舍；但香港又有幾多個有錢家庭呢？以前我都會覺得有得揀緊係唔揀住老人院，仲要香港啲老人院質素咁參差；但真係喺自己屋企發生嘅時候，又發現好多時真係好似冇得揀。 我又再諗，疫情肆虐都成一年，有啲調查結果都發現好多長者因為唔可以成日外出而有抑鬱嘅情況。如果連住喺屋企，起碼叫做有自由嘅長者都咁唔開心，咁嗰班喺安老院舍每日過住千篇一律嘅生活，得唔到適切照顧甚至可能係受住好多唔人道嘅對待，仲要連屋企人都冇得見嘅公公婆婆，會有幾絕望呢。可能有好多都好似琴日呢個婆婆咁，寧願死咗佢一了百了，都唔想再繼續呢種痛苦嘅生活。 講咗咁多，其實我都仲係唔知可以點做。一方面唔想睇住公公入咗老人院，可能健康仲差咗；但另一方面卻唔知有咩其他嘅方法。好多時送屋企人入老人院，唔係因為唔愛佢地，只係呢個社會環境限制咗我地愛佢地嘅能力。喺香港一生人勞勞碌碌，買樓唔駛諗，租樓又貴，就算係廁房劏房閒閒地都幾千，物價又高，剩係應付住屋同生活開支，都可能已經好吃力，就算有心想照顧年邁父母，都未必有能力去做。而一班長者勞碌一生，到老卻冇一個保障等佢地可以安老，只好繼續勞碌。但年紀咁大都冇咩工作可以揀，多數做外判清潔工，係叫做可以有份收入，但工作環境差、冇保障，外判公司只係為求利益用盡方法、走法律隙灰色地帶剝削呢班老弱員工。「安享晚年」對好多香港嘅長者來講，可能只係一個遙不可及嘅夢。 喺香港，每日都有好多好多嘅悲劇靜靜上演，好似前排寒潮一日有幾個長者喺屋企過咗身都冇人知，但呢啲都可能只係冰山一角。都係嗰句，愛要及時，愛到就愛，做到就做，照顧到嘅時候就好好照顧你嘅家人。可能會好難行，但我相信總有希望，一齊加油。#staycuteprocreate #staycutewardsharing

26/10-1/11 新聞概要 26/10 -記協關注NOW新聞台主管將評論港大副校人選報道下架 -國泰工會商新合約問題，有資深員工不滿官員日前說法；國泰空服工會明與管理層會面，爭取延簽新約期限 -業界稱有旅行社要求員工於保就業計劃完結後不要上班 -旅遊業界遊行，呼籲盡早推出健康碼及強制全民檢測 -梁永祥：劏房租管調查因疫情受阻 -移民潮再現，移民不移居個案增加 -本港新增8宗確診，包括0宗本地個案，累計5303宗 27/10 -男警長承認普通襲擊罪，案件下月判刑 -前學生動源召集人鍾翰林、何忻諾及陳渭賢被國安處人員拘捕 -兩少年涉5月遊行損毀大廈玻璃等被控5罪，12月再訊 -6男子涉去年612金鐘非法集結，兩人認罪裁定罪成 -19歲男被控去年國慶日非法集結脫罪，裁判官質疑作供警長 -11名港大校董發信促延申作軍擔任副校長議案；逾4千港人師生校友聯署反對副校長任命，學生會促延遲 -港大：校委會議決委任申作軍及宮鵬為副校長 -特首下周訪京3日商討支援本港經濟措施，5名局長隨行 -蘭桂坊協會料萬聖節市道可追回6至7成生意額 -匯控：是否派息明年2月作最終決定；今年首9個月已裁減6000個職位 -林鄭：將設長期檢測中心，市民若出行檢測須自費；下月率先安排在內地港人回港免14日檢疫；公眾泳灘將重新開放 -周五起食肆放寬至6人一枱，酒吧4人一枱 -本港新增5宗確診，包括0宗本地個案，累計5308宗 28/10 -警方落案控告一名15歲男童參與暴動罪，下周二提堂 -被指拍攝示威者男子遇襲，涉案3人判囚15至48個月 -涉鐳射筆照警員男子被控藏攻擊武器及襲警法庭押後裁決 -中四女生承認攜汽油彈原料，上訴庭解釋改判社服令理由 -報道指四人遭拒進入，美駐港總領事館稱現階段無資料 -過去10個月專上院校內有4宗設施遭破壞等衝突事件 -12港人案5間受委託律師事務所收通知，不准代理案件 -獲德國難民身份反修例示威者稱香港司法敗壞出走 -彭斯形容特朗普為成續有目共賭的「職位製造者」 -國泰工會要求公司延長員工考慮簽新合約時間 -健身業界稱疫情加快汰弱留強，街頭健身需求上升 -渣打參與推出職業配對計劃，助100間中小企提供職位 -陳肇始不認為室內及戶外人數限制邏輯不一致 -本港新增2宗確診，包括0宗本地個案，累計5310宗 29/10 -21歲男子在旺角警署外擲汽油彈，被判即時監禁3年4個月 -承認襲擊清路障女護士，女子被裁定非法集結罪成 -保釋期間損壞港鐵閉路電視，廚師判囚3星期賠償6百元 -男子被指發布針對警員言論被控刑事恐嚇，下周提堂 -鍾翰林被控分裂國家罪提堂，被拒保釋明年1月再訊 -立法會三讀通過《廣播及電訊法例修訂條例草案》 -今年逾50間傳統健身室結業，24小時健身室逆市擴充 -工會料再多兩至三間較大規模旅行社公布停薪留職計劃 -新加坡旅遊局稱與香港旅遊氣泡安排暫未有進一步資料 -本港新增3宗確診，累計5313宗 30/10 -向警防線擲水樽15歲少年擾亂公眾秩序罪成，下月判刑 -司法覆核通訊局《頭條新聞》裁決，案件明年6月開審 -蓬佩奧譴責拘捕鍾翰林等3名學生 -本港今個財政年度首6個月赤字2798億元 -食肆凌晨過後放寬限制措施，負責人稱有助帶動生意 -本港新增7宗確診，包括1宗本地個案，累計5320宗 31/10 -7人去年8.31灣仔被控暴動罪，全部罪名不成立 -有市民持白花到太子站外，大批警員戒備 -泰國再拘捕3名示威領袖，其中一人送往警署時疑昏迷 -警方深夜到蘭桂坊巡視，警員勸喻一名沒戴口罩外籍人士；蘭桂坊多間酒吧涉違防疫規例，負責人遭檢控；有人戴黑面具寫有「太子站」，警方查兩人後放行 -本港新增3宗確診，包括0宗本地個案，累計5323宗 1/11 -陳志全朱凱廸今晨被捕，指涉5月8日內會事件 -民主黨胡志偉、尹兆堅、黃碧雲被捕，指涉5月8日內會事件 -工黨張超雄、郭永健被捕，同樣涉5月8日內會事件 -太子站外有人聚集，警拘兩位分嗡人發違限聚令告票 -邱騰華稱冀本月中公布與新加坡航空旅遊氣泡安排及售票 -本港新增7宗確診，包括1宗本地個案，累計5330宗

【疫情顯露惡化中的數碼鴻溝】 十多年前，政府仲會講「數碼鴻溝」；今天，當解決咗？ 實情十年前政府攪「上網學習支援計劃」，被指益 iProA。 咁多年嘥咁多億，計劃取消埋，仲有大把基層學生無電腦，屋企不能負擔上網。 踢個波俾關愛基金，但又要求同學咁好彩間學校有參與BYOD「自攜裝置」先可以申請！ 但大部分學校唔係，嗰啲同學就無得申請啦！ 但有電腦都無打印機，同學要手抄交功課，有無搞錯？ 上網費每年資阻$1500，而家「在家學習」又Zoom又YouTube，下載完上載仲要HD，玩嘢咩，邊夠呀？ 仲有同學住舊樓或劏房裝唔到寬頻，要用SIM卡，$1500一年龜速.... 由頭到尾，教育局消失！ILSP踢咗俾OGCIO，之後在踢去勞福局關愛基金，教育局死咗去邊？ 只顧政治迫害老師，不顧學生需要！ 疫情期間家中網上學習 調查：九成基層學童遇困難需借Wi-Fi手抄功課 //立法會資訊科技界議員莫乃光建議，延續關愛基金就購買電腦方面的資助，擴大受惠條件，讓所有領取綜援及書簿津貼的學生也可申請資助。他又建議政府增加上網費津貼計劃的津貼額，讓有需要家庭除支付上網費外，也可添置打印機等網上學習設備。// https://news.mingpao.com/ins/%E6%B8%AF%E8%81%9E/article/20200313/s00001/1584079712633/%E7%96%AB%E6%83%85%E6%9C%9F%E9%96%93%E5%AE%B6%E4%B8%AD%E7%B6%B2%E4%B8%8A%E5%AD%B8%E7%BF%92-%E8%AA%BF%E6%9F%A5-%E4%B9%9D%E6%88%90%E5%9F%BA%E5%B1%A4%E5%AD%B8%E7%AB%A5%E9%81%87%E5%9B%B0%E9%9B%A3%E9%9C%80%E5%80%9Fwi-fi%E6%89%8B%E6%8A%84%E5%8A%9F%E8%AA%B2 九成基層學童嘆上網學習難 小四生：網速慢無法做功課 https://www.inmediahk.net/node/1071531 中小學停課改網上教學 團體指逾 65% 受訪基層學生僅靠手機學習 https://www.thestandnews.com/society/%E4%B8%AD%E5%B0%8F%E5%AD%B8%E5%81%9C%E8%AA%B2%E6%94%B9%E7%B6%B2%E4%B8%8A%E6%95%99%E5%AD%B8-%E5%9C%98%E9%AB%94%E6%8C%87%E9%80%BE-65-%E5%8F%97%E8%A8%AA%E5%9F%BA%E5%B1%A4%E5%AD%B8%E7%94%9F%E5%83%85%E9%9D%A0%E6%89%8B%E6%A9%9F%E5%AD%B8%E7%BF%92/